انا بنت عندى 21 سنه مشكلتى انى بحس ان الناس اللى حوليا مش بتتقبلنى خالص او بحس انها بتشوفنى بنت مش مريحه مع انى بحس انى طيبه وفى ناس قالولى كده بس نظره الناس ليا من اول مره بشوفهم فيها بحس انهم مش بيرتاحوا ليا معرفش ليه انا بقعد كتير مع نفسى وافكر ايه السبب هلانا والله مش لحاجه بس انا بحس ان انا انسانه كويسه جدا طيبه وحنينه ومش بزعل والدى او والدتى خالص لانى اهم شىء عندى رضاهم وبشوف ايه العيب اللى فيا وبحاول اغيره بس مشكلتى الناس كتير بكون نفسى اسمع كلمه طيبه عنى من حد او حد يشوفنى ويقولى انتى اموره ومريحه انا مش حلوه اوى بس وشى رقيق جدا وهادى يعنى مقبول ليا اخت اكبر منى كل اللى يشوفها يقول جميلة اوى ومريحه وطيبه وانا مش كده معرفش ليه انا مش بيغير منها والله بس انا نفسى اعرف ايه السبب فى كده هل ربنا مش بيحبنى عشان كده الناس كده ولا انا فعلا ممكن اكون وحشه ومعرفش مش عارفه بجد كل ما انسى الموضوع يحصل موقف يفكرنى تانى انا نفسى ابقى محبوبه او مقبوله وعلى فكره انا بحب اساعد الناس اوى وبحب اخدمهم ومش بقدر اقول لحد لا نفسى اعرف السر فى كده نفسى اللى يشوفنى يشوفنى من جوا بيقولوا سماهم على وجوههم وانا مش وحشه والله وبحاول معملش حاجه تغضب ربنا خالص
يا ريت حد يقولى ايه السبب ويريحنى
بصي ياحبيبتي مش بالشكل اقسم بالله ابدا ولو بالشكل اهتمي بنفسك وده مش علشان الناس ده علشان ثقتك بنفسك اللي لازم تزيد اكتر من كده بكتير لانها منعدمه ومافيش حد وحش في ان لفه الطرحه مش لايقه علي وشك مثلا ماتديش للشئ اكبر من حجمه خصوصا كلام الناس واهتمامهم بيكي لانك هتتعبي نفسيا جدا كده خلي عندك ثقه بنفسك وبس وانك حلوه كده ومش لازم تعجبي كل الناس يكفي انك عاجبه نفسك لان مش كل الناس بتعجبك ولو مش حطيتي فدماغك الموضوع ده وشلتي همه اوووي هتلاقي نفسك بتعجبي الناس وثقتك بنفسك هتزيد وربنا يريح قلبك وبالك
بصي ي حبيبتي انا نفس مشكلتك والله وموش لاقيه حل خاالص مع اني طيبه وهاديه وبحب الكل وبحب اساعدهم واحب اتدخل مع الناس وهما ييجوا عندي وانا اروح عندهم بس نصيحه مني والنصيحه دي حطيها حلقه في ودنك ( مهما كنتي طيبه هتلاقي اللي يخترعلك اي حاجه وحشه موجوده فيكي مهما كانت صغيره وعلشان كده بقي خليكي زي ما انتي اللي يحبك ربنا يخيله واللي ميحبكيش طز فيه وسيبك منه اكيد هتلاقي اللي يحبك ويشوف فيكي حاجات موش عند غيرك او موش عنده هو اصلاً صدقيني ) اتمني اكون افدتك بكلامي ده ي قمر :* 🙂 (y)
اولا ازيك وكيف حالك اولا حاجه عرفتها ان الحلاوه حلاوة الروح وانا بصراحه كنت با احكم علي الناس من مظهرها بس مره بعد مره قررت ان ما دام ما عشرتش الانسان ده ما احكمشي عليه وعلي راي المثل تعرف فلان قاله ايوه قاله عشرته قاله لا قاله يبقي ما تعرفوش
اولا الحلوة حلوة الروح ثانية كل واحد وله رائي ولا اي انا عننفسي لما بشوف حد ومش عجبني مش بقول ولا بنظر نظرة وحشة وبعدين هي الناس ليها عندك حاجة انا كل اللي يشوفني بيقولي حلوة بس الله اعلم من جوه اي يعني ممكن في ناس شيفاك حلوة مش عارفة تجي تقوللك لان هما مايعرفوكيش صح وانا لو حد شافني وحشة مش بيهمني بس بحاول اخليه يشوفني حلوة مش بلبس ولا المكياج ولا الجسم انا بنت زيك و عارفة كل حاجة عن البنات لاني مشيت مع بنات طوب الارض اشكال والوان واللي بشوفها وحشة بتجنبها
لا يشعر بوحشة الظلام من ولد اعمى لانة لم يرى النور لكى يحس بوحشة الظلام
بصي أنا هاقولك كلمتين وبس علشان انا النهاردة عيان واراح اموت ومش حاسس بالدنيا والله أدعولي يا جماعة أخف ههههههه.
المهم عايز اقولك ان كلنا حسينا بنفس الشعور بتاعك دة وبالذات برضوا لما كنا في سنك ودة شعور عادي ناس كتيرة في السن دة بتحس بية وممكن مايكونش لية اي اساس من الصحة وصدقيني كل دة ان شاء الله راح يتغير وكمان عايز اقولك ان جمال الانسان مش في شكلة ومنظرة يا مام في ناس شكلها مش حلو بس بتكون محبوبة جداً من كل الناس واخر نصيحة مني ليكي حاولي تتقربي لربنا اكتر تقبلي تحياتي بكل الحب
بجد انتى كلامك مؤسر بس بجد مش بلحلو او الوحش الابيض الاسمر لا الحلووه هيه حلووه الرووح وانتى بجد انساانه محترمه ورووحك طيبه وبجد انا حاسس من كلامك انك انسسانه رقيقه بس اقترربى من ربناا وبجد داا زى ما قاال الاخ الفاضل انوو وسواسس صلى وبأزن الله ربنا يكرمك بلانساان اللى يعووضك بللى انتى حااسه بيه لانك من كلامك بتحبى الكلمه الحلووه حتى لوو مجامله وانتى بجد رووحك جميله جدااا وطيبه جدااااا وربنا معاكى بقا وبأزن الله هايوفقك وارفع بقا من معنوياتك واقوولك ياا جميله يا اموووره انتى كلك ذوووق ورقه وحسااسك طيب اوى …… برفع من معنويتك ههههههههه
اختى الغاليه عايزك متعبريش حد زياده عن اللزوم وخليكى قليلة الكلام وحاولى تصلى وتدومى على الصلاة دى اهم حاجه وهتلاقى فى وشك القبول لله اعطى لربنا حقه فى الدنيا وهو هيحبب فيكى خلقة كتير ومش عايزك تحسى بالاحاسيس الشيطانيه ومش عايزك تشوفى عيوبك شوفى مميزاتك اهم حاجه اقدر اقولهالك يا اختى خلى كلامك قليل وهتشوفى الفرق وصلى وربنا يجعل فى وشك القبول وبعدين انتى عسوله رغم انف اى حد وسبيها على الله وربنا يوفقك يارب وتتجوزى ان شاء الله واحد ابن حلال
فى مقوله انا شخصيا مقتنع بيها على طول الخط هى ان الانسان عندما يترك الشىء الذى له رغبه شديده فيه ولا يستطيع ان ينوله فان هذا الشىء الصعب المنال هو الذى سوف يجرى وراءك ليلاحقك ويستجديكى لكى تقبلى به وبالذات فى العلاقات الانسانيه .ولكن عليكى ان تقومى بالواجب ناحية الاخرين وعدم اهمالهم ولكن ميكونش العشم فيهم زائد عن اللزوم واعلمى ان رضا العبد من رضا الرب فتقربى اكثر واكثر من الله عز وجل ومفيش حاجه ان ربنا مش بيحيك ربنا هو اللى خلقنا وبيحبنا والا مكنش امهلنا فى اننا والعياذ بالله ممكن نعصيه لكن بعظمته ومغفرته يغفر لينا لما نرجعله ..وعلى فكره فى مقوله بتقول ( لولا اختلاف الاذواق لبارت السلع ) بمعنى ان كل انسان فى دنيتنا له قرينه اللى يشوف فيه شىء يجذبه وانتى اكيد فيكى اشياء كتير جذابه لان ربنا مخلقش الناس الاو كل واحد فيه ميزه تختلف عن التانى ..دورى عن نفسك كويس
الاخت الحبيبه احب اضفلك شئ
فى مثل بيقول مش تعرف الانسان غير لما تعشرو
وانتى شكلك حلو او وحش ده بتاعت ربنا
واتمنا الى الاخت التوفيق
مين قال انك مش مريحه بالعكس انتي مريحه جدا في كلامك انا حاسس بكده من كلامك.. انتي بنت كويسه جدا وطيبه ومحترمه وكمان قلبك ابيض ماعندكيش الحسد والحقد والغيره .دايما اللي هيحكم عليكي من النظره الاولي هيكون الحكم غير صحيح لانه غير مدروس.. شوفي ردود افعال اصحابك المقربين وجيرانك وقرايبك اللي بتتعاملي معاهم كتير هتلاقيهم بيحبوكي جدا لانهم اتعاملو معاكي وعرفو قد ايه انتي طيبه ومحترمه .. اللي عندك ده وساوس شيطانيه ليس الا .استعيذي بالله من الشيطان و حسني علاقتك بالله اكتر و هتعيشي اسعد حياه باذن الله..تحياتي لكي
سلام عليكم اختى العزيزة انتى انسانة كويسة وبعدين الجمال مش جمال المظهر بس جمال الروح وربنا يهديكى ويرزقك بابن الحلال ايلى ينسيكى يا امورة يا عسولة يا حلوة