السلام عيلكم … انا بنت عندى 16 سنه عندى اخوات من بابا بس و فى مشاكل كتيره بينا هما مش بيحبو ماما خالص ومع ان والله ماما بتحبهم جدا وبتحترمهم ولو هما فى مشكله ولا حاجه هى بتقف معاهم وهما دايما بينسو جميلها انا اتخنقت بجد انا عندى اكتئاب كان نفسى يبقى عندى اخوات يحبونى واحبهم ..انا بابا متوفى من سنه ونص تقريب فانا وماما عايشين لوحدنا بجد حاسه ان البيت بقى وحش اوى لما بدخله بيجيلى اكتئاب بفتكر ايام زمان لما باابا كان معانا ونقعد نضحك ونهزر فين الايام دى ساعات بقول ليه بابا يموت اشمعنا هو دا انا اكتر واحده محتاجه باباها لانى على طول فى مشاكل مع اخواتى ومحتاجه حد يحمينى وكمان مش بقيت اذاكر خالص انا على طول كنت بطلع من الاوائل بس للاسف دلوقتى لا مش ليا نفس للمذاكره انا اسفه انى طولت عليكم من فضلكم ساعدونى
ربنا يرحم ابوكي ويسكنه فسيح جناته ويخليلك الماما ويحفظها عاوزك تهتم فيها وتعمل على كل مايسعدها ويرضيها طوال حياتك برضو كمان دول اخواتك من ابوكي اسالي عنهم وتقرب منهم زتواصل معاهم مهما حصل منهم من قطيعة او كراهية لكم وارجعي واهتمي بمذاكرتك لدروسك عشان تكوني من الاوائل وتفرحي نفسك والماما وربنا يسترعليكم ويوفقكم ويصلح لكم احوالكم جميعا
ها تعملي ايه في اخواتك استحملي وواسي مامتك وخلاص هما مش ها يتغيروا في يوم وليلة فما تتأمليش عشان كل اللي ها يحصل ها يخالف توقعاتك وتتصدمي بعد كده او تكتأبي