هموم البنات

ابويا عالة على امي ومصدر نكد وهم لينا

مشكلتى كلها فى امى وابويا انا من 3 سنين كنت عايشه انا واهلى فى السعوديه وامى هيا الى كانت بتشتغل وابويا كان قاعد فى البيت قعدنا هنا 5 سنين ع الحال دا وبعدها قررنا ننزل مصر عشان اختى داخله ثانويه عامه وكده احنا لينا بيت فى مصر دا بالنص بين امى وابويا مع ان امى هيا الى دافعه الفلوس كلها وكنا شارين حجات كتير من السعوديه اول مانزلنا من السعوديه ابويا سرق الحاجات ديه كلها وعانها وقال انها بتاعتوا عشان هو الى شالهم فى المطار وبقشش علينا بكام حاجه كده المهم عديناها الشقه بتاعتنا كانت فى مكان بعيد عن الدروس وكده فا مين المفروض يودينا ويجبينا الى هو اسمه ابويا دا بقى كنت لما اطلب منو يوصلنى يدعى عليا انو ربنا ياخدنى انا وامى ع العلم ان العربيه ديه برضو امى الى اشترهتالوا وبعديها مكانش بيصرف ولا مليم علينا وكان بيعد يامر وبس امى قررت ترجع شغلها الى في مصر هو لما عرف نزل فيها ضرب خلاها يجيلها انهيار عصبى قعدت تصوت ولمت علينا الشارع كله كانت عايزه تكلم حد من اخواتها الى هما خالاتى يجوا يساعدوها سرق موبايلها ومشى الموبايل دا كان نوت 2 كانت شرياه قبل ماتنزل وهو عمل مشكله عليه برضوا بعد الى حصل دا لمينا حاجتنا وروحنا عند تيتا هو قعد يشتمنا عشان نرجع وحصل مشاكل كتير وامى كانت رافضه ترجع الا لما يعملوا قاعدت رجاله وكل واحد يعرف حقو وطبعا هو عمل نفسوا موافق وكل لما يعملوها يبوظها عشان كان عايز الى فى دماغوا هو الى يحصل امى راحت اجرت شقه فى حته قريبا من دروسنا واتفقنا ان محدش هيقولوا ع مكانها وكملنا حياتنا عادى مع العلم هو كان كل يوم يروح يفضحها فى مكان شغلها ويقعد يقولنا انو هيروح المدرسه بتاعتنا ويسحب الورق كنا بنصبر بعد فتره اعد يمثل انو هو ندمان وكده امى قالتلوا ع مكان البيت وجه كانت ف الاول رافضه انو يبات معانا الا لما يجيب هو شقه اكبر مع العلم هيا كان عندها استعداد تساعدوا قعد يماطل وشويه شويه بدا يبات معانا بعدها ماما اتقلبت علينا احنا 360 درجه بقت اه احنا كنا متضايقين عشان استسلمت بسهوله والى كان واضح انو هو رجعلنا عشان شكلو بين اصحابو ولما رجع بيقا بيعملنا معامله اسوء وبيخندنا بذمبها وكان مطلع ع ماما كلام ان هيا خدتنا وهربت دلوقتى هو لا بيصرف ولا جاب شقه ولا حتى من ابسط الحجات الى المفروض يعملها الى هيا من حقنا انو يحسسنا بالابوه مش بيدهلنا انا بقيت بكرهوا ودا طبعا مش من الى هو بيعملوا لا عشان كمان لما كان متخانق مع امى كانت بتجمعنا وتعقد تقول كلام يكره اكتر واكتر انا بقيت احس انو هو جوز امى مش ابويا لدرجه انى معنتش بعرف اناديه ببابا وبقينا عايشين فى قرف وذل انا نفسى ربنا ياخدوا ويريحنا وسعات كتير بدعى مع انو عارفه ان دا غلط وحرام بس خلاص انا وصلت لدرجه انى اغير من صحابى عشان ليهم اب بيحبهم ويسعدهم *مع العلم انو الحجان الى عملها فينا ديه واحد من الف حاجه بس مينفعش تتقال*