هل الطيبة فى الزمن دة عيب

انا بنت من نوع البنات الطيبة اوى و اللى على نياتها اوى اولا انا عندى 22 سنة و صحابى 3 او 4 و مش بعرف اكون من نوع الناس اللى ليها معارف كتير و حتى لما بنزل ببقى اخرى انزل جنب البيت يعنى من الاخر مشفتش الدنيا زى البنات اللى لفت و عرفت و راحت و جت هتقولولى ما كويس ان انتى كدة هقولوكوا للاسف لا فى الزمن دة ! انا مبقتش عارفة اتعامل مع الناس مبقتش عارفة اعرف افرق بين الكويس و بين الوحش خارجة للدنيا و فاكرة ان كل الناس تربيتها زيى ! للاسف دة بيخلينى اتخدع فى ناس كتير اوى و ناس بتستغل طيبتى دة غلط .ساعات بفكر و اقول هو العيب منى ولا من اهلى اللى مخلنوش من صغرى اشوف الدنيا و اعتمد على نفسى بمنطق انهم فاكرين ان زمنهم زى زمنا و ان كل الناس متربين ز ى تربيتى !
انا بجد كرهت حياتى و الناس من اللى بشوفوة عمرى ما كنت اتوقع ان الناس توصل للمرحلة دة من الاخلاق الزبالة ! مش عارفة خلاص اتعامل مع حد . يعنى هو انا لازم اكون لفة و دايرة زيهم عشان اعرف اعيش ؟؟؟ حتى لما اعرف واحد معجب بيا بلقية بعد فترة هرب منى و مبقاش عايزانى صحابى بيقولولى انى هبلة و عبيطة مش بعرف اوقع حد للجواز زى البنات التانية يعنى المفروض كل ما اعرف واحد افضل اخطط عشان اوقعة ؟؟ وبعدين هوقعة ازاى اصلا ؟؟
انا عايزة افهم حاجة هو انا كدة غلط ؟ هو المفروض اغير مبادئى اللى اتربيت عليها عشان اعرف اعيش ؟ المشكلة دلوقتى انى بحس ان كل البنات اللى بيعملوا كل حاجة فى اى وقت هما اللى ليهم حظ فى كل حاجة ! فى شغل فى جواز فى حياة حلوة عشان بيعرفوا بجيبوا كل حاجة بطريقتهم

مشاكل وحلول ذات صلة

• صديقتي المفضلة تحدث شاب
• صديق اخوي بهددني وابصر شو رح يوصل
• اهلي يرفضون يسامحوني على اخطاء الماضي
• أنا وحشة مش مجرد اني شايفة نفسي كدا
• اختي بتشرب سجاير
• شخص بيهددني يأذيني يا يأذي أهلي عشان أفضل معاه
• جدتي تميز اخوتي عني