علاقة مع شاب سببتلي وسواس قهري

السلام عليكم جميعا انا طالبة فى 3ثانوى انا هدخل فى الموضوع على طول لما كنت فى 3اعدادى انا حبيت واحد على اساس انه مؤدب وكده دخلت 1ثانوى كل شويه يطلب يقابلنى وانا برفض برفض لكن للاسف حصل وقابلته وعمل حاجة غلط معايا مش قادرة اقول هو ما اتجوزنيش عرفى ولا الكلام ده بس انا تعبت اوى وكل يوم قبل ما انام لازم اموت نفسى عياط لحد ماجالى وسواس قهرى ومبقتش اتعامل مع حد وجسمى خس ووشى بقى اصفر جدا وكان باين عليا التعب لما دخلت 2ثانوى ودايما كنت بنزف من مناخيرى والنزيف بيقف بالحقن بس انا عارفة انى غلطانة وتافهة بجد نفسى حد يفهمنى ويقف جنبى بس انا بلجأ لربنا بس وبطلب منه انه يسامحنى لانى بتعذب ومحدش هيحس بيا ابدا ابدا 2ثانوى كلها ضاعت منى وجبت مجموع وحش كنت دايما من الاوائل الحمدلله على كل شىء انا مش عارفة اعمل ايه فى اللى جاى ساعدونى جزاكم الله كل خير

مشاكل وحلول ذات صلة

• استادي الجامعي ينظر الي كثيرا
• بحب بنت أكبر مني بس ببتهرب من حبي
• انا انعزالي غريب الاطوار تسيطر علي افكار سوداويه
• بحبه وبيحبني لكن ام وابوه رافضين العلاقة
• حبيته لكن سيبته من عدم التقدير وسوء المعاملة
• بسبب شكي و غيرتي افترقنا ورجعنا بعد خيانتي لها
• بحب اخو خطيبى