المحنة الكبرى بحس اني شيطان

بسم الله الرحمن الرحيم
السلام عليكم ورحمة الله و بركاته
عاندي مشاكل كدة ياريت تساعجوني و تذكروا من فرج عن اخيه كربة من كرب الدنيا فرج الله عليه كربة من كرب يوم القيامة
صلوا على حضرة النبي
والله ان قلبي يتمزق حكايتي اني انا بنت الناس عرفاني بأني ممتازة وبنت ناس اوي وشيك وجميلة وشطرة جدا ومؤدبة وو
كانوا بيقولو حاجة ايه مش ممكن
الحمد لله الذي لا يحمد على مكروه سواه الجمال ينقلب و يزداد ذلك مع مرور الوقت شعري االجميل الطويل قصيته معدش طول و خف خالص و رجع من الامام للخلف اما عن سلوكي فلم اعد اجتماعية ولا حتى بقيت بعرف اكلم الناس ولا بعرف اتصرف و كارهة البيت و الدراسة واهلي ونفسي قوي مش انا لوحدي اللي اتغيرت كل الاسرة الحقيقة احوالها في انحسار
الاهم بقا الدراسة كنت حصلت في ثانية ثانوي علي مجموع ٩٦
نيجي بقا في السنة اللي بعدها اللي هي السنة اللي فاتت دي مدخلتش امتحانات اخر السنة اه والله الحمد لله السنة اللي فاتت كان المرض بلغ اقصاه لدرجة اني كنت مغيبة تماما ساعات كنت الاقي نفسي رايحة عالمطبخ عالسكينة عشان اقطع شراييني لأ مش يأس ولا اي حاجة ده هو انا كأني ماشية وانا نايمة بس كنت صاحيه او في حالة احسن شوية بيبقا في ايدي حبوب كتييير مش قادرة امسك نفسي نفسي ابلعها بس بحاول اقاوم نسيت اقول ان مرة كنت متغطية ونايمة الغطا حد شده جامد من تحت ووقع لقيت مفيش حد كمان كنت خايفة انام لوحدي وكان بالنهار لقيت زي خيال او دخان مش عارفة اوصف بس غيمة سوداء راحت داخلة راحت داخلة فيا آآآآه يا الله
عايزة اقول حاجة كمان انا خالي مش بيحبنا هو اكبر من ماما بكثيير بس ماما عايشة من وهي صغيرة في القاهره مع خالها وهو في الريف هو للأسف ربنا يهديه زوجته بتروح لسحرة وهو كذلك من بعد زواجه بها و بتعمل اعمال لامي و الاسرة و اخوالي و اولادهم الحمد لله وبما ان الاسرة لا تعتقد في تأثير هذه الاشياء فعادي يعني هم عارفين اللي بيعملوه فينا بس مش مقتنعين بتأثير هذه الاشياء لانهم اتربوا على كدة
المشكلة اني انا حالي واقف واكيد هم كمان نفسي اذاكر و انجح نفسي قوووي نفسي اصلي بانتظام زي الاول نفسي نرجع زي الاول انا لسة مذاكرتش من السنة اللي فاتت والسنة دي اخر سنة ليا يعني يا اخذها او اني ميبقاش ليا شهادة الثانوية يعني يبقى تعليمي هو الشهادة الاعدادية فقط انا كنت بحب المذاكرة قد عينيا كانت هي كل حياتي كان نفسي ابقى حد يخفف اوجاع الناس واني اكرس حياتي لعلاج اوجاع النااس كان هو ده أملي ومازاال نفسي اصل انا حياتي ملهاش معنى من غير ما اساعد الناس
الحمد لله اني انا فوقت الحبة دول عشان اقدر اكتب مشكلتي الحمد لله انا خايفة قوووي بخاف من نفسي بتحول بحس اني الشيطان لكم ان تتصوروا حالي و انا أكتب و الحزن و الدمووع هذا اختصار لما يخدث لي حيث انني كان يأتي علي اوقات اكون فيها مشلولة و لا يستطيع لساني التحرك للصراخ حتى و اوقات كنت اشعر ان هنال من يخنقني فاقول آية الكرسي حتى انجو ؛…نفسي حتى ادعي مش عارفة
أدعولي يا حبايبي وأفتكروا أن الملك يجيب عليك و يقول لك بمثل لا تنسوني و اخواي و والدي من الدعاء عسى ان ينجينا الله و يستجيب فدعوة الأخ لاخيه بظهر الغيب مستجابة
ششكرااا جزيلا
أحبكم في الله

مشاكل وحلول ذات صلة

• مش عارفة استمتع بالدنيا
• مش عارفة اكون سعيدة فى حياتى
• مش عايزين يرجعولى اختى
• بحب بنت وعايز اعرفها بشعوري
• سمنتي المفاجئه
• بحاول اتغير ومش عارفه ابدأ منين
• تفتكروا دى غيرة