انا بنت عمري 22 عام الحمد الله جميلة الشكل والخلق وذات مؤهل عالي لكن مشكلتي الكبري اني خجولة بدرجة كبيرة وده مسببلي تعب في حياتي مش قادرة أتعامل مع الناس ولاأكون أجتماعيه لدرجة لو حتمت الظروف ورجل كلمني وجهي بيقلب ألوان وحط وجهي في الارض ومش عارفه أقول أيه بكسف من أقرب الناس ليه أبويه وعمامي وولاد عمامي وغيرهم والحمد الله جمالي ال ربنا وهبهولي هوة ال مزود خجلي وفق كده انا ماشيه علي مبادئ ومش ممكن أغيرها ومشي علي مبدأخير الكلام ماقل ودل وبخاف ربنا في كل كلمه بقولها ولكن الزمن ال عيشينه غير كده كل الناس بتكذب وبيحلفوا كذب ومش بيخافوا ربنا وكل ال يعرفني يقول لي أنتي بالطريقه ال أنتي فيها مش هتعرفي تعيشي يعني لازم أكذب وأقول غيبه ونميمه وتحاور مع الرجاله من غير حدود علشان أكون أجتماعيه وأعجب الناس وكنت مخطوبه وأنا في الجامعة وسبت خطيبي علشان حسيت انه مش من شخصيتي ومش كويس وأنا حاليا خلصت جامعه حسيت بملل فظع من أعدة البيت قلت أشغل وقتي بالشغل فقولت أشتغل في تخصصي وهوه المحاماه ولكن المهنه دي متنافيه مع شخصيتي ومبادئي ونفيت الفكرة دي من تفكري بعد فترة حسيت بملل أكتر ففكرت أني أتدرب في المهنه وبعدين أشتغل بس وضعت لنفسي خطه أغير بيها نفسي وأخرج من أنطوائيتي ومغضبشي ربنا وفعلا مارست المهنه عدة أسابيع حسيت اني لازم أكون شخصيه غير شخصيتي اي أكون أنبساطيه وجريئه وده مش موجود فيه ومش عارفه أنفذ الخطه ال أنا عملاها ال تخرجني من أنطوائيتي انا تعبت ومش عارفه أعمل ايه هل انا غلط والناس صح؟ حاسه اني مريضه نفسيا بالاكتئاب من الدنياكلها حتي أقرب الناس ليه ال همه قدوي ليه عاوزني اكون ذي الناس وأسفه علي الاطاله
لا تغيري شخصيتك بالعكس هذا شي يميزك….ابحثي عن وظيفة تكوني مرتاحه فيبه و تلائمك