اخوانى الاعزاء السلام عليكم ورحمة الله وبركاته انا بنت عندى 15سنة فى واحدة صحبتى حكتلى انه فى بنت من البلد بتاعتهم ماتت بسبب شاب حسبى الله ونعم الوكيل فيه انا هطول عليكم بس معلش قالت انها كان معاها موبايل زى اى بنت لكن هى بصراحة كانت محترمة جدا ومش بتكلم اى شاب فى شاب كان بيطاردها لكن هى متعرفهوش اتصل بيها على التليفون وقالها عايز اشوفك لكن هى رفضت وادت التليفون لوالدها وطبعا الخبيث ده فضل يطاردها وقالها لو منفذتيش اللى هقولك عليه هودى ابوكى السجن وطلبها الملعون وطبعا البنت الغلبانة راحت المكان اللى قالها عليه وكان هناك مستنيها شباب كتير افترسوها حسبى الله ونعم الوكيل مرة تانية وطبعا البنت حملت وابوها جاله شلل نصفى وامها اغمى عليها والبنت راحت عشان تنزل العيل طبعا ماتت الله يرحمها ولكن المشكلة دلوقتى انى فقدت الثقة فى جميع الناس وخاصة الشباب بالرغم من انه فى شباب كويس وكان معايا موبايل كسرت الخط والموبايل من كتر من خايفة والحمد لله انا بنت محافظة جدا ومحترمة وقريبة من ربنا خايفة يحصلى زى البنت دى قولولى اعمل ايه!
لاحول ولاقوة الابالله ربنا يغفر لها ويرحمها ويصبر اهلها وحسبي الله ونعم الوكيل في اللي عملوا فيها كدا وينتقم منهم لازم تتعظ وتاخذي العبرة والعظة من هذا اللي حصل للبنت المسكينة دي عشان مايحصل لك مثل اللي حصل لها والحياة دي مدرسة الواحد يتعلم منها ويستفيد من تجارب الاخرين وربنا يصلح حالك ويهديك ويسترعليك انت وكل بنات المسلمين جميعا