كدبة ممكن تخسرني صاحبتي وصعب اقول الحقيقة

بجد والله خلاص انا مش قادره خلاص انا تعبانه قوى انا عندى 17 سنه فى تانيه ثانوى فنى عندى فى المدرسه كتير من زملاتى مخطوبين انا هخش فى الموضوع على طول انا فى يوم قابلت شاب لقيته بيبصلى بصات غريبه مع العلم انى اعرف الشخص ده لكن عمرى وا اخد بالى منه غير المره دى المهم انا اعجبت بيه وبقيت على طول بفكر فيه ومره ورا التانيه كل ما شوفه بيزيد الاعجاب لحد ما اتحول لحب حبيته قوى حتى من غير ما اعرف هو بيحبنى ولا لا بس نظراته بتقول كتير المهم كنت فى يوم قاعده مع زملتى بالمدرسه وحكيت لها عليه وانى حبيته قوى فضلت تقولى لا انتى لازم ما تعلقيش نفسك بيه انتى مش عارفه هو بيحبك ولا لا مع العلم انى عمرى ما كلمته ولا هكلمه لان عاداتنا تمنعنى المهم صحبتى فضلت تقولى هو مش بيحبك اوعى تعلقى نفسك بيه ابعدى عنه وده عمره ما هيتقدملك لانه ما يعرفكيش اصلا وكان كلامها ده بيضايقنى كتير المهم بعد يومين لقيتها جايه تعيد الكلام ده تانى رحت قايله ليها انه اتقدم ليا وده اصلا ما حصلش بس هى فرحت قوى وقالتلى لازم توافقى ما انتى طبعا هتوافقى دا انتى كنتى هتموتى عليه وبععدين بعد يومين سالتنى وقلت لها انى وافقت فقالت بسرعه لاصحابى واستمرينا 6 او 7 شهور فاكره انى مخطوبه وانا قلتلها انه سافر السعوديه وهيرجع بعد سنه وزبعدين نلبس الدبل لان هى على طول بتسالنى هتلبسى الدبل امتى فقلت لها كده وهو اصلا ما سافرش ولا حاجه ولا اتقدم اصلا وفى مره حاولت اقول لها من اسبوع تقريبا بس ما قدرتش وفضلت اعيط وانهرت وهى فضلت تقولى فيه ايه رحت قايله ليها انى زعلانع انا وهو وهى صدقتنى وانا دلوقتلى مش عارفه اعمل ايه مش عايزه استمر فى الكدبه دى ومش عايزه اقول لها الحقيقه لانى هاخسرها للابد لو عرفت انى كدبت عليها المده دى كلها والموضوع ده دلوقتى مضايقنى قوى على طول بفكر فيه ومش عارفه اعمل ايه والنبى يابنات ساعدونى والنبى

مشاكل وحلول ذات صلة

• خطيبي جعلنى مصابه بالاكتئاب
• ام واب اتطلقو الضحية احنا
• بيحبنى لكن هيضيع مستقبلى
• متردد اخطب اي بنت فيهم
• ازاي اسيب خطيبي من غير ما اجرحه
• اعلم انى شاذه بما لا يخالف شرع الله
• انفصلنا وفسخنا الخطوبة لكن ندمان