انا بنت عندى 19 سنة انا مش بكتب عشان تنصحونى ولا تقولولى حل مش عشان انا مش بتقبل النصيحة بس انا عارفة انى مشكلتى ملهاش حل بس انا نفسى اتكام مع حد وكمان نفسى حد يدعيلى ربنا هو اللى قادر يخلصنى من كل دة انا من يوم مافتحت عنيا على الدنيا وانا بتعذب من بابا شخصيتو وحشة فى كل حاجة لمدة 19 سنة اللى انا عشتها مفيش حاجة كويسة افتكرهالو . عارفين لما الواحد يكون عايش مع حد بيزعق 24 ساعة وعلاقتنا مع قرايبى وحشة جدا بسببه وبرضو مع صحابى انا مقدرش ادخل حد من صحابى عندى مش عشان هو هيرفض بس مش عاوزاهم يسمعو شتيمته والكلام اللى بيقولو ولو واحدة من صحابى جات زارتنى فجاة ببقا مرعوبة يمكن حد يقولى انى مشكلتى ممكن تتحل لو اتجوزت بس مش حاسة انه ينفع اتجوز انا عندى تشويه مفيش ولد يقبل مراته تكون كده . بس دلوقتى مش مشكلتى كل دة انا نفسيتى تعبانة جامد طول الوقت اللى بقعدة فى البيت بعيط الحزن بقا هو حياتى و الارق هيموتنى وكمان حسة ان علاقتى مع ربنا بقت مش زى الاول حسة انى بعيدة عنه مع انى كنت قريبة منه اوى انا بحب واحد عارفة ان حرام انى اكلمه بس انا بكلمه غصب عنى هو الوحيد اللى بيصبرنى على الدنيا دى حاولت ابعد عنه عشان علاقتى مع ربنا ترجع زى زمان لانى حسة انى بعيدة عن ربنا عشان هو زعلان منى عشان بكلم واحد فى التليفون وبقول كلام رومنسى وكده لواحد غريب عنى بس واللهى غصب عنى نفسى احس من جوايا ان ربنا ممكن يسامحنى وحبيبى دة انا عارفة انه هش هيرضى يتجوزنى بسبب المشكله اللى عندى بس حتى لو هو وافق انا هسيبه مقدرش اتحمل حد من اهله يعايرنى او هو يستعر من قدام صحابه او اهله انا املى فى ربنا كبير انه يساعدنى ان حالتى النفسية ترجع زى الاول ادعولى يا جماعة
حبيبتي لازم تعرفي حاجه اولا انتي مش هتقدري تغيري ابوكي دي حاله مستحيله فالحل انك تتقبلي الوضع زي ما هوه وتستحملي وصدقيني ربنا سامع وشايف وحاس فيكي ثانيا لو كنتي حاسه انك مش مستفيده حاجه من الحياه دي على الاقل استفيدي رضا ربنا والجنه
لو فضلتي تكلمي الشاب ده انتي هتاخدي سيئات اكتر وصدقيني مش هتستفيدي حاجه
ومشكلتك دي اكيد مسببالك اكتئاب نفسي عشان كده انا بقلك تصلي وتزكري ربنا كتير وتدعيه يخفف عنك ومش هقدر افيدك اكتر من كده . . وربنا يهونها عليكي . .
يابنتي ده ابوك وماحدش يقدر يغير ابوه او اهله والا كان الامر بغاية البساطة ادعي ربنا بان يصلحه ويهديه ويحنن قلبه عليكم ويصلح لكم الاحوال وحاولي تقرب منه وعامليه بكل الادب والاحترام واعرفي منه ليه بيعمل كده ولاتزعل منه او تتضايق اصبري وتحملي وحاول تجنب الكلام معه ان كان بحالة عصبية اما مسالة التشوه اللي فيك لم تخبرينا ماهو هل هو خلقي او سبب حادثة حصلت لك او ماذا والانسان منا بدينه واخلاقه وعمله وليس بشكله وصورته ربنا بيكرمك بابن الحلال الصالح اللي يستاهلك ويقدرمشاعرك ويصونها ويسعدك في الحياة لو كان هذا الشاب اللي تعرفيه يحبك فعلا وصادق في نواياه في الارتباط بك فليتقدم لاهلك ويخطبك منهم حسب الدين والاصول ومش عاوزك تتكلم معه من غير رابط رسمي ده حرام ولايجوز وحافظي على دينكي واخلاقكي وعلى شرفكي وسمعتكي وسمعة اهلكي وربنا يؤفقك ويسترعليك ويسعدك في هذة الحياة