هموم البنات

كنت مفكرة اصحابي ملايكة طلعوا شمال

السلام عليكم ورحمة الله وبركاته
انا عندى 16 سنة وفي تانيه ث عام
اتصاحبت على بنات في قمة الادب والاخلاق هو ده الى انا كنت فكراه كانوا 3 بنات
الاولى طلعت مصاحبة ولاد كتير وربنا يصلح حالها وصحابي الاتنين التانين سابوها لان سمعتها وحشة
التانيه كذابة جدا وقمة في قلة الادب ومش باين عليها حاجة والى يشوفها يقول طيبة مش خبيثة
التالتة دى بئه ليا النصيبة الكبري
1-كنت بصلي لقيتها بتهزر كتير ومبتصليش مبقتش بصلي
5-انا كان مستوايا الدراسي يدخلنى علمى اقنعتنى ادخل ادبي ونزلت مستوايا معاها
2-بتهزر مع المدرسين والمدرسات بتوعنا هزار غبي وقلة ادب وللاسف هما بيحترموها فقولت اعمل زيها
3-خلتنى احب وانا مكنتش اعرف اساسا يعنى ايه حب وخلتنى اختار شخص غلط في وقت غلط وعلمتنى حاجات تانيه كتير مينفعش تتقال
4-انا كان عندى حسن نية معاها فكنت بخليها تتكلم معايا وتمشي ومعايا وتتصاحب عليا وعادى واعتبرتها اكنر من اختى
لحد ما في يوم الشخص الى كانت بتحبه خطب قرر انها تأذيه كتير اوى بس معرفتش وكنت ببان قدامها انى فعلا الصديقة المخلصة الى واقفة معاها بس بحاول بشتى الطرق ابعدها عنه وعن اذيتها ليه
وفي مرة قريبي اكتشف بالصدفة انها بتدخل على مواقع اباحية ولما واجهتها قالتلى عادى من باب العلم بالشيء
انا ناس كتير اوى نصحونى انى ابعد عنها بس للاسف انا معرفتش ابعد وبقرب اكتر ومش عارفة اسيبها ازاى وولما ما بكلمهاش بتكلمى ولما ما بروحلهاش بتجيلى البيت و تنسي حاجات مهمة فتخلينى احود عليها اديها الحجات دى وكل اما اقولها مش هنبقي صحاب ترد عليا وتقولى الى تهون عليه العشرة يبقي ابن حرام
انا عايزة طريقة شيك اسيبها بيها وفي نفس الوقت ارجع ثقة الناس فيا وصورتى الى اتهزت قدامهم مع العلم انى رجعت اصلى
امانة عليكم تساعدونى وماتبخلوا عليا انا محتاجة رأيكم بجد