السلام عليك انا فتاه عندى 17 سنه بقا عندى مشاكل كتير اوووى من كل اللى حواليا او ممكن اكون انا بحس بكدا مش عندى صحاب خالص وتقريبا الكل بيكرهنى حتى اهلى بيعملونى بطريقه غريبه وبحس انى مش منهم ديما بعيده عنهم ومش بعقد معاهم خالص بعرف تقريبا كل حاجه عنهم بس هما مش بيهتموا بيا ولا بمشاكلى انا تقريبا معايا اسرار البيت كلها بس فى نفس الوقت بكون عايزه احكى لحد بس مفيش حد بيسمعنى لو اتكلمت معاهم بيكون ساعه مثلا ف اليوم وطول اليوم بعيده عنهم كنت ديما بكون متفوقه بس دلوقتى كرهت كل حاجه حتى المذاكره كنت بهرب بيها من اى حاجه مش بقا ليه قدره استيعاب وبقيت ازهق بسرعه من 8 سين انا متعوده ادخل شات امريكى وعليه اتعرفت ع بنات مصريه وقالولى ع شات ف مصريين وكدا انا خوفت من الموضوع بس قولت اجرب وعليه اتعرفت ع شات وكان دا من حوالى سنتين فضلنا نحكى مع بعض وكنت كدبت عليه ف الاول ف اسمى وبلدى مجرد خوف انه يكون واحد مش كويس بس بمرور الوقت بقيت معجبه بيه وهوا حبنى وانا كمان حبيته مش عارفه بردو عشان هوا جيه ف وقت انا محتاجه لحد فيه او لا بس احنا فضلنا مع بعض وقولتله انى بحبه وهوا كمان وبنحكى فون بس انا مش بحب احكى فون معاه لانى مش متعوده ع دا وهوا اول شاب اكلمه ف حياتى واحبه اووى بجد فعلا حبيته وبقيت احس انه ليا بس بردو اللى كنت خايفه منه بيحصل بحس كتير انه بيبعد عنى ومش بقا معايا زى الاول بقيت حياتى كلها حزن والم بحس ان قلبى بيوجعنى كتير لان مفيش حد جمبى حتى الانسان اللى حبيته متغير معايا اوى بحس انه مش ليا حد طبعا بعد ربنا بس انا فعلا تعبانه ومش عارفه اعمل ايه وانا دلوقتى ف 3 ثانوى واول مره مش اقدر ازاكر وخايفه السنه تضيع منى وخايفه الانسان اللى حبيته هوا كمان يبعد عنى مش عارفه بجد اعمل ايه يا ريت تساعدونى
يابنتي لو كل وحدة عندها مشاكل مع اهلها وتعاني من عدم اهتمامهم بها تفكر بالهروب من الحالة وتقع في الخطا الكبير وهو اللجو للانترنت والتعارف على الشباب والتكلم معاهم لا ليس ده هو الحل الصحيح ابدا انت غلطانة جدا لما سمعت كلام البنات الساقطات دول وخلوك تدخل الشات وتتكلم مع شباب سوا كانوا مصريين او من جنسيات اخرى هل دي من اخلاق الفتاة المسلمة اللي تخاف الله عزوجل وتحافظ على دينها واخلاقها وتربية اهلها لها وثقتهم فيها لا والف لا انما هي من عمل الشيطان ليوقعك في المحرمات والمعاصي توبي لربك واستغفريه واقطع علاقتك بالنت نهايا واهتم بدراستك والتركيزفيها وتحقيق طموحك في الحياة واشغل اوقاتك بطاعة الله عزوجل من المحافظة على الصلاة في وقتها وقراءتك للقران والصوم وكثرة الاستغفار والالتزام بتعاليم الدين والتقرب من اهلك ومشاركتهم امور الحياة وعدم الابتعاد عنهم او اللجوء للوحدة والانعزال عنهم وتعرفي على صديقات لك محترمات وابتعدي عن رفيقات السوء نهايا والله يسترعليك ويصلح حالك ويؤفقك في دراستك ويكرمك بكل الخير انت وكل بنات المسلمين جميعا