امي بتذلنا وعلاقتها بين وحشة بعد وفاة والدي

السلام عليكم ورحمة الله وبركاتة
انا عندي 14 سنة والدي متوفي وانا عندي 12 سنة وعندي اخ في سنة خامسة وعلاقتي وحشة اوي مع ماما على طول في خناق وعمرنا مابنتفق ابد في اي حاجة لدرجة ان ماما بقت بتذلنا انها هتسبني انا واخويا لاعمامنا وعلى طول بتضربني وبتشتمني ببابا واي خناقة بتتصل بعمي علشان يحل المشكلة وفي مرة عمي وعمتي خدونا عند شيخ ال ايه احنا معمولنا سحر وبعدين الشيخ قال ان في سحر معمول لماما وان انا ملبوسة ولازم نتعالج وكلام من دة وبعدين الشيخ دة سالني انا بلغت ولا لا واساسا انا ساعتها كانت جاتلي الدورة من سنة بس قطعت وماما كانت عارفة وقالت كدة للشيخ فالشيخ قال ان انا لازم اتعالج واروح للدكتورة تظبطلي الهرمونات اللي مش تعرفة ماما والشيخ ان الدورة الشهرية جات وقطعت لمدة تلت شهوربس ولما كان بيجي دم بسيط وكنت بقول لماما كانت مش بتهتم ولا بتديني فوط او اي حاجة فبقيت بتحرج من اني اقولها لحد لما اتظبطت الدورة معتش بقولها حاجة وبقيت بشتري الفوط بنفسي طبعا دي حاجة كانت بتسببلي حالة نفسية وحشة ومحدش خالص عارف الموضوع دة حتي مفيش حد من صحباتي بقدر احكيلها على حاجة وكل لما اجي اقول لماما عاوزاكي في موضوع تقولي عاوزة انام او تطردني برة الاوضة لحد لما قررت اني مش اقولها خالص وكان من ضمن مشاكلنا ان ماما عاوزاني ادخل معاها المطبخ وانا رافضة لان وانا في رابعة ابتدائي كنت عاوزة اتعلم الطبخ وكنت بحاول اساعد ماما في المطبخ بس كنت بعمل اخطاء فكانت بتطردني برة المطبخ وتضربني كذة مرة بدل ما تعلمني فبعدين اتعقدت من موضوع المطبخ دة ولما بقيت في سنة ساتة في يوم كنت جعانة وماما نايمة فحاولت اعمل بيضة بس لزقت في الطاسا فسبتها ونمت وبعدين تاني يوم ماما جابتني من شعري وقعدت تضرب فيا وتقولي اغسلي الطاسا لحد لما اتعقدت خالص من موضوع المطبخ يعني انا لما اعوز اتعلم شغل المطبخ ماما تضربني ولما اسيب المطبخ تضربني برضو علشان ادخلة تاني ودلوقتي عمامي وعماتي جايبين اللوم عليا علشان مش بساعد ماما في المطبخ ومحدش حاسس بيا خالص وعلى طول ماما مش مكبراني وبتحرجني وتضربني قدام الناس وفي اي حتة على اي مشكلة تافهة وبعدين من اكبر مشاكلنا ان احنا عزلنا بعد لما بابا اتوفى لمنطقة بعيدة عن المدرسة اللي كنت فيها فا ماما نقلتني غصب عني لمدرسة زبالة وسمعة البنات اللي فيها وحشة ومفيش ولا مدرس فيها عندة ضمير ماما نقلتني علشان مركبش تاكسيهات لوحدي ال ايه خايفة عليا لاتخطف لكن مش خايفة عليا من المدرسة واللي فيها وبعدين انا صممت اني اتنقل للمدرسة اللي عاوزاها واركب تاكس طبعا دة كان غصب عنها لاني فكرت في مستقبلي لكن هي كانت عاوزاني اخد دبلوم واتزوج بدري واقعد في البيت ومكانش يهمها ابدا مستقبلي التعليمي احيانا كتير بحس ان ماما بتغير مني وعاوزاني ابقى زيها اصل هي وبابا كانوا منفصلين قبل ما يتوفي فهي حاسة انها معاشتش حياتها وفرحت وبرضو بابا كان مسافر من زمان علشان يشتغل برة وبعد لما انفصلو بابا اتزوج لكن معرفناش غير لما اتوفي هي بتصعب عليا علشان شايلة الحمل لوحدها وعشان مش عاشت حياتها وفرحت بس برضة مش هي الوحيدة اللي يحصل فيها كدة هي بقى بتقعد تعيط لوحدها واي حاجة تحصل تجيبها في بابا وهي بدل ما تربينا وتفكر فينا وفي مستقبلنا بتقعد تعيط وتفتكر في الماضي وعمرها ما بتطلع تتفرج معانا على التليفزيون او ناكل سوا هي بتقعد تظلم في نفسها وتاكل في المطبخ لوحدها وتقول هي الخدامة بتاعتا والخدامين بياكلو في المطبخ اصل الشقة مكتوبة باسمي انا واخويا دي الشقة اللي بابا سافر واشتغل علشان يعملها واخويا على طول بيلعب مع صحابة في الشارع وانا بكون في غرفتي وماما في غرفتها مفيش اي حوارات بينا ولما حاولت اتكلم معاها والفت نظرها انها تبقي تتكلم معانا ناكل سوا نحس بجو عائلي هي ترد تقول انا كدة ومش هتغير انا مش امكوا انا الخدامة بتاعتكوا وكل لما اكلمها تقولي كدة هي بقى عاوزانا نبقى عيالها وتحس انها امنا بانها تلغي شخصيتنا وان كل حاجة هي تقولنا عليها نقول حاضر ودة مينفعش لان اللي هي عاوزاة مستحيل اعملة زي مثلا حكاية المدرسة انا مستحيل اروح المدرسة الزبالة دي تاني وكمان عاوزة تختار لبسي وانا زوقي غير زوقها خالص انا بختار لبس محترم وشيك لكن هي زوقها مش بيعجبني وكمان عاوزاني اكل كل اللي تعملو وانا في اكلات كتير مش بحبها وكمان عاوزاني اتخن وانا بحب اكون رشيقة وعاوزاني اخد دبلوم واتجوز بدري وانا عاوزة ادخل الثانوية واكون عالمة فيزياء يعني اللي ماما بتقوله دة مستحيل اعملة لان كل دة مستقبلي انا ويخصني لوحدي يعني انا ياسمع كلامها يا اما هي تكون الخدامة بتاعتنا ومش تكون امنا ولما حاولت اتكلم معاها تاني اقولها و افهمها ان كل واحد لية راي وشخصية وياريت يكون في ما بينا تشاور وحوار تفضل تقولي خلاص انتي حرة اعملي اللي انتي عايزاة ومش تقوليلي ماما ابدا يعني شوفوا هيا بتعمل ايه بدل ما تفهم احنا عاوزين ايه وعلى طول ماما بتقلل مني ومن شخصيتي واحيانا تكون ام مثالية تخرجنا وتفسحنا وتعمل اللي احنا عاوزينو وتكون طيبة جدا واحيانا تبقى الخدامة بتاعتنا زي ما هي بتقول بجد مش عارفة اعمل اية انا اتخنقت وفكرت قبل كدة بالانتحار وحاولت فعلا اعمل كدة بس فشلت ارجوكم ساعدوني انا كدة مش هعرف اركز في مستقبلي ابدا

مشاكل وحلول ذات صلة

• اخاف من التعرض للتنمر في المدرسة الجديدة
• محدش بيحبني حتي اهلي
• اخذت جوالي المدرسه وقفطوني
• انا نفسي ابقي جميله اوي و عايزة وصفة للتخن
• هل انا مريضة واحتاج علاج لكن الخوف يقتلني بالبطيء
• معلمتي تعاملني بقسوة وكره بسبب علاقتي مع ولد
• تفتكروا دى غيرة