انا حكايتي ممكن تكون بسيطه انما مسببالي ازمه نفسيه جامده جدا وهي كالتالي الحكايه بدات لما بلغت سن الرشد انا في الكليه دلوقتي في سنه تالته كنت بلبس بنطلونات وشميز طويل عليه اللي حد ما ساعتها بقى امي قالتلي مفيش بنطلونات تاني هتلبسي عبايات بس وكان اجبار بس بطريقه تانيه” ان ولله لو لبستي بنطلون تاني مهعرفك تاني وهسبلك البيت وهتفضحني ادام قرايبها متشددين زيها كده ونفس الفكر “انتهي الامر ان دخلت معاها في صراع سنتين مش هتصدقوا صراع هادي تماما لا زعيق ولا خناق انما كان ع حسابي انا وهو اني مبقتش اخرج خالص واتحولت من شخص كان اللي يقولو تيجي ننزل دلوقتي اقولوا يلا الي شخص مبينزلش يشتري لنفسه حاجه حتي لاني بحس ان الناس كلها بتبص عليا باللبس ده حتي لوشكله كويس اللي حد ما وانا بعرق من كتر الكسوف المهم وصل بيا الامر اني في الاخر بقيت اللبس البنطلون من وراها بحيث اني ببقى لبسه الجيبه ع البنطلون وبعدين اقلعها بسرعه البرق في اي حوش عماره ع جنب كده طبعا انا نفسي وضميري مسابونيش في حالي وبقيت خايفه جدا من ناحيه لحد يقفشني وقلقانه طول الوقت وكوني بعمل حاجه من ورا امي وشده الخطوره في ان ممكن تبقى العماره ساكته او كده وكمان نظرتي لنفسي اني انسانه حقيره وزباله بس انا اقسم بالله عندي استعداد جدا كمان اني اللبس حجاب صح بس لسه مش مستعده دلوقتي ولا مهيئه كل الحكايه اني مخترتش واني بحس اني عارفه امشي كده وببقى حره اكتر بالبنطلون وبحس بثقه في نفسي وكمان بنطلوناتي واسعه اللي حد ما ومش سكيني اوي انما طبيعيه وشكلي مش ملفت خالص كل الحكايه ان في اجبار مش لازم يبقى مادي انما ماما كان اجبارها معنوي انما انا اقسم بالله شخص ع نياته جدا وبكسف من ضلي لو حد قلي ازيك بس بحط وشي في الارض في نفس الوقت اجتماعيه جد لو خدت ع حد، انا مش صايعه ولا اي حاجه كل الحكايه ظروف خلتني اعمل حاجه من وراها وانا حتي مش مبسوطه انما انا بقيت شخص عندي رهاب اجتماعي شديد وبقيت كل مصاحب حد او كده في الكليه ببقى نفسي احكيله اني بعمل كذا وكذا من ورا امي مبقتش قادره اشيل السر لوحدي والخوف لوحدي بقى كل تفكيري في الموضوع ده وبقى عندي خفقان شديد وانا بتنفس حاولت اني اللبس الجيبه واللبس اللي هي عايزها عشان اشتري راحت بالي انما مقدرتش وبردو بحتاج اللبس البنطلون انا حاسه اني وانا بكلم كاني بكلم ع مخدرات ولا حاجه كل الحكايه اني محتاجه وقتي بس وشويه شويه الانسان ربنا بيهديه وربنا كمان قال لا اكراه في الدين انا عارفه ان في لبس صح للحجاب انما انا.طلبت منها اني اللبس لبس صح بردو وحجات واسعه ومحترمه وهي مرضيتش ومهمهاش سنتين يضيعو من عمري وانا قاعده في البيت مخرجتش منو لمده شهور انزل اجيب حاجه كل فين وفين ارجوكم فيدوني من غير محد يقعد يقولي اللبس الصح كذا وكذا عشان عارفه ولا حتي الايه المشهوره بتاعت الحجاب في القران انما انا عايزه حد يرشدني للطريق الصح اللي يرضي نفسي ويهدي الخوف والتفكير الكتير اللي جوايا بحل نفسي اني انزل قدامها بالبنطلون وبرضاها لغايه ما هيجلي وقت انا عارفه وهروح للصح انا اصلا شخص طول عمري بحب اجري والعب وبحب الرياضه جدا ومن ضمن احلامي اني الف العالم كله واتسلق جبال كلها احلام جامحه عمرها مهتتحق ان يأست وبقيت حاسه اني مخبيه حاجه وعايشه في رعب واحلم ان حد عرف وقفشني
انتى مش بتعملى حاجة غلط عشان تخافى انتى بقاتى فى سن تخدى قرارتك بنفسك ومحدش لى انو يؤمرك بحاجة انتى مش عايزاها والشيوخ الى بتفهم فى الدين بجد اسبتو ان بنطلون واسع احسن من جيبة ديقة لان زمان مكنش فى استيل لبس كل بلد كان ليها لبسها زى منقبات و محجبات بيلبسو عبيات بتبقى قربت تتفرتق من على جسمهم معروف ان اصل الحجاب فضفاض مش بالجيب والبناطيل وخلى مامتك تتفرج على برنامج قلوب عامرة ح الحجاب قالت فيها بنطلون واسع احسن من جيبة ديقة
يابنتي الحبيبة والله ثم والله ان امك تحبك وتريد الخير لك فاطعيها واستمع لها في كل ماتقوله لك وتاكدي ان رضاها من رضا رب العالمين وموضوع الحجاب لازم تعرفي انه واجب على كل نساء المؤمنين والله تعالى فرضه من فوق سبع سموات وامربه نساء المسلمين لمافيه من العفاف والستر لهن والحشمة والوقار لاتجعل الشيطان يفسد عليك دينك واخرتك ويزين لك سوء عمله ويوقعك في الفتن والمحرمات والمعاصي وتذكري قوله تعالى- يستخفون من الناس ولايستخفون من الله – ولبنت المسلمة زينتها في حجابها بارك الله فيك واصلح حالك وسترعليك وؤفقك في هذة الحياة ورزقك الهداية والاستقامة والصلاح على دينه
أختي هناك حديث لرسول الله صلى الله عليه وسلم ينطبق على قصتك وهو( الإثم ماحاك في نفسك وخفت أن يطلع عليه الناس)،، للأسف إنت عاوزة ترضي نفسك على حساب ربك،،بتقول ماجاش الوقت هو انت ضامنه تعيش لبكرة،، لماذا لاتنظرين لبعض الفتيات الصغيرات اللاتي ماإن يبلغن حتى يلتزمن بالحجاب الصحيح ،،لا تستمع للشيطان ولا لنزوات النفس،،والدتك تريد لك الخير وتخشى عليك من عذاب الله،،وتأكد أن الشاب يحترم الفتاة التي ترضي ربها في لبسها،،وتذكر قول الله تعالى ( يستخفون من الناس ولايستخفون من الله)
بصي هي الحكايه طويله فعلا ومحتاجه حد يرشدك لانك فعلا ماختارتيش لكن انا هسيب الناس وتفيدك