هموم البنات

حابسة نفسي في البيت بعد تهديدي

انا السنادى هى اصعب سنه فى حياتى الخناقات فى البيت بين ماما وبابا كانت كبيرة ووكانت بتوصل للتهديد بالطلاق ولانى الكبيرة كانوا بيشكولى مشاكلهم وكانوا بيزودوا الضغط عليه وكنت ساعاتها فى امتحانات الثانويه العامه انا طول عمرى وانا الاولى على زمايلى لكن بسبب مشاكل البيت اتراجع ترتيبى بس الحمد لله دخلت كليه من كليات القمه والزود المشكله انى اتفرقت عن اصحاب عمرى وبقيت لوحدى فى بلد تانيه وما حدش منهم بيسال عليه ولا حتى بيفتكرنى ودى كانت صدمه تانيه احساس الوحدة كان بيقتلنى وما كنتش بقدر اذاكر اتعرفت على ولد على الفيس ودى اول مرة فى حياتى كنت اكلم ولد مع العلم ان المدارس الكنت فيها منفصله يعنى بنات بس والكلام مع ولد بمثابه تجربه جديده كان بيكلمنى بالساعات ويقعد يكلمنى عن مشاكله وطموحاته وانا كنت بسمع لمجرد الاقى حد اكلمه ضغط عليه كتير لغايه ما اخد رقم تليفونى وبعدين فى مرة حاول يلمح لجسمى قفلت فى وشه اتصل كتير لغايه ما رديت واعتذرلى ورجعنا ذى الاول قالى انه بيحبنى وطلب منى انى اقله انى بحبه بس رفضت وفى مرة طلبت منه ماعدش يكلمنى تانى لانى مش عارفه اعيش حياتى وانا حاسه بالذنب انى بكلمه من ورا اهلى قالى انه عايزنى اكرهه عشان ما اعذبش وكلمنى وقال كلام جنسى سافل وانا لسانى اتشل ما كنتش عارفه ارد هددنى لو قطعت معاه هيفضحنى قدام اهلى وكمان قدام زمايلى فى الجامعه برده ماكلمتوش وفى الاخر قلت لاهلى لانه مش راضى يسبنى واهلى سامحونى وحاولوا يطمنونى بس انا خايفه يجيلى الجامعه وكمان انا بقيت اخاف اكلم الناس بحبس نفسى فى البيت بالشهور ومش عايزة اكلم حد ولا قادرة اذاكر