السلام عليكم انا عندى 17س مراهقة لكن انا عايشة فى محيط اسرة عصبية جدا بالرغم وانا صغيرة الناس كانت تمدحنى بهدؤى انا ولدى عصبى بالوراثة صوته عالى دايما بس انا اكترواحدة بيحبنى بس انا لو زعقلى افضل طول اليوم اعيط واكره نفسى هو مش بيضربنى لكن بيضرب اخواتى الصغيرين الولاد انا كان بيضربنى وانا صغيرة لكن دلوقتى للاسف والدى حسيت انه دلوقتى بقى عصبى اكتر ومن ساعة مجبنا النت فالبيت وهوا معكتكف عليه وبيزداد عصبية ويزعق لنا لدرجة اننا خلاص فاض بينا ومش بيتكلم معانا غير يزعق ويطلب كل حاجة وهو قاعد عالجهاز ومش بيتكلم مع اخواتى ويزعقلهم لو طلعوا برة البيت كانهم فسجن وامى كذالك الوضع عصبية بس اساسها ما كنتش عصبية بتزعقلى وبتضربنى وبتشتريلى كل حاجة على زوقها فعلا زوقها حلو لكن انا نفسى احس انى ليا راى حتى لو هشترى حاجة اتردد ومعرفش اختار اى حاجه حاسة انى ماليش شخصية وتزعقلى وتنيمنى بدرى كانى عيله واقولها ماتضربنيش انا مش عيلة ومش هنام بدرى وازعق اتعلمت العصبية بيقولولى معاملتك بقت وحشة بس خلاص العصبية هتموتنى انا سعات بفكر اعمل مذكرات لكن مع موقف صغير حلو اقطعها واقول لا انا بحبهم لكن سعات بفكر فالانتحار دموعى قريبة على خدى بفكر فالانتحار كتير ماليش لزمة عندهم حاسة انى مش لاقيه الحب جوا البيت بدور عليه بره لكن حبيت واحد من زمان والظروف جمعتنا فالثانوى العام الدروس الخصوصية لكن حب من طرف واحد لكن عمرى مانسيتى بحاول انساه لما بشوفة بنسى انى بحتول انساه واحبه حتى الحب ياربى مش فالحة فيه وبقيت عصبية جداا كان كل كلامى خناق رغم انى طيبة بس معنديش اسلوب غير كدا زى حنان ترك فى فيلم حب البنات عصبية كلامى دبش بكره الزواج خالص معقدة امى تفضل تتكلم عن والدى كلام وحش لانه مدخن وتتكلم عنه بس بقولها مهما كان دا بابا متقوليش كدا بس كرهت كل حاجة حوليا فعلا حتى صحباتى كانوا سكة عمرى ماتصحبت على مخلصة فعلا اسفة طولت عليكم لكن دا فعلا ما يجيش قد اللى بيا وشعورى حاسة انى ماليش شخصية فعلا
شوفي يابنتي مافيش بيت مايخلو من المشاكل والخلافات بين افراده ولازم تصبري وتتحمل عصبية والدك وامك وماتزعليش منهما ابدا حاولي امتصاص ذلك الغضب بالابتسامة في وجوههم او تبعدي عن الوقوف امامهم ساعة العصبية والغضب اللي هم فيها وتادبي معهم ماترفعيش صوتك عليهم ابدا او تكسري كلامهم او تقاطعيهم اثناء الحديث والكلام اهتم بدراستك ومستقبلك وباخواتك الصغار واوعي تخلي الافلام والمسلسلات دي توثر عليك او تحاولي تلقيدها وتقمص شخصيات الابطال فيها ده كله تمثيل يابنتي وليس بحقيقة وانما اقتدي بزوجات النبي الكريم وبناته وبنساء الصحابة رضوان الله عليهن اجمعين كيف كانت حياتهم وكيف كانت اخلاقهن وتعاملهن مع الاهل والازواج ومع الناس كلهم وتحاول تطبيقه على واقع حياتك وسوف ترين ثمرة هذة الاخلاق والمبادي والقيم الكريمة على نفسك طوال حياتك وتلاقي الرضا والسعادة والانشراح طوال عمرك وربنا يبارك فيك ويؤفقك ويصلح حالك ويسعدك طوال العمر ان شاءالله تعالى
للأسف الشديد انا نفس مشكلتك