امي عقدتنى من الجواز ومش عايزه تحضر خطوبتى

انا بنت عندى 20 سنه كنت مخطوبه قيل كده لواحد بحبه اتخطبت سنه ونصف وبعدين حصل مشاكل كتير جدا بيننا واضطرينا للانفصال بسبب سوء معاملته ليه وانه بيقولى الفاظ وحشه جدا وان اخلاقه طلعت مش كويسه خالص ويجه للشرب والبنات وغيره من الاشياء المفسده للاخلاق والحرام بمعنى اوضح ولما انفصلتا اتقدملى ناس كتير جدا بس انا مكنتش موافقه باى حد وفجاه فى واحد من اللى اتقدمولى وانا قعدت معاهم ارتحتله جدا بس للاسف هو اقل واحد فيهم بالنسبه للمستوى التعليمى والمادى ومع العلم ان خطيبى الاولانى كان قدى فى السن وكان مستواه المادى حلو جدا جدا جدا وكان فى الكليه معايا لان انا فى كليه الحقوق العريس اللى انا ارتحتله دلوقتى معاه شهاده دبلوم فنى صناعى وفاتح محل اجهزه تليفون وكمبيوتر ولاب توب واللى اهلى طلبوه منه قال عليه ماشى عشان هو شارينى بس المشكله دلوقتى ان والدتى عقدتنى فى الجواز ومصممه انى ارجع لخطيبى الاولانى رغم اخلاقه الوحشه جدا وانه اهانى وضربنى كمان بس هى بتقولى مش مهم وان هى اهم حاجه عندها ان العريس اللى يتجوزنى يكون غنى ومعاه كليه زييى بس انا مش مقتنعه بكلامها ووافقت على العريس اللى انا مرتحاله رغم انه اقل واحد بس اخلاقه فوق الوصف ومتدين بس هى دلوقتى بتعاملنى نعامله وحشه اوى ومتغيره معايا وبتقولى هتفضل غضبانه عليا طول عمرها لو اتجوزته ومش عايزه تحضر خطوبتى مع العلم ان خطوبتى دى كمان 5 ايام ارجوكوا ساعدونى ان هموت من الخنقه لدرجه انى كنت هكفر بالله واموت نفسى النهارده

مشاكل وحلول ذات صلة

• عندي فوبيا من ليلة الدخله
• اتخنقت من تحكمات خطيبي
• ازاي احس اني مرتاحة لعريس اتقدملي
• تشتت ذهني، قلة الحظ واكتئاب
• زميله ليا مطلقه اكمل معاها ولا اسيبها
• اقول لماما على حبيبي ولا استنى شويه
• مش عارفة اكمل مع خطيبي ولا اسيبه مع اني بحبه