انا انسانه وحيده مع اني عايشه وسط اهلي بس مافيش حد بيهتم بشؤني الخاصه كابنت يعني مثلا والدتي مش بتتكلم معايا زي اي ام وبنتها مش بتفهمني علي حجات معينه المفروض الام توعي وتفهم انا والدتي سيباني للدنيا تعلمني اما اخواتي فكل واحد فيهم عايش حياته انما انا مافيش حد بيسالني علي نفسي اذا كنت زعلانه ولا فرحانه انا بعاني من اهمال اهلي انا السنه دي سنه ثالثه كليه ما كانش في حد فيهم موافق اني اكمل تعليمي وانا حاربت معاهم كتير علشان يوافقو ومافيش حد كان مشجعني خالص مع اني عايزه اكمل تعليمي وابقي حاجه كويسه علشانهم قولولي اعمل ايه علشان يهتمو بيا
شوفي يابنتي انت احسن حالا من غيرك من البنات فقولي الحمدلله على ان اهلك موجودين على وش الدنيا معك وعاوزك تصلح علاقتك بهم وتحسن التعامل معهم وخصوصا الست والدتك كل بنت تحرص على ان تكون امها قريبة منها والمثل الاعلى لها في دي الحياة تقرب منها واسمع كلامها وكل يوم تعال وبوسي راسها ويديها وخليها ترضا عنك وتدعي لك فرضا الوالدين من رضا رب العالمين وربنا بيكرمك ويؤفقك طوال حياتك طالما ان امك راضية عليك وساعديها برضو في اعمال البيت من طبخ وتنظيف وغسيل وتكنيس وتعلمي منها ازاي تكوني ست بيت ماهرة علشان لما تروح لبيت زوجك تكون فاهمة كل حاجة مش عاوزك تكوني زي البنات الهايفات اللي مامنهن فائدة كل تفكيرهن في النت او الجلوس على شاشة التلفاز او الخروج للاسواق والتسكع مع البنات الصايعات والتعارف على الشباب الفاسقين والكلام معهم وهذا يودى الى الوقوع في الفتن والمصايب وتجلب العار والفضيحة لنفسها واهلها بتلك التصرفات المحرمة والغير اخلاقية احذري كل الحذر من هذا الطريق واهتم بدراستك ومستقبلك والمحافظة على دينك وخلاقك وشرفك وسمعتك وسمعة اهلك وكرامتهم وربنا يسترعليك ويبارك فيك ويصلح حالك ويؤفقك ويسعدك طوال حياتك ولايحرمك من اهلك ويحفظهم لك ان شاء الله