بسم الله الرحمن الرحيم انا بنت عندى 15سنة وداخله 1 ثانوى وجبت ف 3 اعدادى 94 فى المائة وناوية اتجدعن فى الثانوى ومليش فى الحب خالص وعمرى ما كلمت ولد ماعرفهوش الا ولاد عمى وولاد خالتى دول انا بكلمهم عادى على اساس انهم اقرب قاريب ليا يعنى مليش مشكلة عاطفية حياتى عادية ومستقرة الا مع امى حياة بائسة جدااا اصل ماما فى بينها وبين اهل بابا مشاكل وقضايا بسبب الورث لانى بابا متوفى الله يرحمه وهى بتعاملنى انا واخويا معاملة وحشة مش اعرف ليه وكل ماتحصل مشكلة تقول انتم زى اهلكم وتقعد تشتم فينا وفيهم وعمرها مافهمتنى وحاولت تتكلم معايا زى الامهات العادييين وعلطووووول تفرض رأيها عليا ومش بتعمل ليا كيان ولا شخصية ودلوقتى انا بعنادها ومش بعمل حاجة هى عايزها غير لما اكون مقنعة بيها وده زود مشاكلى معاها اليومين دول المهم انا عايزة اعرف ازاى اتعامل معاها عشان ارتاح بقى لانى حقيقى تعبانه لانى عايشه معاها هى واخويا بس يعنى هما الاتنين حياتى ومع العلم انى فاقدة بابا ومن وانا عندى 6.5 سنة يعنى مش لاقية الحنان فى البيت وخايفة من نفسى ادور عليه بارا البيت انا خايفه اوى ارجوكم ساعدونى واسفة انى طولت عليكم والسلام عليكم
يابنتي مافيش احن من قلب الام على ولادها وعمرك ماتعرفي قيمة الام الا عندما تكبري وتتزوج وتكون ام وعندك اولاد ساعتها هتعرف قدر الام وقيمتها في الحياة تعاملي مع امك كويس واحترميها واسمعي كلامها واعتبريها زي صديقتك او اختك الكبيرة فضفضي لها وتقربي منها اكثر وصدقيني سوف تشعر بك وتتغير معاملتها لك للاحسن واياك ان تزعليها او تعصي كلامها او تخرج عن شورها او تخالفيها عمر ربنا مايوفقك ولايرضى عليك ولايسعدك طالما ان امك زعلانة منك وغضبانة عليك ومش هتلاقي الحب ولا الحنان عند اي احد ثاني غير امك وربنا يهديك ويصلحك ويبارك فيك ويخليك لااهلك