انا بنت عندي 19 سنه في اولي كليه كنت عايشه ف منطقه لحد 3 اعدادي وبعد كده نقلنا منطقه تانيه في اجازه 3 اعدادي فااتعرفت ع بنت جارتنا البنت دي انا حبتها اوووي وكنا مع بعض ع طول والبنت دي مجموعها مادخلهاش ثانوي عام دخلت ثانوي خاص انا دخلت ثانوي عام ف هي لما راحت المدرسه الخاصه دي اتعرفت ع بنات كتير مش كويسه ولقيت سلوكها اتغير اوووي وبقت بتكلم شبابا كتير بالرغم انها كانت بتكلم واحد وبتحبه ف مره عرفتني ع الولد ده وبقينا اصدقاء انا وهو وهي بدأت تخرج مع الشباب التانين دول كتير وتكلمهم واي حد يكلمها عادي وتوعده انها هتستناه وكده وتقفل معاه وتتصل باللي كانت بتحبه ده لحد مافيوم صاحبه شافها وهي ماشيه مع واحد تاني واجهها وكده وهي انكرت ف الاول وبعد كده بدأت تأكدله انه صح وكده فهو قرر انه يسيبها ف اتصل بيا وقالي انه هيسيبها بس عاوزنا نفضل اصدقاء بصراحه انا مارفضتش ووافقت اننا نفضل اصدقاء وسابوا بعض وانا بعدها فضلت اتحايل عليه كتير علشان يرجعوا لبعض تاني ويكلموا بعض وهو كان رافض تمام وهي كنت بحاول اخليها تقرب منه بكل الطرق تاني بس هو كان رافض لانه قال انها خانته وكده والبنت دي حصل معايا موقف كده هو سابها بليل تاني يوم الصبح خدتها وخرجنا علشان ماتتخنقش اوي وكده لقيتها متفقه مع واحد يقابلها قولتلها لو هو هيجي انا مش هقعد وهروح فاتصلت بيه وقالتله لا وبعدها اتعرفت ع بنت صديقتها وهي كانت بتحبها ف البنت دي جت قالتلي ان البنت صاحبتي دي ماشيه ف طويق مش كويس والبنات صحابها مش كويسين ف انا كنت اتكلمت معاها ف الموضوع ده كتير وانها تبعد عن اصحابها دول وهي ماترضاش ف صاحبتها قالتلي خلاص انا هقولها يااحنا يااما اللي هي بتعمله وااصحابها التانين ردت عليها وقالتلها انا مابعملش حاجه غلط واللي انتوا عاوزينه اعملوه ف صاحبتها قررت انها ماتكلمهاش تاني خالص والبنت دي حملتني انا الذنب وفكرت ان انا السبب ان صاحبتها تبعد عنها مع انها رجعت واتأسفتلي وقالتلي خلاص معلش وكده وهبعد عنهم وكده وانا قلتلها انا معاكي ومش هسيبك وفعلا فضلت معاها بس طبعا هي بعدت عني بعدها وبدأت تكره الناس فيا وتطلع عليا كلام وتصاحب اصحابي وتقولهم كلام تخليهم يكرهوني ويبعدوا عني لدرجه ان واحده صاحبتي قالتلي اللي يسمع كلامها من غير مايسألك يكرهك اوي وشوهت سمعتي ف المنطقه اللي عايشين فيها لانها سمعتها بقت وحشه اوووي ف عندنا ف البيت قالولي ابعدي عنها بس كل ده انا واللي كان بيكلمها وسابها ده اصدقاء لسه وبقت صداقتنا جامده اوي وبقينا اقرب صديقين لبعض كل ده واحنا لسه ف اولي ثانوي وانا علاقتي اتقطعت بالبنت دي من كتر المشاكل وتروح تكلم شباب ع الفيس ولما حد يسألها تقول ان انا اللي كنت بكلمهم لدرجه انها راحت كلمت واحد وبعدها راحت قالت لصاحب الولد اللي كان بيكلمها ان انا اللي كنت بكلمه مع اني والله عمري ماكلمته اصلا ولما واجهتها انكرت طبعا وريتها الدليل وكانت مسجاتها قالتلي خلاص انا هكلمه وافهمه الموضوع قلتلها مافيش داعي وكده وشكرا ومن ساعتها وفعلا بدأت العلاقه بيني وبينها تبقي زفت وهي كانت قبل مانبعد عن بعض طلبت مني ان انا واللي كانت بتكلمه نفضل اصدقاء وكنت بكلمه قدامها عادي وماكنش في اي حاجه لحد مابعدت انا وهي خالص خالص وفي اخر 3 ثانوي وبالاخص في 28/10 اللي كانت بتكلمه ده قالي انه بيحبني وبصراحه انا كنت بدأت اميله وكده فوافقت ع الموضوع ده وهو راح قال لصاحبه الانتيم (هو قريب البت اللي كانت صاحبتي ) انه عاز يجي يخطبني ف صاحبه قام بالواجب وراح حاكيلها فهي جاتلي وقالتلي انتي تعملي فيا كده بصراحه انا كنت ناويه اقولها بس لما يبقي ف حاجه رسمي وكنت عاوزه انا اللي اقولها فلقيت نفسي بقولها لا انا مش بكلمه وكده وانكرت خالص بس هي اتأكدت م صاحبه ده جدا لان صاحبه الله يسامحه بعتلها المسجات اللي بينهم وهو بيقوله انا طلعت نفسي بره الموضوع ده وقولتلها دي حاجه مابين اتنين اصحاب وكده وانا ماليش دعوه بس طبعا هي ماصدقتش لان انا بيبان عليا الكدب اوي بصراحه وبعد كده بفتره انا وهو سبنا بعض ف البنت دي جت قبل الكليه بفتره كده عاوزانا نرجع اصدقاء تاني فبصراحه انا وافقت وحكتلها ع الحقيقه وان احنا سبنا بعض وكده فهي كانت ارتبطت بواحد اصلا تاني ف وسط مااحنا بنتكلم قولتلها ان هو عارف انها مخطوبه هي اضايقت انه فاكر كده وانها عاوزه توصله انها مش مخطوبه لانه كان عارف انها ارتبطت ولما بسألها بقولها لو الاتنين اتقدمولك هتختاري مينقالتلي مش عارفه بس ساعتها انا هصلي صلاه استخاره فبتقولي انتي ليكي كلام معاه قولتلها لا بس انا لو كلمته ف اي وقت هي يرد عليا بكل احترام لان احنا لما بعدنا عن بعض بعدنتا واحنا بنحترم بعض وعلشان الظروف بس مش اكتر ف طلبت مني اني اكلمه واقوله انها مش مخطوبه بصراحه انا زي الهبله اتصلت بيه وكده وفهمته الحوار ده وهو تقبل الموضوع وقالي بعد ماعملت الحوار ده هي بقي بعتتلي رساله وقالتلي انتي خاينه واني ماينفعش اتكلم عن الصداقه اصلا وكلام كتير م ده بصراحه انا مااستحملتش الكلام واتصلت بيه وقولتله انا كنت السبب انك تسيبها قالي لا انا سبتها بسبب خيانتها وبعدبن انا ماحبتكيش غير بعد ماسبتها ب سنتين وانا قررت اني اقطع علاقتي بيها لانها قالتلي انها لما رجعت تكلمني كانت عاوزه تعرف بس اني بكلمه ولا لا وبصراحه انا مابقتش عارفه حاجه خالص هل انا فعلا خاينه ولا ؟؟ والله دا الموضوع كله من غير اي كدب 🙁
كملي حياتك و ابتعدي عنها لا تجعلي حياتك تتوقف عن هذه المشاكل البايخة
كل ألى أقدر أقوله ملكيش دعوة بالبنت ده
لامن قال انك خاينة هي الخاينةوالسافلةوالمنحطةوالغيراخلاقية تماماانصحك بالابتعادعن البنت دي نهاياوللابد واقطع اي اتصال اوعلاقةبهاوتاكدي انهابنت فاسدةومنحلةاخلاقيا ولايشرفك تعرفيه خالص الباب اللي يجيك منه الريح سديه وارتاحي ولاينفع معهاالنصح اوالارشاد ولاعمرهاتتغير للاحسن اوتنظف من الوساخةوالقذارةاللي هي ماشية فيها دي خطرعليك وعلى كل البنات المحترمات من زمايلك قدتشوه سمعتكن وتلطخ شرفكن واخلاقكن بافعالهاالمحرمةوالمشينة احذرن منها وربناينجيكم من شرورهاويخلصكن منهاعلى خير ويصلحكن ويبعدعنكن كل موذي وكل سوء
حضرتك خاينه فى ايه مش فاهمه؟؟؟…اولا نصحتى ليكى انك تبعدى عن البنت دى خالص وتبعدى عن اى حاجه وحشه خاصه بيها وافتحى صفحه جديده فى حياتك وربنا يوفقك يا رب