السلام عليكم
ازيكو ياجماعة المشكلة انى جامعية وبيتقدم ليه عرسان معهم دبلوم وانا مش عارفة اوافق ولا انا نفسى انا اتخطب لواحد جامعى نقدر نفهم بعض على قلل بس كل الى حواليه بيقولولى عادى ومعتش تفرق الايام دى الاهم واحد محترم وكدة ويقدر يفتح بيت والوقتى فى ناس كتير بيوافقو على الدبلومات وكدة
بس انا خايفة انى اندم بعد كدة وازعل مثلا لو شوفت حد من اصحابى قل منى وواخدين احسن منى وكدة وكمان ان احنا منفهمش بعض بعد كدة وكمان خايفة انى ربنا يعقبنى بس الموضوع دة انى برفض كل واحد ويكون نصيبى واحد معه دبلوم انا مش بقول انهم وحشن بس خايفة انى مرتحش معاه لان خالتى جامعية وجوزها دبلوم وبتعانى من الموضوع دة حتى بعد مدة طويلة من الجوازوجوزها بيحسسها انها هى الى معها دبلوم وهو اللى معه كلية وانه احسن منها ومش عارفة اعمل ايه
الانسان بدينه واخلاقه مش بالشهادات انااختي الكبيرة كانت متعلمةومديرةمدرسةللبنات وعندهاماجستير وكانت ترفض كل من يتقدم لهالانهم اقل منهافي الشهادةوفي الاخر تزوجت راجل بسيط على قدحاله يعمل محاسب في شركةخاصة وهي الان عايشةومبسوطةولا بينهمااي مشاكل وعندهم اولاد 7 والحمدلله وانت ماتكبرعقلك ولوتقدم لك ابن الحلال اللي يكون على دين وخلق وقادريفتح بيت توكلي على الله واقبل الزواج منه وسيبك من الكلام الفارغ اللي بيقولواعليه وربي يسعدك ويوفقك
الحمدلله والصلاة والسلام على رسول الله ثم اما بعد اختى فى الله اعلمى ان الله جل جلاله فضل المؤمنين بالتقوى والعمل الصالح فمهما التقى الانسان من حصوله على شهادات لا يكون مفضلا الا اذا اتقى الله وانتى وانا وجميع الشباب الذين يقبلون على الزواج لابد من اختيار الزوج الذى يعين على لحياة لا بالمظاهر التى تخدع القلوب قبل النظر فانى انصحك بان تختارى من يينك على الطاعى ولا غير ذلك وفقى الله الى ماههو خير
بصى انتى لما حديتقدم لك حاولى تعرفى شخصيته هو محترم ولا
لقتيه كويس خديه ملقتيهوش كويس او مش زى منتى متوقعة خلاص الجواز قسمة و نصيب
ومتنسيش ان مفيش حد كامل وربنا هو الموفق
بصي لو انتي اساسي عندك حتة الشهاده دي يبقى متوافقيش على حد أقل منك علشان تتجوزي وخلاص .. ممكن غيرك تكون حتة الشهاده دي عادي بالنسبالها المهم يكون بيشتغل ويجيب فلوس ف مش تفرق معاها لكن انتي واضح ان تفكيرك مش كدا – إللي يريح غيرك ممكن مش يريحك – يعني ممكن شخص انتي تشوفيه مش مناسب خالص ومش ترتاحيله لكن يعجب غيرك أوي وشايفاه مناسب وتحبه كمان أو العكس يعجبك انتي ومش يعجب صاحبتك مثلا -فاهماني؟ – .. فالمهم انك تختاري اللي تحسي انك مقتنعه بيه وتفرحي بيه كمان .. علشان اللي هتتجوزيه دا هتبقى حياتك اللي جايه كلها معاه حطي دا في دماغك وانت بتختاري .. وممكن يجيلك حد تعليمه أقل منك وانتي نفسك تشوفيه كويس وتقولي مش مهم الشهاده لو دا نصيبك هتشوفيه حلو ومناسب …. متجيش على نفسك وتوافقي علشان رأي إللي حواليكي وكمان بلاش ترفضي منغير ماتدي نفسك فرصه في التفكير … ربنا يقدم إللي فيه الخير ويارب تتجوزي واحد ابن ناس ومحترم وتعليمه عالي وجميل ويحبك وتحبيه
ياعم اجوزيه واخلصي انا عارف انتو بتتنططوا علي أيه دي البنات بقت اكتر من الهم على القلب
يعني تجوزي واحد واخد دبلوم ولا تعنسي أحسن
من بعد السلامـ عليكم ورحمة الله وبركاته
أختى الكريمة المراحل التعليمية المختلفة التى يمر بها الانسان تزيد من ثقافته ومن علمه
وهنا آخرون يتعلمون من الحياة ومن التجارب
ليست الشهادة المشكلة بل فارق الاسلوب والثقافة العامة
كمثال لى ات متزوجة الفارق بينها وبين زوجها انها علمى وهو أدبى فتفوهت بكلمة بسيطة
ان العلمى هم افضل واذكى من الادبى بدون قصد وانقلب الكلام الا مشادة …
والفرق ليس فى تعليم جامعى ودبلوم بل علمى وأدبى ..
فأنتى أنظرى لمن تختارينه هل هو على ثقافة عالية سيحترمك ويقدرك ..!!
فهناك اصحاب شهادة عالية ومجاستير ولكن فى بيوتهم لاعقل لاتفكير ..
أختى الكريمة المهم ان تختارى من تستطيعى ان تفهميه ويفهمك
يحترمك وتحترميه يقدرك وتقدريه . يجعلك أميرة البيت فتجعليه الملك لهذا البيت
ليست بالشهادات بل بالتفاهم …
الله الموفق
السلام عزيزتي …ليس المستوى و لا الجمال و لا المال هو أهم شرط عزيزتي بل الأخلاق و الاحترام …و ابن الفاميلية
ااالسلام عليكم انا هرد على الاخ حازم حمام رسولنا الكريم فى حديثة قال الدين يعنى مش قال الشهادة الجامعية وعلى فكرة انا دبلوم وبشتغل فى وظيفة مرموقة اصحاب الشهادات الجامعية مش عرفين يشتغلوها وبعدين فى شعراء اميين المسئلة مش مسئلة شهادةحاجات كتير توافق فكرى احترام متبادل وفى ناس كتير جامعيين بس مستواهم الفكرى والثقافى مستوى شهادة محو الامية الموضوع فردى وتختلف من شخص لاخر وعلى فكرة انا كمان محاسب ومعايا دبلوم يا يا حازم بية
يابنتي اتكلي علي الله ولو فيه واحد مناسب في الشكل والفكر متقارب وحالته الماديه كويسه اتجوزي ومش تستني بتوع الكليات دلوقتي مش بيقدروا يتجوزوا لان عمرهم بيروح في التعليم وبعدين بيشتغلوا في اي شى غير الياتعلموه خالص يعني اعرف زمايلي كثير في الكليه بعد ما خلصو الي اشتغل في كافيه والي اشتغل في نادي والي اشتغل سواق والله كليات وكليات كبيره يعني علوم وتربيه علشتان الشغل بره بيجيب فلوس اكثر وهو في هذا الوقت محتاج فلوس علشان يجهز نفسه وبعدين دلوقتي مفيش شاب دبلوم اوغيره مش مثقفلان الكمبيوتر والمحمول فرض الثقافه علي الناس والكل بيتكلم انجليزي وفيه دبلومات تقعدي معاه مش تعرفي عنهحاجه تفتكريه دكتور من هيئه ولباقته المهم الاخلاق والعيله والاصل والراحه الماديه
والله فى رجالة مش متعلمن خالص وبيكونو افضل من ناس معاهم اكبر الشهدات الجامعية اهم حاجة شخصية الانسان ويكون متربى وقريب من ربنا على شان يتقى الله فيكى بصى يا ست البنات اختارى واحد شخصيتو قوية وقريب من ربنا شوية ويكون الحالة المادية مرتاحة ومش مهم اى حاجة تانية
انا مش عارف بقى من حقى اتكلم معاكم ولا لا بما انى دبلوم ومستوايا الثقافى اقل منكم نصلى على الى هيشفع فينا يوم القيامة على فكرة الدبلوم دى حاجة مش وحشة ويما ناس كتير معاهم شهادات وعلقوها على الحيطة ومستواهم الفكرى اقل بكتير صوابع اديكم مش زى بعضها انا نصيحة منى ليكى اهم شئ اخلاق الانسان لو انسان كويس هيشيلك جوة عنية ولو بقى انا كلامى غلط تعالوا نرجع بقى زى زمان الغنى غنى والفقير فقير وزمن العبودية الى خلصنا منة جمال عبد الناصر على فكرة انا اعرف ناس كتير متجوزين كدة ومرتحين جدا لانهم اتربوا كويس جدا مش علشان الشهادة فقوا بقى شوية هتخدوا الشهادة وهتتعلق على الحيطة اهم شئ الوقتى الاخلاق الحميدة وانى اقدر افتح بيت على فكرة انا دبلوم اة بس انا بشتغل فى مكان الى معاة شهادة جامعية ميعرفش بشتغل فية حتى العنصرية بقت فى مصر \سلامى للجميع
لا طبعا متقبليش حد يكون اقل منك من مستوى الاجتماعى والثقافى أبداً كده هيبقى فى فرق فى الفكر والاسلوب حتى كمان عشان تفتخرى بيه قدام صحباتك والحاجات دى ممكن دلوقتى مش تفكرى فيها بس مع مرور الايام والسنين تحتاجى لحاجه زى كده كمان عشان وظيفته او وظيفتك مهما عليت مش هيقدر يتوظف زى اللى معاه شهاده جامعيه وبناء على وظيفته هيحدد مستوى المعيشه والظروف الاقتصاديه الأهل دلوقتى بقت تدور على الحاجات دى بالنسبه للمستوى الاجتماعى والمادى والحسب والنسب ومن عيله محترمه اولى من الحب واولى من اختيارك خلينا واقعيين شويه
واكيد طبعا الصلاه والاستخاره والدعاء وباقى امور الدين مهمه وربنا يكرمك
اهم حاجة الدين والاخلاق وبعدين المستوى الاجتماعي لو المستوى متناسب مع مستوى اهليك وافقى لان حتى لو دكتوراه والمستوى الاجتماعى اقل يحصل مشكله وانتى مش او او اخر فتاة واهم حاجة الاخلاق والدين لان احنا مش دخلينا عل مكتب تنسيق احنا دخلين علي جواز ولازم اللي توفقي عليه يكون مالي عينك علشان متحصلش مشكلة
rعليكي بصلاة الاستخارة ومن ثم توكلي على الله ونصيحة مني اختاري من يستطيع ان يفهمك واختبري ة اثناء الخطوبة فسوف تتضح لديكي امور كثيرة
تحياتى………
لا تتزوجى من اشخاص اقل منك فى المستوى الثقافى او المستوى الاجتماعى او المستوى الدينى والاخلاقى…..حتى لا تعانى من الفارق فى المستوى
حازم حمام/محاسب الكتونى فى الخليج
صعيد مصر___سوهاج