انا عندي 20 سنه واختي اكبر مني ب3 سنين مافيش بينا اي مشاكل ولا عمرنا ف يوم اختلفنا ولا اتخانقنا ولا اي حاجه وبنحب بعض جدا جدا..لكن المشكله ويمكن كتير منكم هيعتبرها تافهه بس كملو قرايه المشكله ان اختي جميله جدا يعني في فرق جامد في الجمال بيني وبينها فكل حد يشوفنا لازم يعلق علي الموضوع ده هي كمان مهتميه بنفسها جدا جدا ومش محجبه عكسي انا تعليقات الناس بقي بتبقي (انتي جمبها زي بياعه الطماطم) (تحسي انك بنت البواب ) (انتي متأكده انك بنت؟) وكلها تعليقات بايخه جدا. حتي من واحنا صغيرين دايما ماما كانت تعلق علي الموضوع ده وتقولي ان كنت مشروع ولد بس فشل لدرجه اني فقدت الثقه تماما في نفسي وده السبب الرئيسي ال بيخليني ماهتمش بنفسي ولا باللبس رغم ان مستوانا المادي والاجتماعي عالي بس انا خلاص عارفه ان شكلي مش مقفبول.دايما ال يشوفنا يبقي عايز يتعامل معاها هي وانا لا حتي عيلتنا حتي الناس ال شغالين في السوبر ماركت..حتي في حوارات الحب والكلام ده تقريبا كل ولاد العيله وكل ولاد الحي عندنا كانو بيحبوها هي…ده علي الرغم ان انا في الطباع وفي الشخصيه احسن كتير منها (اختي للاسف اخطائها كتيره ومش بسيطه).. هي تقريبا مش بتهتم غير بانها تكون جميله ومعاها موبايل احدث نوع ولاب توب وتخرج وتتصور بس هي كمان في جامعه خاصه فمش بتفتح كتاب..انا نظرا لاني عارفه ان شكلي مش مقبول وان الناس مش هيحبوني او يحبو يتعاملو معايا اهتميت اوي اوي بدراستي عشلن ارجع ثقتي ف نفسي تاني وبالفعل كنت طول عمري متفوقه لحد ماحصلتلي مشاكل ف الدراسه واتاخرت وفقدت تميزي ف الحاجه الوحيده ال كانت بتعملي اتزان نفسي وجود المشكله دي مع تزايد تعليقات الناس خلاني كرهت حياتي.
ارجعي واهتمي بدراستك وإبدأي اهتمي ببشرتك وشعرك وستايلك وابحثي عن الأزياء الأنيقه للمحجبات ولا تتعبي نفسيتك ياأختي
السلام عليكم
اختي الفاضلة من الخر اضربي الدنيا كما تقولوا انتم اخواني المصرين بالجزمة القديمة والله هذه الدنيا لاتستاهل اني ادمر حياتي وانت ربما لم تجدي من يوجهك جعلت نفسك ضحية لنعاملات الناس
انا اعرف ( بشعات ) والله محبوبات لدرجة لاتتصور وانا من بين الناس الذين لاينخدعون ابدا بالمظاهر
اختي الكريمة حتى تفهمي ما يجري مع اختك بالتحليل العلمي ان هذا مرتبط بالعقل بالشري يعني عندما نرى فتاة جميلة العقل يحولها الى شعور بالارتياح والسعادة وهذا امر عادي جدا فتجدين فئة من الناس تميل بدون شعور اليها مع اختلاف في خليفات الاهتمام والكل يريد فقط ….تفهمين قصدي
ومايحدث لك هو انعكاس للخبطة الحاصلة في المجتمع كل الامور انقلبت المبادئ تغيرت كل شيئ تغير هل اصبح للمثقف قيمة هل اصبح للمتعلم قيمة هل اصبح للصادق قيمة
مايعانيه المجتمع العربي هو الفهم الخاطئ للتطور الحالي القليل فقط من فهم هذا الزمان وتاكدي والله لو تتصادفي مع احدهم سيعاملك على حسب مستواك
اذن اختي الله اعطاك العقل لاتجعليه وسيلة لتدمير حياتك اجعليه في خدمة لاتهتمي لكلام الناس
انا اختي والله لااهتم باكلام الناس يعني يقول لي عايزه لن اتاثر لان عقلي تجاوز هذه الفئة التي تعتبر التطور هو اللباس هو امتلاك احس هاتف والتحدث بالانجليزية وياريت كان تعلم الاجليزية للعلم بل للدردشة
اختي اهتمي بحياتك والبس لباس جيد وعيشي سعيدة اضحكي تمتعي بوقتك
ضعي اهداف اهما الدراسة ونيل شهادات عليا والزواج ايضا وان تكوني ام ولك بيت وايضا حافظي على صلاتك
باقي الامور ضعيها في كيس والى المزبلة اكرمكم الله
اعتقد انى قادر افهم مشكلتك بالتحديد باختصار انتى بسبب الناس اللى بيقيمو الانسان بحسب درجة الجمال بقيتى مضطهدة من الناس بشكل شبه تلقائى ومش عارفة ليكى الحق تلوميهم ولا لا .. انا كان عندى نفس الشعور زمان لكن فى الاخر اكتشفت ان احسن حاجة ان الانسان ميتقربش لحد الا للى يقدر يشوف النقاء اللى جواه (الله سبحانه وتعالى) ربنا باعتلك رسالة بيقولك فيها ان لو الدنيا كلها قلت منك هو سبحانه هيقيمك من خلال ايمانك (( ان اكرمكم عند الله اتقاكم )) .. ولو فى حالة ان اختك متميزة عنك فى الجمال خليكى متميزة عنها فى الايمان .. تفتكرى انهى تميز احسن ؟!