السلام عليكم ورحمه الله وبركاته انا شاب عندى 27 سنه مشكلتى انى مش وسيم بمعنى شكلى مش مقبول للطرف الاخر انا زى اى شاب نفسه يعيش قصه حب جميله بس مافيش نصيب انا شخصيه محترمه جدا وخجوله ومؤدب من وانا صغير كان نفسى يكون ليا صديقه بنت بس كان بيحصل النفور منها كبرت على كده كنت بكسر الخجل واروح اتكلم مع البنات بكل ادب واحترام والاقى تجاهل منهم تماما لغايه لما عرفت انى شكلى تقيل على قلبهم مش محبوب لقيتهم سطحيين جدا بيهتموا بالشكل حتى البنات متوسطه الجمال برضو بتهتم بالشكل فده سببلى عقده نفسيه شويه بقيت محرج انى اتواجد وسط بنات فى المواصلات او فى العمل او عند الاقارب والمناسبات بقيت ببعد علشان محسش بالاحراج وسببلى فراغ عاطفى بقيت احب اى بنت اشوفها وطبعا كله من طرف واحد لانى عارف انى لو صارحت اى واحده هيتم الرفض تلقائيا من ناحيتها فبقيت اكتم الحب ده فى قلبى واقعد ابكى انا راضى عن شكلى وبحمد ربنا عليه وعارف ان الكمال لله وحده وربنا اخد منى شكلى وادانى فى جسمى انا بطل كمال اجسام فورمتى يتمناها شباب كتيير الحمد لله على فى الى انا فيه بس زى ماقولت قلبى بيوجعنى انا خلاص رضيت بما قسمه الله ليا كل الى عاوزه ازاى اغض بصرى ومفكرش فى اى واحده انا راضى انى اعيش لوحدى بدون حب وزواج مثل ناس كتيير بس لما بشوف واحده قلبى بيتعلقلها فانا عاوز متشدش لاى واحده واكتفى بنفسى حد عنده طريقه ازاى اكتفى بنفسى ومحبش اى حد وشكرا
اخي العزيز السلام عليكم ورحمة الله وبركاته وكل عام وانت بخير عزيزي الجمال جمال الروح وليس جمال الشكل كما تظن والانسان منا بدينه واخلاقه وعمله الصالح يخلي كل الناس تحبه وتحترمه وتقدره عاوزك تكون واثق من نفسك ومعتز بدينك واخلاقك وتربيتك فهوالاساس في الارتباط في هذة الحياة اعطيك مثال اني اخوك الكبير عندي 49سنة ولست على قدر عال من وسامة الشكل بكل صراحة وصدق ماقوله لك الاانني الحمدلله على دين وخلق وتربية وناجح في عملي وقد سبق لي الزواج بعدة نساء تقدر تقول انهن على قدر كبير من الجمال وعمري ماحسيت بنقص اوعيب في ابدا وحتى يومنا هذا لاقي الاعجاب من كثيرا من البنات والنساء رغم انني لاشعر نحوهن بالانجداب وعاوزك تكون مطمنا وراضيا بخلقة الله لك والكمال لله عزوجل وتسعى الى مرضاة الله وصلاح دينك ودنياك واخرتك والله يحفظك ويرعاك ويكرمك بكل الخير في حياتك