كان نفسي اوي ادخل هندسة عام مع صحابي بس للأسف محصلش نصيب مع اني كنت شاطرجدا و صحابي الفاشلين اتعاملو و غشو و جابو هندسة المهم دخلت خاص و الصراحة مكنتش اعرف ان الكلاس ورك مهم جدا بس والله كنت احسن من ناس كتير اللي مش بيسلم شيتات وللي عمره ما حضر جاب زيي و اقل حبة مع اني بحضر , المهم قلت هظبط الفاينال زاكرت اسبوع و طلع عنيا و فالاخر حليت وحش و نسيت حاجات كتير و شكلي هسقظ في المواد , السوال هنا ليه انا دايما مجهودي مش بفايدة و ناس ولا بتتعب ربعي و بتلاقي ؟ هل انا فعلا انسان ملوش حظ نفسي افرح اهلي مش عارف و حاسس ان الدنيا ماشية فبركه و انا عشان مش بعرف افبرك و بمشي قانوني ف الحوار دا باينه مش جايب همه حد يقولي اعمل ايه دايما حاسس اني مليش ف الطيب نصيب
هموم الشباب
حظى متعثر في الدنيا
اضيف بتاريخ: Saturday, March 30th, 2013 في 09:49
كلمات مشاكل وحلول: شاب, مشاكل الشباب
اخي المشكلة فيك انت تظن انك احسن واحد واشطرمن كل الناس دول ودي قمة الغرور التي اضاعتك وتسببت لك في الحالة اللي انت عليها الان ولازم تنسي الماضي تماما وماتحسدش اصحابك اللي نجحوا وتفوقوا عليك وتتمنى لهم الخيروالسعادة من جواة قلبك لوكنت فعلا تحبهم وتريد الخروج من الوضع اللي انت فيه وتجتهد في دراستك من ثاني وتذاكرجيدا وتبطل غروروتعالي على الاخرين وترضى بماقدره الله عليك في هذي الحياة وبلاش الاحباط والياس اللي انت فيه وتوكل على الله عزوجل واسعى للوصول الى طموحك وهدفك في الحياة وافراح نفسك واهلك وتعويضهم على ماحصل لك في الماضي وربنا معك وبيوفقك ويسرمقاصدك ويجعلك من الشباب الناجحين والصالحين في هذالمجتمع وفقك الله ويسرامرك
معلش متقولش انك شاطر جدا جدا وانت معرفتش تجيب مجموع هندسة عام لانك لو شاطر اوى زى ما انت بتقول كنت جبتها.ازاى تحكم على اصحابك ان كلهم فاشلين وانت اللى شاطر فشخ.معلش انت بتقول ان انت ركزت فى امتحانات اخر السنة فذاكرت اسبوع بحاله ومع ذلك انت شايف ان انت ممكن تسقط (ده الطبيعى ان انت تسقط ده انت لازم تسقط يا بنى هو حد قالك ان هندسة سهلة للدرجة دى) انا شايف انك ما بذلتش اى مجهود علشان تقول ان مجهودك بيضيع انت حتى بتحضر علشان تقنع نفسك ان انت شاطر و الباقى بهايم. على فكرة انا خريج هندسة ومن الاوائل على الدفعة وكان فى بعض المواد اللى جبت فيها امتياز وعمرى محضرت محاضرةفى المواد دى و كان فى ناس بتحضر كل المحاضرات وما كنوش بيفهموا اى حاجة وتسالهم ايه اللى حصل كانو يقولو احنا كنا بنحضر وخلاص على امل ان الوضع يتحسن. اسال اى حد اكبر منك بيحيب تقدير فى الكلية وشوف بينجح ازاى. انا عايزك تزعل من كلامى علشان تفوق (هندسة مش عايزه فلسفة)
بلاش تفكر بالطريقه دي انت دخلت كليه وهيا نصيبك وربنا اكيد شايف الخير ليك اه ممكن تلاقي اللي غش نجح وانت لا بس كون واثق ان ربنا مش بيضيع تعب حد انت خليك واثق في نفسك ومتقللش من قيمتك زاكر واجتهد ومتخليش اي حاجه تاثر عليك ومحدش عارف الايام مخبيه ايه انت صح خليك زي ما انت اجتهد واتعب وخلي الباقي علي ربنا وربنا معاك وتحقق كل احلامك