مش جاهز اتقدملها وخايف تضيع مني

بسم الله الرحمن الرحيم ،،، انا عندى مشكلة تعبانى جدا جدا مش عارف اعيش حياتى طبيعى تعبان جدا تفكيرى علطول مشغول بقيت تاية فى الدنيا حتى لما بكون مع اصحابى بكون فى وادى و هما فى وادى تانى ،،،، نفسى حد يقولى حل لمشكلتى كفاية كدة و ندخل فى موضوع المشكلة ،،،،، الموضوع دة بداء من يوم ما عرفت يعنى اية (( حب )) …. و عرفتة اول لما شوفت ملكة جمال العالم و اجمل واحدة قبالتها فى حياتى مش شكل بس لا فى كل حاجة جمال و اداب و ثقافة الخ الخ الخ …. المهم انها جارتى و مش جارتى من زمان يعنى لا هى لسة جاية من حوالى سنة لانها هى اصلا من الاسكندرية و انا من بورسعيد بس هى جت ساكنت عندنا فى المنطقة من سنة …. طول السنة دى و انا فى فرح و حزن … بفرح لانى شوفتها و بزعل لانى لسة مش كلمتها و صرحتها بحبى و هى دى المشكلة انى مش قادر اصرحها بحبى … لانها اول حب لية فى حياتى و خايف اصدم من الحب و تبقى حياتى كلها تعس فى تعس بعد يوم مصرحتى ليها …. و كمان فى مشكلة اكبر من انى خايف اصرحها لمجرد الخوف من الامر و كدة و بس لالالالا فى مشكلة تانية ان البنت دى تبقى قريبت صاحبى …. و اخاف لما اروح اصارحها يحصل اى مشكلة مع صاحبى بسبب الحوار دة و ابقى خسرت صاحبى و كمان ابقى خسرت الحب …. و للعلم انا طالب فى جامعة بؤرسعيد و عندى 20 سنة و كمان عشان محدش يقولى اتقدملها انا مش جاهز انى اروح اخطب الوقتى قدامى شواية كدة .. و خايف حد تانى يتقدم لها قبل ما اعترفلها … و عمرى ما فكرت فى حد تانى يكون لية غيرها …. و كمان عايز اطلب طلب نفسى تكون الاجابات مفصلة لانى خلاص قرارت انى اخد الحل منكم ….. تحياتى لكم

مشاكل وحلول ذات صلة

• خايف حد يتقدملها و يخطفها مني
• لو حبيبى مجاش هل اقبل العريس التانى
• خايف لتكون اتغيرت من ناحيتي
• بحبها وخايف اظلمها او اغلط فيها
• طلب مني اقول لامي انه عايز يتقدملي
• نفسي اتجوز حبيبي
• رفضت ثلاثه عرسان عشانه ومش عارفة اخرتها