مش عارف اقول ايه او احكي عن ايه , هي المشكلة فيا و لا في الواقع اللي انا فيه و لا في الاتنين , انا شاب عندي 25 سنة تقريبا و في الامتياز في كلية الطب و مشكلتي مش عارف احكيها ازاي او اقربها ازاي
أنا دلوقتي واقف علي حافة المجهول و الارتباك شديد , مش عارف اختار تخصص ليا و في نفس الوقت مش عارف لو اخترت تخصص انا عاوزه هل هلاقي فيه تدريب و لا لأ و خصوصا أن الدولة بدأت تسحب ايدها من اي حاجة تخصنا و انا مش طالب كتير انا عاوز اتخصص و اتعلم و اعالج الناس و مش عاوز اسافر او اتغرب او اسيب اهلي و بلدي رغم مشاكلها و عندنا لو اتخصصت في حاجة و متعلمتش فيها يبقي انت كدة مستقبلك انتهي بالذات في التخصصات العملية زي الجراحات
من ضمن مشاكلي طموحي أنا ليا طموح علمي او ثقافي نفسي أحققه بس حاسس أإني عمري ما هلحق أعمل كل اللي نفسي فيه , مش هلاقي الوقت و لا المادة اللي تساعدني و في نفس الوقت مش عارف اعيش من غير الطموح ده و كأنني بموت من غيره بعمل جزء منه و بأجل الباقي سنة ورا سنة و خلاص بس في نفس الوقت التأجيل ده بيضايقني , بحس عقلي مش هيستوعب بعدين اللي يقدر يستحمله دلوقتي
برضه مشكلة تالتة و هي مشكلة العاطفة و انا عمري ما ارتبطت عاطفيا بواحدة ممكن اعجب بواحدة بس الموضوع عمره ما بيتجاوز كدة و حتي ده ممكن يكون حصل مرة يتيمة و في نفس الوقت جوايا بركان عاطفة و شهوة بالعافية كاتمه مع أني المفروض أأجل كل حاجة لغاية ما اشوف اخرة التخصص هيبقي أيه و اوصل لأستقرار في الوظيفة و المادة اللي انا حاسس اني عمري ما هوصله
ده غير اني بقيت بشكك في كل حاجة و بتردد بسبب القرف اللي بشوفه بيحصل في كل حاجة , غير كدة و كدة بحس بالعدمية و العبثية من كل اللي بفكر فيه و من نفسي و بحس اني غير كفء لأي حاجة و غير كفء أني اربط واحدة بيا و إني أقل من كدة و ان انا ضعيف و إن كل اللي بفكر فيه ملوش قيمة في المجتمع اللي ليه حسابات تانية غير كدة
هموم الشباب
في كلية الطب وطموحي مسببلي توتر
اضيف بتاريخ: Saturday, November 9th, 2013 في 01:45
كلمات مشاكل وحلول: شاب, كلية الطب
والله الإنسان كتير بيبقى مشتت في حياته أستعين بربنا واعمل استخارة في أي حاجه هتخترها في حياتك
والله الواحد بيتمنى يرتبط بحد محترم زيك ما لهوش علاقات مع البنات لأنهم بقوا نادرين قووي
شوف يااستاد يامحترم انته دخلت كليةالطب من الاساس عايز تبقى ايه دكتورطبعالابديكون لديك طموح كبير وعزيمةواصرار عشان تحقق هدفك اللي انت تبغاالوصول اليه ولازم تجتهد وتثابر وتكافح وتتعب وتسهرالليالي وتحرم نفسك من اشياءاخرى عشان تنجح في النهاية وتصل الى ماتتمناه وترتجيه وخلي في بالك التوكل على الله والاستعانةبه قبل كل شي ثم الجدوالاجتهادوالصبروالحماس والعزيمةوالارادة اذاتوفرت كل هذةالمسببات لديك تاكدانك بتحقق الاحلام والاماني اللي تريدههافي حياتك وفقك الله يادكتور وانشاءالله نسمع عنك اخبارسعيدةومطمنة
يا اخي انا حابه أساعدك لآني مريت بحاله بتشبه حالتك هي حاله ضياع مع ازدواجيه والاهم من هيك الواحد بحس عمروا بروح وهو ما سوا شي لسا بس انا شايفه انك ماشالله عنك عند قدرات عاليه انك كملت طب وعم تتخصص وهو شي مو بسهوله الواحد بيصلوا بس نصيحتي الك انك ما تحمل. نفسك اكتر من طاقتها اختار اكتر تخصص مناسب الك والمكان اللي انت فيه وامشي باحلامك خطوه خطوه واستخير واحسن شي التوكل على الله اللي هو عارف بنيتك وانا عن نفسي بدعو هاد الدعاء(اللهم علمني ما ينفعني وأنفعني بما علمتني واللهم زدني علما) وثق بنفسك اكثر نصيحه اسمع للدكتور ابراهيم الفقي.