هموم الشباب

صديقي الذي اريده يتمنى لي الجحيم

السلام عليكم انا طالب ثانوي وشفت بالصدفة طالب في الفسحة وحبيته وتمنيت انه يكون صديقي
عرفت اسمه ورحت كلمته ولما كلته كان مشغول قلت له اكلمك اذا فضيت قال اوك
في نهاية الفسحة جا لي وقال لي شتبي قلت له بكرا احسن لان الحين خلصت الفسحة قال لي قول الحين قلت له موضوع طويل مااقدر اقول لك قال خلص خله مع نفسك
بعدين من بعد هاليوم قمت الاحقه وين مايروح مثل الجني مثل خياله كل مااشوفه الحقه
وبعد اسبوع او اكثر عرفت ان واحد من الاصدقاء يدرس معه في نفس الفصل
ورحت وقلت حق صديقي تعرف فلان قال ايه قلت له تقدر تجيب لي رقمه قال بحاول قلت له اشوفك بكرا
في اليوم اللي بعده وفي الفسحة كنت قاعد مع واحد من الربع
شفته جاي من بعيد وسلم عليي و قال ليش تبي رقمي بطريقة تهجمية
قلت ابي اتعرف عليك قال لي انا ماابيك قلت له ليش انزين قال على كيفي قلت له لييييش!!!!
بال بالغصب انا على كيفي قال خلاص ابعد عني ولا تكلمني قلت له ماني مفارقك والله
وصج قمت كل الاحقه حتى في كل بداية حصة امر عليه خليته يكره حياته وفي مرة اخطأت اكبر خطأ في حياتي شفته طالع ورايح عالحمام ولحقته عالحمامات وطلع وهرب فهمني خطأ
طلعت من الحمامات ومريت عالفصل وشافني وحسيته انه متضايق
مع اني مالمسته ولا طقيته ولا كلمته او جرحته
الله اعلم ب نيتي فب هالفترة كنت دائما اقول في بالي يمكن في يوم من الايام يشتكي علي و يجيب ابوه بعد يومين كلمت واحد من اصدقائي يكلمه ويقول ان الرجل يبي يعتذر منك وفشلان منك
راح صديقي وكلم الطالب وقال له الطالب ان شاء الله يحترق في جهنم
وفي نفس اليوم جاب ابوه وتفاجأت لما جاب ابوه وتهاوشت مع ابوه والوكيل …حتى انه قال ليش تلاحقني في الحمامات جاوبته
واقنعت الوكيل بكلامي حتى انه الطالب قال شغل الكاميراات اللي في الحمامات انا ماخفت وقلت شغلوها شغلوها عشان تبين الحق
مع اني ماكنت متجهز وتفاجأت انه يشتكي ومع هذا غلبتهم في النقاش بس في النهاية عطوني تعهد بعدم التحرش به وبعد ايام قليلة رجعت الحقه وامر عليه
انا ابي ابيض صفحتي معه وابيه يصير صديقي ابيه يعرف اني صديقه مو عدوه
ولا حد يفكر تفكير بعيد انا عازه معزة و حابه محبة وصداقة في الله والله عالم بكلامي