مشاكل المطلقات

اتزوج ام اعيش لابنتي

السلام عليكم
مشكلتي التي احتاج حل لها هي ان عمري 28 سنه تزوجت من 5 سنوات وانجبت بنت عمرها 3 سنوات الان انفصلت عن ابو بنتي وانا حامل في التاسع لانه انسان لا يتحمل المسئولية ولا يستطيع ان يصرف عليا وكانت امي هي اللي بتصرف عليا وعليه وكداب في كل شيء شغله ودراسته غشني في كل حاجه واطلقت ومبيصرفش علي بنته ولا مليم الي الان وبعد 6 شهور من انفصالي عنه وولادتي وقضاء عدتي تزوجت من قريب لي هو كان يحبني من زمان وبعد الزواج كان كويس لمده اسبوعين تقريبا وبعد كده بدء يغيير من بنتي وانا متحملش وحصلت بينا مشاكل كتير انفصلت عنه هو ايضا والحياة مع اهلي متعبة وانا من داخلي اغضب كثيرا واشتاق الي ان يكون لي بيت واسرة
اللي محتاجه رأيكم في هو ارجع لطليقي التاني ولا اعيش لبنتي
مع العلم انه راجل بيكفيني كاانثة ويكفي مصاريف بيته كويس ويقدر يحميني
لكن بيزعق وبيضرب واكيد هيفضل يغير من بنتي لانها مش بنته
لكن انا محتاجه وتعبانه من التفكير
ماذا افعل بالله عليكم

مشاكل وحلول ذات صلة

اضيف بتاريخ: Saturday, September 4th, 2010 في 16:15

كلمات مشاكل وحلول: , , , , , , ,

20 رد to “اتزوج ام اعيش لابنتي”

  1. ابوالبتول
    17/08/2016 at 11:07

    اختي انت جربت الزواج مرتين وفشلت فيهما بدون الرجوع للماضي وللاسباب التي جعلتك تتطلقي من ازواجك الاول والثاني لازم ترضي بالنصيب وده نصيبك في الحياة وتفكري في مصحلة ولادك الاثنين البنت والولد وتقومي برعايتهم والاحسان لهما وتربيتهم التربية الصالحة في الحياة ونشاء الله ربنا بيبارك لك فيهما ويرزقك برهما ويعوضك خيرا ممافاتك في الحياة كوني لهما نعم الام والاب وعوضيهما حرمانهم من ابوهم اللي تخلى عنهم يكتب الله لك الاجروالثواب في الاخرة ويرزقك برزقهما واياك والزواج مرة اخرى اوالتفكير فيه اشغلي اوقاتك بطاعة الله عزوجل من العبادات والصلاة والصيام وقراة القران وصلة الاهل والارحام ومن تربية الاولاد ومذاكرة دروسهم والعناية بهم ولاتنسي انك مطلقة وام عليك واجبات ومسوليات نحوهم ربنا يفرج عنك ويسترعليك ويصلح احوالك ويبارك لك فيهم نشاء الله تعالى

  2. koko
    08/03/2011 at 16:34

    من حقك طبعا انك تتجوزي وتجربي حظك مره اخري ولكن نصيحه لا تتزوجي الا من انسان يتقي ربنا فيك وفي بنتك صلي الفجر وادعي ربنا يبعت لك الانسان ده وبلاش الزوج الثاني لانه كان زي ماقلتي عصبي ويضرب
    لازم زوج يكون حنون ويعوض البنت عن ابوها وتعملوا اسره هادئة تساعد في تنشئة البنت تنشئة سليمة

  3. اشارك برايى بموضوعيه
    27/09/2010 at 13:04

    اولا طليقك بيزعق ويضرب مين انت والا بنتك
    لو لبنتك لما تعمل غلط زى اى والد يبقى ارجعيله
    لكن لو علشان مش بيحبها طبعا لا وانتظرى الشخص المناسب

  4. تسنيم و مالك
    26/09/2010 at 21:24

    اهتمى باولادك ولا تظلميهم علشان نفسك اما بنسبة للزواج ربنا يبعتلك الى يخاف على اولادك قبل ما يخاف عليكى واصبرى

  5. احمد المصري المصري
    21/09/2010 at 14:10

    انتى لسة صغيرة وقاعدك من غير جواز ممكن يأثر عليكي بعد كدة من من راي انك ترجعيله وتحولى تهتمي بيه كتير في الوقت اللي موجود فيه فى البيت واول ما يخرج ادي لبنتك كل حنان الام بكده تبقي وفقتى بين الاثنين ان شاء الله وعي راي المثل ضل راجل ولا ضل حيطة

  6. dr.ahmed
    21/09/2010 at 02:04

    من الافضل الزواج من اخر لانه خلاص عرفتي عيوبه وانتي لسه صغيره ومحتاجه راجل يحميكي وبنتك

  7. فاعل خير
    20/09/2010 at 23:18

    اختي العزيزة ابدا كلامي معكي واقولك كل انسان داخله طفل لو عرفتي تخرجي الطفل ده من زوجك التاني وروتيه حيعامل بنتك او ابنك كويس لانك اديتيله اللي هو عايزه وشكرا

  8. sodfa
    15/09/2010 at 21:17

    خخخليكى مع زوجك وحاولى تهتمى بية اكتر واملى حياتة لدرجة انة لايستغنى عنك ثم اقنعية بوجود بنتك حتى يحبها

  9. ** البحر الهادئ **
    15/09/2010 at 19:17

    ** السلام عليكم ** ملاحقة لتعليقى الأول وصدقينى لما يلاحظ اهتمامك به هو من تلقاء نفسه سيحب اطفالك ويعتنى بيهم لانه هو لاحظ انكى اعطيتيه كل الحب والاهتمام فهو من تلقاء نفسه ستجدين يعانق ويحب هاذوا الاطفال ** ولكن من الكلام الذى فى موضوعك ياأختى عرفت انكى لم تجعلى توازن فى حياتك الزوجية الثانية او لا تتصرفى بحكمة **

  10. ** البحر الهادئ **
    15/09/2010 at 18:55

    السلام عليكم * شوفى ياأختى انتى قلتيها بعظمة لسانك المشكلة كانت فيكى انتى هداكى الله انتى قلتيها بالنسبة الي بنتى هية الماء والهواء الذى أتنفسه وكل حياتى * يعنى انتى لما تزوجتى الرجل الثانى نسيتى كونكى زوجة ولازم تعطى كل وقتكى لزوجكى طبعا من غير اهمال ابنائكى * ولكن انتى لما تزوجتى الرجل الثانى من كثر اهتمامك ببنتك جعله يظن انكى متزوجاه لكي يربى الاطفال الذى هو ليس ابوهم وينفق عليهم يعنى جعلتينه يظن مو متزوجة رغبة فيه رغبة فى رجل يكون لكى غطاء وتكونى له الوسادة وهاذا مايوقع فيه كثير من الأخوات المطلقات ولديهن اطفال من كثر الاهتمام بأطفالها من زواجها الاول وبوس فيهن وحب ودلع وغنج وملاعبة الاطفال تنسى انها امراة وتزوجت رجل جديد وهو ليس أب لهاذوا الاطفال اعلمى ان الرجل نفسه يحب المداعبة والملاعبة وحتى عض الدلع وووووووحتى تحسسينه انه ابنكى وانتى بنوتته ولكنن للأسف قليل من النسوان ينتبهون لهاذى النقطة ** ومثل ماقلت طبعا عدم اهمال الاطفال لأانا مسؤولون عليهم يوم القيامة ولكن انتى لاعبى اطفالكى واعطيهم كل الوقت لما هو يكون بالعمل ولما هو يرجع اعطى الوقت له هو لاعبينه وامزحى معاه وداعبينه وعضينه مثل ماتعملى مع الأطفال افهمى ياأخت * اتمنى تصلكى هاذه الرسالة** تحيات أخ تونسى مغترب ** والسلام على من اتبع الهدى **

  11. نديم
    14/09/2010 at 00:56

    انا عارف ان يلي يدة بالمية مش زي يلي يدة بالنار
    اصبري فمن الممكن هذا ابتلاء من الله ليرى مدى صبرك وتعبك بالحياة ويعوضك خير
    هنالك قصة شبيهة بقصتك وصاحبة هذة القصة تعيش الآن احلى ايام حياتها فعوضها الله رجل ميسور الحال جدا وعقيم واعتبر اولادها كاولادة
    توجهي الى الله واشكي لة حالك وادعيةبأن يعوضك خيرا

  12. المصرى الاصيل
    12/09/2010 at 07:18

    حاولى تقنعقى زوجك بوجود ابنتك و حاولى تهتمى بزوجك اكتر من ابنتك و الا تطغى عاطفه الامومه عليكى اكثر من عاطفة الزوجه حتى يتقبل زوجك الامر و ان لم يقتنع فليذهب الى الجحيم و ابحثى لكى عن زوج اخر او ارسلى ابنتك الى ابيها

  13. nony_alex
    11/09/2010 at 19:32

    انا من رايى زى راى الاخوات بالطبط افضلى مع بنتك لغاية ماتلاقى حد مناسب ليك وتتدرسى كويس وربنا يوفقثك

  14. حسن الباشا
    05/09/2010 at 23:18

    سيبك من كلم الناس دة عشان اللة قدر على كل شئى صلى صلت استخرة واستخيرى اللة وبذن اللة يبن ليكى الصح اية ويا رب يوفقق

  15. صاحبة المشكلة
    05/09/2010 at 01:10

    جزاكم الله خيرا
    انا فعلا هو ده اللي بفكر في اني خايفة اظلم بنتي او اكون سبب في شقائها في يوم من الايام لكن اوقات بضعف وكنت محتاجه حد يقولي رأية ويساعدني خصوصا اني بحب بنتي قوي بالنسبة لي الهوا والميا اللي معيشاني لكن النفس الامارة بالسوء هي اللي بتحن للبيت والحياة والاسرة خصوصا في ظل مشاكل اهلي
    يعني شايفيين انه الصح اني اعيش لبنتي لحد ما القي انسان كويس ولو ملقتش يبقي نصيبي كده؟؟؟؟؟؟؟؟
    صح

  16. دينا
    05/09/2010 at 00:04

    انا نفس ظروفك تقريبا مطلقة وعندى بنت وخايفة اتجوز من خوفى على بنتى لكن اشتغلت وجربت الشغل اخدنى من الخنأة اللى كنت فيها ومن يعمل ليس له وقت للاحزان اشتغلى وانسى فكرة الزواج الا اذا صادفك راجل حسيتى فعلا لنة هايصونك انتى وبنتك ومفيش مانع انك تتجوزى تالت ورابع اية المشكلة ورايى بلاش الراجل الجاحد اللى بيتصرف بالشكل دة مع بنتك نفسيتها هاتتدمر حرام اوعى ترجعيلة الحنية محدش بيشتريها ودى طبع مهما قال هاتغير الطبع غلاب واتمنى لكى التوفيق

  17. سوسوووو
    04/09/2010 at 19:58

    اهم شي البنت لاتضييع والله حرام توها صغيره

  18. Blink
    04/09/2010 at 19:57

    انا شايفة انك جربتي تتجوزي وحصلت مشاكل لان بجد محدش هيبقى احن على الضنى غير امه وابوه

    لو ابوه مفيهوش رحمة امه بتشيله وتعمل المستحيل عشان تعيشه .. فكري فيه بليز قبل متفكري في نفسك

    لو شايفة انك راضية تبني سعادتك على تعاسته يبقى متفكريش فيه ولا تهتمي بس انا شايفة انك كمان مش شايفة سعادتك مع زيجاتك دي

    انصحك تعيشيلو وتشتغلي وتصرفي على نفسك وعليه وسيبيها على ربنا لو ليكي نصيب في حد هتاخديه باذن الله

  19. لولو
    04/09/2010 at 18:26

    ماتتزوجي تاني نصيحه !! بعدين صارلك هيك مع زوجك ابو بنتك لو تزوجتي تاني مارح تكوني سيعيده بحياتك جربتي حظك مره المره التانيه انسي وعيشي لولادك احسن الك

  20. رايق
    04/09/2010 at 17:06

    انا شايف ان حرام بنتك زنبها ايه تعيش مع الراجل دة يضرب فيها بلاش تفكرى فى نفسك قوى وغير كدة المفروض يتقى ربنا فى البنت دى واللى بيحب حد يحب كل حاجة فيه والمفروض يستحمل بنتك علشانك مش يضربها او يعملها وحش ولو هو عايز يرجع ارجع بس بشروط طبعاانه يعامل بنتك كويس كانها بنته ويتقى ربنا

اترك رداً أو حلاً لهذه المشكلة