مشاكل الثانوية العامة

ازاي اذاكر في الثانوية العامة

اضيف بتاريخ: Tuesday, July 19th, 2011 في 02:34

كلمات مشاكل وحلول: الثانوية العامة, مشاكل الثانوية العامة

21 رد to “ازاي اذاكر في الثانوية العامة”

1. روزة

   

   28/09/2013 at 12:42

   الثانوية العامة اسمها بس بيسبب رعب وقلق و….طموح
   مين فينا اهله مطلبوش منه يذاكر واتخنق بسبب كده وده غلط
   احنا لو سمعنا كلام الوالدين هنحقق اماال كتير انا والدتى بتشجعنى باسلوب يسد النفس بس فاهماها وبذاك ووالدى الله يرحمه صورته قدامى بتشجعنى
   طبعا النسيان مشكلة والنعناع بيحلها والحمد لله على نعمة النسيان ووجود الحل ليها 🙂
2. يارب حقق هدفي واملي

   

   18/02/2012 at 11:53

   بصي هو اكيد ومؤكد الكل بيخاف من الثانويه وخايف انه ميحققش اللي في نفسه بس انا هقولك علي حاجه محدش يقولي ان الاصحاب بتنفع انا عن تجربتي الاصحاب حتي ولو كانوا متفوقين بيحبطوا من عزيمتك ويلهوكي والله انا صحابي كلهم اوائل بس لما اجي اقلهم نذاكر او نصلي او اي حاجه يرفضوا وكانوا بيشتغلوني يعني لما نذاكر او نحل تدريبات مع بعض يقولولي احنا لسه موصلناش للدرس ده او احنا لسه مأخدناهوش او يتحججوا بأي حاجه عشان مذاكرش معاهم او اكتسبلي معلومه وبصراحه كلهم انانين عاوزين لنفسهم الافضل وعاوزينك تكوني الاسوء حتي لو بينولك العكس بس بيظهروا في النهايه … بس نصيحتي لكي اهم شئ التقرب من الله بالصلااه والدعاء وقراءه القرءان وتذاكري وتستعيذي بالله وان شاء الله ربنا يوفقنا كلنا ويدخلنا الكليات اللي بنطمح اليها ومتنسيش ابعدي عن الصحاب لان معظمهم اصحاب سوء وربنا يوفقنا
3. نسمة

   

   27/01/2012 at 11:46

   يا جماعة حد يوقلي انا في 3 ثانوي وقسمت السنة وانا في علمي رياضة وساعااات بحس اني مش عارفة ازاكر اقصد اني كلي ملل وبقضي وقت كتير في التليفاز ومش عارفة انظم وقتي ونفسي جدا ادخل هندسة مش عارفة اعمل ايه انا كنت السنة اللي فاتت بزاكر اكتر من كدة حد يرد عليا ارجوكم
4. محتاجة مساعدة

   

   13/08/2011 at 08:29

   انا ع طول بحس انى مش مركزة زمخى مش فيا والحكاية دى مسببة ليا مشاكل وضعط نفسى رهيب بجد ارجو المساعدة عشان انا داخلة ع رداسة انا ف تانية ثانوى ادعولى
5. محمد عزوز

   

   24/07/2011 at 03:46

   يا جماعة انا هقولكم على حاجة احسن حل للتفوق هو التوكل على الله وليس التواكل والتمسك بدين الله وطاعة الله ورسولة وبر الولدين ثم المزاكرة الجيدة
6. اميرة

   

   23/07/2011 at 20:32

   انا دخلة اولى ثانوى وعايزة طريقة للمذاكرة ربنا يوفقكم
7. ربنا معاكى و معايا

   

   22/07/2011 at 18:21

   أنا زيك رايحة المرحلة الاولى بس انا خايفة اوى من العربى لان انا مش بعرف احفظ و مش متاسسة فى النحو حد ياولى اعمل اية
8. فايزةاحمد

   

   22/07/2011 at 14:22

   اكتر مشكلة عندى كانت الاصحاب مش علشانهم مش كويسين دول كويسين جدا بس كانوا بيشغلونى وضيعونى في الثانوية وفي الاخر جابوا اكتر منى
9. محمد حسن

   

   21/07/2011 at 23:43

   بسم الله الرحمن الرحيم

   قامت إحدي المنظمات التعليمية بإحصاء لجميع طرق المذاكرة لإختيار أفضل طريقة للمذاكرة
   وكانت هذه الطريقة كالآتي :

   1- قراءة الدرس أو الموضوع قراءة شاملة
   يعني إية بقا قراءة شاملة ! ؟
   يعني ما تحاولش تفهم أي حاجة من الموضوع في الخطوة دي
   (كإنك بتقرأ جرنال بالظبط )
   يا جدع هوا في حد بيركز وهوا بيقرا الجرنال
   المهم الدرس أو الموضوع كلو اتقرا قراية سريعة
   ودا طبعاً ما ياخدش منك عشر دقايق علي بعض
   طب إية الغرض من الخطوة دي طالما أنا مش هفهم حاجة ! ! !
   بكل بساطة الغرض هوا إنك تلم إلمامة بسيطة بمحتوي الموضوع
   ( يعني عشان تعرف الموضوع بيدور حوالين إية )
   وأقسم بالله إنك في الخطوة دي ممكن تستوعب أكتر من 20 % من الدرس
   نتنقل للخطوة التانية

   2- تحديد النقاط الأساسية للموضوع
   ( يعني العنواين الجانبية يا كابتن )
   ونقدر بردوا نسمي الخطوة دي بإسم تاني وهو
   تقسيم الدرس إلي فقرات
   ونلاحظ إن في الخطوة دي إحنا بنسهل علي نفسنا كتير أوي أوي
   لأنك بتخلي الدرس الكبير أصبح عدة فقرات قصيرة يسهل مذاكرتها

   تمام كده يا عم الحاج نخش بقا علي اللي بعدها

   3- التلخيص
   في الخطوة دي بقا حضرتك هتستوعب 50% من الدرس
   تبدأ في تلخيص الدرس ودا بيخليك تقلل حجم الدرس أوي
   وطبعاً هيسهل المذاكرة عليك كتييير

   لحد كدة والله يبقي 100 100

   4- استخدام الألوان في المذاكرة
   وفي مذاكرة الثانوية العامة الألوان مهمة أوي في المذاكرة
   طب لية ؟
   عشان معظم الجمل اللي حضرتك هتحددها بالألوان هتفتكرها بسرعة
   هتفتكرها بقا سواء كنت في الإمتحان أو لو جيت تراجع مرة تانية في نهاية الأسبوع
   والمراجعة مهمة جداً جداً
   يا عم الباش مهندس ما تجننيش المراجعة كمان مهمة !!!!!!!!!!!!!!!!
   أيوة يا باشا مهمة أوي عشان أساساً إحنا ربنا سمي كل واحد فينا بإسم ((( الإنسان )))
   والكلمة دي مشتقة من ((( النسيان )))
   وعشان كدة يبقي مافيش حد في الدنيا دي ما بينساش
   وطبعاً إحنا بعد مجهود المذاكرة دا كلو مش محتاجين ننسي بسرعة
   وعشان نفضل فاكرين يبقي عليك وعلي المراجعة يوم الجمعة
   (( ولازم تراجع علي كل الدروس اللي ذاكرتها قبل كدة ))
   يا رب أكون أقنعتك

   وبعد الألوان والكلام دا كلو نروح للخطوة الخامسة

   5- تنويع أسلوب المذاكرة
   يعني إية ؟
   يعني في المذاكرة ما تستخدمش القراءة بس
   أو الكتابة بس
   لا … لا … لا
   حضرتك لازم تشغل أكبر قدر من الحواس بتاعتك
   يعني تقرأ اللي بتكتبوا
   وبكده تكون إستخدمت :
   النطق
   الكتابة
   والسمع ( ما انتا هتسمع اللي بتنطقوا )
   والنظر ( ما انتا طول ما انتا بتذاكر عينك في الكتاب )

   ننتقل للخطوة السادسة

   6- التدريبات
   بعد ما تذاكر يا عم وتخلص الدرس كلو
   عليك وعلي تدريبات كتاب الوزارة الأول
   ( بيجي منو نص الامتحان رأفة بالطلاب اللي مامعاهمش يجيبوا كتب خارجية )
   وبعدين تبدأ تحل بقا من الكتب الخارجية وياريت ما تسبش سؤال إلا لما تحلوا
   ( السؤال اللي ما تعرفهوش إرجع للدرس علي طول وشوف هوا موجود في أنهي جزء من الدرس وذاكر الجزء دا تاني )
   وما تنساش تحل السؤال بردو ,.. ههههههه

   وبكدة تكون الخطوات بتاعة المذاكرة خلصت
   ندخل بقا علي بعض النصائح الشخصية
   ( دي من تجربتي الشخصية والله )

   بعض النصائح اللي تساعد علي الفهم الجيد أثناء المذاكرة :

   1- لازم يا مان توفر الجو المناسب قبل ما تذاكر
   ( يعني الحجرة متروقة حواليك والترابيزة نضيفة وأدامك الكتاب اللي هتذاكر منوا والكشكول اللي هتذاكر فيه والكام لون اللي قولنا عليهم )

   2- لازم تكون إنتا مرتاح نفسياً يعني رايق من الأخر
   ( حاول وإنتا بتذاكر ما تشغلش نفسك بأي حاجة غير المذاكرة ولو حصل والشيطان رمالك فكرتين كدة ولا تلاتة عشان يشغلك حاول تخلص منهم بسرعة وترجع تاني لمذاكرتك )

   3- كتر بقا وانتا بتذاكر من السوائل
   ( زي المياه والعصير وكدة يعني )

   4- بعد كل ساعة أو ساعة ونصف كدة خدلك قسط من الراحة
   ( بس ماتطولش أوي يا معلم أصل أنا عارف المصريين ما بيصدقوا يعني هما 10 دقايق كدة ولا ربع ساعة حتي وبعدين إرجع للمذاكرة تاني )

   5- أحسن وقت بقا تذاكر فيه بعد الفجر
   ( يا سلالالالالالالالالالالام علي بعد الفجر دة الواحد بيبقا حاسس إنوا عايش لوحدوا في الدنيا دي والله يا جدع )

   6- لما تيجي تحفظ فقرة في المواد اللي بتتحفظ دي
   ( راجع علي الفقرة كذا مرة وحاول وانتا جاي تقولها تالت مرة كدة تقولها بالبلدي دا ممكن يثبت الحفظ شوية )

   7-مافيش مانع إنك تقوم تتمشي وإنتا جاي تحفظ حاجة ( المشي بيساعد علي الحفظ بردوا )

   8- وإنتا بتذاكر كدة ماتنساش تحط سؤال أو سؤالين علي كل فقرة 0 أصل دا بيساعد علي تثبيت الفهم بردوا

   9- لو شعرت بالتعب أو الملل من المذاكرة يبقي هِسسسسسسسسسسس يا عم الحاج
   ( معلش علي كلمة هِس دي أنا بهزر )
   أنا قصدي يعني يبقي خلاص بطل مذاكرة وقوم كدة إتوضا وصلي ركعتين وبعدين إرجع للمذاكرة تاني

   10- لو هتذاكر كذا مادة يبقي لازم تبدأ بالمواد اللي بتحبها الأول وتسيب الرخم للأخر

   11- ما تذاكرش بالليل ( أصل السهر مش حلو علشانك يا كوتوموتوا )
   ولو حصل وذاكرت بالليل ( ما تفضلش بقا طول الليل تئربع في شاي وقهوة عشان طاقة حضرتك )
   ( وعشان ما تبقاش مدمن يا كابتن )
   ( أنا طبعاً قصدي مدمن شاي وكافيين أصدي قهوة )

   12 – وأخر نصيحة ليا هي إنك تصاحب شلة كويسة كدة تيجي تنده عليك عشان الدرس والمدرسة والصلاة
   مش عشان السايبر والنت واللعب والكووورة
10. ميوره

    

    21/07/2011 at 20:13

    الصلاه وذكر اللله كتير ولاتنسى الدعاء وطاعه الوالدين والمذاكره والتركيز وانتى بيذاكري ومضيعيش وقتك فى النت والتليفزيون و
11. reem

    

    21/07/2011 at 09:15

    حبيبة قلبى انا رايحة ثالثة ثانوى اهم حاجة خلى ربنا فى بالك سبيها على ربنا وخلى فى بالك على قد ماتتعبى ربنا هايوفقك وبالنسبة للانجليزى ركزى فية من البداية ربنا معاكى
12. totatota

    

    21/07/2011 at 09:05

    السلام عليكم ورحمةالله وبركاته بصى يا قمر انتى الاول تحطى ف دماغك انك هتحققى اللى انتى عايزاه لان لو عندك ذرة شك انك مش هتحققى اى حاجة من اللى انتى عايزاها ممكن تتعبى طول المشوار انما لازم تكونى واثقة ف نفسك وف مذكرتك وف ربنا طبعا انه هيساعدك طول مانتى بتتعبى ربنا قال اسعى ياعبد ونا اسعى معاك المهم انك تزاكرى وتقربى من ربنا وتزاكرى من كتاب واحد بس عشان متشتتيش عقلك وتحلى تمارين كتييييييييييييييير عشام ميقفش عليكى سؤال يارب يكون حل مناسب ليكى يارب معاكى ومع كل اللى زيك يارب
13. اميرة

    

    21/07/2011 at 07:30

    بصى يا حبيبة قلبى اولا اتمنالك التوفبق انتى واللى زيك انا كنت ف مرحلة اولى ودلوقتى داخلة مرحلة تانية وعلمى علوم والحمد لله والشكر للة انا جبت 98.5 انا كنت بقول عمرى ما هجيب مجموع بس الحمد لله ربنا مبيضيعش تعب حد اهم حاجة تقولى يارب وربنا عمره ما هيخزلك وف النهاية لكل مجتهد نصيب وربنا يوفقك ويوفقنا اجمعين
14. مجهول

    

    20/07/2011 at 21:46

    هى بردة حكاية الاصحاب دة مهمة حاولى تكونى في مجموعة شاطرة لانهم حيشجعوكى وحتحاولى تكونى زيهم واحسن انما لو في مجموعة اقل منك حيحقدوا عليكى وحيزودا مشاكلك ودة مش حلو في الفترة اللى انتى فيها اللى محتاجة اكبر قدر من الهدوء والتركيز.
15. نور الهدي

    

    20/07/2011 at 12:38

    بصي ياقمر انا خلصت ثانويه عامه وان شاء الله هخش طب انا عايزه اقولك كلمتين انا كنت واخده سنتين الثانويه العامه علي اعصابي وتعبت جامد جدا وبذلت مجهود اكتر من المطلوب وفي النهايه جبت المجموع اللي ربن كتبهولي والله تعب الاعصاب هو اللي حيمنعك عن بلوغ هدفك زي انا تعبت اعصابي فمنعني من الوصول لهدفي اللي كان بينه وبيني خطوات وهو اني اطلع من الاوائل انا عايزاكي متسمعيش كلام حد عن اهوال الثانويه العامه وهدي نفسك وحولي تقوي علاقتك بربنا وانشاء الله ربنا حينولك هدفك وربنا مبيضيعش تعب حد وفي نفس الوقت (لا يكلف الله نفسا الا وسعها)
16. semsem

    

    20/07/2011 at 04:00

    اولا ربنا يوفقكم جميعا انا خلصت الثانويه العامه السنه دي انا علمى رياضه وجبت 97% وانشاء الله ادخل هندسه احب اقولك ان اهم حاجه انك دايما تدعي ربنا يوفقك وتاخدي السنه جد من اولها وحطى في دماغك ان تعب سنتين صدقينى هيريحك بعدين كتير وهيفرح قلبك وقلب باباكى ومامتك ولو احيانا حسيتى انك مش قد الثانويه العامه قولي لنفسك ان اللي في طب مش احسن منك وده هيخليكى تثقي فنفسك اكتر انا كتير كان بيجيلي احباط واقول لنفسي انا عمري ما هدخل هندسه بس كنت بعمل اللى عليا واقول ان ربنا ان شاء الله ربنا مش هيضيع تعبي بصي ذاكري كل حاجه اول باول وحاولي انك تفهمى الماده مش تحفظيهاولازم تقتنعى باي حاجه فاي ماده لانك لو حفظتى حاجه انتى مش مقتنعه بيها هتنسيها علطول اما بالنسبه للانجليزى انا مكنتش بحفظ كلمات اضافيه وبكتفي بكلمات ال units بس اكيد حفظ كلمات اضافيه مفيد بس مشكلتى كانت انى بنسي علطول بتمنى انى اكون افدتك وربنا معاكى ومع كل اللي زيك
17. ربنا معانا

    

    20/07/2011 at 03:12

    ان شاء الله ربنا معاكى وانا هدخل علمى علوم ان شاء الله
    اهم ئ الصلاة وذكر ربنا
    وذاكرى كويس اوى اوى لانهم سنتين بس
    وحطى ف دماغك ان ربنا مش هيضيع تعبك ابدا
    وربنا قال فى حديث قدسى
    انا مع ظن عبدى بى
    يعنى لو ظنيتى خير هتلاقية ربنا معاكى ومع كل اللى زيك
    وبالنسبة للاصحاب
    طبعا مفيش حاجه اسمها نبعد نهم
    كدة غلط لان ربنا عالم بينا وبحالنا
    ولو عرفتى حاجه جديده او تعلمتى شئ مم يفيدهم لازم تعرفيهم لان كدة ربنا هيذودك من عنة
    حب لاخاك ما تحب لنفسك
    يا ري تكونى قريتى كلامى
    وتستفادى وتفيدى غيرك ان شاء الله
    اشهد ان لا اله الا الله وان محمد رسول الله
    كلمتان خفيفتان على اللسان ثقيلتان فى الميزان
    سبحان الله وبحمدة سبحان الله العظيم
    لا تنسوا ذكر الله
18. salma

    

    20/07/2011 at 02:14

    انا عارفة اللى انت فية ربنا معاكى ومعا الكل ان شاء الله وبالنسبة للانجليزىاحفظى كلمات كتير جدا وخلى بالك من الجرامر وطبعا تقربى من الله اكثر واكثر واوعى تصحبى اصحاب السوء وربنا معاكى ومع الكل
19. salma

    

    19/07/2011 at 18:00

    أهم حاجة الحل الكتير والتركيز
20. esso

    

    19/07/2011 at 14:52

    بصى والله انا مرعوبة من الثانوية العامة جدااااااااااااا واهلى حاطين عليا امل كبير بحيث ان انا اكبر اخواتى وكدة ونفسهم ادخل طب لان بابا دكتور واعيزنى ابقى معاه وهقولك على ما بينصحونى يعنى بيقولى تتقربى من ربنا وتصلى ومتسبيش ولا فرض وتبعدى عن كل اصحاابك ف المرحلة دى لان مفيش حد عيزك تبقى احسن منو وتزكرى ليل نهار دول سنتين تقضيهم بالطول والعرض وترتاحى وتزكرى على طول ف دمااغك مزاكرة وبسسسس وتبعدى عن النت والتلفاز والمسليات المضيعة للوقت وكدة ودعاا الوالديين وتحلى تمارين كتير وملخصات كتير بقى وبالتوفيق يااااااارب ليا وليكى
21. اسئلي مجرب

    

    19/07/2011 at 13:53

    طب الحقي وحولي من علمي علوم بسرعه عشان اخرك 70 %