مشاكل المطلقات

وقعت في الزنا بعد الطلاق من زوجي

انا بقول على حالى غبيه لان ده الاسم المناسب لى انا تزوجت لمده سنتين وعندى ولدين ومطلقه لمده 3 سنوات وسبب الطلاق انى جوزى مش اد المسؤليه وسبنى وساب اولده وعاش فى حاله رغم مش مخالينا عايزين اى شئ بس هو اصيب بمرض نفسى وهو الانفصال فى الشخصيه مرض صعب جدا اتحملته كتير لكن هو رفض ان يكون زوج لى لكن هو اب بمعنى الكلمه الاسباب مش منى لا ده شبب مرضه المهم انفاصلنا وكل واحد لى حياته الخاصه المصيبه اللى انا فيها انى بعد 3 سنوات من انفصالى ما زنيت مره واحده ولا حتى جاه فى بالى انى اغضب ربنا لان بحب ربنا اوى وماليش غيره ابدا ولا احب انى امارس العاده السريه او اى شئ وزى الغبيه اول ما تقدم لخطبتى انسان كويس ومصر على الجواز بى وافقت وقرب منى واحده واحده لغايه ما زنيت معه وغضبت رب العالمين وهو مصر على انه يستمر فى الارتباط بى مش دى المشكله المشكله انى انا اللى مش عايزا اقول فى حالى لو هو كان بيحبنى كان ما يخالينى اضعف وانام معه وازنى واغضب ربنا خوفت منه لانى بحب اللى يشدنى للربنا مش للزنه وانا زى الغبيه او زى اى شئ قزر وافقت وحتى فى صالتى مش عارفه ارفع عينى فى ربنا واقول الله اكبر انا بالوم حالى وانا مش عايزا اعمل كده تانى والله وحاسه انى ميته ولما اعود مع حالى اقول منه لله جوزى سبنى وساب اولده عشان كلام فراغ وحتى رافض انه يتعالج مش غصب عنه لا بمزاجه هو اللى عايز كده ممكن اعرف منكم اتزوج من هذا الراجل او لا بس انا ما ارتحت بعد مازنيت معه وشجعنى على الغالط رغم انى اللى غالطنه وسقط فى امتحان ربنا كان باعته ليه بس كان امتحان صعب عليه اوى ما قدرت انجح فيه وعايزا اقول ممكن تكون معلومه اى حد يشوفه ان والله بوسه من جوزى تسوى الدنيا والمتعه الدنياه كلها وصدقونى الحرام بيس لا سراب لا معنى ولا طعم وادعولى انى ما ازنى تانى وانا اوعد ربنا انى ما اعملها ابدا بس حابيت اكتب اللى جويا يمكن ربنا يسمحنى شكرا

مشاكل وحلول ذات صلة

اضيف بتاريخ: Tuesday, October 11th, 2011 في 08:00

كلمات مشاكل وحلول: , ,

29 رد to “وقعت في الزنا بعد الطلاق من زوجي”

  1. جنتلمان فارس
    04/11/2013 at 11:15

    الله يغفر لكي ويسامحك ان شاء الله .. لاني اري والله اعلم صدق كلامك وصدق مشاعرك امام رب العالمين وندمك علي ما فعلتيه وتوبتك الصادقه النابعه من قلبك فيارب ارحمها واقبل توبتها والله يوفقك ان شاء الله بان يهدي لكي زوجك او اي شخص اخر يتقدم للزواج منك غير الذي فعلتي معه الفاحشه وشكرا

    قَـيّـم هذا الحل: Thumb up 3 Thumb down 1

  2. esam
    17/01/2013 at 20:45

    صاحبة المشكله واضح ان الشخص الذى كان يرغب فى الزواج منها وفعلت معه واقعة الزنا لم يكيفها ومتمتعتش معاه ممكن يكون قذف بسرعه وهى لم تشعر بأى متعه اسناء ممارسة الجنس معه لان هذا الموضوع حصل بالصدفه ولم يكن مستعدا له اما زوجها ممكن يكون كان بياخد فيجرا وبيطول معاها اكتر حصل مقارنه بين التنين وجدت ان زوجها كان افضل والراجل التانى ده ضعيف جنسيا علشان كده متردده انها تتجوزه هذا هو التحليل المنطقى لما سمعته من هذه السيده ونصيحتى لها لا تتزوجى من هذا الشخص الحقير

    حل غير مناسب حسب التصويت. ما رأيك انت: Thumb up 2 Thumb down 24

  3. راجية الله
    19/10/2012 at 23:34

    ربنا يتوب عليكى ويرحمك ويغفرلك الله المستعان اصبرى وربنا يرزقك خيرا منه اوعر تاخديه هيصير وجعك وبناتك مش هيرتاحوا معاه الله يجيرك ويرزقك بزوج يكون لك نجدة وتوبة من الله وهو ارحم الراحمين

    قيم هذا الحل سلباً او ايجاباً: Thumb up 8 Thumb down 0

  4. كريم
    08/10/2012 at 20:09

    انتى تبتى الى الله ابعدى عن الراجل ده وربنا يعوضك بافضل منة ان صدقت التوبة وربنا غفور رحيم ولاتياءسى من رحمة الله ابدا مهما كان ومهما عملتى

    قَـيّـم هذا الحل: Thumb up 4 Thumb down 0

  5. صافى
    30/07/2012 at 10:36

    بصى يا حببتى انا منفصلة زيك لكن انا بجد احترمتك جدا بس لانك ندمانة وعارفة انك عملتى ذنب ونصحتى ليكى يا اختى الفاضلة انك تكونى قوية وشجاعة لان واضح من كلامك انك مدمرة نفسيا وشوفى يا بنت الحلال انتى تحاولى تتفهمى مع جوزك وترجعى واذا رفض خلاص المركب اللى تودى انما ابن الكلب التانى دة تتفى على امة لانة هيبيعك ومش بعيد يفضحك لانة معدوم الشرف وتاكدى انك لو طلبتى الزوج منة الان هيرفض يا حلوة لية لانة خلاص عرفك وعلم عليكى فالحل انك تصحصحى كدة وتتعدلى وابن الكلب دة تديلة بالجزمة لو فكر يراودك عن نفسك وانتى مش صغيرة بكرة ولادك يكبروا ويعرفوا كل حاجة خليكى عفيقة محترمة واستنى ابن الحلال واهم حاجة الملتزم واللى بيصلى غير كدة هتخسرى نفسك واولادك وهتفضلى فى عذاب طول عمرك

    قيم هذا الحل سلباً او ايجاباً: Thumb up 9 Thumb down 2

  6. حسام
    18/04/2012 at 02:26

    الواقع انك منفصله مطلقه ومحتاجه للجنس والمتقدم لكى شكله ارضاكى رغم انك بتقولى انه عقيم وللعلم مش هيكمل معاكى الا زنا واظنك لسه محتاحه لدا الشى عشان كدا خدى قررارك واوجدى البديل لرغبتك واستمتعى بالحلال لو ارجعى لزوجك واولادك وانتبهى انك حرمه وبحاجه الرجال واظن دا العلاج

    حل مناسب حسب التصويت. وانت ما هو رأيك? Thumb up 13 Thumb down 2

  7. العادي
    27/02/2012 at 07:16

    عاجبني اوي ردود الاخوه الافاضل الطيبين جدا بس يا ترى دي لو اختك او بنتك او زوجتك كنت هتتعامل مع صيغة المشكله بنفس الطريقه ولا عشان دي غريبه بقى ندلعها في الردود وكأنها عملت انجاز بقى ان هيا تابت يا ريت يا رجال نبقى اوسع افقا وادراكا بالاحداث والوقائع ونحط نفسنا مكان ابن المرأه المجرمه دي او مكان طليقها كنا هنكمل حياتنا ازاي حتى لو امنا تابت وبقت شيخة الاسلام

    قيم هذا الحل سلباً او ايجاباً: Thumb up 7 Thumb down 5

  8. العادي
    27/02/2012 at 07:07

    باين عليكي ان عندك فصام عقلي عشان جايبه الغلط على كله ما عداكي او بتسبقي غلطهم على غلطك عامة انتي زانيه والمفروض انك تتجلدي 80 جلده ويشهد عذابك طائفه من المؤمنين دا اولا ثانيا لما ولادك الحلوين يكبروا ويعرفوا ان امهم عرضهم وشرفهم وكرامتهم زنت يبقى ردة فعلهم ايه انتي مش باين عليكي توبه انتي باين عليكي حتى نرجسيه في استعراض المشكله ولباقة المنافقين في الحديث وعلى كل حال الايام الجايه هتثبت انك ما توبتيش توبه نصوح اللي علاماتها مش باينه على حروف كيبورد حضرتك والايام جايه

    حل غير مناسب حسب التصويت. ما رأيك انت: Thumb up 5 Thumb down 31

  9. عبد الله الفانى
    13/02/2012 at 20:53

    ان الله يحب من عباده العبد التواب الاواب جعلك الله من التوابين و انعم عليك بنعمةة التقوى

    حل مناسب حسب التصويت. وانت ما هو رأيك? Thumb up 17 Thumb down 0

  10. مصرى
    20/12/2011 at 18:16

    اعتبرى ان الغلطة دى سقطة وبلاش تجلدى نفسك كدة عليها طول العمر والغلطة مش هاتبقى غلطة لما تتجوزوا وفهمية قبل الجواز انك مش موافقة بسسب اللى حصل عشان بعد الجواز ما يبقاش فية معايرة منة وكمان اعتبرى اللى حصل دة تجربة تعرفى بيها قدراتة الجنسية لحسن بعد الجواز تكتشفى انة عقيم وعاجز كمان ويبقى فى طلاق مرة تانى ودة يسبب مشكلة جديدة

    قيم هذا الحل سلباً او ايجاباً: Thumb up 6 Thumb down 12

  11. صاحبه المشكله
    30/10/2011 at 18:20

    ام دموع حائره انتى كل كلامك صح الرجل الشرقى هو هو فى كل حته نفس التفكير وبنفس الطريقه وانا رافته بس المشكله الجديده انه متمسك بى فوق ماتتخيالى وخصوصا انه عقيم وانا عندى طفلين واسرتى شايفه عريس لقته ومش عافه اتكلام مع حد فى المشكله اللى حصلت عشان ما حد يقرفنى ويتحكم فى وهو متمسك بى لانه اتجوز وطلاق بسبب عدم انجابه اطفال بصراحه مش عافه بس انا طالعه عمره واستخير ربنا واتمنى ان كل شئ يكون كويس اما عن مشكلتك اتمنى انك تكون فى احسن حال انتى واولدك وشكرا على النصيحه وعندك حق فى كل شئ قولتيه بس انا بخير حاسه انى اقوى من الاول واتمنى ليكى كل خير يارب العالمين

    قَـيّـم هذا الحل: Thumb up 4 Thumb down 0

  12. صاحبه المشكله
    30/10/2011 at 18:13

    HanyMoh وخالد فنان تشكيلى وعفروتو اشكركم على الاهتمام بالرد على المشكله وكلامكم عنده حق وانا الحمد لله باقيت كويسه اخت قرارى بعدم تكرار التجربه الغبيه السخيفه اللى خالتنى لو لى لحظه احس انى قزره بالشكل ده بس انا مش حاعمل ابد كده ابدا رغم hany moh قال ان الزنا سهل بس الاحساس بيه مقرف جدا وعندك حق اكيد الف شكر على الاهتمام

    قَـيّـم هذا الحل: Thumb up 0 Thumb down 0

  13. HanyMoh
    29/10/2011 at 05:23

    أنا مش هقولك عتاب أو تأنيب أو حرام والحاجات دي

    لأنك عارفة وحاسة بكل ده وأكتر

    وطالما قررتي متعمليش كده تاني فربنا قبل التوبة غصب عنك كمان..

    أما بخصوص زواجك، للأسف الزنا الفترة دي بأى عامل زي اللي بيشرب سجاير أو أسهل كمان..

    وطبعا أنتي غلطانة إنك قابلتي الراجل ده لوحدك معاه، كان لازم ميحصلش خلوة بينك وبينه نهائي..

    لو أخلاقة كويسة وشخص هادي فالأفضل تفضلي معاه، على الأقل هيعفك وهيبعدك عن الحرام خالص، وشل راجل ولا ضل حيطة..

    قيم هذا الحل سلباً او ايجاباً: Thumb up 6 Thumb down 0

  14. دموع حائرة
    28/10/2011 at 21:14

    حبيبتى مين فينا مبيغلطش ومين فينا ميتمناش ربنا يغفرة ذنبة حبيبتى متحمليش نفسك ذنب يهدك ويكسرك استغفرى ربنا وتوبى وانتى ندمانة وعرفتى غلطتك اوعى تخلى الندم والحسرة يكسروكى فى اولادك ومحتاجين لك بس نصيحة منى ليكى وعن تجربة بلاش تجوزية لانى عملتها قبلك رغم انة كان مكتوب كتابى علية وقتها بعد الجواز عايرنى بيها وقالى زى زى غيرى ووصلنا لللانفصال صدقينى بلاش وعيشى حياتك وهايجى الى يحافظ عليكى لكن طول ماهو قدامك هتفضلى فاكرة ومش هتنسى وهتبدتى حياه افضل ربنا يرزقك بالزوج الصالح يارب

    قيم هذا الحل سلباً او ايجاباً: Thumb up 8 Thumb down 0

  15. عفروتو
    18/10/2011 at 22:43

    الزنا صحيح من الكبائر لكن ربنا بيغفر اى ذنب الا ان حد يشرك بيه وعلى فكره عواقب الزنا اللى فى الدنيا دى عواقب دنيويه فقط عشان يكون الشخص ده مثال وتاديب لغيره المهم دلوقتى طالما انتى فعلا ندمانه من قلبك توبى الى الله وربنا يتوب عليكى ويغفر ليكى وليا وللمؤمنين جميعا

    حل مناسب حسب التصويت. وانت ما هو رأيك? Thumb up 11 Thumb down 0

  16. خالد فنان تشكيلى
    17/10/2011 at 17:16

    ان الله لا يغفر لمن يشرك به ويغفر ما دون ذلك لمن يشاء … لى رجاء عندك ان تستخيرى الله واكثرى من الاستغفار لانك تعرفى ان كثرة الاستغفار تجعل لك من كل ضيق فرجا ومن كل هم مخرجا ويرزقك الله من حيث لا تحتسبى .. وان شاء الله سترزقين راحة البال والزوج الطيب الذى يستحقق وحاولى ان تنسى بالاستغفار وهذه الغلطه ستحى قربك الى الله واتمنى ان تزيد فى خوفك منه وطاعتك له وزيادة حبك لله واستشعرى دائما ان الله معك ويراك وما دمت تبت اليه فهو مع التوابين والمستغفرين ولا تحكى لمخلوق مهما كان قربه منك بعد ذلك واكتمى سرك مدى الدهر لان الله سترك فلا تكشفى ستره لك حفظك الله من نفسك ومن الشيطان الرجيم … وترجو منك ان تسعدينا بخبر زواجك قريبا بعد استخارة الله فى العريس الذى تطلبينه لنفسك على سنة الله ورسوله تحياتى بحياه افضل واسعد

    قيم هذا الحل سلباً او ايجاباً: Thumb up 4 Thumb down 1

  17. توتا
    15/10/2011 at 17:02

    انا بجد مش هقول حاجة غير انى احترمتك اوى انك حاسة بالذنب اوى كدة وربنا انشا اللة هيسامحك ربنا غفور رحيم وانتى واضح انك انسانة محترمة ربنا يثبت دينك يارب

    حل مناسب حسب التصويت. وانت ما هو رأيك? Thumb up 16 Thumb down 0

  18. Ahmed
    15/10/2011 at 10:18

    الاخت الفاضلة
    انا تابعت الكتابات كلها ولم اجد شىء اضيفة لكي
    لكن بعد تعليقك وجدت شيء مهم اقولهولك
    ان تعليفك انت على التعليقات و استجايتك ليهم و شكرك ليهم شال الهم اللي القصة وضعتة علية فقد كنت فعلا مهتم لاني حسيت بصدقك
    و هناك نقطتين هامتين
    الاولى هي الشكر كل الشكر للفضلاء الذين دعموكي باراءهم
    الثانية و هو رأيي:
    1-انت ابتليت وهذة سنة من سنن الحياة و لم ترسبي بالاختبار فالنتيجة لم تظهر بعد.
    2-من الواضح ياسيدتي انك ندمت و هذة بداية النجاح
    3-من قال ان الذنب هو الرسوب (انا لا اقلل من القيمة الذنب ايا ماكان فعظم الذنب مهما كان ليس في الذنب نفسة و لكن فيمن نذنب بحقة) الرسوب لا يكون الا عند سكرات الموت فوقت الاجابة طويل بفضل الله .
    4-ماأجمل رب يعلمنا و يعلم ما بنا و يعلم انك غير محصنة و يعلم مابك من خبرات ومابك من شهوات و ما وسوس بة ابليس لكي و ما الدنيا التي نحياها الا عثرة كبيرة
    5-ولا اطيل عليكي و لكن اهم ما احب قولة هو ان رأيك هو الصواب الكامل في رأيي مع احترامي للآخرين فلا يصح الزواج منة لسببين الاول انك ستظلي تنظرين الية انة سبب زلتك. و الثاني انة ان كان متعمد فهو غير أهل لك انت و بناتك و ما اصعب الحياة و اطولها و اصعبها مع من لا دين لة
    6-شكرا لك اختي و صدقيني انت رحمة من الله لنا جميعا و نحسبك افضلنا فنسألك الدعاء
    و لن ننساكي نحن بدعاءنا(في الكعبة ان شاء الله)
    حفظك الله

    حل مناسب حسب التصويت. وانت ما هو رأيك? Thumb up 22 Thumb down 0

  19. صاحبه المشكله
    12/10/2011 at 21:36

    اما w وfathysafa وetqan54رلطيار الرايق رلخيار الصعب ربنا كريم رsun عايزا اقول ليكم الف شكر على الاهتمام على مشكلتى الغبيه اللى عمرى ما كنت فى يوم اكون فى الوضع الزباله ده ادام نفسى بس انا باعتزر لربنا ولنفسى على اللى عمالته وندمنه جدا فوق ما اى حد يتخيل ولو ممكن تفتكرونى فى صلاتكم وتدعو لى ان ربنا يغفر ليه ذنبى وبس ده اللى عايزا لان انا ما حكيت اى شئ غير على الموقع ده وشكرا ليكم جدا

    قيم هذا الحل سلباً او ايجاباً: Thumb up 8 Thumb down 0

  20. صاحبه المشكله
    12/10/2011 at 21:26

    الى الاستاذ الناصح الامين اولا لما قرات كلامك صدقنى وجعنى جدا فوق ماتتخيل وقراته اكتر من مره زعلت اوى بس سكت طول اليوم ولما دخالت غرفتى وبصيت لنفسى فى المريا قولت انتى زعلانه من كلام واحد ما تعرفهوش ومش تايقه تشوفى ولا كلمه هو كاتبها ليكى قولت ده لنفسى وسكت تانى وقولت امال ربنا خيرو عليه من كل شئ يكون ايه رئيه فيه دالواتى وحزنت بجد وحاسه انى عينه ومهمومه بس بسبب كلامك انا حاسه انى اقوى من الاول مليون مره ومش حاعمل كده تانى لو حاموت مستحيل وانت لو قولت اكتر من كده فى الكلام والله استحق حتى اى شئ وانا باشكرك على كل كلمه انت كاتبتها ليه اما بالنسبه للانسان اللى هو طالب منى الجواز هو مصر على الجواز بى لكن انا للاسف مش عايزا راجل الزنا عنده شئ عادى وسهل انا غالط وانا مش صغيره زى ماقولت بس لما قرات المصحف الزانى لا ينكح الا زانيا خوفت احسن يكون هو زانى ومتعود وانا اكون ليه الزوجه الزنيه من جويه مرعوبه ومش عايزا رغم هو بيحبنى جدا لكن لا وحاربى بناتى وكده انا مرتاحه اكتر انا وبناتى وبس واذا شوفت انسان تانى يعرف ربنا واتعلم منه الصح واشوف فيه الاب اللى اتحرمت منه وبناتى اتحرموا منه ويكون اب بدينه ساعتها حاكون اسعد واحده لكن انا غالط بس هو فى نظرى هو عمود البيت المفروض ما كان يعرض عليه اى شئ وحش بس انا كده مرتاحه فى قرارى واكيد ربنا حايعودنى كل خير انا عرفه ومتاكده من رحمه ربنا عليه انا متاكده

    قيم هذا الحل سلباً او ايجاباً: Thumb up 5 Thumb down 0

  21. sun
    11/10/2011 at 22:14

    بصي اولا مرض النفسي لزوجك لا يلام عليه ده مرض ولاكن حاليا تم الطلاق منه ومعكي اولادك وقمتي بعلاقه غير شرعيه مع رجل وانني لا اقول اي شئ علي ما فعلتيه لانك انت تعلمين ما فعلتيه ولاكن توبي اللي الله عزوجل واطلبي منه يسامحك وطالما انتي شايفه ان مش ده الشخص اللي يبقي امين عليكي ويراعي اولادك يبقي ابعدي عنه تماما ولا تتزوجيه وانا نصيحتي ليكي انك تقربي من ربنا اووووووووووووووي وترمي كل اللي فات وراكي ومتعمليش كده تاني وكوني ام لاولادك يفتخروا فيكي وربنا يهدينا جميعا

    قَـيّـم هذا الحل: Thumb up 2 Thumb down 1

  22. الناصح الأمين
    11/10/2011 at 16:28

    يقول الله عز وجل (( إن الله لايغفر أن يُشرك به ويغفر ما دون ذلك لمن يشاء))
    المعنى أن الله يغفر كل الذنوب إن شاءإلا ذنب واحد وهو أن يُشرك الإنسان بالله
    لكن يغفر الله للتائب ومن شروط التوبه الندم على ما فعلتيه وعدم العودة إليه والتقرب إلى الله بالصلاة وزيادة الصلاة النافله وزيادة الإستغفار والعزم على عدم العودة لتلك الفعله الشنيعه
    فالأن لابد من عدم ترك أي صلاة من صلاة الفجر إلى العشاء في الوقت وعدم تأخير الصلاة وزيادة صلاة السنه هذا أول شئ
    بالنسبه للشخص الذي تذكرين أنه تقدم لخطبتك ووقعت معه هذا تقولي له إذا أردت أن تتواصل معي فلا تقابلني إلا للزواج وغير ذلك لا تسمحي له أن يقابلك وإن تقدم للزواج فتوكلي على الله وتزوجي منه طبعا في وجود أهلك واهله ليس في السر .
    ثم إنك تحملي خطئك على زوجك وهذا ليس بالعدل هذا خطئك أنت ؛ أنت لست صغير طفله مثلا حتى يضحك عليك شخص ويغويكي إنما هي شهوتك
    إن كنتي تحبي الله كما تقولين لابد من الخوف منه أين خوفك عندما وقعت في الحرام
    أقول لك تلك الكلمات ليس لتجريحك إنما أريد أن تعودي لعقلك وإتزانك كما ذكرت أنك تحملتي زوجك أكثر من سنه في مرضه وهذا أمر يدل على أنك إنسانه ذات وفاء
    وأنك إنسانه ليست بتافه ولذلك أقول لك لابد من تحكيم عقلك على هواك وأن تقفي ضد أهوائك خوفا من الله
    والله أسأل أن يغفر لك ويعينك على التوبه ويعينك على عدم معصيته ويعينك على رضاه ويصلح حالك ويستر عليك وعلى نساء المسلمين

    قيم هذا الحل سلباً او ايجاباً: Thumb up 7 Thumb down 0

  23. ربنا كريم
    11/10/2011 at 11:34

    غفر الله لكي زنبك واعانك علي طاعته . اولا انسي الماضي وانسي اسباب الطلاق وزوجك السابق وانظري الي المستقبل فانت كما تقولي سيده ملتزمه ومتدينه وربنا بعت لك رجل كما تقولي كويس ولكن الشيطان والنفس الأماره بالسوء جعلت الأمور تأخذ مجرى مخالف للشرع . علي كل حال اذكرك بان الله يغفر الذنوب جميعا وان باب الرحمه والمغفره يسع كل المذنبين إستغفري ربك وتوبي اليه يغفر لكي ذنبك وحاولي ان تنسي ماحدث فكل ابن ادم خطاء وخير الخطائين التوابين وما دام هذا الشخص مناسب كما تقولي فعلي بركة الله اقبلي به زوج لكي وعسى الله ان يكون عوناَ لكي علي طاعت الله

    قيم هذا الحل سلباً او ايجاباً: Thumb up 5 Thumb down 1

  24. الخيار الصعب
    11/10/2011 at 11:15

    ربنا غفور رحيم والزنا نزوة شيطان – أستغفرى وتوبى وأرجعى إلى الله فأن رحمة الله وسعت كل شىء

    قَـيّـم هذا الحل: Thumb up 3 Thumb down 0

  25. الطيار الرايق
    11/10/2011 at 11:10

    واله اذا كان شاريك اتزوجى على سنه الله ورسوله واستغرفى ربك وتوبى اليه وكفرو عن غلطتكم بما امر الله به بالتوفيق/ المحامى

    قيم هذا الحل سلباً او ايجاباً: Thumb up 6 Thumb down 0

  26. etqan54
    11/10/2011 at 10:52

    اختى العزيزة الندم اول شروط التوبة وارجعى لصلاتك وداومى على الدعاء والتقرب من ربك اكثر قال تعالى امن يجيب المضطر اذا دعاه ويكشف السوء انسى هذا الرجل تماماً طالما انك غير مرتاحة له وان شاء الله سوف يعوضك الله بزوج صالح وحاولى نسيان التجربة قدر امكانك واعلمى ان الله غفور رحيم طالما انك مقرة ومعترفك بذنبك واعقدى العزم على ان لا تعودى لمثل هذه التجربة مرة اخرى

    قَـيّـم هذا الحل: Thumb up 3 Thumb down 0

  27. fathysafa
    11/10/2011 at 10:30

    السلام عليكم
    سيدتى أتمنى أن تكون توبة ولا رجعه فيها ابدا وأتمنى وأدعوا الله أن يغفر لكى ويتوب عليكى ويبعدك عن الحرام ويسترك فى الدنيا والأخرة ويستر أولادك والمسلمين جميعا .
    سيدتى لو كان هذا الشخص الذى غلطتى معاه جاد فى زواجه منك وعارفه أنه ممكن يصونك ويصون ولادك مش يعذبك أو يهينك ويشك فيكى بعد كده لأنك غلطتى معاه وممكن يفكر أن اللى غلط معاه ممكن يغلط مع غيره لو حاسه أنه أنسان كويس تزوجيه فورا وربنا يغفرله ولكى تحياتى

    قيم هذا الحل سلباً او ايجاباً: Thumb up 6 Thumb down 0

  28. w
    11/10/2011 at 10:25

    هذه الآية الكريمة دعوة لجميع العصاة من الكفرة وغيرهم إلى التوبة والإنابة ، وإخبار بأن الله يغفر الذنوب جميعا لمن تاب منها ورجع عنها ، وإن كانت مهما كانت وإن كثرت وكانت مثل زبد البحر . ولا يصح حمل هذه [ الآية ] على غير توبة ; لأن الشرك لا يغفر لمن لم يتب منه

    قيم هذا الحل سلباً او ايجاباً: Thumb up 5 Thumb down 1

  29. w
    11/10/2011 at 10:23

    بسم الله الرحمن الرحيم
    قل ياعبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم ( 53 ) وأنيبوا إلى ربكم وأسلموا له من قبل أن يأتيكم العذاب ثم لا تنصرون ( 54 ) واتبعوا أحسن ما أنزل إليكم من ربكم من قبل أن يأتيكم العذاب بغتة وأنتم لا تشعرون ( 55 ) أن تقول نفس يا حسرتى على ما فرطت في جنب الله وإن كنت لمن الساخرين ( 56 ) )

    حل مناسب حسب التصويت. وانت ما هو رأيك? Thumb up 12 Thumb down 0

اترك رداً أو حلاً لهذه المشكلة