العادة السرية عند البنات

انا خايفه اوى افضل كده تعبانه جنسيا ونفسيا وعاطفيا

السلام عليكم
انا بنت وعندى 25 سنه بصراحه انا مريت بتجارب فاشله كتير في حياتى عشان اوصل للحب وللاسف فشلت طبعا لانها كانت كلها عن طريق النت
لانى بطبعى مقدرتش اتكلم مع ولد وجها لوجهه المهم انا كنت بمارس العاده السريه بشراهه والحمدلله تغلبت على نفسي وبطلتها بس بصعوبه جدا
المشكله كمان ان اصلى شهوتى الجنسيه عاليه واخدت علاج وبرضو مفيش فايده انا نفسي ارتبط جدا ساعات بحس انى حتجنن وممكن اعمل حاجه غلط لا قدر الله انا خايفه اوى بجد والمشكله الغريبه ان بقالى 3 سنين مفيش اى عرسان بيجبوا انا خايفه اوى افضل كده تعبانه جنسيا ونفسيا وعاطفيا
انا على الفكره والحمدلله بصلى بانتظام وبحاول على قد ما اقدر اقرب من ربنا واستغفر اللى عملته زمان لانى مش قادره انسى انى اذيت مشاعري واهنت كرامتى لما حاولت ادور على الحب بالاسلوب الساذج ده وانا والحمدلله من بيت متدين لما اهلى عرفوا اللى كنت بعمله زمان جتلهم حاله زهول ازاى انا ادخل على النت واعرض نفسي لكده انا مخنوقه اوى ومش عارفه اعمل ايه بقيت حاسه ان بنتظر فارس الاحلام اللى حيخلصنى من الالم اللى انا فيه وطبعا من تجاربي الفاشله انا مبقتش بحس ان في حب اصلا ساعات بحس انى بحصد اللى عملته واقول يمكن انا دلوثتى مانع ربنا عنى رزق الزواج عشان انا مستهلش الرزق ده
انا وحيده اوى يا جماعه بجد وحيده اوى اوى ادعولى ارجوكم بالزوج الصالح

مشاكل وحلول ذات صلة

اضيف بتاريخ: Thursday, September 2nd, 2010 في 09:10

كلمات مشاكل وحلول: , , ,

27 رد to “انا خايفه اوى افضل كده تعبانه جنسيا ونفسيا وعاطفيا”

  1. muslim
    11/02/2011 at 22:11

    عاوز اقولك ان ربنا كريم اوى اكثر ما احنا بنتخيل ومادام توبتى متخافيش ربنا معاكى بس نفسك والشيطان هما اللى بيخلوكى تحسى بالذنب وان ربنا بينتقم منك ان مفيش عرسان وكده عشان يخلوكى تياسى وتقولى خلاص بقى كده كده ربنا مش راضى وترجعى للى كنتى فيه ومكن اسوا كمان .. اول ما تحسى بالذنب او الياس قولى ف نفسك هفضل نايمع على عتبه بابك يا رب لحد ما تفتحلى وربنا عز وجل بيقول (إِلَّا مَن تَابَ وَآمَنَ وَعَمِلَ عَمَلاً صَالِحاً فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُوراً رَّحِيماً) ده وعد ربنا لينا متسمعيش غيره ربنا قال تاب يعنى غلط وتاب لان مفيش حد مش بيغلط وبعدين قال عمل صالحا مش فضل قاعد يائس اثبتى والله ربنا بينصر اللى بيرجعله تائب بصدق

    حل مناسب حسب التصويت. وانت ما هو رأيك? Thumb up 10 Thumb down 0

  2. Sou
    07/02/2011 at 15:46

    يا جميله متحطيش فدماغك اوى كده الموصوع مش مستاهل كل القلق اللى انتى عملاه ده دى حاجه طبيعيه بتحصل لأى بنت ولأى ولد بس فى ناس بتاخد عليها وفى ناس بتبقى كرهاها انا عن نفسى بشوفه موضوع هايف وملهوش لازنه يتعمل لان بتعملى أثاره لنفسك أكتر لما تلاقى نفسك هتبتدى فالموضوع ده ودماغك بتفكر فالجنس استعيذى بالله وقومى اشربى مايه واقرى قرأن ونامى وانا عارفه ان الموضوع ده بتبقى فاضيه او ملل قومى اتفرجى عالتليفزيون او كلمى حد ولما تنسى الموضوع نامى واقرى قران واهدى هتلاقى الدنيا جميله وبالنسبه للجواز مضيقيش نفسك نصيبك هييجيلك فوقت ربنا كتبهولك انا اعرف بنات متجوزين صغيرين ومكملوش حياتهم والعكس وربنا يكرمك يا قمرهوالله انا ادك ومتجوزه والجواز مسؤوليه وتعب اعصاب احمدى ربنا

    قيم هذا الحل سلباً او ايجاباً: Thumb up 3 Thumb down 2

  3. mai
    22/12/2010 at 20:34

    انا حاسه بيكى اوى ربنا معاك يا رب تقريبا انا زيك زيمكن اتا غلط اكتر منك بس مش يئست من رحمة ربنا وعندى امل دايما ان ربنا بيحبنى وهيغفرلي ربنا يهدينا يا رب ارجوكى بلاش ياس وتشاؤم ومتفكريش في الي فات الي فات مات خلاص ابدءي حياه جديدة خالص وانسي اي حاجة عدت وانتى هترتاحى مترجعيش لورا عشان خاطر اهلك انتى املهم سوري طولت عليكى ربنا يكرمك يا رب ويحققلك كل احلامك

    قيم هذا الحل سلباً او ايجاباً: Thumb up 6 Thumb down 2

  4. الطبيب
    04/10/2010 at 13:51

    هذه حاجات بشرية مطلوبة وليست مرض . ابحثي عن زوج بسرعة ويكون صاحب دين وجنسي زيك عشان يحصل الاشباع الكامل ليكم الاثناين . وادعي الله القادر ان يرزقك بزوج . ولا يكون همك الفلوس وبس اهم شي يكون مقدرك ومحترمك ومش عيب لو والدك دور لكي ابن الحلال ( طبعا تصارحي امك) ضروري جدا وتكلمو امام المسجد وتعملي حالة استنفار قصوى, **

    قيم هذا الحل سلباً او ايجاباً: Thumb up 4 Thumb down 3

  5. نادر
    19/09/2010 at 15:21

    انا مش هتكلم عن العادة السرية
    بس هنصحك فى موضوع الزواج
    عدم تقدم عرسان ليكى طبيعى انة قدر مقدر ونصيبك لسا مجاش
    بس السبب لية مسبب شوفى اية اللى ممكن يخلى شاب ميتقدمش ليكى وامنعية
    قللى من نزولك من البيت .قللى من كلامك فى قاعدة عائلية او صحبة
    اتحجبى لانى فى ناس فاهمة انى الحجاب بيمنع الشباب يشوفو البنت وبكدة تعنس وطبعا دة غلط
    انا عن نفسى لما بشوف بنت محجبة بتجنن عشان اعرف هى بنت مين واعرف عنها معلومات
    لو صحيحة اتقدملها على طول

    قَـيّـم هذا الحل: Thumb up 1 Thumb down 2

  6. ميدو بورسعيد
    18/09/2010 at 12:01

    علاج المشكله الجنسيه بالصيام وبعدين موضوع حب النت ده بيكون وهم وخيال لان بيكون معظم الشباب النت قاعد فى سيبر وبيشرب سجاير فرط وتعبان موله ولما بيصدق يلاقى اى صيده

    قيم هذا الحل سلباً او ايجاباً: Thumb up 7 Thumb down 0

  7. كيمو
    12/09/2010 at 14:01

    على فكره اناكنت متزوج ومطلق وعندى ولد عنده سنه ونصف وانا عندى 30 سنة وبشتغل مدير شئون االعاملين فى فندق ودخلى كويس والحمد لله كمان انا ملقيش فى البنات ومبشربش سجاير حتى ومبسمعشى اغانى ولا تمسليات احيانا بشوف افلام وبدور دلوتى على عروسه متدينة عشان زوجتى اللى فاتت مكنتشى عارفه دينها بالرغم من ان انا سالت عليه قبل الخطوبه والجميع اجمعوا بانها مودبة ولا تتكلم مع اولاد او غيره ولكنى اكتشفت ان الادب وحده علاقته قليله جدا بذات الدين كما اوصنا الرسول الكريم صلى الله عليه وسلم فهى كانت مودبه لا نها كانت تسمع كلام والدها فقط وتحكى له عن كل شى فى حياتها حتى بعد الزواج والله انى لا اعلم هذه الفكرة جيده ولا لا

    قيم هذا الحل سلباً او ايجاباً: Thumb up 4 Thumb down 1

  8. HanyMoh
    11/09/2010 at 08:34

    طبعا التوبة كافية لردع غضب الله عليكِ

    فتأكدي إن كنتِ مخلصة لله أنه لن يتركك في حيرتك هذه،،، ومازلت صغيرة وانتظري ما أراده الله لك

    أنت لا تعرفين قدر الله لك،،، ربما أراد زوجا لم تكوني تحلمي به،،، يحبك ويعينك على طاعة الله تعالى،،، وارمي كل همومك على الله فهو مقدر كل شيء،،، وأدعو لك الله بكل خير…

    قَـيّـم هذا الحل: Thumb up 4 Thumb down 0

  9. المصرى الاصيل
    06/09/2010 at 22:09

    يا معشر الشباب من استطاعة منكم الزوج فليتزوج فان لم يستطيع فعليه بالصيام فانه له وجاء

    صومى و قربى من ربنا و عليك بالاستغفار و المداومه عليه تنجو بنفسك من براثن الشيطان باذن الله

    قَـيّـم هذا الحل: Thumb up 3 Thumb down 0

  10. القلب الشجاع
    05/09/2010 at 08:06

    يارب يرزقك الزوج الصالح فى اقرب وقت …

    قيم هذا الحل سلباً او ايجاباً: Thumb up 5 Thumb down 0

  11. abdalla fakih
    04/09/2010 at 21:35

    عليكى البعد عن المؤثر اغانى فديو كليب او سينما او مجلات او كتب جنسية وعليكى بالصيام والقران الاستعانة باللة اولا ثم الصبر والصلاة

    قَـيّـم هذا الحل: Thumb up 3 Thumb down 1

  12. tamer hosny
    03/09/2010 at 14:58

    ربنا ما برمي بحجار ان الله غفور رحيم خليكي مع الله و خلي الك صاحبات و عزميهم على حفل ميلادك و اخرجي معهم راح تعيشي مبسوطه اتمنالك حياه سعيده

    قَـيّـم هذا الحل: Thumb up 3 Thumb down 0

  13. دودو
    03/09/2010 at 05:12

    يا قمر بردو هقولك انتى صغيره وبكره يجيلك نصيبك بإذن الله
    سيبيها على ربنا وخلى الناس تشوفك
    وأف سلامة على مامتك ربنا يشيفيها اللهم آمين

    قَـيّـم هذا الحل: Thumb up 1 Thumb down 0

  14. التوكل على الله
    03/09/2010 at 03:35

    لا تحزني اكثري من الصلاة والدعاء ودائما كل يوم صلي صلاة الاستحارة توكلي على الله توكلي على الله
    اوعك ما تقوليش ربنا منعك الرزق دة من الشيطان استعيذ بالله من الشيطان الرجيم
    تقريبي الى الله اللجوء الى الله احسن حل

    قَـيّـم هذا الحل: Thumb up 2 Thumb down 0

  15. صعيدى من فرشوط
    03/09/2010 at 03:31

    من الملاحظ فى مواضيع المشتركين عرض مشكلتهم ثم كلمة على فكرة (انابصلى وبصوم وبقرا القرءان)عزيزى \عزيزتى صاحب المشكله طالما بتصل وبتصوم اجعل الله نصب عينك وامامك دائما واعلم دائما من يصلى دائما على طهارة

    قَـيّـم هذا الحل: Thumb up 3 Thumb down 0

  16. صاحبه المشكله
    03/09/2010 at 01:54

    السلام عليكم
    مش عارفه اشكركم قد ايه ربنا يجزيكم خير يارب ويجعله في ميزان حسناتكم اللهم امين
    ادعولى بس بالثبات لاحسن انا خايفه اوى اوى لا تتخيلوا قد ايه انا بقعد اعيط وساعات اقول انا يمكن بكفر عن سيئاتى انا بس خايفه اوى اضعف لانى كتير جدا بكون حتجنن ومش عارفه ولا انام ولا اعمل اى حاجه ساعات بحس انى الشيطان مكبر الموضوع اوى في دماغى وساعات بحس انى كده ممكن يكون دعاي مش مستجاب لانى مفروض اكون راضيه وانا باسلوبي كده بحس كانى ناقمه بس انا بكون مخنوقه اوى اوى واسفه على الاطاله وربنا يكرمكم يارب

    قَـيّـم هذا الحل: Thumb up 0 Thumb down 0

  17. nourhane
    03/09/2010 at 01:26

    لا تياسي يا حبيبتي الله بساعدك ان شاء الله

    قَـيّـم هذا الحل: Thumb up 0 Thumb down 0

  18. osama
    02/09/2010 at 23:07

    على فكره انا سعيد جدا بجراءتك دىوانتى بكده حطيتى رجلك على اول الطريق اللى ان شاء الله هيوصلك للحياه السعيده والامان والاستقرار اللى بتتمنيه وبعدين مش عيب ابدا انا نغلط العيب اننا نتمادى فى الغلط دهواحنا مش انبيا احنا بشر والبشر خطاء وخير الخطاؤون التوابون زى ما النبى قالنا ص واكيد اكيد هتفرحى قريب وخلى عندك ثقه بالله وبعدين كلنا بنغلط مش انتى لواحدك بس مبنقولش زيك كده عارفه ليه لاننا مفيش عندنا الشجاعه الكافيه اننا نواجه نفسنا يعنى انتى احسن مننا اهو ربنا معاكى اتمنى لك السعاده

    قَـيّـم هذا الحل: Thumb up 2 Thumb down 0

  19. Youssef Elmasry
    02/09/2010 at 20:52

    أنا هسألك سؤال واحد و تردى بصراحة :
    تفتكرى أن ربنا سبحانه و تعالى هيسيبك بعد ماتوبتى و رجعتى للكريم الوهاب؟ و طول ماإنتى ماشية فى الطريق المستقيم ربنا مش هيسيبك حاولى تتكلمى مع ربنا فى صلاتك و فى كل وقتك إشتكيله الك و إدعيه إنه يخفف عنك و يرزقك بإبن الحلال و على فكرة ربنا مخليلك رزق واسع أوى طالما إنى ماشية فى الطريق المستقيم و مافتكر ش إنه هيكون فى أحن عليكى من ربنا سبحانه و تعالى و صدقينى ربنا غفور رحيم عليم و هيكرمك آخر كرم وده دعاء تيسير الزواج أدعيه و على الله الإستجابة و أوعى تنجرفى فى طريق الشيطان و النفس الأمارة بالسوء و على الله قصد السبيل..
    “اللهم اني اسألك بأني اشهد انك انت الذي لا اله الا انت الاحد الصمد الذي لم يلد ولم يولد ولم يكن له كفواً احد.
    اقضي حاجتي..آنس وحدتي..فرج كربتي..اجعل لي رفيقاً صالحاً كي نسبحك كثيرا ونذكرك كثيرا فأنت بي بصيرا.يامجيب المضطر اذا دعاك..احلل عقدتي..آمن روعتي..يا الهي من لي الجأ أليه اذا لم الجأ الى الركن الشديد
    الذي اذا دعى أجاب. هب لي من لدنك زوجاً صالحاً.. اجعل بيننا المودة والرحمة والسكن..فأنت على كل شيْ قدير..يامن قلت للشيْ كن فيكون.. ربنا آتنا في الدنيا حسنه وفي الأخرة حسنه ..وقنا عذاب النار.. وصلى اللهم على سيدنا محمد وعلى آله وصحبه وسلم”

    قَـيّـم هذا الحل: Thumb up 1 Thumb down 0

  20. عمر
    02/09/2010 at 16:59

    بصى بالنسبه لى موضوع العاده نقدر نقول عليها مراهقه متاخره و انتى الحمد لله تمام منها و بالنسبه لى موضوع الشهوه الى بتجيلك فا علم النفس حدد هنا انك من الشخصيات الجنسيه او هوائيه شويه و ده مش معناه انك عندك مرض لا ده نتيجه حرمان و تقاليد من الجنس الاخر انتى قولتى بتكلمى ولاد على النت ده اسمه الحب الفاسد طبعا انتى كنتى بتحبى بطريقه غلط يبقى حضرتك عمرك ما حبيتى يعنى قلبك مش اتجرح الحمد لله لان الحب ليه شروط و قواعد و ليه قوانين و اهم قانون هو ان الحب مش يكون بوسيله كالموبيل او النت انتى كويسه الحمد لله حضرتك لسه صغيره و هيجيلك عرسان انشاء الله و لازم تختارى صح بقى تتعلمى من غلطك مش تبقى فشله زى كل مره تفوقى من الوهم الى عندك ده هيجيلك بدل الواحد الف فوقى بقى انتى مش وحشه ولا غلطك كبير اوى كدا

    قَـيّـم هذا الحل: Thumb up 4 Thumb down 0

  21. مايا
    02/09/2010 at 13:24

    معلش يا حبيبتى ربنا يكرمك وكفاية انك ندمتى
    وتبتى قربى م نربنا اكتر وهو ان شاء الله هيكرمك
    وربنا يرزقك ويرزق بنات المسلمين كلهم بالزوج الصالح

    قَـيّـم هذا الحل: Thumb up 1 Thumb down 1

  22. ابوعلي
    02/09/2010 at 12:49

    عليكى بالصوم و الصلاة و قراءة القران و زيادة اعمال الخبر واكثري من الصيام بقدر المستطاع وان يكون صيامك صيام صحيح وليس الامتناع عن الاكل والشرب فقط بل صومي عن كل ماحرم الله, و الله المستعان وهو خير الحافظين

    قَـيّـم هذا الحل: Thumb up 0 Thumb down 0

  23. باهر
    02/09/2010 at 11:32

    السلام عليكم
    اولا اشكرك على صراحتك مع نفسك واشكرك على ندمك والندم هو بداية الطريق الصحيح
    والصديق المخلص هو من سيخلصك من مشاكل الزواج عن طريق النصائح المخلصة لان مشاكل الزواج طول ما بتفكرى فيه هتتعبى

    قَـيّـم هذا الحل: Thumb up 0 Thumb down 0

  24. حزينه جدا
    02/09/2010 at 10:30

    اشكركم على ردكم
    انا حاسه انى عجوزة اوى مش عارفه ليه وفعلا انا قاعده ومش بشتغل لان امى مريضه بالسرطان وانا بنت وحيده عشان كده مقدرش افكر في الشغل بس هى بقت احسن وانا دورت وللاسف ملقتش شغل مناسب انا ساعات بقعد بالساعات بليل مش عارفه انام ساعات بحس انى حتتجنن انا عارفه ان ده بيكون النفس الاماره بالسوء والشيطان وساعات اهدى متنسونيش من صالح دعائكم وشكرا جزيلا لكل من رد علي مشكلتى

    قَـيّـم هذا الحل: Thumb up 1 Thumb down 1

  25. دودو
    02/09/2010 at 10:17

    يا حبيبتى انتى صغنونه خالص والله
    طيب انا اعرف بنات زى القمر وفوق التلاتين وعايشبن حياتهم عادى
    متضايقيش نفسك يا قمر وإن شاء الله ربنا يكرمك بزوج صالح وزرية صالحة اللهم آمين
    على فكره اختى كانت عندها 27 ومش مخطوبة ولا حد بيتقدم لها عشان محدش كان بيشوفها اصلا لحد ما فكرت تشتغل ومن هنا بقى بيجلها بدل العريس عشره
    ودلوقتى هى اتجوزت وربنا يهنيها يا رب ويهنى كل البنات
    دى مشكله عامه دلوقتى ومعظم البنات بيتجوزوا كبار بس ادى الله وادى حكمته
    اصبرى يا قمر وربنا معاكى انتى وكل البنات

    قَـيّـم هذا الحل: Thumb up 2 Thumb down 0

  26. الاسوانى
    02/09/2010 at 09:58

    الصيام ..الصيام ..الصيام ..عليكى بالصوم و الصلاة و قراءة القران و زيادة اعمال الخبر , و الله المستعان

    قَـيّـم هذا الحل: Thumb up 1 Thumb down 0

  27. noshy
    02/09/2010 at 09:29

    مش عقدر اقلك غير ان الله صبور ومع الصابريين

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة