تفسير الاحلام

ربنا يجزيكم خير اريد تفسير الاحلام دي

السلام عليكم ورحمة الله وبركاتة
بحلم أحلام وبتكرر معايه ومش عارفه تفسيرها وأنا بمر بضائقه نفسيه لسبب ما منذ عدة سنوات وصبره ومتوكله علي الله ديما وبقول في نفسي ديما أني الخير ربنا هيقدمهولي وبصلي صلاة الاستخارة كتير ومش عارفة أخد قرار
والأحلام ال بتكرر معايه هيه////////
أول حلم//بحلم أني بلاقي فلوس علي الارض مرميه ملهاش صحاب أوقات بتكون في الحلم فلوس معدنيه وأوقات بتكون في الحلم معدنيه وبتكون علي الفلوس تراب علي الارض بحوش التراب وبلاقي الفلوس وبعدين أخد الفلوس بعد ما أكون لميت كميه كبيرة
تاني حلم ///////بحلم أني بفقد حذائي ومش بلاقيه في نهاية الحلم ومرة حلمت أني فقدت شبشبي في مكان وأستبدلته بشبشب مش مقاسي وقديم
ثالث حلم///////بحلم ديما بالقبور وأوقات القبور تكون عاليه وأنا بطير فوقها أي من قبر لقبر وبيطاردني أعداء ومش عارفين يمسكوني أوبجري بين القبور أوبمشي بين القبور في الظلام وفي داخلي خوف
رابع حلم///////بحلم ديما أني في المدرسة وفي الفصل أوقات في أحلام مع زملائي ال كانومعايه في أيام الدراسة وأوقات يكونوا مش عارفاهم
خامس حلم //////بحلم أني بطير دايما من بيت لبيت وبيجروا ورايه أعداء وبنتصر عليهم
وأناأسفة للأطالة وربنا يجزاكم خير
مع العلم أني ليست متزوجة وسني 21سنه

مشاكل وحلول ذات صلة

اضيف بتاريخ: Friday, October 29th, 2010 في 05:42

كلمات مشاكل وحلول: , , , , , , , , , , , , ,

11 رد to “ربنا يجزيكم خير اريد تفسير الاحلام دي”

  1. ابوعماد
    10/11/2010 at 10:43

    بسم الله والحمد لله وصلى اللهم على سيدنا محمدوعلى اله وصبه وسلم اختى فى الله احترم واوقر كل الردود ولكن لى رد بعيد كل البعد عن اذهان الاخوه فانت والله اعلم تعانين من سحر فاقرئى الايه102-103 من سورة البقره باستمرار وكذلك 81 من يونس 65-70 من طه وانا مستعد كل الاستعداد على مساعدتك شفاك الله وعافاك

    قَـيّـم هذا الحل: Thumb up 0 Thumb down 2

  2. اياد
    10/11/2010 at 01:54

    اختى اسمعى الى هذه النصيحه فهى لوجه الله واسالكى بعدها الدعاء قبل صلاة الاستخاره اقرائى سورة البقره كامله ويجب عليكى طهارة البدن والملابس والمكان جيدا ثم صلى صلاة الاستخاره واطيلى الدعاء عند السجود وبعدها اقرائى اوخر سورة الكهف وانتى على فراش النوم واكثرى من الدعاء والتضرع لله وسوف ترى ما يريح قلبك لان كل احلامك دليل على ان الجواز ليس موفق والله اعلم

    قَـيّـم هذا الحل: Thumb up 0 Thumb down 2

  3. Arnab
    31/10/2010 at 03:44

    الأخت الغالية
    أشكرك لصراحتك و شجاعتك و ياريت شباب كتير يطلّعوا على موضوعك ليفهموا ما قد يسببونه لأخواتنا و بناتنا من تعب و حيرة بسبب تهاونهم و مماطلاتهم ، فكل هذه الأحلام سببها وجودك بين نارين : واحدة سببها تباطؤ خطيبك ( سواء بإرادته أم لا ) و الأخرى : إستعجال العائلة و الأصدقاء لكِ ( و أيضا بغضّ النظر عن دوافعهم ) فأنتِ تتش وود سنك مازال صغيرا و الحمد لله و لكن السن ليس هو كل شئ لتقييم سوق المرأة و فرصتها ، و بالنسبة لسنّه هو فلا أعتقد أنّه كبير جداً لك ، بس كان نفسى تقولى أىّ شئ عن صحته ، فإن لم يكن به أيّة أمراض فلا أعتقد أن سنّه يهم فى شئ ..
    و لكن .. بسبب فارق السن و بسبب أنكما مخطوبين لمدة خمس سنوات طوال و أنها كانت أوّل خطوبة لكى و لتعلقك به .. فلو كنت مكانك لأعطيت لنفسى و له مهلة محددة لإتمام الزواج مهما كانت الظروف .. فيا بخت من وفّق رأسين فى الحلال .. و ها أنتما تفهمان الآن أن الأوضاع الماديّة من سيئ إلى أسوأ ، فلا نضحكن على أنفسنا و لا نتعالى و نرفض مساعدة من أحد حتى لو كانت من أغراب عنّا ، و كل غرضهم هو المساعدة للمساعدة فقط إذا فهمتى ما أعنيه ، و لكن و هذا هو المهّم ، لابد أن تضعى برأسك شيئا هاما و بكل أمانة : أنه خلال هذه المهلة تتخيلى تماما أن الزمن قد توقف بالنسبة لكل منكما و كذلك ألّا تسمحى لأحد مهما كان أن يتدخل بينكما بغّض النظر عن دوافعه للتدخّل ، و إن كان شخصا عزيزا لك فيكفى أن تفهميه أن سبب طلبك لهم بعدم التدخل و عدم ذكر الموضوع بتاتا هو علاج تتلقينه مثلا علاج نفسى سيفشل إذا لم يتناسوا الأمر تماما . فإذا تمكنت من ذلك بصدق فإن هذه الأحلام ستتوقف نهائيا و سيصفو ذهنك و تنتعش شخصيتك لتكون أكثر جاذبية و حريّة و تحلو حياتك بالخروج من هذه الدائرة المغلقة التى أنتى سجينتها الآن مما سيكون له أكبر الأثر لمساعدتك فى إتخاذ قرارا صائبا بشأن هذا الأمر ، و لكن الشرط لنجاح ما قلته هو الأمانة خلال هذه المهلة فى تصفية ذهنك تماما و علامتك على هذا هو توقف الأحلام الغريبة و ربما ظهور عرسان جدد بسبب الشخصية الصافية الجديدة ، وفقك الله إختى و آسف للإطالة ..

    قَـيّـم هذا الحل: Thumb up 1 Thumb down 0

  4. صاحبة المشكلة
    30/10/2010 at 17:25

    H أخواتي أنا مخطوبة منذ 5سنوات ولكن خطيبي أكبر مني سنا 18 سنة وكنت مستنيه الفترة دي علشان يكون مستقبله وهو لم يسبق له الجواز ولكن تأخرة ضعف الحالة الماديه وأنا لم يسبق بية الجواز ودي أول خطوبة ليه بس أن الشئ الوحيد ال تاعبني فرق السن وخوفي من فرق السن في المستقبل علي الرغم أني حياتي مش متخيلاها من غيره وهوه نفس النظام وبيحبني أوي واصحابي وأخواتي بيخوفوني ديما من فرق السن وكل ماخد قرار علشان أسيبه أدمر نفسيا ومقدرش وخايفه من غضب ربنا عليه وكل ال بعمله اني أصلي صلاة الاستخارة طول الفترة ال فاتت وبحلم الاحلام دي وبتكرر معايه وسن خطيبي وصل دلوقتي 41 سنه وهوه انسان اخلاقه عاليه

    قَـيّـم هذا الحل: Thumb up 1 Thumb down 1

  5. صلوا على نبيكم محمد (مسلمه
    29/10/2010 at 21:45

    على فكرة حلمك اتنك بطيرى من بيت لبيت والله اعلم انك ستتزوجين وستنتقلى من بيت اهلك الى بيت زوجك والله اعلم

    قَـيّـم هذا الحل: Thumb up 2 Thumb down 0

  6. صلوا على نبيكم محمد (مسلمه
    29/10/2010 at 21:41

    انا اسفه لانى لم اقرا اى اخر الرؤيا انك انسه ولستى متزوجه ولكن هل كنتى مخطوبه قبل ذلك

    قَـيّـم هذا الحل: Thumb up 0 Thumb down 1

  7. صلوا على نبيكم محمد (مسلمه
    29/10/2010 at 21:39

    انا معكم فعلا مش اى حد يفسر احلام لازم يكون متخصص وعارف كثير فى الكتاب والسنه بس ممكن نحلم حلم نصحو من النوم مستبشرين به ونعلم انه خير وممكن نحلم حلم نشعر انه مش كويس ووقتها نستعيذ بالله ولا نفكر فيه ونصلى ركعتين لله وندعو الله يرفع عنا السوء بس انا عاوزه اسال صاحبه الحلم سؤال متهيالى من رؤيتها حلمت بفقد حذائها مرة وفى مرة اخرى انها فقدت شبشبها واستبدلته بشبشب قديم ومش مقاسها اعتقد انها مطلقه او كانت مخطوبه لواحد قبل كده وتركته لان الرؤيا تدل على ذلك انها اما كانت متزوجه وتطلقت او كانت مخطوبه وفكت الخطوبه واعتقد ان شاء الله انها ستتزوج غيره ولكن ممكن والله اعلم الزوج الجديد يكون كبير فى السن شويه لانها بتقول الشبشب قديم ومش مقاسها

    قَـيّـم هذا الحل: Thumb up 1 Thumb down 0

  8. أسماء2276
    29/10/2010 at 21:27

    الأحلام مش حقيقة …عزيزتي

    قَـيّـم هذا الحل: Thumb up 0 Thumb down 1

  9. نور
    29/10/2010 at 17:57

    استاذ جينرال عند حضرته حق فعلا
    ياريت تسيبيها على الله وتحافظى على الجانب الدينى جدااااااااا ونامى وانتى متوضيه
    وكمان على الجنب اليمين واقرئى قرآن وقولى اذكار النوم
    ربنا يحفظك ويحفظك بنات المسلمين اجمعين

    قَـيّـم هذا الحل: Thumb up 0 Thumb down 1

  10. صاحبة المشكلة
    29/10/2010 at 16:19

    أشكرك علي أهتمامك وردك وربنا يجزيك خير

    قَـيّـم هذا الحل: Thumb up 0 Thumb down 1

  11. الجنرال
    29/10/2010 at 13:06

    بصى الاحلام مش اى حد يعرف يفسرها لازم واحد يكون وتقى وورع وكمان مش كل الاحلام لازم يكون ليها تفسير ممكن تكون اضغاث سبيها على الله وما تخافيش من حاجه وانا راى الشخصى ان احلامك لو ليها تفسير هيبه حلو خااااااالص
    لانك دايما بتحلمى انك بتهربى وبتتنتصرى عليهم واظن ان ده خير مش وحش وصلى وواظبى على قرائة القران او كتابك ان السماوى ان كنتى غير مسلمه وخافى ربنا وابعدى عن معصيه وهو هيصلح حالك وان شاء الله يرزقكك بواحد زى العسل سلام عليكم

    قَـيّـم هذا الحل: Thumb up 4 Thumb down 0

اترك رداً أو حلاً لهذه المشكلة