مشاكل مرض القولون

هل افضل اخد علاج القولون طول حياتي

السلام عليكم ورحمة الله وبركاته

انا بنت عندى 20 سنه من وانا فى تانيه ثانويه تقريبا كان بيجيلى الم فى جنبى الشمال وقتها كشفت ومش عرفت عندى ايه بس الالم كان بسيط وكنت لو اخدت مسكن بيخف من سنه تقريبا بقى رجع الم جنبى بس بدرجه اصعب من الاول بكتير وبقى الالم مستمر طول اليوم يعنى حتى وانا نايمه حاسه بيه وقتها كشفت عند دكتور نسا وقالى انى عندى كيس دموى على المبيض الشمال واخدت علاج وبردو الالم موجود والدكتور قرر انى اعمل منظار واشيل الكيس على اساس ان الالم منه المهم انا عملت العمليه وشيلت الكيس وبعدها ب15 يوم تقريبا لقيت نفس الالم رجع زى الاول روحت كشفت عند دكتور مسالك وقالى انى عندى املاح واخدت علاج للاملاح لمده كبيره ويمكن الالم كان قليل شويه بس موجود المهم بعد ماخلصت علاج الالملاح لقيت الالم بردو زى ماكان ومستمر طول اليوم كشفت عند دكتور باطنه وقالى انى عندى القولون واخدت علاج القولون ومع العلاج انا بكون كويسه لكن لو فى يوم بس ما اخدتش فيه العلاج الالم بيزيد عندى جدا

انا دلوقتى سؤالى لو فعلا عندى قولون يجيلى الم كده مستمر على طول ؟؟

وعادى انى افضل اخد علاج كده طول حياتى لانى لما ببطل العلاج بتعب والدكتور اصلا قالى خدى العلاج شهر وخلاص انا ليا اكتر من 9 اشهر باخده وبردو تعبانه ؟

ياريت لو فيه طبيب مختص يفيدنى ؟

على فكره انا عملت اشعه كتير جدا ومش فيها اى حاجه وانا خايفه لو روحت لدكتور تانى يطلب منى منظار خايفه اعمله بصراحه

انا اسفه طولت عليكو بس ياريييييييت حد يساعدنى

مشاكل وحلول ذات صلة

اضيف بتاريخ: Sunday, September 12th, 2010 في 10:06

كلمات مشاكل وحلول: , ,

27 رد to “هل افضل اخد علاج القولون طول حياتي”

  1. العقرب
    08/03/2014 at 14:09

    علاج القالون هوى النعنع

    قَـيّـم هذا الحل: Thumb up 0 Thumb down 1

  2. العقرب
    08/03/2014 at 14:08

    عنجد القالون مودي

    قَـيّـم هذا الحل: Thumb up 1 Thumb down 1

  3. عبدالرحمن
    22/02/2013 at 19:17

    السلام عليكم ورحمة الله وبركاته بفضل الله تعالي شفيت من القولون اقدر اقول بنسبة 95% وطبعا كل الاسباب لا تنفع ولا تضر الا بإذن الله انا كنت بستخير قبل ما اروح لاي دكتور وكل مرة يحصل حاجة ومروحش لغاية ما رحت مره لدكتور اداني اول حاجه اقراص للديدان وقالي ان ممكن تطلع نتيجة التحليل مفيهاش ديدان لانها ساعات مبتظهرش اسمه تقريبا اميبازول ده قرصين بتاخدوا علي مرتيت او مرة وحده علي حسب واداني دوا اسمه جاست ريج 100 ودوا اسمه كولو سبازمين فورت قرص من الاول واتنين من التاني قبل الاكل بحوالي نصف ساعة استمريت عليهم لمدة شهر وامتنع عن مهيجات القولون واكلها تدريجيا بعد كده وبفضل اثناء اخد الدواء خفيت بنسبة كبيرة بس لما بطلته رجعتلي بعض الاعراض بس من غير انتفاخ وعملية الاخراج انتظمت شوية بس بدأت تزيد تاني بسبب الوسواس القهري لحد ما بفضل روحت اعمل عمرة وقعدت اشرب من ماء زمزم كتير جدا ممكن سبع كبايات بعد كل صلاة واستحمي بازازة ماء زمزم وطبعا مع الدعاء قلت الاعراض جدا وكنت قاعد علي النت فلقيت حد كاتب وصفة باسم العلاج النهائي او حاجة زي كده للقولون ودخلت الصفحة مكنتش راضية تحمل المهم لما رجعت مصر دورت تاني علي النت ولقيت الوصفع كانت عبارة عن مرة وصبر وحلتيت ديه ربع معلقة ومعاهم تين مجفف منقوع من بليل وتاكل التين وتشرب الماء بتاعهم كل ده علي الريق روحت اشتريت الكلام ده بس اجاركم الله طعم وريحة الاعشاب تتطفش في الي يجربهم يبقي عامل حسابة وياريت يسد مناخيرة كويس وميتنفس منها لغاية ما يروح اثر الاعشاب ديه تاني حاجة الوسواس القهري الي عندي كنت بعالجة بالعلاج المعرفي وتاني حاجة بعشب كده بس مش هقولة عشان اعراضة الجانبية ممكن حد يروح لدكتور اعشاب ويساله عن حاجة للوسواس لو عنده وسواس لانه بيتفاعل مع القولون ويكونوا ثنائي رهيب وميتعرضش للبرد يكون مدفي نفسة دايما لان الاعراض بتزيد من البرد يلبس شراب ويدفي وظهره اهم حاجتين واهم من ده كله الدعاء عشان لو مش مرض عضوي تاني حاجه لان القران شفاء ويرقي نفسه لا يروح لحد يرقيه ولا يعمله حجاب ولا الجو ده عشان في منهم ناس بتكون كذابين او مشعوذين ومفيش حد هايحس بيك او بيكي زيك صح ولا ايه طبعا يكون عندك دين اصلا يعني الواحد يعبد الله علي مراد الله مش علي هواه هو يعني يلتزم بدينه بفهم صحيح زي ما النبي علمنا ما يقوش الشيخ الفلاني قال حلال والجو ده يقول الشيخ الفلاني قال لان في دليل كذا وكذا وكذا ويجمع بين الادله ما يخدش بدليل واحد ويفهمه علي مزاجه او ياخد حتة من الدليل وهكذا وياتي من الطاعات ما استطاع وينتهي عن كل المعاصي ويتصدق لقول النبي صلي الله عليه وسلم داووا مرضاكم بالصدقةاسف علي الاطالة بس ارجوا من الله ان يفيدكم بما قلت ويشفيكم من جميع الامراض امين والحمد لله رب العالمين

    حل مناسب حسب التصويت. وانت ما هو رأيك? Thumb up 15 Thumb down 1

  4. أمة الله
    16/01/2013 at 10:35

    السلام عليكم ورحمة الله وبركاته
    انا أعاني من القولون منذ11 عام،وعلاج الطبيب لم يجدي ،المهم ان يراقب المريض نوع الطعام وتأثيره على حالته لأن مرضى القولون يختلفون في هذا الجانب. وكان أحسن شي اللجوء للمواد الطبيعية. وأود ان اقول لكم خلاصة تجربتي عسى ان يستفيد منها غيري….أولا هناك أطعمة امتنعت عنها نهائيا(السميد وما يتبعه-كسكسي،بسبوسة…)(البقوليات)،الحليب(في حالتي من أسوأالممنوعات)(بعض الأجبان الدسمة)(معظم الفواكه- كمثال التفاح الموز الخوخ الاجاص- لا
    يمكنني اكلها الا بعد طهيها!!)وبشكل عام المشروبات الحمضية تهيجلي القولون فأمتنع عنها.
    ثانيا:إن أمكن استبدال الخبز الأبيض بخبز الشعير (مريح جدا جدا).
    ثالثا:مع كل وجبة طعام(يفضل قبل الأكل) آخذ علبة زبادي مع ملعقتين صغيرتين نخالة شعير ناعمة بحيث يمكن بلعها.
    رابعا: لا آكل حتى الشبع.آكل في أوقات منتظمة. وشيئ أخير ومهم جدا جدا ملعقة كبيرة عسل على كوب ماء دافئ صباحا على الريق. كذلك أجد نفسي ارتاح عند اكل التين سواء جاف او طازج …….وكل واحد يراقب نفسه وهو أدرى بحالته……..وأسأل الله الشفاء ودوام العافية للجميع.

    قيم هذا الحل سلباً او ايجاباً: Thumb up 10 Thumb down 2

  5. هدى رياض
    01/01/2013 at 15:02

    انا باشعر بالم شديد فى بطنى وخصوصا الجزء السفلى والوسط وبحس اتى مش قادره اخد تفسى وانهج وزورى واجعنى علطول وخصوصا عند الكلام و البلع ارجوكم افيدونى لانى اخدت علاجات كتيرة ومفيش فايده وربنا يشفيكم جميعا انا تعباته قوىىىىىىىىىىىىىىىىىىىىىىىىىىىى

    قيم هذا الحل سلباً او ايجاباً: Thumb up 5 Thumb down 5

  6. احمد
    12/06/2012 at 15:26

    1)سبازمو ديجستسن و ديسفلاتيل قبل كل وجبة
    2)الابتعاد عن الاطعمة المثيرة للقولون كالقهوة و الشاي و الجرجير و الفول و الخيار و الفجل و البقوليات و المشروبات الغازية
    3) في حالات الامساك تناول لاكتلوز

    حل مناسب حسب التصويت. وانت ما هو رأيك? Thumb up 20 Thumb down 5

  7. HanyMoh
    30/10/2011 at 11:25

    السؤال
    السلام عليكم ورحمة الله وبركاته

    عندي آلام شديدة في القولون، وغازات كثيرة جداً، الدكاترة يقولون لدي قولون عصبي، ولكني غير مقتنع؛ لأن القولون العصبي ما يسبب ألما طول اليوم، وعلى مدى شهر متواصل.

    أنا عندي قولون عصبي أصلاً، وأعرف كيف يعمل، فهو يعمل إمساكا أو إسهالا، لكن الألم بهذه الطريقة البشعة (لا أتوقع)، يزيد الألم عند الأكل، أحس القولون عندي سينفجر لو ما طلع الأكل أو يسبب ألما من الجانب الأيمن أو الأيسر من الأعلى أو من الأسفل إلى الأعلى كاملاً من الجهتين، وأحس مرات وكأن قولوني يضغط صدري، أحسه منتفخا جداً.

    أرى بطني من الجهة اليسار التي يتركز فيها الألم أكثر، أراها وكأنه داخل قليلاً إلى الداخل، تخف الآلام عند خروج الأكل أو عند خروج الغازات، لكن هناك مشكلة بعد، وهي أني ممكن أطلع غازات في الساعة الواحدة أكثر من (10) مرات، وفوق هذا أحس أن جسمي مليء بالغازات، حتى مرات أحسها بصدري، ما هي برأيكم المشكلة؟ وهل أعمل منظاراً للقولون؟

    علماً بأنني لا يخرج مني دم عند البروز أبداً على الإطلاق -بفضل الله- وما الدواء؟ وما سبب كثرة تكون الغازات؟ لدرجة أني في ساعة واحدة أخرج حوالي (10) مرات غازات تقريبا!

    فوق هذا كله أحس أني مليء بالغازات، وبشكل عام عندي انسداد عن الرغبة في الطعام، وعندي ارتجاع مريئي، وألم في رأس المعدة يزداد عند الأكل، ولا أدري هل هو من الارتجاع المريء أو من القولون؟

    أرجو التوضيح شاكراً لكم حسن تعاملكم.

    والله ولي التوفيق.
    الإجابــة
    بسم الله الرحمن الرحيم
    الأخ الفاضل/ عبد الرحمن حفظه الله.
    السلام عليكم ورحمة الله وبركاته وبعد،،،

    آلام القولون كما تعلم مزمنة، ويمكن أن تكون في أي موضع من البطن، وأكثر ما تكون في أسفل البطن إلا أنه ليس من أعراض اضطراب القولون العصبي آلام المعدة، والقيء والتجشؤ.

    يعاني مرضى القولون العصبي من انتفاخ في البطن، كما هو الحال عندك، وخاصة بعد الوجبات، وشعور بعدم الارتياح بعد الخروج من الحمام، حيث يشعر المريض بأن الفضلات لم تخرج كلها من بطنه، ويعاني من الإسهال بعد الطعام، أو في الصباح الباكر أو كلاهما معا وآلام في البطن، ومغص تزول بعد الذهاب للحمام.

    هناك أمور تثير أعراض القولون العصبي، ومنها:
    التدخين، والمشروبات الغازية، وبعض العقاقير الطبية، والقهوة والشاي، والأطعمة المقلية، والتوابل والبهارات، والبقوليات (الحمص، العدس)، وبعض أنواع الخضار (الكرنب, الملفوف, الملوخية).

    الإجهاد النفسي والغضب والضغوط والقلق، والتعرض لتيارات الهواء الباردة، ووجبة كبيرة على غير المعتاد، واللبن، وممارسة العادة السرية يسبب الانتفاخ والتوتر.

    على الأكثر الأعراض الجديدة التي تشكو منها هو عسر الهضم، بالإضافة إلى القولون العصبي، وهذا ينجم عن التالي:

    الارتجاع: وهو عبارة عن التهاب يصيب الجزء السفلي من المريء، ويرجع هذا الالتهاب إلى العصارات الهضمية، شديدة الحموضة التي قد ترتجع من المعدة، وتؤثر على المريء.
    القرحة: وهي عبارة عن إصابة الطبقة المبطنة للمعدة، والاثني عشر، بتهتك في الأنسجة المخاطية، نتيجة إما لزيادة الإفرازات الحمضية أو التهاب المعدة بالجرثومة الحلزونية، وهذا النوع من البكتيريا يعتبر أهم الأسباب الرئيسة للإصابة بالقرحة، والقضاء على هذه البكتيريا، ببعض المضادات الحيوية يؤدي إلى التئام هذه القروح.

    بعض الأدوية: هناك بعض الأدوية تسبب عسر الهضم، مثل مضادات الألم، والمسكنات من النوع الغير ستيرويدي، وهي تسبب في الأساس تهيجا والتهابا في الأغشية المبطنة للمعدة.

    أما عن أعراض عسر الهضم:
    شعور بحرقان، وألم قارص في المعدة، وقد يكون في منتصف الصدر، قد يمتد إلى الرقبة والحلق وربما يزداد سوداً عند الاستلقاء أو الانحناء.

    الشعور بالانتفاخ في الجزء العلوي من البطن، وشعور بطعم مرارة وحموضة بالفم، والشعور بارتجاع الطعام إلى الفم.

    عدم ارتياح المعدة، وشعور بالرغبة في القيء، وارتجاع غازات من الفم (التجشؤ).

    أما عن زيادة الغازات في البطن فبالإضافة إلى القولون العصبي، وعسر الهضم، فإن تناول المشروبات الغازية والتدخين والشيشة وتناول الطعام بسرعة، والقلق والتوتر.

    أرى أن تراجع كل ما تم قوله للتخفيف من الغازات، وعليك بتناول الأدوية المضادة للحموضة مثل:
    -losec 20mg
    -Pariet 20mg
    -Nexium 40 mg

    تؤخذ واحدة من هذه الأدوية قبل تناول الطعام، وإن لزم في الليل فإن استمرت الأعراض فعليك مراجعة طبيب مختص بالجهاز الهضمي فقد يلزم إجراء منظار للمعدة.

    وبالله التوفيق.

    قيم هذا الحل سلباً او ايجاباً: Thumb up 8 Thumb down 2

  8. د/احمد
    23/09/2011 at 01:28

    السلام عليكم.. علاج القولون الوحيد وقرحة القولون هي كاتالي..زهرة البابةنج والشمر يغلى على النار ويصفى ويبرد ويشرب كوب قبل الفطار بعشر دقايق فقط هذا هو العلاج يقوم البابونج والشمر بأخراج البقايا المتراكمه في القولون بعدها يحس براحه المريض مباشرة بأذن الله تعالى وان لم تجد هذا ولا زاك فهناك علاج بس الله اعلم هل متواجد في الوطن العربي ام لا هو..بنتازا..مضمون 50قرص ولمدة سنه وسيتم شفاء المريض بأذن الله الحمد لله على نعمة الاسلام والله اكبر والسلام عليكم ورحمة الله وبركاته

    قيم هذا الحل سلباً او ايجاباً: Thumb up 9 Thumb down 4

  9. الله يشفى الجميع
    21/09/2011 at 03:05

    السلام عليكم ورحمة الله وبركاته اخوانى فى الله ربنا يشفينا جميعا انا اعانى من القولون العصبى منذ 5 سنوات واحسن علاج للقولون هو البعد عن التوتر العصبى وضبط الاكل ويوجد عقار فى الصيدليه اسمه اسباسكولون 100 وهذا علاج جيد جدا واتمنا من الله ان يشفينا جميعا وارجو من الجميع ان يقراو هذا الدعاء الله ناظر الى الله شاهد على الله معى تحصنت بذى العزه والجبروت واعتصمت برب الملكوت وتوكلت على الحى الذى لا يموت اللهم اصرف عنى الاذى انك على كل شى قدير امين

    قيم هذا الحل سلباً او ايجاباً: Thumb up 13 Thumb down 5

  10. بدون ايك
    12/06/2011 at 03:17

    والله وحتى انا عندي قولون راحت كذا مره لدكتور ويعطوني ادويه… واعاني من الأمساك
    لكن للآسف ما شفت نتيجه تعبت …
    معد صرت أطلع من البيت بسب القولون بس …
    بس نظمة اكلي وقل الانتفاخ واسوي رياضه كل يوم وانصحك بنعناع …
    والله يشفينا وجميع مرضا المسلمين …

    قيم هذا الحل سلباً او ايجاباً: Thumb up 5 Thumb down 3

  11. شهاب هلال
    08/04/2011 at 06:05

    العلاج
    بما أن القولون العصبي ليس بحالة تهدد حياة الإنسان فإن أهم هدف هو السيطرة على الأعراض وتخفيف حدتها وهناك ثلاثة أمور يمكن لمريض القولون العصبي عملها للتخفيف من حدة الأعراض، وهي زيادة النشاط الجسمي وتحسين العادات الغذائية والأهم هو السيطرة على التوتر والضغوط النفسية.
    تكثيف النشاط الجسماني
    بجانب تحسين صحتك العامة، التمارين تزودك بمنافع ذات قيمة خاصة بالقولون العصبي كما أنها تساعد في تقليل الشعور بضغوط الحياة كما تساعد على تنشيط انتظام الأمعاء، والتمارين بكافة أشكالها مفيدة وللشخص أن يختار ما يناسبه.
    تحسين غذائك
    اعمل من تنمية وظيفة الأمعاء بشكل صحي وعلى تنمية الصحة العامة بعمل التالي:
    تناول غذاء متوازنا.
    تناول وجباتك بانتظام.
    أكثر من تناول الطعام الغني بالألياف.
    اشرب كمية سوائل مناسبة.
    أوقات الوجبات المنتظمة.
    أكل الوجبات في نفس الوقت يوميا وعدم الافراط في كمية الطعام يساعد في تنظيم وظيفة الأمعاء، وتنظيم عملية خروج البراز

    حل مناسب حسب التصويت. وانت ما هو رأيك? Thumb up 20 Thumb down 3

  12. شهاب هلال
    08/04/2011 at 06:02

    عند الشعور بأعراض القولون العصبي استعمل الاتي :
    يؤخذ ملئ ملعقه صغيره من مسحوق بذور الكراويه ( تشتري من العطارين) وتوضع على مقدار كوب ماء ويوضع على نار هادئة ومن بداية الغليان يحسب دقيقتين فقط ثم يزاح عن النار ويترك حتى تنخفض حرارته ويصفى ويشرب مباشرة.

    ملاحظة:
    يمكن استخدام هذه الطريقة قبل وجبتي الغداء والعشاء يوميا.

    نصائح :
    1/ لاتأكل قبل النوم مباشرة وانتظر على الاقل لمدة ساعتين.
    2/امضغ الطعام جيدا ولا تكثر من الطعام او تأكل بسرعه.
    3/تجنب الدهون الحيوانية والزبد وكل المشروبات الغازية والقهوة والمواد الأخرى التي تحتوي على الكافئين مثل المته والجورو . والكولا والشيكولاته وجميع منتجات الألبان والأطعمه المقلية والأيس كريم والمكسرات والجوز والبرتقال وعصير الجريب فروت والفطائر وكل الأطعمه الحريفه والسكر ونخالة القمح ومنتجاته حيث أن هذه المواد جميعها تشجع على افراز المخاط الذي يعوق امتصاص المواد الغذائيه.
    4/تجنب التبغ فهو يهيج بطانة المعدة والقولون.
    5/ملعقة من مسحوق الأرطه(تشتري من العطار) تخلط مع علبة لبن زبادي ثم تؤكل مع وجبتي الغذاء والعشاء يوميا.

    قيم هذا الحل سلباً او ايجاباً: Thumb up 9 Thumb down 1

  13. gomy
    28/03/2011 at 11:28

    انا مريضه بالمرض ده لكن لم اجد ان السبب عضوي ولكن السبب هو الاعمال والسحر ومزلت اعالج حتي الان ولكني اتحسن ومع العلم اعالج بالقران

    قيم هذا الحل سلباً او ايجاباً: Thumb up 11 Thumb down 15

  14. أبو عمر
    10/01/2011 at 23:42

    عليكى بكوب صغير من منقوع السنامكى قبل الإفطار

    قيم هذا الحل سلباً او ايجاباً: Thumb up 5 Thumb down 6

  15. ارمل
    12/12/2010 at 00:52

    اختي شفاك الله ان اعاني من نفس المرض ومنز خمسه وعشرين سنه واهم حاجه في العلاج هو البعد عن القبق والتوتر والغضب وكزلك الابتعاد عن الدهنيات والبهارات وفي علاج سهل لمنع الامساكات هوالرده يعني نخاله القمح تاخدي منها مقدار ملعقه علي الريق مع كوب ماء في الصباح الباكر ويمكن اخز جرعه عسل نحل واسالي مجرب وربنا هو الشافي

    قيم هذا الحل سلباً او ايجاباً: Thumb up 8 Thumb down 1

  16. ابو السيد
    01/12/2010 at 10:03

    انتي مخطوبه او متجوزه علاشان كده القولون تعبك نفضي وروحي سافري في حته بعيد

    حل غير مناسب حسب التصويت. ما رأيك انت: Thumb up 1 Thumb down 15

  17. محمد عبداللة غزى
    09/11/2010 at 18:14

    ابتعدى عن جميع المسبكات ولخضروات والجرجير والفجبل والفول لازم يتهرس المياة الغاذية انا باخد دايما برشام اسمة سبازمو ديجستين للانتفاخ والغازارت وكدة وربنا معاكى

    قيم هذا الحل سلباً او ايجاباً: Thumb up 5 Thumb down 3

  18. عبد الغفار
    07/11/2010 at 06:36

    الحمد لله رب العالمين جعل لكل داء دواء والحالة النفسية هي أهم شي بالنسبة للكولون أو كل الأمراض العضوية والفيزيولوجية الأنسان لازم يكون حكيم نفسه ولكن الصراحة انا وجدت فائدة كتير من الموقع و برضو انا بعاني من نفس المرض والدواء هو الصبر والقناعة والقرب من النفس اي انه تكون قريب من نفسك وتكون متوازن وقريب من ربك ويكون قلبك نظيف والرياضة مفيدة

    الله يجزيكم الخير

    قيم هذا الحل سلباً او ايجاباً: Thumb up 7 Thumb down 3

  19. البرنس
    12/10/2010 at 00:18

    والله العظيم انا عندى نقس مشكلتك بالظبط.
    فى يوم واحد كشفت عند اتنين دكاتره واحد مسالك والتانى باطنه الاول قال املاح على الكلى والتانى قال قولون وبقالى اكتر من عشرة سنوات بتعالج.
    المشكله ان انا حاليا وانا بكتبلك الرد تعبان جدا من القولون زى ما بيقولوا انه قولون والله العظيم
    اذا لقيتى علاج بليز اكتبيلى
    شكرا ليكم جميعا

    قيم هذا الحل سلباً او ايجاباً: Thumb up 4 Thumb down 1

  20. سامى سمسم
    10/10/2010 at 01:33

    انا عندي القولون وبصراحة مش لاقيله علاج غير اللى هقلكم عليه وياريت كلنا نجربه ، وهوه علاج من غير ادوية ولا اعشاب بس بيطلب مننا نرجع لعهد قديم شوية ،،، العلاج هو الحمام البلدي …. ياجماعة انا لما القولن بيتعبنى ويجيبلي امساك وانتفاخ بحاول اشوف حمام بلدي وبعدها بإذن الله القولون هيخف وهتكون طبيعي … ميزة الحمام البلدي انك بتعمل ضغط ع البطن وبالتالى انت بتقدر تفضي كل ما في البطن من خلال الضغط ده … اكيد اللى مش متعود ع الحمام البلدي هيلاقي صعوبة بس اللى هيتعود عليه هيعرف ان ده افضل علاج ليه …. والله ياجماعة ده افضل علاج انا شايفه لمريض القولون خاصة اللى بيعانى من امساك

    حل مناسب حسب التصويت. وانت ما هو رأيك? Thumb up 10 Thumb down 0

  21. ام يوسف
    28/09/2010 at 05:16

    عليكى بلاعشاب الدافيه وربنا هو الشافى

    قَـيّـم هذا الحل: Thumb up 3 Thumb down 1

  22. steady
    19/09/2010 at 15:05

    انا عانيت من القاولون قبل كدا وكان من شده وجعه كان الضغط بيعلا وضربات القلب تزيد ويحصلي اغماء والحمد لله ربنا شفاني والحل الي عملته …. بعت عن كل حاجه بتزعلني وتنرفزني وقربت من ربنا خت دوا اسمه تقريبا اسبازمو لاكوناز هو لونه بمبا بيتاخد قبل الاكل تلت مرات – الشافي هو الله

    قيم هذا الحل سلباً او ايجاباً: Thumb up 7 Thumb down 2

  23. اخر كل حب دموع
    12/09/2010 at 19:38

    اختى العزيزه انا بشتغل مساعد صيدلى بقالى 4 سنين وبعانى من القولون العصبى جربت ادويه كتير بس للاسف ما فيش فايده لاكن كان الحل فى ابه فى الصلاة اول لما تحسى بتعب قومى اتوضى وصلى ركعتين وحطى ايدك مكان الوجع واستعيذى من الشيطان واقراءى بعض من القران وربى يتم شفائك

    حل مناسب حسب التصويت. وانت ما هو رأيك? Thumb up 32 Thumb down 0

  24. whiteangel
    12/09/2010 at 14:02

    المشكله انى من غير ما اكل اى حاجه تهيج القولون او اتعرض لحاجه تزعلنى بردو الالم عندى مستمر مع العلم انى مش عندى امساك ولا اسهال انا شاكه انه ممكن يكون مش قولون بس هيكون ايه انا مش عايزه اكشف عند دكتور تانى عشان مش يطلب منى منظار

    قَـيّـم هذا الحل: Thumb up 1 Thumb down 0

  25. أبو اسامة
    12/09/2010 at 12:15

    الي أختي الغالية
    القولون نوعين نوع يسبب امساك والثاني اسهال والنوعين ما يسببون الام طول الوقت الالم فترة
    ما بعد اكلة دسمة او اكل الحبوب مثل العدس والفول البقولية ويسبب ايضا انتفاخمن الجهة اليسار اما الم شديد ربما يكون من امر آخر التشخيص في ه

    قيم هذا الحل سلباً او ايجاباً: Thumb up 4 Thumb down 2

  26. المصرى الاصيل
    12/09/2010 at 11:27

    بصى انا مريض قاولون مثلك و لكن بدون الم مجرد حدوث بعض الانتفخات و بعض الامساك و لا استطيع ان اقضى حاجاتى بون شىء يلين

    و من الجايز انتى عندك قاولون عصبى و نصيحتى لكى ان تتجنبى الادويه الكميائيه و استعملى الاشياء الطبيعيهفى الشرب و الاكل و ااكلى خضره كثيره و ابعدى نفسك عن الانفعالاتو الاشياء التى تعصبك و ستكونى بخير

    قيم هذا الحل سلباً او ايجاباً: Thumb up 1 Thumb down 4

  27. حمدينو
    12/09/2010 at 10:28

    يا اختي علاج القولون الحقيقي انك تبعدي عن المأكولات المهيجة للقولون مثل الحراق والألياف .. انا مثلك عندي قولون وما اخدتش علاج خالص بس ظبطت اكلي ربنا يشفيكي وجميع مرضي المسلمين

    حل مناسب حسب التصويت. وانت ما هو رأيك? Thumb up 11 Thumb down 0

اترك رداً أو حلاً لهذه المشكلة