مشاكل الخيانة الزوجية

متزوج وحاسس اني ظلمت حبي القديم

متزوج من 16 عام ومعى ولد وبنت وقبل الزوج كنت بحب واحدة تانية وابوية اللة يرحمة صمم يزوجنى الا معى وهى بكل امانة ست تعرف ربنا كويس وبتصلى الفرد بفردة وبتحبنى جدا ولكن عندها برود جنسي وانا لا احبها كزوجة ولكن اخاف علية هى امى اولاد واحب الحب القديم جدا حتى انة حتى الان لم تتزوج ومستمر فى العلاقة معها ووقت كلة معها هى وانا والحمد للة موظف والمرتب كويس جدا هل اتزوج التانى هى بتحبنى وانا بحبها جدا واستطيع اصرف على الزوجتين والحال ميسور والحمد للة بسى خايف على الاولاد وما ذنبى الحب القديم هى مصمه تستمر معى ورافضة الزواج ماذا افعل وهى حاليا 32 عام وانا 39 عام ونعرف بعض من قبل الزواج وحاسس انى ظلمتها معى دلونى على الحل وشكرا لكم

مشاكل وحلول ذات صلة

اضيف بتاريخ: Sunday, February 20th, 2011 في 13:15

كلمات مشاكل وحلول: , , , , , ,

37 رد to “متزوج وحاسس اني ظلمت حبي القديم”

  1. ساحرالنساء
    20/10/2014 at 12:07

    اخي احمدالله وشكرفضله انك متزوج من امراة تخاف الله فيك وفي بيتك واولادك وبهاكل الصفات الحسنةالتي ذكرت لماذاالتفكيرفي الزواج عليهاومسالة البرودالجنسي له علاج متوفر في اغلب الصيدليات والمستشفيات وليس بعذر لك لاجل الزواج من عشبقتك وحبك القديم دع عنك الاوهام واستعذبالله من الشيطان ووسوايسه واترك هذى المراة التي تريد خراب بيتك ودماره وتاكدانها بلااخلاق ولاضمير معها تريد بناءسعادتهاعلى تعاسةوشقاءالاخرين اتركهانهايا وللابد وارجع لزوجتك الصالحةوام اولادك تنال الرضاوالخيرمن الرحمن عليك ويرزقك الله بها كل الخير في حياتك خيرمتاع الدنياالمراةالصالحة

    قَـيّـم هذا الحل: Thumb up 0 Thumb down 0

  2. بدر محمد
    09/10/2014 at 05:01

    أتكل على الله وأتجوزها الشرع أحل أربعة بس لازم تعدل بينهم بكل شيئ
    أنا بالنسبة لي جمعت على ذمتي زوجتين

    قَـيّـم هذا الحل: Thumb up 0 Thumb down 1

  3. منمن
    11/11/2013 at 22:58

    اتكل على الله طالما على سنة الله ورسوله هي الواحده لاقيه عريس دلوقتي بدل ماتعيش معاك في الحرام وتاخدو ذنوب خليكو في الحلال بدل الفساد ال ظهر من الخيانات وبطلو انانيه يا ستات

    قَـيّـم هذا الحل: Thumb up 2 Thumb down 1

  4. ابواميرة
    07/11/2013 at 23:33

    شوفي ياولدي من حقك كرجل الزواج شرعابمن تريد لكن عليك بمخافةالله في زوجاتك وبالعدل بينهمافي كل شي من النفقةوالمصاريف ولوازم البيت والاولاد ولاحرج عليك في مايحب قلبك والرسول الكريم قال- اللهم حاسبني فيمااملك ولاتحاسبني فيمالااملك يعنى قلبه – وكان صلى الله عليه وسلم يحب السيدةعايشةرضى الله عنهااكثروحده في زوجاته الاخريات وربي يسعدك ويوفقك لكل الخير

    قَـيّـم هذا الحل: Thumb up 1 Thumb down 1

  5. Van Booker
    07/02/2013 at 06:44

    1-2-3-4 كما قال الله زى ما الناس بتقولك اولادك ومراتك بردو فكر فى الى مش راديه تجوز عشانك
    ربنا اعطاك الحق ومدام انت ميسور مديا اتكل على الله واسال الله ولا تسال انسان

    قَـيّـم هذا الحل: Thumb up 3 Thumb down 0

  6. ابواميرة
    14/12/2012 at 21:20

    حرام عليك يااخي مراتك كويسة وتعرف ربناوام ولادك لوعلى البرود الجنسي اللي فيها عالجهاالطب في تقدم ولامشكلة في ذلك وانسى البنت اللي كنت تحبهازمان لو فيهاخير كان تزوجت ماكان قاعدة دلوقت ودي شيطانة عاوزة تخرب بيتك وتدمرك يامغفل اتقي الله في مراتك وام ولادك ربنايهديك

    قيم هذا الحل سلباً او ايجاباً: Thumb up 2 Thumb down 4

  7. ناصحة
    13/11/2011 at 21:19

    ايه السفاله دي وقتي كلها معاها علشان كده مراتك باردة معاك اهو انت فاكر الحجات دي تمشي مع بنات حوا اهي اكيد عارفة وساكته علشان كده بتقوم بواجبك وبس واللي يقول زنبها ايه زنبها ياااختي انو محصلش نصيب وعلى فكره لو شافت واحد احسن منك هتتجوز مش حتسال فيك اهي عماله تضرب على وتر الزنب وانت رجل خائن بتخون مراتك مع وحده تانية واهي وحده خاينة خانت اهلها وربنا وبتعرف واحد مفيش حاجة تربطها بيه ايه الحب والافلام دي ده مش حب انت حاببها علشان معشتش معاها بكره لما تعيش معاها حتبقى انسانة عادية وقال ايه حاسس بالزني بتكدب علينا ولا على نفسك محستش بالزنب اتجاه مراتك المحترمة اللي عمال تربي الولاد وانتو داير مع الست هانم اي العاللللللم دي

    قيم هذا الحل سلباً او ايجاباً: Thumb up 11 Thumb down 3

  8. butterfly
    07/09/2011 at 04:42

    بس انا من راي مدام للي متزوجة ست بتحبك و مش مائصرة معاك في حاجة يبقي متفكرش في حد غيرها و علي البرود الجنسي اتكلموا مع بغض و شوف انتا اية للي هيرهحك و يرحيها.. عشان حرام تهد بيتك و اسرتك بسبب الحب القديم و اكيد ربنا عوضك بوحدة تحبها اللي هي ميراتك هو بس ناقص انك تتكلم معها بصراحة

    قيم هذا الحل سلباً او ايجاباً: Thumb up 9 Thumb down 2

  9. nadya
    31/08/2011 at 02:03

    MA3LICH ANA DAKHLA 3ALA AL MAWKI3 MIN AKL MIN OSBO3
    ANA W HABIBI ITGAWAZNA BA3D 24 SNA HOB ANA MIN BALAD W HOWA MIN BALAD W HOWA KAN ZABIT W MAMNO3 YATGAWIZ MIN GINSIYA 2 W B3IDNA W KOL WAHID FINA ITGAWIZ W BA3D MATALAGT TALAB MINI AL GAWAZ W HOWA KAN MOTGAWIZ W3ANDO ATFAL W TGAWIZNA BA3D MACHAKIL KTIRA MA3A MRATO W MA3A AHLO W LISA BNHIB BA3D GDN RAGM AL DOROF ILI IHNA 3AICHIN FIHA KOL WAHID FI BALAD W MOCH NADMANIN KHALIS W BNHIB BA3D GDN GDN

    قَـيّـم هذا الحل: Thumb up 1 Thumb down 3

  10. مرام
    27/03/2011 at 14:02

    يااخوات الي كلكم مع ان يتزوج كلامكم كله غلط يخرب بيته عشان تفاهه حب قديم انامااوافقكم الرأي كلامكم مش منطقي والظاهر انكم مريتو في نفس مشكلتها انامابرضى ان زوجي يتزوج عليامن وحده كا يحبها قبلي لان دي فيها اهانه لي انا ان انا ماكنت كويسه معه عشان كده اتزوج اللي كان يحبها قبلي اعقلو ياحريم وبطلو خراب البيوت خلاص خلصو الرجال ماعادفي الا اللي متزوج حسبي لله في الحريم اللي تحب تخرب بيت غيرهااعقلو..اعقلو ياحريم

    قيم هذا الحل سلباً او ايجاباً: Thumb up 7 Thumb down 3

  11. سيدة الورود الراقية
    23/03/2011 at 13:55

    احكي الحكايه لزوجتك ولو قبلت بعد 16 سنه عشرة وزواج وتيجي تقلها اصل عايز اتجوز لأي سبب بقه من الأسباب يبقي اتكل علي الله بس متزعلش لو مراتك سابتك وقالتلك من حقك تتجوز 4 وانا من حقي ان لا اكون واحده منهم ساعتها أختار يا زوجتك او البنت اللي استنتك علي كلامها وبرغم ان انا متأكده لو كان جالها احسن منك مكنتش هتستناك أصلآ
    وربنا يوفقك ويصلح حالك وان شاء الله تقدر تحافظ علي بيتك وأولادك اللي هما اهم من اي مشاعر في الدنيا

    قَـيّـم هذا الحل: Thumb up 1 Thumb down 3

  12. رشا
    06/03/2011 at 02:11

    والله قرفتونا الست تجوز وبعد عشر سنين يظهر حب زوجها القديم ويعاني الزوج يا حرام حبو القديم هي كانت مراتو الي منعتوا يتجوزها مراتو زنبها ايه انتو تستاهلوا مراتاتك الي تخونكوا تتجوزهاوتسيبها تخلف منك ليه ويقولوا الستات ناقصات عقل ودين مين الناقص

    قيم هذا الحل سلباً او ايجاباً: Thumb up 8 Thumb down 0

  13. رشا
    06/03/2011 at 02:00

    يا احي خايف تظلم مين ما انتة اصلا ظالم لزوجتك طول فترة علاقتك بحبيبتك وانتة لو تزوجت حبيبتك عمرك ما حتعدل بينها وبين مراتك وانا بشوف ربنا بيحب مراتك لو خلصها منك وانته ما تستهلهاش ما كنت تسيبها للي يستاهلها وتجوزت حبيبتك

    قيم هذا الحل سلباً او ايجاباً: Thumb up 6 Thumb down 2

  14. زائرة
    01/03/2011 at 10:43

    رأيي طالما إنك ميسور الحال تتجوز البنت اللى حبيتها وفضلت معاك طول السنين دى ومستنياك برغم انها عارفة انك اتجوزت غيرها.. ده شيئ صعب جدا عليها مهما قولت انك حاسس بيها مش هيكون زي احساسها هي انكم بتحبوا بعض لكن مش ليها هي وعايش مع واحدة غيرها.. حرام مشاعر الغير مش لعبة كده هي حرمت نفسها من الجواز والأولاد علشانك وانت اتجوزت وربنا رزقك بالاولاد ربنا يخليهم ليك.. جوازكم ده حل للوضع ده على الاقل تكون علاقة فى الحلال.. ورأيي تصارح زوجتك متخبيش عليها أكيد هتعارض وهتزعل لكن حاول تقنعها وتفهمها انك برضه مش هتستغنى عنها ولا اولادك.. وقبل كل ده لازم تعدل بينهم ومتظلمش واحدة فيهم على حساب الاخرى. متترددش لازم ترضى البنت اللى باقية عليك رغم كل السنين اللى عدت والظروف هي أيه ذنبها.. حكم ضميرك إما تاخد القرار ده وبسرعة إما تبعد عنها لو حاسس انك مش هتقدر تتجوزها ويبقى الله يسامحك.

    قيم هذا الحل سلباً او ايجاباً: Thumb up 8 Thumb down 2

  15. انا العدل
    01/03/2011 at 05:03

    كل يلي عم ينقض هالشي هنا النسوان وطبعا انا كمان امرأة واذا بفكر هالشي على نفسي وبس طبعا رح قول لا وحرام عليك واوعى وشو ذنبها
    طيب انتو كلكم بتقولو انو حبيبته القديمة لو صحلها فرص او او او
    ليش مابتقولو انو عنجد هيه بتحبو ومن حبها ما اتزوجت غيره
    اصلا هو ظلمها لما تركها كل هالمده مو حرام ينطرها 16 سنة حرام ياشيخ
    وانا مع مرتك وولادك بس كمان مع حبك حياتك لاضيعه مرة تانيه
    وانا اذا زوجي حطني في هيك موقف اتفهم الموقف قبل كلشي يعني اذا كان بيحبها من زمان وماقدر ينساها وكل هالمده يلي عايشها معي وهو بيفكر بأمراة غيري حلال عليه يتزوجها
    بس بعد زواجنا يتعرف على وحده بس شهرين ويقولي اتزوجها اخرب الدنيا ع راسه
    لاني ببساطه ممكن انا اكون في هيك موقف واكون متزوجه ويكون في انسان تاني بقلبي
    اتكل على الله بس احكي لمراتك كلشي اوك سلاااااام

    قَـيّـم هذا الحل: Thumb up 2 Thumb down 2

  16. الكسيب
    28/02/2011 at 22:12

    انا مع رودوى فى الكلام اللى هيه بتقوله لو كانت اتلقت فرصه احسن منك كانت سبتك

    قَـيّـم هذا الحل: Thumb up 0 Thumb down 0

  17. الكسيب
    28/02/2011 at 22:07

    الحل الوحيد انك تفكر فى ولادك وانسا اللى فات انا عارف اللى هو صعب تنساه عشان انا مجرب وربنا معاك سلام

    قَـيّـم هذا الحل: Thumb up 1 Thumb down 0

  18. rida
    28/02/2011 at 18:45

    الله محللك اربع اتزوجها نصيحتي ليك مادمت بتحبها وتحبك احسن ماترتكب معها الحرام لانك مش راح تنساهاكما قال رصول الله صلى الله عليه وسلم (مارايت للمتحابين مثل النكاح )لان الحب صعب وليس من السهل نسيانه او التحكم به وتاكد انك لو ما تزوجها في الحلال فسوف ترتكب معها الحرام. لكن يجب ان تعدل بينهماو لا تذر زوجتك الاولى كامعلقة اتزوجها ورتاح الله اهنيكم

    قيم هذا الحل سلباً او ايجاباً: Thumb up 7 Thumb down 3

  19. دنيا
    26/02/2011 at 22:46

    قبل متفكر في نفسك فكر في اولادك هما ذنبهم ايه حرام عليك بجد لما انت مش حاسس بمراتك جبت ولادك ازاي اتقي ربنا صلي واستخيره وربنا هيدلك علي الطريق الصح وربنا يهديك لانى حصل لولدتى كدا واحنا اللي تعبنين بسبب ولدي مش عايش معانا ربنا يهديك

    قَـيّـم هذا الحل: Thumb up 1 Thumb down 0

  20. همسه
    25/02/2011 at 18:00

    لو انت كنت بتحب الاولى بجد مكنش حد قدر يضغط عليك تتجوز غيرها مكنتش حتتخلى عنها خالص ولو هى كانت شخصيتها كويسه مكنتش استمرت معاك بعد ما اتجوزت غيرها لان ابسط حاجه مراتك ملهاش اى ذنب فى القصه دى كلها وبعدين عارف لو كنت سيبتها من الاول وراعيت ربنا فى مراتك وعيالك كنت حتنساها خالص لكن انت عاوز كل حاجه عشان كده بقولك ده مش حب لكنه تعود ولو اللى انت بتقول انك بتحبها كانت لقت فرصه حلوة مكنتش فوتتها بس هى كده عاوزة تخرب البيت كفايه انها سمحت لنفسها تحب واحد سابها واتجوز غيرها وتكمل معاه برضوة صدقنى انت اللى حتتعب اوى لو كملت ظلمك لمراتك

    قيم هذا الحل سلباً او ايجاباً: Thumb up 5 Thumb down 0

  21. رودى
    23/02/2011 at 15:49

    يناس حرام عليكو يتجوزها ازاي حطو نفسكو مكانها ترضوا حد ياخد جوزك منك وانت ازاي بتفكر في واحدة تانية حرام عليك الست الى تعبت وسهرت ووقفت جنبك نسين كل ده عايزة اقولك ان حبيبتك او اللى بتقول حبيبتك لو كانت لقت فرصة احسن منك كانت اتجوزت ماتصعبش عليك اوى كدة حافظ على بيتك ومراتك واولادك ما تخلهمش يكرهوك

    قيم هذا الحل سلباً او ايجاباً: Thumb up 9 Thumb down 4

  22. محمد
    22/02/2011 at 08:29

    هذة نزوة منك ابتعد عن الحرام واقنع بالحلال ومادام زوجتك ليس بها عيب شرعى تمسك بها

    قيم هذا الحل سلباً او ايجاباً: Thumb up 7 Thumb down 0

  23. صاحب المشكلة
    22/02/2011 at 04:10

    شكرا لكم جميعا على الردود وجزاكم اللة كل خير

    قَـيّـم هذا الحل: Thumb up 0 Thumb down 0

  24. ام مهند
    21/02/2011 at 07:47

    يااخي الحبيب اوصيك بان تتقي الله في زوجتك هي من صانتك وهي ايضا من ربت اولادك وهي من تحملتك 16 سنه اتقي الله فيها هل تعلم كيف حالها عندما تعرف باحوالك الان ؟ ارجوك لا تكسر قلبها ولا فرحتها بوجودك معها وهي تعلم يامسكينه انك لها وحدها يا اخي لا تدع قلبك وحده يقودك فاجعل قلبك وعقلك معا في كل امور حياتك فالقلب وحده لا يصلح في هذه الدنيا ففكر معه بعقلك كي تصل لقمه حل هذه المشكله هل فكرت في ان المرأه الثانيه تستطيع ان تصونك مثلما زوجتك صانتك ؟او تربي اولادك مثلما زوجتك ربت اولادك؟ هل فكرت في اولادك كيف يكون حالهم تجاهك عندما يعلمو انك تزوجت واحده دون امهم؟فكر لبعض الوقت وانت تعلم ومن ناحيه اخري عن البرود الجنسي حاول ان تتكلم معها وان تخبرها بهذا لكي تستطيسع هي ان تغير من نفسها وساعدها في تغير نفسها وعندي س}ل اريدك ان تجاوبني عنه هل الزوج حياه جنسيه فقط اما حياه شامله من جميع الجهات؟اريد ردا سريع لوسمحت وادعو الله بالهدايه لك الي الطريق الصواب

    قيم هذا الحل سلباً او ايجاباً: Thumb up 8 Thumb down 0

  25. كوامبو
    21/02/2011 at 03:00

    استخير ربنا بس بلاش تخدع زوجتك ولازم تقولها على اى حاجه قبل ما تعملها اياك والظلم

    قيم هذا الحل سلباً او ايجاباً: Thumb up 5 Thumb down 4

  26. طبعا اتجوزها
    21/02/2011 at 02:04

    حرام عليك ازاي تعمل في الانسانه اللي حبتك كده انت دمرتها بالشكل ده سيبتها واتجوزت عليها ومن انانيتك مخليتهاش تشوف حياتها وتبعد عنها خليتها ضيعت حياتها معاك لحد ما وصلت للسن ده من غير جواز ولسه بتسال ان كنت تتجوزها ولا لاء طبعا تتجوزها من غير تفكير وتعرف زوجتك واولادك وانت مش اول واحد يتجوزعلى مراته واعدل بينهم الانسانه اللي تستناك كل الفترة دي وتضيع مستقبلها عشانك ولانها بتحبك لازم انت كمان تقدرها وما تظلمهاش ولو سيبتها بعد كل ده هتكون بتظلمها جدااااا وعمرك ما هتسامح نفسك ولا هي هتسامحك . طبعا اتجوزها

    قيم هذا الحل سلباً او ايجاباً: Thumb up 8 Thumb down 8

  27. مصرية صميم ومبروووك لمصر
    20/02/2011 at 22:16

    اتجوزها شكلها بتحبك اوووووي يا حرام

    قيم هذا الحل سلباً او ايجاباً: Thumb up 6 Thumb down 11

  28. حبيبة
    20/02/2011 at 21:10

    اسال الله العلي العظيم ان يهديك الي طريق الحق والصواب ….اخي الكريم انت محتاج تتوب وبسرعة قبل ماربنا ينزل عليك عقاب شديد انت حاسس انك ظلمت حبك القديم ومش حاسس انك بتتمادي في ظلم زوجتك انت للاسف مش بتظلم زوجتك وبس انت بتظلم نفسك وعقابك عند ربنا هايكون اليم ان لم تسرع في التوبة …يا اخي ابتعد عن هذة المراة وارجع الي زوجتك التي تحبك وترعاك في عرضك ومالك وولدك وعلي فكرة مافيش حاجة اسمها برود جنسي عند المراةدي شماعة بتعلق عليها غلطتك علشان تبررها لنفسك اطلب من ربنا انه يهديك وتوب لله قبل فوات الاوان

    حل مناسب حسب التصويت. وانت ما هو رأيك? Thumb up 16 Thumb down 2

  29. ساره
    20/02/2011 at 19:38

    والله انت في موقف لا تحسد عليه بس بتقول مراتك ست كويسه اوي وصاينه بيتك واولادك 16 سنه يعني بعد العشره دي والعمر ده مش تستحق منك انك تجيبلها ضره اما انها بارده جنسيا ده لسبب واحد انه تفكيرك انت مش وياها تفكيرك مع حد تاني ومش قادر تقنع نفسك ان مراتك هيا حبيبتك مفكرتش مراتك ممكن يحصلها ايه لما تعرف انك عايز تجيبلها ضره دي ممكن تروح فيها لا سمح الله وتجني على مراتك واولادك من ناحيه تانيه البنت اللي رافضه تتجوز علشانك كان مفروض انها اول ما عرفت انك تجوزت تبعد عنك لانه اللي بيحب بيتمنى السعاده للي بيحبه كان لازم تعرف انه انت خلاص بقيت مش ليها وكمان بقى ليك زوجه وبيت واولاد وحرام تخرب عليك قول للي بتحبك الحقيقه ومتعيهاش على امل انك تتجوزها علشان ترضى بالامر الواقع وتشوف حياتها وتتجوز واقطع اي حاجه تربطك بيها سواء نمره تلفون او صوره او حتى مكان

    حل مناسب حسب التصويت. وانت ما هو رأيك? Thumb up 12 Thumb down 0

  30. وجهة نظرى
    20/02/2011 at 19:22

    لو هتقدر تعدل بين الزوجتين يبقى اتجوزها ذنبها ايه انها تستناك كل ده لحد ما بقى عندها 32 سنه بس متطلقش مراتك عشان اولادك يتربوا بين مامتهم وباباهم استخير ربنا وتوكل على الله ربنا يوفقك
    ممكن بعد اذنك ترد عليا وتقولى المشكله بتتنشر بعد اد ايه من ارسالها

    قيم هذا الحل سلباً او ايجاباً: Thumb up 6 Thumb down 8

  31. سلام
    20/02/2011 at 19:16

    اخي العزيز فكر باولادك وبزوجتك دنبها ايه انك كنت تحب غيرها طبعا حبك الاول طالما انت لازلت على علاقه معها اكيد رح تتمسك بيك بس زوجتك واولادك دنبهم ايه ليه سمعت كلام ولدك ليه ما رفضت انك تزوج وبقيت على حبك مع احترامي لتلك الحبيبه عيب عليها ان تخرب بيت اتقي الله بنفسك وبزوجتك وباولادك صدقني ان تزوجت اخرى لن تكون سعيد بحياتك انا مرشده نفسيه وبشوف طلاب كتير يوميا حلتهم بتصعب على الكافر بسبب زواج الاب واهمال الام او طلاقها وقسوة زوجة الاب اترك الحبيبه على حد قولك وانشغل بزوجتك واولادك وفكر بمستقبلهم انت الخاسر الوحيد ان تزوجت لانك ستخسر زوجتك الاولى وستجد حبك الاول متله متل باقي النساء اتركها وانصحها ان تتزوج وابتعد عنها صدقني ستتزوج اول عريس يتقدم لها لانها ستقطع الامل منك لا تخرب بيتك بيددك صراحه انا اعتبر اي رجل يتزوج على زوجته هو يخرب بيته ويشعل النار فيها وانت حر

    قيم هذا الحل سلباً او ايجاباً: Thumb up 9 Thumb down 2

  32. دى وجهة نظرى
    20/02/2011 at 19:16

    لو انت شايف انك هتقدر تعدل بين الزوجتين يبقى اتجوزها ايه ذنبها انها تستناك كل ده لحد ما بقى عندها 32 سنه وطالما مستنياك كل ده يبقى بتحبك اوى بس متطلقش مراتك عشان اولادك يتربوا بين مامتهم وباباهم
    استخير ربنا وتوكل على الله ربنا يوفقك

    قيم هذا الحل سلباً او ايجاباً: Thumb up 4 Thumb down 8

  33. ا/نهله طلعت
    20/02/2011 at 17:18

    اتجوزها حررررررام عليك مادام انت مش هتظلم حد خلاص وربنا يوافقك هو الانسان استحاله انه ينسا حد كان بيحبه اومال بقا انت اللى اتجوزت وخلفت ومش ناسيها وبعدين انت لو بتحبها لازم تتجوزها علشان هى عندها 32 سنه يعنى فاضل 8 سنوات وتخش فى سن الياس الحق بقا اتجوزها علشان تشوف منك حتة عيل وربنا يوافقك ويجعلك عدل فى كل الامور اللهم امين

    قيم هذا الحل سلباً او ايجاباً: Thumb up 7 Thumb down 8

  34. نداء مصرى
    20/02/2011 at 17:04

    لو مراتك او زوجتك موافقة على زواجك التانى ومعندهاش اى مانع ممكن تتجوز التانيةولو موفقتش على جوازك التانى يبقى لازم تبعد عنها علشان انتو كده هتبقوا ماشين فى الحرام وحاجة تانية لواتجوزت لازم تعدل مابنهم وساعتها مش هتخاف على ولادك طول ماانت بتعدل مابين الاتنين وحاول تفهم مراتك انك عايز تعمل كل حاجة فى النور وادام ربنا فى الحلال وربنا يوفقك

    قيم هذا الحل سلباً او ايجاباً: Thumb up 6 Thumb down 5

  35. رجاء
    20/02/2011 at 16:25

    ما شاء الله عليك بعد 16 سنة جواز جاي تشتكي من ام اولادك انها بتعاني برود جنسي بعد ما خلفت ابناء و بعد ما شقت معاك طول السنين ده ليه ما فكرت من قبل زي ما بتقول ان حبك القديم فضل معاك طول المدة و كمان لو هي بمن ناس ما كانت ترضى على كرامتها ان علاقتها تبقى في الظلام زي اللص الي بيخاف من النور انصحك بقطع كل علاقتك مع عشيقتك و التفكير باهل بيتك لان هم الابقى و هم الاحن عليك من اي حد تاني و بالخصوص فكر في بنتك اكثر من اي شيء تاني
    و الي حتصرفوا على الثانية بينك اولى به و اعتذر عن رايي.

    حل مناسب حسب التصويت. وانت ما هو رأيك? Thumb up 11 Thumb down 0

  36. نصيحه
    20/02/2011 at 16:03

    طالما تقدر تصرف علي البيتين وزوجتك الحاليه لن تطلب الطلاق وسوف تتقبل الوضع يبقي مافيش مشكله من انك تتزوج من الثانيه وخاصه انا لا اعرف علي اي اساس استمريت بعلاقتك بالاخري وكيف سمحت لنفسك ان تظلم معاك الفتاة التانية وزوجتك واستمريت طوال هذه الاعوام بس لا بكاء علي اللبن المسكوب لذا ارجو منك الاسراع في ايجاد حل لها الوضع وربنا معاك يارب

    قيم هذا الحل سلباً او ايجاباً: Thumb up 4 Thumb down 9

  37. شــهــد
    20/02/2011 at 13:49

    الحل الوحيد والصح انك تتجوزها وتعدل بنها وبين ام اولادك لانك لو ما اتجوزتها ممكن تقع بالحرام وخصوصا انكم بتحبوا بعض

    وطالما انت ميسور الحال وتقدر تفتح بيت تانى لا تتردد بالحلال

    اتمنى لك ولحبيبتك ولام اولادك السعاده

    قيم هذا الحل سلباً او ايجاباً: Thumb up 10 Thumb down 7

اترك رداً أو حلاً لهذه المشكلة