مشاكل حب المراهقة

معجبة بزميلي في الدرس وصاحبتي بتقرب منه

انا بنت عندي 13 سنة ومعايا في الدروس ولاد كتير ولكن انا وصحابي بنهزر معهم عادي يعني في الدراسة ولكن انا حسيت اني معجبة شويه بواحد معي في الدرس ولكن هو لا يقول ليا اي شيئ بس هو بيهزر معايا برده عادي يعني بس انا مش عارفة معجب بيا ولا لا وكمان انا بحس ساعات اني ببقي مضايقة لما واحدة من صحابي بتبقي لابسة طقم حلو بصراحة بضايق لما بيبصلها وحتي انا دايما ببقي فرحانة اني اول حرف مني اسمي زي اسمه وكمان احنا في حجات كتير جدا بتحصل بنا في الدروس وبتبقي صدف بنا يعني كتير بيحصل اني ببقي ساعات حلة الواجب زي ما هو حله حتي ارتني كنت ساكنة في نفس الشارع بتاعه انا اه ساكنة جنبه لاكن في الشارع اللي وراه وصحبتي دي ساكنة في نفس شارعه وكمان انا وصحابي ساعات بنحس انها هي كمان بتحبه بس انا مش قايلة لاي حد من صحابي او اي حد اعرفه اني معجبة بالشخص دة وببقي مضايقة لما صحبتي بتكلمه او بتعد اودامه في الحصص وانا اساسا بصراحة شعري اجمل منها واحلي واطول وانعم وهي شعرها زبالة انا مش بعيب بس اعمل ايه هي بدنيها تهزر معاه وانا كمان بدنيني اهزر انا خايفة تكون بتحبه وهو يحبها انا نفسي يعجب بيا وبحبني انا وفي نفس الوقت خايفة طبعا اني اقوله اني بحبه لاني لسة صغير انا عرفة بس اعمل ايه وكمان صحبتي دي كنا دايما بنتخانق زمان اوي علي حجات تانية وانا مش كنت عايزة اخد معها دروس تاني بس اللي خلاني اخد معها ان اللي انا معجبه بيه هيروح معها الدرس دة في بيتها لان باباها يعرف بباه واتفقوا الابهات انهم يخدوا دروس مع بعض وانا قولت اخد معها عشان اقرب منه حتي انا بقول اني دايما افضل اخد معاه في الدرس لغايه منكبر واقوله اني معجبة بيه بس مش عرفة دة حتي في الدروس ساعات بيكون عايز يشوف حاجة في كتابي والمستر بيعتبرها غش ومع ذلك انا بوريه كتابي عشان الفت نظره وساعات كتير بحس انه بيكلمني ومنجذب ليا وساعات لا يعني مرة زمان في الدرس كنت انا متاخرة في حل المسئلة هو قال للمستر استني يا مستر ايتن لسة مش خلصت يعني بجد انا مش عرفة انه برده معجب بيا ولا بصحبتي ولا مش معجب باي جد ودة اللي انا حساه ارجوكي انشره موضوعي بسرعة وارجوكو ساعدوني وقولولي الحل ايه هو please اة يا جماعة صحيح انا لخبط الدنيا فوق انا قصدي اني بعمل الواجب زيه وكمان ساعات بيبقي في نفس الوقت وساعات بقول لنفسي يارتني ساكنة جنبه والباقي بقي فوق اقروه ردوا عليا ارجوكوا سوري الموضوع كبير بس انا مش لقية اي حد افضفض ليه please

مشاكل وحلول ذات صلة

اضيف بتاريخ: Friday, March 23rd, 2012 في 17:28

كلمات مشاكل وحلول: , , ,

30 رد to “معجبة بزميلي في الدرس وصاحبتي بتقرب منه”

  1. مازن
    04/08/2014 at 04:56

    ع فكره احب اقول ان البنت كبيره بعقله
    مش بسنه والحب مش عيب ولا حرام لانى انا
    كنت ف سنك كده بحب بنت كنت لما ابعت له
    جواب الاستاذ يشوفه كان يرزعنى العلقه
    ويقولى بتبعت له جواب ليه اقوله بحبها
    يضربنى تانى ويكرر السؤال وانا اقرر الاجابه
    الحب هو ايلى يدور عليه فيكى مش انتى ايلى تدورى عليه
    فيه بمناسبه حكايتى كنت انا اضرب وهى تتضحك كنت بحب ضحكتها اوى
    هو ممكن يكون حس بحبك ومستنى الوقت المناسب عشان يعترف بحبه
    ليكى وتكونى ليه اميره وهو امير فى قصركو

    قَـيّـم هذا الحل: Thumb up 0 Thumb down 0

  2. fatii
    12/05/2014 at 21:39

    انا عايز ااولك شي انا مثلك فنفس عمرك وقصتي مثل قصتك بدي وبدي اعطيك نصيحة حاولي ان لا تتكلمي معاه ادا مر من جنبك لا تنضري اليه عندما ياتي ليتكلم معاكي اخترعي له شي عدر ودهبي وان شاء الله هو سياتي ويعترف لك بحبه

    قَـيّـم هذا الحل: Thumb up 0 Thumb down 0

  3. hassan
    15/03/2013 at 05:48

    والله يا انسه انا ولد اعتبر في سنك وبقولك ان الولاد في السن ده مستحيل 100/100 يبين انهو معجب او مش معجب واكيد البنت اللي انت بتقولي عليها هي كمان حاسه بكده ناحيتك بس انت لو حاولتي تلمحيلو ان شاء الله تعرفي

    قيم هذا الحل سلباً او ايجاباً: Thumb up 8 Thumb down 7

  4. ابواميرة
    10/01/2013 at 11:13

    اولا انت يامفعوصة الرقبة تحبي في السن دا13 سنة اهلك فين عنك ولا انت فكره الشغلة سايبه تعملي على كيفك اخرتك تندمي لومابطلت الجنان اللي انت فيه بصي لمذاكرتك وخل بالك من نفسك ربي يهديك ويسترهامعاك

    حل غير مناسب حسب التصويت. ما رأيك انت: Thumb up 7 Thumb down 23

  5. Mohammed
    23/12/2012 at 21:33

    13 سنه ؟؟؟؟؟؟؟؟
    يابنتى الحياه لسه قدامك كبيره اوووى وهتقابلى ناس ومتقلقيش هتحبى وهتتحبى بس مش دقولتى كل اللى هيحصل دلوقتى مجرد احساس عابر من اللى بتشوفيه وبتسمعيه عن الحب خلى احسن حاجه كل حاجه فوقتها .. حتى لو افترضنا انك حبيتيه وهو حبك دلوقتى ؟ هتعملوا ايه هو عشان يقدر يتقدم ويقول عايز اخطبك قدامه ولا 10 سنين وبيتهيألى عمر ما فى علاقه حب قعدت الكلام دا كله ولا انتى هتستنيه وغير المشاكل وغير ان ممكن يتقدملك حد اكبر منك بشويه يكون جاهز وتحبيه احسنلك متفكريش من دلوقتى اصبرى وعيشى وقتك دلوقتى وحاولى متقعيش فى اى غلط وخلى بالك ان فى شباب بتحب تمثل ع اى بنت صغيره عشان يضحكوا عليهم خليكى ناصحه واللى عايزك يبقى يدخل من الباب وتعرفى اهلك ويبقى الكلام معاهم …

    حل مناسب حسب التصويت. وانت ما هو رأيك? Thumb up 13 Thumb down 4

  6. sanndy manssor
    20/12/2012 at 09:23

    بصى انتى لو كنتى عندك 15سنة وهو لسة معاكى ف الدرس خلاص قوليلو حاجة زى كدة هو انتى اية رايك ف البنت دى دانا مش بتنزلى من زورى وشوفى ردو هايكون اية عليكى وازا كان حلو متخليهوش يفلت من بين ايديكى وانتى مش خايفة ليقرا اللى انتى كتباه دة بصى بقى دى حركة جربتها قبل كدة ونفعت على فكرة قاللى انها مش عاجبانى ف طريقة بصها ليا وانا اساسا مش معجب بيها ولا باى حد وسعتها اطمنت وقلت كويس انها مطلعتش هى وبعدين لما تكبري هاتعرفى ان كلوا دة كان كلام عيال صغيرة يارب تكونى استفتى من الطريقة دى وازا منفعتش انا عنديا غيرها كتييييير

    قيم هذا الحل سلباً او ايجاباً: Thumb up 10 Thumb down 3

  7. elhobckloOo
    19/12/2012 at 07:20

    على فكرة يا قمر انا هنصحك نصيحة لوجه الله انا عارف ان مفيش ولا حد من الجماعة الى كتبوا فوقى عبروكى ولا نصحوكى فى مشكلتك دىلا كلوا قلك صغيرة على الحب ومينفعش وانتبهى لمذاكرتك اكيد انا ردى مختلف جدا جدا جدا جدا اولا
    انا زيك بالظبط بس الفرق انى عندى 17 سنة واسمى محمود ومعايا بنت قمر فى الدرس اسمها جهاد بحبها جدا جدا جدا وكل مشفها احس انى مش على بعضى انا شفت بناااات كتيييييييييييير جدا بس محصليش الى بيحصلى ساعة مشفها وضحكت على بنات كتيييير قبل كدا ولعبت بيهم وكل الى تتصوروووه انا عملته موبيلات وحجات من دى
    والغريبة انى كنت بكلممهم بكل جراءة جدا
    بس معاها ببقا مش مالك نفسى الكلام كلوا بيروح من دمااااغى بنسا اى حاجة لدرجة انى ساعات بتهته وانا بتكلم بس مشكلتى انى بخااااف اقلها انى بحبها مع انى مبخفش اقول لاى بنت تانية
    بس دى بحبها بجد خايف اقلها اخسرها تصدقوا انى من 1 اعدادى وانا بحبها من وانا اصغر منك
    انا دلوقتى فى3 ثانوى
    بسهقلك على نتيجة هتجيب معاكى 100% وابقى قليلى شكرا متنسيش
    بصى بقا
    اول حاجة تعمليها انك بعد الدرس تكونى مشية لوحدك مش معاكى حد والمهم ان يكون مفيش حد شايفك علشان ميبقهاش فيها اى احراج
    وبعدين تناديلوا لو حسيت انو بيضحك ومش عارف يتكلم وبيبص فى الارض
    قليلوا انت مش عايز تقلى حاجة
    لو لقتيه لما جه بيكلمك وهو مكشر او بيكلمك بسرعى\ة وعايز يمشى انصحك تبعدى عنوا
    لو غير كدا امشى بالاولى بس المهم انكوا تكونوا لوحدكوا
    لو كان بيحبك هتلقيييييييييه قال كل حاجة
    لو مبيحبكيش قمش هيقلك حاجة وبكدا تريحى نفسك من تعب القلب من وانتى صغيره
    ابقى قليلى هيعمل ايه متنسيش ^_^

    حل مناسب حسب التصويت. وانت ما هو رأيك? Thumb up 15 Thumb down 5

  8. nanna
    17/12/2012 at 14:18

    بصي كل اللي انت قولتيه ده عادي ممكن يكون هو عادي معجب و ممكن يكون لا بس عامةً الحب او الاعجاب لو اتقال لكل العالم مش هايكون اجمل من انك تحكيه مع اقرب شخص ليكي و اكيد كل واحد منا ليه صديق مقرب او اخت او اخ او حتى لو دبدوب اي شي لكن ياما ناس حبت ومقالتش انها بتحب
    بس انا عايزة افهمك حاجه انا بردو زيك لكن مش لازم عشان انا بحب ولد اروح اقوله لا انك تعبري عن الجواكي و تقوليه لاي حد فده مش حل انتي اصبري الله اعلم باللي جاي مانتي فعلا ممكن تلاقيه في درس من الدروس من غير مانتي اللي تدوري عليه وتروحي الدروس عشانه
    صدقيني ماينفعش تتنازلي عن اي حاجه انتي في سن مراهقه و مفيش حد مبيمرش بالوقت ده لازم تكوني عارفه كده بس صدقيني كلمة انا بحبك لازم تروح لصاحبها مش لحد انتي لسه متعرفيش اذا كان بيحبك ولا لا …. و لو هو بيحبك فعلا مش هيبص على لبسك او شعرك او شكلك
    لا لو هو بيحبك فعلا فلازم تعرفي انه حب قلبك و حب اللي جواكي مش اللي براكي ولازم تعرفي انك لو لاقيتي حد في يوم من الايام بيحبك بالطريقه دي حاولي تبعدي عنه لانه مش بيحبك لكن بالنسبه للولد اللي انتي بتحبيه فده صدقيني مع الايام هاتعرفيه على حقيقته و هاتفهميه وان الله مع الصارين اصبري لان مافيش حد منا عارف نصيبه فين ….. و بردو لو هو مبيحبكيش متزعليش بكره تلاقي نصيبك مع حد يستاهلك و بيحبك

    قيم هذا الحل سلباً او ايجاباً: Thumb up 8 Thumb down 0

  9. جهاد محمد
    15/11/2012 at 20:24

    يا حبيبتي كل التصرفات دي عادية مش بتدل علي حب انما هي صداقة

    قيم هذا الحل سلباً او ايجاباً: Thumb up 2 Thumb down 5

  10. ..رشا
    30/10/2012 at 15:17

    تحت اى درجه حب مينفعش البنت تخبر الولد بحبها لأن البنت بالطريقه دى بترخص نفسها قدام الولد والولد بيحب البنت التقيله وعايزه اقولك فى المرحله دى مسموش حب دى مرحله بتتقلب فيها المشاعر كتير لما هتشوفى حد تانى ممكن تعجبى بيه وتلاقى نفسك نسيتى الا قبلوا فمينفعش كل مره تحبى فيها تبينى حبك عشان تبقى بنوته ليكى قيمتك قدام اى حد

    قيم هذا الحل سلباً او ايجاباً: Thumb up 10 Thumb down 2

  11. كوكى
    15/10/2012 at 04:10

    حاولى يا حبيبتى تتكلمى مع اختك لو عندك اخوات بنات اكبر منك يبقى لازم تتكلمى معاهم لان هما هيفهموكى وهيلموكى لانهم اكبر منك واكيدفاهمبن احسن منك بكتير وهتستفيدى منهم لان مينفعش انك تعملى كدة من وراهم وعيب اوى انتى لسة صغيرة على الكلام دة ولما تعرفى اختك من دلوفتى احسن من ما تعرف من برة دى نصيحتى وانتى حرة

    قيم هذا الحل سلباً او ايجاباً: Thumb up 9 Thumb down 4

  12. سوسو
    12/10/2012 at 15:50

    بصى يا قمر علشان تلفتى نظر اى ولد ليكى لازم تكونى تقيلة يعنى مش لازم علشان تحبى واحد تروحى و تقوليلو انك بتحبيه كمان انتى لسة صغيرة على الحب لان الحب مسؤلية كبيرة ماتقدرش عليها الا بنت كبيرة ناضجة فاهمةهى بتعمل ايه

    قيم هذا الحل سلباً او ايجاباً: Thumb up 9 Thumb down 5

  13. -توام روحى-تغريد
    09/09/2012 at 19:26

    يا جماعة ايتن مش صغيرة ولا حاجة بس بلغة بدرى شوية انا كان ليا صحاب اصغر منها بيحبو بس ايتن كان لازم تقؤلة انها بتحبة علشان متندمش لما تشوفة معاواحده تانة

    حل غير مناسب حسب التصويت. ما رأيك انت: Thumb up 7 Thumb down 18

  14. نعم سنحارب ولن نصمت للجهل
    07/09/2012 at 10:12

    اختى
    بأختصار
    كل مايدور فى عقلك من عواطف او اعجاب او حب فقط هو خداع السن الذى انتى فيه
    ولإن صبرتى لسوف تعرفين قصدى

    قيم هذا الحل سلباً او ايجاباً: Thumb up 9 Thumb down 8

  15. angle
    01/07/2012 at 02:16

    يا قمر الحب مالوش سن ولا وقت بس الاهم انك تكونى متاكده ده حب ولا اعجاب لان انتى لسه صغيرة وفى سن مراهقه والسن ده خطير جدا ولازم نفكر فى كل حاجه كويس يعنى الواحد فى السن ده بيحس انه بيحب وطاير من الفرحه وبتعجبى بناس كتير بس سيبى كل حاجه بظروفها ولازم الحب ده يتبنى على الثقه وانتوا لسه صغيرين وهو صغير ومحتمل ميكونش قد الثقه ويلعب بيكى او يكون طيش مثلا زى اى ولد فى السن ده
    والله يا قمر انا حاسه بيكى ومريت بحاجات زى دى كتير والحمد لله كنت بفكر بعقل كويس واكتشفت ان فى حاجات كتير كده بتطلع هبل يعنى انا بتكلم معاكى زى اختك يا حبيبتى يعنى الوحد كتير بيحس احساس حلوة ناحيه حد قريبه زميله فى الدراسه و الدروس وكده وعارفين ده كويس بس صدقينى بكرة هتكتشفى حاجات كتير ومتعرفيهوش انتى انك بتحبيه الاول وصدقينى العيب مش انكوا قد بعض خالص منا بس المسؤليه
    مسؤليه الحب اللى بجد انا بقولك اصبرى وبكرة تتعلمى كتير وهتعرفى انتى معاكى حق فى كده ولا ممكن يكون وقت واعجاب بس وفى ناس كتير مروا بكده وانا منهم كمان يا عسل بس انتى سيبى كل حاجه بظروفها والعمر لسه قدامك ان شاء الله وبكرة تعرفى الحب بجد وممكن يكون هو نفس الشخص كمان
    و لو ليكوا نصيب فى بعض ربنا هيوفقوا بس انتى ركزى فى مستقبلك ومتستعجليش على على حاجه وربنا معاكى يا عسل ويوفقك

    حل مناسب حسب التصويت. وانت ما هو رأيك? Thumb up 20 Thumb down 4

  16. صاحبة المشكلة
    22/06/2012 at 21:45

    يا جماعة انا عرفت ان الولد دة طلع مرتبط بواحدة كانت صحبتي في الدروس وانا خلاص طلعته من دماغي ونسيت الموضوع كله بس المشكلة اني انا كنت بقول لوحدة صحبتي انا مش معتقدة ان الولد دة يرتبط بدي دول مش لايقين علي بعض خالص دة هي تخينة واطول منه وهو قصير ورفيع عنها اوي كنت بهزر عادي عشانمش كنت عايزة الناس يقولوا عليهم انهم مرتبطين لان دي صحبتي ومش كنت بحب حد يقول عنها حاجة وحشة المهم الموضوع اترفع وصحبتي فتنت علي اللي انا قولتهولاه اما بقي صحبتي اللي مرتبطة بالولد دة جتلي وقالت ليا انتي ليه قولتي عليا كدة قولتلها يعني اني كنت بهزر ومش عايزة حد يفهم عنها حاجة غلط المهم الموضوع خلص بس انا خايفة لان زمان الولاد دلوقتي افتكروا بقي اني متغازة منهم واني بحبه مع اني والله انا خلاص نسيت الموضوع بس زمان الولاد صحابه بيقولوا عليا اني مش محترمة وانا مش بحب حد يقول عليا كدة انا كلمت البنت اللي مرتطبة بالولد دة اللي هي كانت صحبتي وقولتلها اني كنت بهزر عادي وقولتلها كمان اني كان قصدي محدش يقول اجة وحشة بس انا بقي دلوقتي اكيد معظم البنات والولاد بيقولوا اني بحبه ومتغازة منه هو والبنت اللي مرتبط بيها هو انا اة كنت معجبة بيه بس خلاص نسيت كل حاجة بس انا نفسي محدش يقول عليا اني مش حترمة لاني والله العظيم مش كن قصدي حاجة انا محترمة كويس والله انا كل صحابي بيقولوا ليا انسي وطنشي اللي يقول يقول واللي يعيد يعيد طنشي بس اهلي مش عرفوا حاجة بس يارب ميعرفوش ادعولي والنبي ان محدش يقول عليا اني مش محترمة مع اني هطنش ومش هعمل حساب لحد

    قيم هذا الحل سلباً او ايجاباً: Thumb up 7 Thumb down 7

  17. سمر
    16/06/2012 at 15:26

    انا اعتقد انها مازالت صغيرة على الحب وانا اعتقد انه الافضل انها تبعد ده هيكون صعب شوية وليا رأى تانى هى فكرة نه معجب بصحبتها عشان بتهزر معاه على فكرة لما ولدبيفكر يعجب ببها بيعجب بالمؤدبة وعالاعموم أنصحك بااهتمام بالمذاكرة يا عسل

    قيم هذا الحل سلباً او ايجاباً: Thumb up 11 Thumb down 8

  18. محب شهيدة العشق الالهمى( رابعه العدويه) رمز الحب الذى لا مثيل له
    01/06/2012 at 03:06

    اولا حضرتك باين من كلامك انك انسانه جميله وعلى طبيعتك ربنا يحفظك .
    وعلى انت بتحبى بجد والحب اجمل شىء فى الوجود ممكن تقولى عليه مفتاح الوجود بس اهم حاجه نعرف الحب ده رايح فين وليه ؟ , ينى ربنا رزقنا بالقلب والاحساس الجميل او الاكثر من الرائع الى هو الحب والقلب والحب فى ايدينا دلوقتى فلازم نحافظ عليهم ومنسلمهمش لاى حد , لازم نديهم للشخص الى يستحقهم الى هنطمن عليهم وهما معاه عشان ميكسرهمش ولا يعرضهم لاى اذى لان اصعب اذى ممكن يكون فى القلب والحب ولما بيحصل فيهم كسر او شرخ بتبقى حاجه صعبه جدا , فحضرتك دلوقتى 13 سنه يعنى لسه العمر طويل قدام حضرتك وهتقابلى ناس كتير وهتعلمى من حاجات كتيير وممكن تشوفى حد افضل من الشخص الى بتحبيه فتبقى عايزها هو يكون حبك الاول والاخير عندك , وحضرتك لو تكلمنا بالكلام الواقعى هنلاقى ان احب الجميل الى حضرتك بتعيشه ده مستقبله مش واضح لان المستقبل الطبيعى لاى حب هو الجواز طيب لي ميبقاش الارتباط وخلاص ؟ ده لان ى الحاله دى الحب هيبقى عامل زى ما واحد مثلا بقالوا كتير ماكلش اكله معينه وهو بيحب الاكله دى فاول لما شاف الاكله دى نزل عليها فكالها كلها فتيجدى تساله عايز تانى يقولك لاء انا كده تمام طيب ليه هو مش عايز تانى مع انه بيحب الاكله ؟ لان شبع من الاكله دى اخد الحاجه الحلوه الى كانت فى الاكل وعرف طعمها فبقى عادى عنده خلاص زى اى اكله , فحضرتك الحب الجميل الى حضرتك عايشاه دلوقتى مستقبله كد انه ممكن تكلمى الشخص الى بتحبيه وتعترفيله بحبك وهو كمان يقولك بحب وده هيبقى اسعد يوم فى حياتك ولكن بعد مرور العديد من الوقت هتلاقى الشوق اليه بيقل لانك خلاص جربتيه وبعد كده بجانب الحاجات الحلوه الى حضرتك كنتى شايفاها فيه هتلاقى اكيد حاجات ممكن متعجبكيش منه تصرفت هو شايفها صح وممكن عندك تكون مش صح ممكن طريقة عاملته لبعض المواقف وهكذا باختصار لان مفيش انسان كامل فممكن تسيبوا بعض لانك مدرستيهوش كويس وانت بس ممكن تكونى حبيتى فيه انه وسيم او بيخاف عليكى فى بعض اوقات ودى اجزاء منه مش كله , فانا ببين لحضرتك الاحتمال الى ممكن يحصل , فحضرتك ممكن تاجلى الموضوع شويه وعارف انه ش هيقى سهل لانه معاكى فى الدروس بس الحقيقه انك تاجلى الموضوع ده لانى زى ما قولت لحضرتك العمر لسه قدمك طويل (ربنا يطول فى عمرك فى الخير ) هتقابلى ناس كتير وشباب كتير وتكتسبى خبات على اساسها ممكن تحكمى وتختارى الشخص الى تحبيه صح (: ,, فى النهايه اسف لو كنت طولت على حضرتك بس انا كنت قاصد اوصل لحضرتك معنى ان القلب والحب غاليين قوى فارجو من حضرتك انك تحافظى عليهم , وربنا يوفق فى حياتك ومزاكرتك ارجو ان ردى يفيدك ولو لقيتى اى حاجه ممكن تضايقك فى ردى فانا بعتذر لحضرتك وانت قادره ان شاء الله تاخدى القرار الصح , ربنا يوفقك ….(:

    قيم هذا الحل سلباً او ايجاباً: Thumb up 9 Thumb down 2

  19. علاء
    16/05/2012 at 18:06

    هههههههههههههههههه انتى لسه صغيرة يا بنتى انا لما كنت فى سنك كنت مقضيها جرى ولعب كورة وحتى فى الدرس كنا انا والبنات اخوات فكرى فى مستقبلك وسيبك من لعب العيال دة ربنا يوفقك

    قيم هذا الحل سلباً او ايجاباً: Thumb up 12 Thumb down 8

  20. رودى
    03/05/2012 at 15:58

    انتى نفسى بس هو بنظراتة وكلامة معاية وهزارة البنات كلها فى الفصل لحظوها وقلولى هو بيحبك وانا كنت عارفة بس قلت لهم بطلو هبل احنا لسة صغيرين مع انى عارفة انصحك متحبيهوش الا لما تعرفى انو بيحبك انتى لانى انجرحت جرح كبير بس هحكيلك انا عندى 14 سنة ماشى كنت وانا فى خامسة ابتدائى بحب جرنا وهو كان بيحبنى بس مكناش بنكلم بعض كان بيقلها بعنية كنت بروح انا واولاد عمى نلعب معاة هو واخواتة ومن هنا اتكونت العلاقة وبدانا نحب بعض بس بالنظرات ووكنت علطول فى الاجازة اطلع اقف قدام الباب واستنى لما هو يطلع وكان لما يسمع صوتى يطلع ويقف ونفضل نبس لبعض بس استمرت العلاقة لحد مرحت تانية اعدادى وبعدجاها هو عمتن فى 3 اعدادى جات امتحناتو بطل يبصلى ولا يهتم زى الاول عرفت انو عايز ينسانى وان هو حب وحدة تانية بس انا لحد دلوقتى مش قادرة انساة وعمرى مهنساة حتى لو حبيت غيرة بس فانا بقولك متحبيهوش الا لما هو يحبك علشان متنجرحيش زيى وانا مقدره شعورك وعارفة وعلى فكرة الحب مش عيب دى مراهقة ولازم اى حد يكون مر بيها والا يقول لا يبقى كداب وعلى فكرة الا بيستهزءو بيكى دول هما الا مبيفهموش حاجة ومتخلفين لان الجيل غير الجيل احنا جلنا نت ودنيا وعالم اما جلهم كان اصلنا مفيش رجالة علشان يحبوهم

    قيم هذا الحل سلباً او ايجاباً: Thumb up 10 Thumb down 2

  21. يويو
    07/04/2012 at 19:39

    بصى انا بعانى من نفس المشكلة بس الفرق انى مبكلمش معاه وكمان ان البنت اللى حسة انها بحبو احلى منى بحاجات بسيييطة

    قيم هذا الحل سلباً او ايجاباً: Thumb up 11 Thumb down 10

  22. لولي
    07/04/2012 at 11:27

    انصحك نصيحه اوعي تقول ليه انك بتحبيه بس كلميه بعيونك يعني نظرات كلها اعجاب و حب و ساعديه في الدرس و اتعملي معه كانك صديقته المقربه مع الوقت حيحبك

    حل مناسب حسب التصويت. وانت ما هو رأيك? Thumb up 26 Thumb down 6

  23. حازم الاهلاوى
    02/04/2012 at 20:35

    يا بنتى انتى لسه صغنونه اوووووووووى ع الكلام ده
    انا لما كان عندي 13 سنه كان اخر احلامى انة اغلب العيال جرانى في البلى مسافات طوووووووليه
    ههههههههههههههههههههههه
    ولما كملت 14 سنه كنت ممكن اموت لو حد شافنى في لعبه استغمايه
    15 سنه لعبه عسكر وحرامى لو اتقفشت ولا حاجه كنت بثعد اضرب في نفسي واشد في شعرى ههههههههههههه
    16 سنه كان ممكن اروح فيها والله لو كنت اخسر ماتش كوره كنت اتجنن
    17 الغايت دلوقتى عندي 21 سنه اغربت في اوروبا وشوفت معنى المرمطه
    اودامى اجمل بنات في الدنيا اسهل حاجه بالنسبالى انى ارتبط بواحده بيهم
    بس بنت بلدى الجدعه بيهم كلهم
    حافظى ع نفسككككككككككككك انتى لسا كتكوته ع الحب
    فكرتيني بايام طفولتى ربنا يجازيكي
    بس دي دحكتنى اووووووى بجد {
    {الدرس دة في بيتها لان باباها يعرف بباه واتفقوا الابهات}
    ههههههههههههههههههههههههههههههههه مش قادر بجد طب هم كانوا فين لما اتفقوا الابهات
    سمعت ابو جهل يقول لابا سفيان انهم التقوا في دار حنظله ابن ابي ظلطه هههههههههههههههههه
    انا بهزر اوعي تزعلى منى انتى زى اختى الصغنطوطه
    ربنا يكرمك

    حل مناسب حسب التصويت. وانت ما هو رأيك? Thumb up 43 Thumb down 13

  24. aya
    30/03/2012 at 20:59

    13 سنه؟؟؟ يالهوى ده الواحد بقى عنده 19 سنه اهوه وحاسس انه صغير لسه انه يقول انه بيحب..تيجى انتى 13 سنه وتقولى بتحبى؟؟ انتبهى لدراستك ياحبيبتى دلوقتى ومتستعجليش .خلى الحب ده لما تعدى من مرحله المراهقه دى ..بالتوفيق فى دراستك يااارب

    قيم هذا الحل سلباً او ايجاباً: Thumb up 25 Thumb down 19

  25. توتا
    28/03/2012 at 23:03

    السلام عليكم اولا خليكى جنبه ولو محتاج اى حاجة وقال لازم انتى الى تدهالوا وكمان خليه يحس انك انتى معجبة بى لكن متروحيش ليه وتقوليلوا انك بتحبيه لانك كدة بتزدهزقى بنفسك

    قيم هذا الحل سلباً او ايجاباً: Thumb up 17 Thumb down 12

  26. أ/رباب جمـال
    27/03/2012 at 13:53

    حبيبتي أنا حاسه بيكي جدا لأني وانا في سنك مريت بحجات كتيييييييييييير زي اللي انتي بتمري بيه ده
    حبيبتي الحب مش حرام الحب غريزه وضعها ربنا في القلوب
    مثل الأكل والشرب مثلا
    تفتكري الحيوان لما بيعطش بيشرب من أي مياه؟أو بيجوع بياكل من أي أكل؟الحيوان بيشرب أي ميه حتي لو كانت ملوثه وبياكل أي أكل حتي لو كان قذر واقع في الأرض
    كذلك عندما تأتي له غريزه الحب فإنه يشبع هذه الغريزه في أي وقت وأي مكان مكان قذر أو أمام الآخرين
    إنتي بقي حبيبتي كإنسان ربنا ميزك بالرقي والعلو والعقل
    انا عارفه ان الكلام كبير شويه عليكي
    انا عايزه اوضحلك ان غريزتك هذه راااااااااااااائعه لكن محتاجه الي بعض التهذيب
    قليلا من العقلانيه وبعض من الرقي والثقه بالنفس فإن كان حبك غير حقيقي فدعي التفكير تماما في هذا الشخص وانسي الأمر حتي لا تعيشي في صراع دااااااااااااائم
    وان كان حقيقي فكري دائما ما هي نهايه هذا الحب؟؟؟
    طبعا أكيد نهايته القريبه لم تكن بالزواج لأنكم لسه صغيريين بل هاتكون إما علاقه في الظلام أو كسر لقلبك بتعلقه بغيرك
    حبيبتي الورده اللي زيك تموت لما تعيش في الظلام لازم لما تحبي يكون حبك في النور والكل يعرف ويفرح انك حبيتي
    انا متأكده انك بنت عاقله وهاتركني قصه الحب ديه لحد لما تقفي علي رجلك وتفكري بهدوء
    وتركزي في مزاكرتك عشان لما فعلا تحبي حد يبقي هوه يتمني انك تفكري فيه لما تبقي شخصيه مرموقه وربنا يوفقك أنصح بمشاهده حلقات خدعوك فقالوا لمصطفي حسني والسلام عليكم ورحمه الله وبركاته

    حل مناسب حسب التصويت. وانت ما هو رأيك? Thumb up 25 Thumb down 6

  27. سبونى فى حالى
    26/03/2012 at 19:41

    يابنتى انتى لسه فى البيضه شوفى دراستك ابقى حبى براحتك فى الجامعه انتى لسه طالعه من سته ابتدائى داخله حاميه ليه كده هههههههههههههههههه حاجه غريبه ياجدع

    حل غير مناسب حسب التصويت. ما رأيك انت: Thumb up 8 Thumb down 28

  28. قدوتي رسول الله
    25/03/2012 at 03:30

    لا اعتقد أن من الصائب الاهتمام بهذه الامور خاصة من هم بسنك…
    أنصحك أن تتجاهلي كل ما يمر أمامك…و تهتمي بدراستك
    لان مزاج المراهقة يتغير بتغير الفصول الاربعة!!!
    أتركيه و لا تعيريه أي اهتمام ابرزي اهتمامك بصديقاتك الصالحات و اهتمي بدراستك…
    أحسني إلى والديك و اطلبي دعائهم و أكثري من الصلاة و الاستغفار

    قيم هذا الحل سلباً او ايجاباً: Thumb up 14 Thumb down 10

  29. رورو
    24/03/2012 at 10:49

    بصى يا ستى اول حاجة هو من كلامك باين انة مش بيحبها لان زى ما بيهزر معاها بيعمل معاكة نفس الشى والابهات هما الى اتفقوا يعنى ممكن يكون هوة مش عاوز اولا لا تقولى لاى حد ثانيا بينيلوة خليكى ادامة علطول اوعى تهزرى مع حد غيرة هوة ممكن يبقى معجب بيكى واوعى تخسرى واحدة صاحبتك علشان ولد اووووعى بصيلوة كل شوية ولما يبصللك ديرى وشك يعنى الحاجات دية وربنا يوفقك

    حل مناسب حسب التصويت. وانت ما هو رأيك? Thumb up 17 Thumb down 6

  30. aya
    23/03/2012 at 20:56

    بصى يا حبيبتى البنت لازم تكون رقيقة يعنى مش هينفع تقولي بحبك او معجبة بيك حتى لو هتموتى لازم هو اللى يجي يقولك لان دة هيفرق اوى بعدين دة لو استمر الحب و بعدين يا قمر عقل البنت بيكبر قبل الولد بسنتين او 3 يعنى انتم صغيرين لسة و كمان علشان هو يكون جهز دة فى المستقبل و يجى يتقدم هتكونى انت عنستى خلاص يعنى دة حب مراهقة و عرفة لما تكبرى هتضحكى و تقولى اية اللى انا كنت بعملة دة بصى يا حبيبتى فكرى فى المذكرة اكتر يعنى علشان تحققى طموحك سيبى الحب و الكلام دة يجى بظروفة يعنى انا حسة بيكى اوى و عرفة انك حسة انك كبيرة بس يا قمر والله لسة بدرى ربنا معاكى :)

    حل مناسب حسب التصويت. وانت ما هو رأيك? Thumb up 32 Thumb down 3

اترك رداً أو حلاً لهذه المشكلة