انا فتاة كنت طالبة جامعية وانهيت دراستى منذ سنة كنت اعجبت بشاب اكبر منى سنة وليس كان بيننا اى كلام فمانت مجرد نظرات فقط بينى وبينه وكان شاب محترم لا يكلم بنات ع الاطلاق ولا اعرف لماذا لم يحاول التقرب منى او تصريحه بحبه لى وعندما انتهيت من دراستى لم اعد اراه وظننت بانى قد انساه مع الوقت وما حدث غير ذلك فانا ابكى من اجله واعترف بانى احبه وانتظر رؤيته ولا افكر الا فيه هل اخطات لانى لم اصرح له عن مشاعرى وماذا افعل الان
الحب من طرف واحد
مازلت احب زميلي من ايام الجامعة
اضيف بتاريخ: Monday, February 6th, 2012 في 07:46
كلمات مشاكل وحلول: الحب, بنات, شاب, فتاة, مشاكل الحب
مفيش حد بيصرح لحد عن حبو ليه وش كدا, بتبقى مواقف و كدا و بعد ميقربو من بعض و يبقوا
صحاب اوي ممكن ساعتها يلمحلك
أنا بقول تنسيه خالص لأنك مش هتشوفيه تاني و الوقت اتأخر كدا كدا
يابنتي الحب شي والاعجاب شي اخر ولازم تعرفي الفرق بينهماوماحصل معك مجرد اعجاب منك للشاب وليس بحب والشاب عمره مافكرفيك ولاصارحك اووعدك بشي من هالقبيل فلا تشغلي بالك وانسيه واهتم بدروسك اكرم لك من هالاوهام اللي انت عايشةفيهاوربنايوفقك في جامعتك ويكرمك بابن الحلال اللي يستاهلك ويقدريسعدك
سؤال بس وياريت تجاوبينى عليه ؟ انتى شفتى ايه منه خلاكى تتعلقى بيه للدرجة دى وتحبيه كل الحب دا ؟ ويا ترى لو عرفتيه كويس وكلمتيه كتير هيفضل رأيك فيه ثابت ولا هيتغير ؟
بصراحة انا كنت زيك بس كنت علي اكبر بكتير .. كنت بحس بيها لو كانت في الشارع اني انا فيه لو انا في اخره وهي في اوله كنت بحس بوجودها ..كنت بحس انها حزينة او زعلانة ..كنت مجنون بيها لدرجة الجنان .. اقعد 5 سنين عشان احاول اكلمها..وكانت بترفض ..وكنت بعمل كل شئ بتحبه عشان ارضيها وبينها حبي ليها ..بصراحة كنت مهووس بيها كان صحابي بيضحكوا عليا وياخدوا مني فلوس لو قالولي انا ممكن اساعدك وميعرفوش يعملوا حاجة ..المهم اقعد مصدوم علي الحالة ديه خسرت البطولة بتاعتي وجبت مجاميع قليلة في كل السنين بسببها ..وكنت خلاص نفسيتي ادمرت ..لحد ما عرفت لو بقيت الحالة ديه مش هوصلها وهدمر نفسي وهي ولا هيحصل ليها حاجة وانا اللي هاكون خسرت …فمن ساعتها وعدت اني اتغير وانساها وكنت بقول لو عشقتها كنت اعشق اللي خلقها افضل وعملت كدة وفعلا نستها وقربت من ربنا وبقيت احسن ورجعت للاول لا للاحسن من الاول .. صدقني الحب جميل بس الاجمل لو لقيت حد بيبادلك نفس الشعور لكن الحب من طرف واحد انساها بحب واحد حد يحبك
للاسف كثيرمن البنات مايعرفن الفرق بين الاعجاب والحب وتتخيل الوحدة منهن انوالشخص اذانظراليه واعجب بها اوعاملها بكل رقة ولطف انويحبهاعن جد وداكلها اكاذيب واوهام ياعزيزتي لاتفكري فيه خلاص انسيه للابد وخلي عندك كرامةوعزةنفس وربي يسترعليك
اكبر غلطه غلطيها فى حياتك وهتفضلى تندمى عليها طول عمرك انا قصتى زى قصتك بالظبط انا شاب مكنش فى دماغه غير انه يقضيها لحد ما فى يوم رحت زرت اصحابى فى جامعة اكتوبر مدينة الثقافة والعلوم عدت من قدامى بنت بالنسبه ليا اجمل وارق بنت فى حياتى عارفه قلبك لما يرفرف كده ده بالظبط اللى حصل معايه بقيت ازور اصحابى بعد كده فى اكتوبر على طول لدرجه انى اخدت شقه فى اكتوبر وقعدت مع اصحابى عشان اروح الجامعه اللى هى فيها كل يوم ونسيت جامعتى خالص انا كنت بدرس فى اكاديميه فى مدينه نصر وبدأت قصه حبى بنظرات فقط لم افعل اى شئ اخر سوى انا كلمت صحبتها وقلتلها انى بحبها قوى ردت عليا وقالتلى متلقيش غيرها دى مغرورة وفاكره نفسها احلى واحده فالجامعه دا انا اصحابى الاتنين معجبين بيك اللى هى قلتلها لا انا بحبها ومش هحب غيرها ادتنى رقم بنت تانية على انه رقم البنت اللي حبيتها سمعت كلام يجرح وكنت فاكر ان هى حبيبتي بس بعدين اكتشفت انها مش هي لحد ما جات صاحبتها اللي كلمتها بالاول وقالتلى انها مرتبطه والله اصبحت انسان تانى وقعدت ما اكلش من يوم الاتنين لحد يوم الخميس اليوم ده كان عند حبيبتي امتحان رحت عشان اكلمها سمعتها بتقول لصاحبتها واحد وبيحب واحده انا مالى فجه فى دماغى انها فعلا مرتبطه وفى الاسبوع اللى بعد كده قلت لازم اكلمها ررحت قلتلها انا عايز اتكلم معاكى قالتلى وانا مش عايز اكلمك وكان باين فى عنيها الحزن مش عارف ليه ومش عارف صاحبتها وصلتلها ايه وخرجت حبيبتي وانا رحت وراها زى المجنون مش عايز الحياه اللى مفهاش حبيبتي وركبت ععربيتى وجيت قدامها وجيت عامل حادثه ودخلت فى التالوار عشان ااكد لها انها هى حياتى ومن غيرها مش عايز الحياه كل اللى اعرفه عنها
طيب كده وزعلانه اومال الاكبر من كده ان واحد زميلى فالشغل بنت زميلتى قالتلو على قريبتى عروسه ليه وهو اصغر مننا فالسن ومش فارق معا ان يتجوز اكبر منه ولما قالها خلاص اشوفها استغربت المهم اتعرفو على بعض وراحلها البيت هو واهله مكملوش شهرين وسابو بعض طلب منى اننا منخسرش بعض نهائى وافقت المهم اقربنا من بعض جدا صداقه حلوه اوى بدانا نتعلق ببعض قالى الحب هيقف بنا مبعدناش عن بعض وفضل مهتم بيا جدااااااااا فوق ما تتخيلى مشاعرى بدات تزيد لان عمرى محد اهتم بيا كدا وتليفونات وخروج وبدات اكتشف ان نفس الكلام بيتقال لبنات غيرى وهو انسان بيقدس المراه وحنين جدا وطيب اوى ولما بدات اعلق على اسلوبه مع البنات بدا يتغير معايا والغيره بدات جوايا بدا يبعد عنى مبقاش يرد على تليفوناتى غير بمزاجه والشك بقى جوايا يرجعلى ونبقى حلوين اووى يوم و10 لا بدات ازعل جامد غموضه واسلوبه ان مبيعرفنيش حاجه عنه لما بيخرج حسسنى ان بيعمل حاجه حرام ابدا اتعصب ولهدوء اعصابه كان بيقولى ان مبيردش عليا علشان ده احترام ليا ان متعصبه فيلزم الصمت هو لحد ماوصلى انى صديقه ليه بس بزياده مع انه كان بيعاملنى اكنى خطبته فهمين طبعا واتغير نهائى معايا وبيقنعنى ان هو زاى ما هو وانا اللى بعشقه وقالى ان عمر مهيلاقى ولا لقى انسانه تحبه زاى وفى الاخر قالى انى محترمتش مشاعرى اللى جايا من نحيته ونبى ده يتقاله ايه واعمل ايه مش قادره ابعد عنه مع انه بيبعدنى هو عن حياته انا بقى عايزاكو تنصحونى وفنفس الوقت بتمنى ان هو يندم على عليا
ادعي الله ان يرزقك به
لو كان بحبه لكان صارحك انصحك تنسيه واذا كان ربنا كاتبلكم بتقضو حياتكم مع بعض راح يجمعكم ان شاء الله ربنا يرزقك الزوج الصالح
الأمر يحدث كثيرا ويمر
ولكن إن رأيتِ فيه الصلاح والهدى فشرعيا واجتماعيا لا حرج من التلميح له أو حتى التصريح بطلب الزواج منه..
وإن لم يحدث فاعلمي أن الخير في غيره بإذن الله..
بصى يا قمر انا تقريبا نفس سنك
وانتى عملتى الصح لما مقولتيلوش حاجه عن حبك
ولو نصيبك بجد هيجيلك اقدارنا مكتوبة مفيش اى حاجه هتغيرها
حاولى تشغلى نفسك باى حاجه تانيه
حاولى تساعدى حد او تعطفى على حد
المشكلة الى عندك وعندنا كلنا هى الاحتياج للحب والحنان
انا كمان كنت زيك كده بس كنت متعلقه بمعيد عندى فى الجامعة
وطلعت من حالتى دى بانى اديت الناس الحنان والحب الى انا كنت محتجاه
ولقيت ان متعة العطاء اكبر بمراحل من متعة الاخذ
حاولى تدى الناس الحب والجنان الى انتى مفتقداه والى خلاكى تتعلقى بالولد ده
انما ده مش حب ده احتياج للحب
وهنتغلب عليه باننا نكون اكرم من اننا ناخد خلاص بقى احنا هندى الحب والعطف
هتحسى باحساس تانى خالص اجمل من اى شىء فى الدنيا
ربنا يعزك ويكرمك
عملت زيك زمان و حبيت زميلى و عمرى الان 31 سنة و لم اتزوج و اصبت باعاقة و الدورة الشهرية كميتها و عدد ايامها قل عن الاول يعنى قربت ابقى عاقر-و لا احد بيتقدم لى لما بيعرف سنى-ناهيك عن مشاكل العنوسة ال بتعرض لها زى خوف النساء المتزوجات منى و نظرات الاستغراب الشديد و الشفقة لما اى حد بيعرف انى لسه انسة-غير لقب مدام ال بسمعه ف الرايحة و الجاية-غير وجهى ال جعد-غير سمعى الذى ضعف-غير وزنى الذى زاد-و صدرى الذى ترهل-و شعرى بدا يبيض-فوقى لنفسك حتى لو كنتم ارتبطتم ارتباط غير رسمى فارمى الموضوع من دماغك و ما تفكريش ف اى مخلوق الا لما ييجى لك البيت و ما تتخطبيش لحد الا لما يكون جاهز ماديا و معنويا بنسبة 100 % و مدة الخطوبة ما تطولش عن شهر و التعارف بينكم عن طريق انه ييجى لك بيتك ف وجود ابوكى و اخوكى-و ييجى لك كل يوم عشان يقصر التعارف بينكم يعنى ما يجيلكيش كل اسبوع-و حتى لو خرجتم تخرجى و معك حد من اهلك ذكر مثل ابوكى او اخوكى-عشان عمرك ما يضيعش بلا فائدة و لا يطلع عليكى سمعة لو الموضوع فركش و عشان ما تغلطوش و عشان لو رماكى ما تموتيش من الغل و تحسى انه شربك و رماكى
انصحك بأن تنتبهى للمستقبل و تحققى كل احلامك وطموحاتك و تقربى من ربنا اوى لان ده هو الى هيكون حقيقة غير كدة كذب و أوهام الحب الحقيقى بعد الجواز ان حبيت قبل ذلك شاب كان زميلى فى الجامعة كان يتقى اللهو محدود فى علاقاته مع البنات و لكن عندما انتبه لمشاعرى وشعر بحبى اليه صار شخصية مختلفة تماما حتى انه بقى يبعد الناس عنى حتى اصحابى و بقى يغير من نجاحى و تفوقى عليه و كل هذا دون ان نتحدث وعنها ادركت ان الحب اكبر كذبة يلهوا بها الشباب واكبر وهم تعيشه الفتايات
انا متشكرة جدا على الردود الجميلة دى وانا هاخد بكلامكوا عشان انا بعتبركوا اخواتى واصحابى
اولا اسف لقولي لكِ هو مش بيحبك لانه لو بيحبك كان سأل عليكي او حتي صارحك بحبه وليس لانه محترم فلا يعترف لكِ بحبه فليس من يعترف بحبه يبقي انه قل من احترامه فالذي جعله يبادلك النظرات يجعله يعترف لك بحبه و يكلمك و يسأل عنك .انتي بتحبيه بجد و لكن هو مش بيحبك بجد و الدليل انه لم يسأل عنك .اقدر لك مشاعرك وحبك الجاد له ولكن للاسف هو مايستاهلش . و سيندم بعد ذلك لإن نادر جدا لما واحدة تحب واحد بجد في هذا الزمن. فلا تبكي لان بكاءك خسارة فيه . ورأيي انه مش محترم لانه ما فعله معكي هذا يبقي خدعك و لا اعرف كيف انه محترم وهو لم يحاول ان يسأل عنك اوحتي يصارحك بحبه [اجعلي قلبك يثق بأنه خدعك وانه مايستاهلش حبك وان شاء الله هتنسي] /اسف ولكن هذا رأيي فأرجوا ان تثقي به
اولا اكيد انتى ما تعرفيش حد تانى او بمعنى اخر فى فراغ فى حياتك علشان كده انشغلتى بيه
ثانيا اكيد علشان العمر بيجرى وسنك بدأ يتقدم بتفكرى فى الارتباط ودة اللى خلاكى تفكرى فيه
ثالثا لو ظهر انسان فى حياتك هتلاقى الاوضاع كلها اتغيرت
انصحك تقربى من ربنا و تنسى الانسان ده وتنسى شئ اسمه حب لان الحب الحقيقى هو فى بيت الزوجية
ربنا يرزقك ويعفك بابن الحلال
مش با يدك حاجه تعمليها وطبعا مكنش ينفع انك تصرحيله بحبك لانك كنتى هتنزلى من نظره المفروض هو لو بيحبك كان لمح دى اقل حاجه يعملها حتى لو اعتبرناه خجول لكن خلاص لو ربنا رايد انكو تكونو لبعض هيتحقق وتكونو من نصيب بعض
ياحبيبة قلبي انا حسيت بيكي ومتزعليش انك ماكلمتهوش المفروض كانت جت منه هو بس علي حسب قولك انه شب محترم اوى وملوش علاقات يعني حد فعلا يتزعل عليه انتي كنتي عملتي ايه حاجا تكلميه بيها بس النصيب ولو ليك نصيب تشوفيه هتشوفيه تاني صدقيني الدنيا صغيره ياحبيبتي تعرفي انا برضو اعجبت بواحد اربع سنين وجيت وانا في اخر سنه اهو كلمتو واخد رقمي بس طلع بعد دا كله مشاعره بارده ولا اكني عملت حاجا فمتزعليش وربنا يريح بالك وبنات امة محمد اللهم امين