انا عندي 18سنه كنت فتحت الفيس بوك اتعرفت فيها علي مهندس
معماري مصري مقيم في السعوديه عنده 31سنه فعشان
فرق السن محدش فينا فكر في التاني وكان بيشبهني
في المواضيع اللي بحبها والهوايات والفكر والسياسة
بعدين بدأنا نتكلم مكالمات ماسنجر وكان بيحكيلي عن مواقف ليه
وعن عيلته في أيام مكان عايش في مصر وكنا بنتكلم في الفن والسياسة كتير وعن صحابي وكان ليا صاحبه سوء قالي ابعد عنها وبعدين في يوم علقت لواحده علي الفيس طلعتلي صوره مش كويسه هو شافها معرفش ازاي زعقلي وقالي امسحها وبعدين اعتذري بعدها بمده كان عندي صديق زي أخويا كان مفكرني بحبه لكن انا نفيت داه واحنا خوات موش أكتر ساعتها فرح ولقيته اتقرب أكتر وفي يوم كنت عندي حاله ارق قالي حطي إيدك علي شعرك وبعدين قرالي قرآن وفعلا نمت وتاني يوم قرالي أدعيه وساعتها فعلا حبيته جه في بوست ليه في جروب فيه بنات كتير بيعلقوله لقيته بيقولي قدامهم انتي هتبقي مراتي وهتجوزك غصب عنك طبعا خدت الموضوع هزار وبعدها حكالي أنه لما كان في مصر حب واحده أكبر منه ب9سنين وبسبب سوء تفاهم سابوا بعض ولما حب يرجعلها لقاها انكتب كتابها اتدمر فيها ساعتها وساب مصر ومن ساعتها محبش تاني لكن بعدها بمده بالليل خلاني قربت انام زي كل يوم ونده عليا طبعا معرفتش أرد وفجأة لقيته بيقولي بحبك عملت نفسي نايمه وهو تراجع عن اللي قاله جه تاني بالليل قالهالي تاني وقالي استنيني 3 سنين انزل مصر اخطبك وتكوني ساعتها قربتي تخلصي تعليمك ويوميها عرف اني بحبه ودايما بيحب اغير عليه لكن بعدها صديقه السوء طلعت معجبه بيه وتهمت فيه تهمه مش كويسه وانا صدقتها وبهدلته قالي خليني اواجهها وبعدها مشوفش وشك تاني هي رفضت المواجهه روحت لواحد صاحبتي بعتتله ادد مقبلهوش فكلمته من عند وخلاته يقبل الادد وحاولت تصلح سوء التفاهم بالليل حاولت اصالحه لكن في البدايه كان قافل خالص لكن لما حس اني فعلا زعلانه كلمني ومرداش يخليني انام مضايقة لكن طريقه الكلام اتغيرت والاهتمام قل وبعدها عرفت من صاحبتي أنه عمل كده عشان يعاقبني وبما ان الدراسه بدات طلب مني اقفل فيس وانتبه للمذاكرة ومبقاش يتصل ولو فتحت فيس يقفل عشان ميكلمنيش ومتصلش غير قبل العيد بيوم يعيد عليا ومن بعدها متصلش لكن خايفه هو كده بيتسلي بيا؟؟؟؟؟
الحب على النت
ازاي اعرف أنه بيحبني رغم مقاطعته ليا
اضيف بتاريخ: Sunday, September 17th, 2017 في 09:26
كلمات مشاكل وحلول: السعودية, الفيس بوك, بنات, بنت, شاب, مصر
عاوزك تحذري منه ومن التمادي في العلاقة والتواصل معاه مهما كان انت بنت وهوشاب غريب عنكي ولاتعرفي عنه شي الا من خلال النت وليس كل مايقال لنا نصدقه اغلب العلاقات في النت فيها الكذب والخداع والتضليل وكم من فتاة وقعت ضحية لابتزاز الكثير من الشباب من خلال العلاقات عبر النت سوا من خلال تسجيل المكالمات والمحادثات بينهما او من خلال الصور وفي الاخر تقع الفتاة ضحية لتهديد من ذلك الشاب اوابتزازه الرخيص لها بنشر تلك المكالمات اوالصور الخاصة بها وعمل الفضيحة لها وللاهلها اتمنى انك استوعبت الدرس واتضحت لك الصورة جيدا وماعليك سوى قطع تلك العلاقة المحرمة والغير اخلاقية بينك وبين الشاب والمحافظة على دينك وشرفك وكرامتك وكرامة اهلك وسمعتهم وعدم التفريط فيها وربي يسترعليك ويصلح حالك ويهديك وكل بنات المسلمين جميعا