مساء الخير
مشكلتي معقدة شوية بس اتمنى الاقي حل منكم لأني محتارة جداً وياريت تساعدوني ، أنا حبيت واحد هو اصغر مني بسنة وماكانش لاقي شغل ووقفت جنبه لغاية مالاقي شغل ، وهو كمان بيحبني جداً ، كلم بابا عشان هو جاب شقة في 6 اكتوبر وفي العاشر من رمضان بس بابا رفضه عشان مستواه ضعيف ومش هيلاقي يصرف على البيت لو اتجوزنا ، بعد كده اخويا ضغط عليا أن أنا ماكلمهوش خالص وماليش علاقة بيه ، فقولت لو هو عايزني هحدد له ميعاد يجيب فيه شقة تكون مناسبة نعيش فيها زى ما بابا قال عشان يقدر يصرف ونكمل حياتنا سوا ، وفعلا حددت له ميعاد يوم 25 _ 12 على اساس انه يجيب الحاجة ، ولكن قولتلوا ان كل شئ انتهى بعد ماجه اليوم وماعملش حاجة ، وسبنا بعض بعدها قريبته بتتصل بيا بتقولي إنه راح يتقدم لصاحبتي الأنتيم اللي كنا كلنا بنخرج مع بعض سوا في جروب هى مطلقة واكبر منه ب سبع سنين وبعد ماراح اتقدم ماوافقش عليها حس ان هو فاق وقال ان هى مش مناسبة ليه حتى اهله عارضه الموضوع ، بعد كده حاول يرجعلي وانا ارفض يكلم صاحبتي عشان تكلمني وبرضوا ارفض كلم اخته ان هو عايز يجي يخطبني بعد ماساب صاحبتي ورفضها لكن بابا ماوافقش واخويا قالي ده خاين بعد كده رجعلته واتكلمنا مع بعض واعتذرلي وقالي انا غلطت سامحيني بس ظروفي كانت صعبة جداً وهى لعبت عليا وقالتلي أن أنا مابحبهوش وحس انها واقفة جانبه وانها شارياه وأنا صدقت كلامه دلوقتي هو بيشتغل صبح وليل عشان يجيب الشقة اللي اتفقنا عليها ، ويجي يتقدم بس اهلي مش موافقين نهائياً وبالذات اخويا ، اللي انا خايفة منه أن هو ممكن يخوني تاني وهل كده أنا غلطانة أن أنا سامحته بس هو كل تصرفاته معايا بتقوق انه بيحبني لكننا دايماص بنتخانق وبفضل اعايره بالموضوع ده واقوله أنت خاين لكن هو يرد يقولي انا ماخونتكيش لأن أنتي سيبتيني لكن لما كنت معاكي عمري مابصيت لحد غيرك ، هل هو فعلا راجل ويشيل المسؤولية ومايخونيش ؟
الحب قبل الزواج
بعد ما سبته راح خطب صاحبتي
اضيف بتاريخ: Thursday, April 21st, 2016 في 07:30
كلمات مشاكل وحلول: الحب, الزواج, بنت, شاب
أختي الفاضلة
لو افترضنا أنها تمت الأمور على خير وتزوجتي فمن المستحيل نسيان الأحداث فالموضوع متراكم وترسب لي اهلك وراح ينعكس هذا على حياتك الزوجية على صعيد أهلك وعلاقتهم بين بعض وماحصل وعلى صعيدك الشخصي
اختي كل الأمور في حياتنا ممكن نقبل فيه التفاوض أو أن تكون فيها جزء من الناجح والصحة إلا موضوع الزواج هام جدا يبنى على شيء واضح وصحيح لنه انعكاس لكل حياتك بعدها
باين عليه طيب وابن حلال من كلامك عنه , وباين كمان من كلامك انك متعالية عليه واهلك كمان يعني المسكين ما يعرف يلاقيها من مين والا مين عشان كذا اكيد فكر يتركك ويروح لواحدة اكبر منك في السن واقل في الجمال , يعني لو تعامليه باحترام وتخفوا عليه في مسألة الطلبات يبدوا ان اهلك كمان يريدو منه ان يصرف عليهم ويدفع اللي قدامه ووراه لتحسين مستواهم المعيشي , الزواج يتم لو هو يلاقي قوت يومه وعياله ومأوى يلمهم يسكنوا فيه , مش لازم يكون كل شيء من احسن الموجود , وما دام هو يريد يتزوج خلاص هو اكيد عارف نفسه وقدراته ويكون قد الزواج والمسئولية , اي مسئولية تريدي ان تحمليه غير الزواج وايش حكاية ما يخونش هذه كمان من البداية تفكري بالخيانة وقبل الزواج , بالاول يتزوج وما يخونش هذه حسابها عليه بالاخر , بالنهاية اذا كان الناس ما يقولو عنه أي شيء سيء في اخلاقه ودينه يبقى عليك فقط الصلاة والدعاء والاستخارة وما تطيري نصيبك من يدك , وانتي بتقولي كمان ان كل تصرفاته معاك بتقول انه يحبك وانتي لو تتصرفي بطريقة اجمل وافضل وباحترام زيادة اكيد يحبك اكثر ,
اختي الفاضلة الزواج قسمةونصيب وصدقينى لوكان فعلايحبك ماكانش بص لصاحبتك التانية ولافكرفيها ولكن هي دي الحقيقة لاانصحك بالارتباط به وارفضي الاستمرار معه اوالتواصل به انسيه خالص وربنا يريد لك الخير وبيكرمك باحسن منه الف مرة وعمره مايقدر يصونك اويحافظ عليك اهتمي بحالك وفكري في مستقبلك وهتلاقي ابن الحلال اللي يطرق بابك ويستاهلك ويقدر يصونك ويسعدك في حياتك القادمة