مساء الخير :
انا بنت مسلمه لسه فى فتره المراهقه حبيت واحد مسيحى من تانى مرة شوفته فيها هو مش قريب منى ولا ساكن عندى انا حتى مااعرفش عنه اى حاجه مااعرفش غير انه جى هنا يحضر فرح حد من اقاربه فى شارعنا ومن تانى مرة شوفته حبيته وزى ماقولتلكو هو مش من نفس المكان اللى انا ساكنه فيه ووقت ما خلص الفرح وجى يمشى انا اتدايقت جدا واتخنقت انا شوفته وحبيته ولكن هو مايعرفنيش ماشافنيش اساسا وعارفه ان اللى بعمله ده غلط وهو انى احب واحد مسيحى عارفه ان ده بيرفضه الشرع والدين بس الحب مش بأدينا واللى مدايقنى اكتر هو انى مش ضامنه انى اشوفو تانى ولا لا يعنى انا مش عارفه اعمل ايه الموضوع ده فيه مشاكل كتير اوى وهما 1_انه مسيحى _2_ انه مش ساكن عندى وبيغيب كتير ومااعرفش هشوفو تانى ولا لا _3_ ان قرايبه اللى جى يحضر فرحهم فى شارعنا دول احنا مش بنحبهم خالص ولا انا شخصيا بطيقهم يعنى ومخنوقه ومش عااارفه اعمل ايه
ياريت تنصحونى بأى حاجه تخلينى اخرج من اللى انا فيه ده او طريقه اوصله بيها او اى حاجه اى حاجه انا بجد تعبانه
الحب من طرف واحد
فتاه مسلمه واحببت جاري المسيحى
اضيف بتاريخ: Saturday, September 7th, 2013 في 12:57
كلمات مشاكل وحلول: الحب, بنت, حب المراهقة, شاب
اقرا للاخر وماتكسلش. انا بقى مسلمه وفي واحد مسيحي حبني لمدة سنه وبعدها كلمني ع الفيس على اننا اخوات لمده اسبوعين وبعدين كلمته ع الفون وكنا برضو اخوات وبعدين اعترفلي بحبه ليا وانا طبعا كنت وقتها حبيته اوووووي كمان وقولتله اني حبيته ولما قال لصحابه ومن ضمن اصحابه ابن خالي وابن خالي كان بيحبني اوي بس انا ماكنتش اعرف وفضل يبعدنا عن بعض لحد ما بعدنا وانا كنت لسه متمسكه بيه بس ابن خالي اعترفلي بحبه وانا استهزات بيه وقلتله انا بحب صاحبك والاتنين اتفقو عليا وعملو فيا مقلب بس المسيحي هو اللي ماكملش وكلمني وقالي انو لسه بيحبني وعمرو ماهينساني بس ده لازم يحصل عشان اختلاف الاديان و بعدها اساء معاملته معايا علشان اكرهه ودلوقتي انا بحب ابن عمي اللي هو اصلا بيحبني من زمان و انا برضو كنت بحبه وانا صغيره بس برضو لسه المسيحي في قلبي وبفكر فيه, وكمان عارفه الرد بتاع كل واحد ع كلامي, وياريت محدش يلومني ع اللي عملته انا برضو فضلت استغفر ربنا ع اللي عملته وان شاء الله هيقبل توبتي .والسلام عليكم ورحمة الله وبركاته.
اختي فاضلة هدا موش حب اعجاب فقط وركزي على دراستك هيا اهم شي وستغفري ربنا وربنا يعودك احسن منو وتحبيه ويكون مسلم علشان زواج بمسيحي ما يجوز
ايه ده واللهى ما قادرة استوعب ان بنات المسلمين وصلوا لكده
بتحبى مسيحى وايه بأه حبيته فى لحظة مشكلتك هى شيطانك تخلصى منه لان دينا الاسلامى خط احمر لا تتعديه
استغفرى ربك بأه
الأخت الفاضلة صاحبة المشكلة – انتي لسة صغيرة – وده مجرد اعجاب – ضروري تعرفي ان الحب علشان يدوم لازم يكون فيه تكافؤ يعني يكون من دينك ويكون من مستواكي الاجتماعي والثقافي والدراسي – وضروري تعرفي ان الشرع اباح زواج الرجل المسلم من المسلمة وغير المسلمة شرط أن تكون كتابية يعني علي دين مسملمة او نصرانية أو يهودية أما المسلمة فا يحل لها أن تتزوج غير المسلم لأن القوامة للرجل فلا يجوز أن تكون قوامة غير المسلم علي المسلمة – صدقيني لو تشغلي نفسك بدراستك وواجبات دينك هتلاقي المسلم اللي يستاهلك – صومي وصلي واقري قرأن وسبحي ربنا – قومي قبل الفجر بساعة وتقربي الي الله سبحانه وتعالي – اللي سبحانه وتعالي ينزل الي الارض في الثلث الاخير من الليل ويقول ياعبادي هل من تائب فأتوب عليه – هل من مستغفر فاغفر له – هل من صاحب حاجة فاعطيه – صلي ركعتين لله تعالي وسبحيه واشكريه وتوبي اليه واحمديه وادعي بما تشائي – صدقيني اذا شغلتي نفسك بواجبات دراستك ومذاكرتك وواجبات دينك والزامات بيتك واسرتك هتنسيه وربنا ضروري هيعوضك باحسن منه – ربنا يوفقك وكل عام وانتم بخير
لاتعلقي نفسك في شي سراب وماله نهاية لئن ايش نهاية اللي تسويه ؟؟ هل هو زواج !؟؟ لاطبعا ماينفع لانك مسلمة وهو مسيحي .. ثانيا ايش يضمنك مايكون هو كمان يكرهكم يمكن اقاربه كمان يكرهوكم وقالوله عنكم او يتكلمو فيكم مثل ما انتم ماتطيقوهم !! ماتدري كل شي جايز ؟؟ واعتقد ان حالتك اعجاب مو حب لئن الحب مايكون الا بالمواقف الكبيرة اللي تثبت بجد ان هذا حب ويستاهل التضحية اما حكاية انك شفتيه ومرتين بس صدقيني اعجاب وبقووووووة
ابنتي الغالية السلام عليكم ورحمةالله وبركاته مافعلتيه يعتبرغلط كبيرفي حق نفسك ودينك وشرفك وكرامتك وكرامةاهلك اعلمي ان النظرللرجال الاجانب حرام ولايجوز شرعالمافيه من الوقوع من الفتن والمحرمات والواجب غض البصرعن الحرام وترك المعاصي والذنوب والاستعاذةمن الشيطان في كل اعمالناوتصرفاتنا وانتي فتاةمسلمةتعرف شرع الله وتعاليمه وتعرفي ان المسلمةلايجوزلهاالزواج من غيرمسلم سواكان مسيحي اويهودي اومجوسي اتقي الله في كل ماتفعليه في حياتك وتجنبي النظرالمحرم للرجال سواءكانومسلمين اومسيحين والتزمي بتقوى الله في السروالعلانية وربي بيكرمك بالشاب المسلم اللي يخاف الله فيك ويستاهلك ويسعدك في حياتك
الموضوع أصلاً إن دا مش حب يا بنتي
دا اسمه إعجاب
ودا شئ طبيعي في سن المراهقة
بس انتي أعجبتي بيه ليه
دا أصلاً عمره ما هيكون ليكي إلا إذا قدر الله وأسلم
او تنصرتي يبقي هتروحوا النار سوا..!!!
يعني من الآخر بتتعبي نفسك وانت طالما فاهمه كده يبقي خلاص ملهوش لازمة
السلام عليكم جميعا مع احترامى للجميع ومع احترامى الشديد للدين ..وانا مع راى هانى و pepars ..و تعديل كدة لراى روان : ما يبنى على باطل فهو باطل و الحب ده مادام مش من حقك يبقى ابعد عنه لانه مش من حقك .وهتضر بيه اللى بتحبه
اولا انا مسيحية و برضو فى سن مراهقة انا حبيت اقولك انى حبيت زيك واحد مش من دينى ولازلت بحبه
اسمحيلى احكيلك وضعى
بس اولا : احب اقولك الفرق بين الحب والشهوة الشبابية الحــب عطــــــــــاء وبذل بدون مقابل امــا الشهوة فهى أخد وبس حتى ولو كان على حساب حد او هتضر حد
وده ملخص للى بينى وبين الشخص ده انا بحبه وهو بيحبنى
اناعرفته من علاقة بابا بوالده فى الشغل و الدرس هو اللى عرفنى بيه يعنى زمايل
هو انسان محترم جدا وحبوب وعلى فكرة متدين جدا وهيحج كمان قريب بالرغم ان شاب صغير ووالده حج 4 مرات وانا بنت محترمة و متدينة برضو وكمان مسبقش انى عرفت حد قبل كدة احنا من التعامل الدراسى
ومعرفتنا لشخصية بعض حبينـــــا بعض قوى وفاهمين بعض و بنثق فبعض و ده كان واضح من المواقف و اسلوب المعاملة وكنا صرحاء مع بعض جدا وبنخاف كمان على بعض لدرجة انه فكر يبعد عنى علشان ميعلقنيش بيه و اناكمان عدى على وقت كنت هعمل كدة علشان ميربطش حياته بيا وكلامنا محترم جدا بمعنى الكلمة دونا عن اى شى ممكن يحصل ما بين واد وبنت الا انى انا وهو عارفين حدودنا كويس جدا ومحترمين بعض وكان احيانا كتير بيعبر عن مشاعره بطريقة غير مباشرة فى كلمة او اتنين وجه عليا وقت طلعت كل اللى جوايا ناحيته وهو كمان صارحنى بمشاعره بطريقة كبيرة جدا وواضحة وصريحة (بس فى وقت تانى )لدرجة انى مكنتش عارفة ..افرح علشان لاقيته بيحبنى زى مابحبه واكتر؟, ولا ازعل لانى خايفة عليه ؟عارفين المشاكل اللى هنواجهها لو اتعدينا الحدود دى و انه غلط واننا بنحب ربنااااااا اكتر واهلنا ميستهلوش مننا نضرهم و نهجرهم دا مش جزات تربيتهم فينا عارفين ان قربنا لبعض اكتر من الازم هيضرنا لانه غلط فى فى حق اهلنا وفى ربنا اللى فى ايده حياتنا المهم ..كل حاجة كانت واضحة ولكن لازال كل منا عارف حدوده واننا مش من حق بعض وحبنا ده لازم ميتمحورش لطريق غلط وحبنا بالرغم من انه كبير جدا بمعنى الكلمة بجد وحقيقى و صادق من القلب بجد الا اننا اتناقشنا وعارفين وضعنا كويس.اصدقاء وفى الحدود اللى بيعترف بيها مجتمعنا مشاعرنا مقلتش احنا اصحاب وصداقة حقيقية وبجد.. علاقتى بيه عرفتنا الصداقة اللى بندور عليها واللى صعب نلاقيها واللى كتير بنقراها بس فى الكتب من غير مانشوفها
هو بالنسبالى قرين ليا وصديق واخ وعرفنا ان مشاعرنا دى صداقة بكل ما تحمله الصداقة من حب وتقدير واحترام دون ان تخرج عن السياق (المسار) الصحيح للصداقة انا مش بقول ان حبنا تحول لصداقة لان الحب لا يمكن ان يتحول لصداقة و انما هى فى الاصل صداقة
..
..
عايزة اقولك الحب انواع سواء لاخ او زميل او حبيب او زوج او صــــديـــق كل واحد ودرجته وطبعاحبــــــــــك لربــــــــك فوق الكل لانه هو الى خالقك وهو اللى بيحبك
عايزة اقولك حالتك كويسة اقوى لانك مفيش تعامل بينكوا ومش بتشوفيه وحل مشكلتك فى ايدك اشغلى نفسك فى حاجة بتحبيها و قربى من ربنا صدقينى ممكن يكون اعجاب بشخص مش اكتر لان اللى هتحبيه بجد هتبقى عايزة تعملى الصالح ليه ومش هتفكرى فى حاجة تضره وتضر اهله او تضرك وتضر اهلك وربك واولادك بعد كده برضو هتبقى عايزة تديله عمرك كله وربنا يرزقك بابن الحلال اللى يقدرك ويحبك وتحبيه انا حبيت احكيلك تجربتى يمكن تفيدك بحاجة
انا ايوة ربنا مش كاتبلى ان الواد ده يكون من نصيبى لكنه انعم عليا بان الواد ده يكون ليا صديق واخ و احسن صديق و الصديق الوحيد كمان وانا وهو قابلين الصداقة دى وشاكرين ربنا عليها وهو واثق بان مكانته كصديق فى قلبى مش ههتغير وتروح لحد تانى وانا كمان واثقة بمكانتى عنده علاقتنا واضحة وعقلانية جدا وعارفين ربنا فى اللى بنعمله ومعملناش حاجة غلط ولو بالكلام ولا هنعمل و عايزة اقول ان لولا ربنا جعل ما بينا تفاهم وادراك وتواصل بينا و حب وعدم انانية بنفسنا وبس لولا كنا هنقع ونواجه مشاكل كتير وانما بايدينا خلقنا صداقة بجد انا وهو كنا محتاجينها فى حياتنا ربنا كرمنا بيها ويارب يدومها علينا ويهديكى للصح
نصيحتى ليكى اعقلى واعرفى حقيقة الموقف متبصليهاش من ناحية بعيدة و قربى من ربنا واشغلى نفسك بحاجة بتحبيها لان اللى انتى فيه ده فراغ عاطفى وهينتهى باذن الله ده بس من المرحلة اللى انتى فيها هى اللى بتعمل كدة عشان كدة الامور مش متظبطة معاكى بس حطى فى دماغك انها فترة وهتعدى بسلام وتاكدى ان ربنا بيعمل اللى فيه الصالح والخير فى حياتك
و على فكرة صداقتى لسة مستمرة وهتستمر باذن الله
وملحوظة كمان انا اهلى عارفين انى بكلمه و اهله هو عارفين انه بيكلمنى هما بس مش عارفين ان بينا صداقة بجد واحساس جدير بالاحترام بس اكيد حاسين باننا بعز بعض وعلى فكرة انا علاقتى كويسة مع اهله واسفة انى دوشتك
الاخت السائلة هذا الحب ضياع لوقتك وتفكيرك – اشغلي نفسك بطاعة الله اقري قرأن – صومي وصلي – اشغلي نفسك بالاعمال الخيرية – توبي الي الله – تقربي الي الله في الثلث الاخير من الليل – ان شاء الله ربنا يوفقك لاحسن منه – وكل عام وانتم بخير
بصى انا حصلى نفس الموقف بالضبط وكنت فى فرح واحده صحبتىفى قاعه وهو كان فى شغال فى القاعه وحبيته بطريقه جنونيه وهو اخد باله وشد انتباهه ليه جدا وحس بحبى ليه بس ولا انا يايدى حاجه ولا هو بايده حاجه بنصحك انك تحاولى تنسيه وخصوصا انك مش بتشوفيه عالطول اما انا بشوفه عالطول ادعوا الله ان يهديك ويهدينا
الزواج من رجل على غير دينك اولا حرام وحتى هو بدينه حرام , ثانيا قطيعة رحم , ثالثا مستقبله عذاب بالنسبة لدينك ولأبناءك ولأهلك كمان , لذلك ابتعدي عن الذي يجر عليك كل هذه المشاكل , طبعا مع احترامنا لاي شخص ولدينه ونسبه و ,, لكن هو على دين وانتي على دين آخر يعني لا يمكن ات يكون هناك اي تقارب , فكيف تريدي الزواج به , اختي ابتعدي عن غضب ربك وغضب والديك واخوانك واهلك , والناس كلهم حتى غير المسلمين يتزوجو من ابناء دينهم بل بعض الديانات اشد , والشاذين هم اكثر الناس مبهذلين وعندهم مشاكل عائلية وعايشين حياتهم بتعاسة , لذلك لا تختاري طريق لتعاستك الابدية , واهلك هم اعرف بمصلحتك , وكمان الخير لن يكون في اي شيء حرمه الله ولن تكون السعادة فيه ولن تكون عاقبته الا سيئة في الدنيا والآخرة
انتى لازم تنسيه على قد ما تقدرى لان حتى لو شافك او حتي حبك مستحيل هيكون ليكي فبلاش نضيع نفسنا ونعمل مشاكل عشان حاجة مستحيل نوصل لها
يابنتي اتقي الله في نفسك وفي دينك واهلك ولاتجعل للشيطان عليك طريقا استغفري الله وتوبي اليه يرزقك من حيث لاتحتسبي وابعدي عن نظرللناس الغرباءعنك لانهاسهام الشيطان التي تودي بك للوقوع في الحرام والرذيلةوانت مسلمةولايحق لك الزواج من المشرك اوالمسيحي تخالفي شرع الله احذري من غضب الله اومخالفته ربي يهديك
هذا اعجاب وليس حب…علشان انتى في سن المراهقة
انا من وجهة نظرى ان ما فيه مانع ان مسيحى يجوز مسلمه ومسلم يجوز مسيحية واللى يثدر يقنع التانى ياخذه
كما قيل” النفس أمارة بالسوء أن لم تشغلها بالطاعة شغلتك بالمعصية” اختي العزيزة أنا بنت مثلك ولدي 16عام اتمنى أن تعرفي أن الله يغير عليك وعلى المسلمات يريد أن يرى معزته وطاعته في قلبك وليس حب مبني على الحــــــــــــــــــــــــــــــــــــــــــرام مع إحترامي لكل مسيحي
حضرتك عرضتي المشكلة وجاوبتي علي عرض مشكلتك الموضوع محتاج الي التقرب الي الله
الله يخرب بيتك نشوفلك طريقة تشوفيه بيها انتى شكلك طفلة صغير مش مقدرة الى انتى بتعمليه دا يابنتى هتخسرى اعز شيئ عندك هتخسرى دينك استغفرى الله وفكرى من منطق دينى دا نزوة وانتى بتقولى انك فى سن المراهقة فكرى فى اهلك وااخواتك بالذات ولا ابوكى لو عرفو حاجه زى كدة ربنى يهديكى يا اختى استغفرى الله كثير اكثرى من الصلاة وقراءة القرآن ربنا يسترك ويستر نساء المسلمين جميعا
بقولك اية ماتقكك من الحورات دى علشان دى حورات فاكسة اوى اولا\مقولتس عندك كام سنة اصلا طيب يا حلوة حصلت صدفة وحبيتوا بعض وبعد كدة واصلا انتى لسة صغيرة بس انا عذراكى علشان دة سن مراهقة بصى بقى الهى نفسك فى اى حاجة غيرة شغلى اغانى ورئصى اخرجى والعبى وعيشى حيا تك ولازم تعشى سنك
يا ريت تشيلى الافكار دى من دماغيك لان كدا هتتعبى نفسيك ع الفاضى
لا اظن هذا حبا ابدا ان هو لا رغبة في الاكتشاف و التعارف ! علي حد علمي:D
(وَلَا تَنْكِحُوا الْمُشْرِكَاتِ حَتَّى يُؤْمِنَّ وَلَأَمَةٌ مُؤْمِنَةٌ خَيْرٌ مِنْ مُشْرِكَةٍ وَلَوْ أَعْجَبَتْكُمْ وَلَا تُنْكِحُوا الْمُشْرِكِينَ حَتَّى يُؤْمِنُوا وَلَعَبْدٌ مُؤْمِنٌ خَيْرٌ مِنْ مُشْرِكٍ وَلَوْ أَعْجَبَكُمْ أُولَئِكَ يَدْعُونَ إِلَى النَّارِ وَاللَّهُ يَدْعُو إِلَى الْجَنَّةِ وَالْمَغْفِرَةِ بِإِذْنِهِ وَيُبَيِّنُ ءَايَاتِهِ لِلنَّاسِ لَعَلَّهُمْ يَتَذَكَّرُونَ)