بسم الله الرحمن الرحيم ..
انا شاب عندي 16 سنه , في سنه اولي ثانوي , حياتي متغيره بقالها فتره كبيره وحاسس اني مش قادر اساعد نفسي , ما بقتش بهتم بدروسي ولا بحب اذاكر وللاسف بقالي 3 سنين بعمل العاده السريه ومش قادر ابطلها حاولت بس بقيت بعملها قليل لكن مش قادر اسبها خالص , حاسس ان عندي اراده جامده اوي بس مش قادر تطلع حاسس اني ضعيف مش بحب اعمل حاجه لوحدي وبحبط بسرعه , انا للتوضيح مش بصلي كنت بس حاليا لا , نفسي ابطل القرف اللي بعمله ده نفسي اهتم بدروسي انا فاضلي شهر علي امتحاناتي وللاسف مش عارف حاجه ف المنهج لاني مش بذاكر كل اللي بعمله اني بصحي من الساعه 7 علي اساس اني اذاكر وعندي صاحب اكتر من اخويا بنعمل كل حاجه سوا بنصحي نتكلم علي الفيس ونفضل قاعدين لحد معاد الدرس وننزل نخلص الدرس واحنا تقريبا مش فاكرين كنا بناخد ايه ونروح نلعب بنج بونج بتاع ساعه او نقعد ف نت كافيه ونخل نروح نفتح الفيس تاني وننام وهكذا انا نفسي اهتم بمستقبلي حتي المدرسه ما بقتش بروحها انا نفسي اكره الحاجات دي كلها مش عارف اعمل ايه انا ايام زمان كا نفنسي اكلم بنت اجرب الموضوع لقيت واحده من ايام ابتدائي ساكنه جنبي بدات تكلمني علي الفيس وبتقولي بحبك وبقيت اقولها بحبك واكلمها ف التليفون بس زهقت بصراحه لقيت نفسي مش بحبها انا اكتشفت ان مليش ف المواضيع دي انا عايز احط مستقبلي قدامي وبس عايز اسبها ومش عارف كل ما ابعد الاقيها بتتصل بيا وتكلمني هي غلابنه وطيبه ما قولتش حاجه بس انا مش عايز افكر ف الحاجات دي لاني لو اهتميت بيها هضيع نفسي وانا عايز لما اتجوز يبقي معايا وظيفه وشهاده حلوين يعني انا نفسي اخش كليه صيدله بس لما بقعد ما صاحبي بنتكلم بنشجع بعض وبعدين مش بنعمل حاجه بنفضل نتكلم وبس انا بجد نفسي ابطل كل حاجه وحشه واهتم بمستقبلي وارجع اصلي علشان ارضي ربنا واهتم بجسمي وصحتي ومش عارف اعمل ايه قاعد مخنوق قولت اكتب علي جوجل مشاكل دخلت لقيت الموقع ده وكاتب اطرح مشكلتلك قولت يللا اي حاجه نفسي ف نصيحه حلوه ونفسي اعرف اعمل ايه انا بجد تعبت وشكرا …
العادة السرية عند الشباب
في اولى ثانوي وحياتي ملخبطة
اضيف بتاريخ: Sunday, April 21st, 2013 في 21:14
كلمات مشاكل وحلول: العادة السرية, شاب, مشاكل الشباب
الحل :-
1-انك تعاهد الله انك ما تقعش في الخطأ دة تاني
2-تقوم تصلي رقعتين لله بسرعة و تطلب منه أنه يعينك ع الاقلاع عن هذا الأمر
3-حاول تقرأ القرآن كل يوم و خلي مصحفك قريب منك دايما
4-اقفل الفيس مؤقتا لفترة لا تقل عن 22 يوم
5-حاول تصوم يوم كل أسبوع و اليكن الخميس
5-داوم ع قرأة تلك السور
“ق، الكهف، يس، الشرح”
6-حاول تتمشى كل يوم 30 دقيقة في أي وقت من اليوم
نسيت اقولك اللي هيساعدك ع الصلاة هو أنك تصلي الفجر جماعة في المسجد .
انا مريت باللي انت فيه بس نجحت اني أتركه و الحمد لله
ليست الاحلام بالتمنى وليس كل مايتمناه المرءيدركه تجري الرياح بمالاتشتهي السفن حددالوهجةاللي انت عاوزها وتحلم بالوصول لها وجدواجتهد واترك عنك الكسل وضياع الوقت والسهروالنوم وشمرعن ساعديك واحفرفي الصخر بيديك واسنانك وخلي النجاح نصب عيينك واترك رفقةالسوء من الاصدقاءالمنحرفين العابثين لاخيريرجى منهم وماوراهم الا الشروالمصايب وحافظ على صلاتك جماعةفي المسجد واقراالقران واطلب من الله العون والتوفيق والسداد مع المذاكرةلدروسك وبالجدوالاجتهاد والعزيمةوالارادة تحقق كل ماتتمناه في حياتك
المشكلة انك تفضل تحكي لبشر ضعيف زيك زيي والله اهل الطاعات لولا توفيق الله ما فعلوا شئ, ادعي لربنا فعلا قول واحكي لربنا وادعيه كتير وبعد كده ابدأ فعليا بالتغيير , حاول مرة واتنين وعشرة لغاية لما تتغير للأحسن…..ربنا كبييييير ومستحيل يضيع اللي عايز يتغير وبحبه بجد.
بص ياحبيبى انا هقولك على كام حاجة كدة وياتاخد بيهم كلامى على محمل الجد لإما ولا كأنك شفت التعليق بتاعى ،، ال حاجة انت لسه صغير اوى والحياة قدام لسه طويلللللله ليه اللاكتئاب ده ولية الاحساس بالذنب الفظيع ده انت مبتعملش حاجة غلط فى حياتك الا الغلط الوحيد اللى انى بتعمله انك مبتذكرش ومهمل دروسك ومضقيها مع صاحبك فى الشارع يعنى من الاخر صياعة فى الشارع واهمال المستقبل دى غلطة كبيرة الغلطة التانية ودى بقى غلطة فى حق ربنا عز وجل اللى هى اية ؟
انك عارف بنت وبتحبها هتقولى الجيل ككله بتاعى كدة بيعرف بنات وبيحب هقولك لانه جيل كل تفكيرة غلط فى غلط وكل ده حراااام ده غير ان بنات الناس مش لعبة انا عندى 21 سنة واقسملك بالله انا متعرفتش على بنت واحدة وحبيت بنت خلال الواحد والعشرين سنة دول والله العظيم انا بتكلم جد ليه بقى مش لانى مبحبش الارتباط والجو الكئيب ده بس لانى مقتنع وحاطط فى دماغى ان بنات الناس مش لعبة وان الحب مش اساسى فى الحيياة وبعدين ما قدامك اهو انا مثلا محبتش ولا مرة وعايش اهو والحمدلله بس عارف اية اللى مصبرنى على العيشة واللى عايشنها دى عارف اية ؟؟
انى مع ربنا سبحانة وتعالى وملتزم دينياً والحمدلله وكل ماافكر ابتعد عن ربنا بتضايق اوى وبصيب باكتئاب ومش هقولك بقى على الباقى ببقى عايز انتحررر بص انت الحل الوحيد للغلطين بتوعك دول انك تبقى مع ربنا سبحانة وتعالى وتلتزم تصلى ولو تقدر تصوم اتنين وخميس يبقى جزاك الله خيراً ولو تقدر تساعد فى الخير يبقى جزاك الله الف خيراً وهكذا ،، اما بقى العادة السرية انا زيك بعانى منها دى مشكلة جيل بحالة للاسف ورغم انى متدين والحمدلله لكن بمارسها للاسف الشديد وده لانى مش قادر اتجوز انت لو ابوم راجل مقتدر واغنياء وحالتكم المادية كويسة خليه يجوزك لان سيدنا محمد صلى الله علية وسلم كان يبلغ اى شاب فى ايامه انه يتجوز لحد ماقالهم (( يا معشر الشباب من استطاع منكم الباءة فليتزوج ))
واسف على الاطالة
بس يابرنس انت تصوم 3 ايام وتصلى عالطول واول حاجة تعملها تقرا القران وقصص الانبياء واتعلم حاجة تشغلك عن العادة السرية واهتم بدراستك
خد موقف من كل الحاجات دى وخلى بالك مفيش حد هينفعك فى الاخر بكرة البت اللى بتقول عليها دى تسيبك لو انتا مستقبلك ضاع وصحابك مش هتعرفهم بعد كدة ادام حتى لو كنتو صحاب جدا بس هيفرق بينكو المستقبل وعدى السنة دى على خير كدة حاول بس تعدى وبعد كدة فى الاجازة دى تصفى زهنك كدة وتنام كويس وتعمل رياضة وتشوف الصح وتعمله وتاخد موقف زى ما قولتلك وبعدين هتكون فاضى اكيد استغل الوقت دة فى حاجات مفيدة اولهم العبادة انا لما كنت قدك كدة برضو كنت عايش فى دور ان الحوارات بتاعت البنات و الخروجات وكدة حاجة جامدة وكنت مدمن الحجات دى بس ندمت فى الاخر للاسف ومحدش نفعنى ومليش الا ربنا دلواقتى كنت عامل زى السكران مش فاهم حاجة فا حاول متغلطش زىى
انا في نفس عمرك واحب انصحك بحاجه اولا بالنسبة للعاده انا بردو كنت بعملها لمده سنتين بس اكتشفت ان الواحد سهل جدا يقلع عنها فكر في ان العاده السرية بتضر جسم وعصب الانسان جدا يعني هتكون ضعييييف لما تكبر وحسيت فعلا بعد لما اقلعت عنها اني بقت ثحتي حلوة جداأا والحمدلله ولازم تصلي امر بالنسبة للمشكله التانية وهي المذاكره فلاازم تذاكر درس بدرسة يعني اول يوم في الدراسة ترجع تذاكر دروسك ولله مش هياخدو من وقتك ساعة ونصف وكده اتحداك لو مطلعتش من الاوائل اسمع كلامي ومش هتندم
ص يا برنس انت تصلي اول يوم العشاء وتاني يوم الفجر وثالث يوم الظهر وهكذا وتروح جيم علشان جسمك يرجع زي مكان وكل نشويات بدون دهون وانزل صلي في الجامع وكدة انا كنت زيك بس مقعدتش 4 سنين كدة انا قعدت 4 شهور وكان جسمي تعبان مكنتش بقدر اجيب لنفسي كوباية الميا اعمل زي ما قولتلك عليه كدة وحاول تشغل فراغك متقعدش لوحدك في البيت انزل الشارع اتمشي كدة 🙂
وربنا معاك
نسيت انت ساكن فين ؟