اتعرفت ع شاب 26 سنة وانا 17 سنة حبيتة بجنون وهو كان متعقد بسبب حب قديم وبعد لما قالي بحبك واتعلقت بي اكتر كان مش بيكلمني ومش بيشوفني وكان ع طول يتحجج ولو مشفنيش مش مشكلة عملت كل حاجة علشان يحبني وكان دايما لما يسمع ان اتقدملي عريس يقولي اقبلي المهم ان حببتة الاولانية رجعت تتصل بية وبدا يتغير اكتر والمعاملة تبقة وحشة اكتر قالي حسافر قولتلة طب اتقدملي قالي لا مش مقدرتي وسبني ع كدة وهو دلوقتي مسافرش وانا بحبة وحموت وارجعلة بحبة حب جنون اعمل اية وهو اصلا رافض رجعنا وساعات بيتصل ويسال عليا ومش قادرة انسي اعمل اية ارجو الرد
الحب الاول
اول حب في حياتي دمرني
اضيف بتاريخ: Sunday, October 16th, 2011 في 11:40
كلمات مشاكل وحلول: الحب, الحب الاول, بنت, شاب
لوعندك ذرةمن الكرامةوعزةالنفس ماترجعي له خالص اتركيه واللي باعك بيعه ولاتبالي وخليه يغورفي داهية لانه ولدتافه ويلعب بمشاعرك الرقيقة احذري منه ومن كل الشباب المنحطيين اللي زيه وربنايحميك ويسترعليك ويعوضك بكل الخير
لوباقي عندك شي من الكرامةوعزةنفس اقطع العلاقةمع الواد وغيري رقمك وانسيه خالص لانه مايستاهلكيش واللي باعك بيعه ولوبالرخيص وربي يعوضك خيرامنو وبيكرمك بابن الحلال اللي يستاهلك ويقدريسعدك
فيه بيت شعر بيقول (لا تأسفن على غدر الزمان لطالما رقصت على جسس الأسود كلابا لا تحسبن تعلو برقصها تبقى الأسود أسود والكلاب كلابا) يعنى من الاخر الى يبيعك بيعيه وهو الى هيرجعلك فى الاخر ويترجاكى ولو اتصل بيكى ردى عليه وقوليله معدتشى تتصل بالرقم دة
انا جرب نفس القصة على فكرة انااصغر منك بس فى سوال بيقول تختار الحب ولاالكرامةانااخترت الكرامة مبتتعوتش لكن ممن تحب كتير
ربنا يوفقك
يا عزيزتي هاد أسمو حب من طرف واحد وكل حدا بيقللك أنو راح تنسيه عم يضحكو عليكي لأنو يلي بحب عبجد ما بينسا أنا صار معي نفس القصة تمام بس أنا لما ما حدا ساعدني أنتحرت بس بتمنى ما تدخلي بشغلات متهورة
حب مراهقين بكره تنسي
افضل دواء للنسيان هو الوقت ف الوقت كفيل بدلك يجب ان تكون ارادتك قوىة.لا تجعلي من رجلا محور لحياتك
متشكرة ليكم اوي اوي وعموما هو خطب وعاش حياتوا وربنا يسعدوا وانا ان شاء الله قريب خطوبتي بس علي واحد بيحبني واخت بنصيحتكم ومتشكرة جداااااااااا لردودكم
بصى انا احمد 18 سنه حولى انك تنسيه لانه انسان باعك وانتى كدا مش بتخلى عندك كرامه عشان يبقا عندك كرامه وتحسى انك مرتاحه لازم تنسيه انتى عارف مش عارفه تنسيه ليه عشان انتى بعيده عن ربنا واكييد لو قريبه منه هيسعدك صدقينى واكييد هتحبى تانى واحسن منه ميت الف مره وممكن ميكنش من نصيبك ربنا الى عاوز كدا فى الاول وفى الاخر وشكرا ياختى ..
بصى ياحبيبيه قلبى انا 25سنه اتخطبت مرتين الاول بعد حب 4سنين بعد عنى انا كنت اول حب فى حياته وانا اتخطبت لواحد تانى وهو مقدرش ينسانى وانا كماااان منستهوش بس انتى افتكرى الوحش ليه وانتى هتنسيه وانا كمان عملت كده وبحاول
في مقولة شهيرة بتقول لاتحب من احببته وحب من يحبك
انا مش محتاج اقول رأي لان انت جواكي عارفه ان مفيش غير حل واحد بس مش عارفه تقنعي نفسك بيه
بس لازم ومع الوقت الايام بتنسي
اناجربت مشكله وحولت انسى بس المشكله انى سكنه معاه فى نفس الشارع ومكنتش بحبه انا كنت بموت فيه وجرحنى اوى بس لو انتى شوفتي فى مره اعملى زيى هو لما كان بيشوفنى بيوطى راسه فى الارض وكنت بمشى قدامه ماكنتش مبينالو انى مجروحه وكنت بحسسه انه مالوش لزمه فى حياتى لحدماندم انه فكر بس يسبنى وخلى بالك من كرمتك لان الكرامه مبتتعوضش واللى يجرح ويدوس على القلب مايستهلش الانسان يفكر حتى فيه لو ليوم واحد
انا عارفه طبعا انك مش هتقدرى تنسيه غير بعد فتره حتى لو لسه بتحبيه و لسه عايزاه و بتحبى تسمعى صوتو و اكييد سعات بيوحشك و بتضعفى و تكلميه عشان تسمعى صوتو بس نصيحه منى بينيلو عكس كده خالص و حسسيه ان فيه حد تانى ف حياتك و اوعى تتصلى بيه حتى و هو اتصل بيكى مترديش غير بعد فتره و بعد ما يتصل بيكى كتيير و يتزل زى ما انتى اتزليتى اسفه انى بقولك كده بس هى دى الحقيقه لازم تحسسيه بالندم عشان سابك لازم تجننيه و بعد فتره تردى عليه و تتكلمى عادى جدا و بكل برود و متطوليش معاه يعنى بالكتير قوى دقيقه و زى ما قلتلك حسسيه ان فى حد تانى ف حياتك و حاولى تزليه و ترجعى لنفسك كرامتك و كبريائك و خلى بالك الحب ده مش جرحك و بس ده علمك حجات كتيير قوى و بكرة هتعرفى
بصي يا حبيبتي هو مدام بيحب وحده تانيه لايمكن هينسها ويحب غيرها هو ممكن يكون كان بيسلي نفسه بس هو محبكيش ولا انتي كمان حبتيه انتي ممكن تكوني اتعودتي عليه بس ده مش حب وبعدين يا حبيبتي الللي يبيعك دوسي علي قلبك وبيعيه احسن ما تخسري كرامتك
نصيحة الك يا اختي انسيه وشوفي حالك انت لسه صغيرة وقدامك المستقبل وحاولي تنسي نفسك بالقراءة او باي شي انت بتحبي تعمليها.
ومالو يا انسة بكرة تكبري وتنسي وانتي عندك 17 عرفتي واحدعندو 26 دنتي خبرة بقي
اعتقد انك لازم تسيبي الواد ده هو بعده عنك قاصد بيه يقول لكي انا لقيت غيرك ابعدي عنه اكييييد هتلاقي كتييير غيره يقدرك ويحبك ويعوضك عن الواد دا والله يوفقك
السلام عليكم اختى انا اكبر منك بسنة وفى نفس فترة عمرك ونصيحتى ليكى انك تنسى اللى باعك واشترى كرامتك ونفسك لان كرامتك لو ضاعت كانك مش عايشة لان الكرامة هى التى تجعل للانسان شخصية والواضح من كلامك انه عرفك علشان ينساها تقربى من ربنا اكتر واكتر انتى غالية جدا ماترخصيش نفسك علشان محدش يستاهل ربنا معاكى وانسى انتى صغيرة والدنيا كبيرة وياماهتشوفى خلى بالك من نفسك وخليكى مع ربنا عمرك ماهتحتاجى لانسان ابدا
بصى يا بنت الناس سبيكى من الكلام ده انا برده شاب فى سن المراهقه وبعدين الجواز على حب بشده ده مش بيكمل انا عارف ناس كتير كده لزام تاخدى واحد يعرف الله ويتقى ربنا فيكى انا كتير مريت بالقصه دى فعادى سبيكى منه لان فالحالتين طمعان فيكى وفى حبيبته الاولى فيريت تبعدى لان هذا هو الحل وابن الحلال جايلك باذن الله فوفرى حبك ليه بدل ما دمر نفسك
عموما انت لسه فى سن المراهقة و دى تهيئات بالحب و لما هتكبرى شويه و تفتكرى هتقولى انا ازاى كنت بفر كده و بعدين لان ده اول حب حب حسيتى الاحساس ده يارب تنسيه و تعيشى حياتك عادى و الله معاكى ياحبيبتى
واللة فى مثل بيقول (من حبنا حبناة وسار متعنا متاعة ومن كرهنا كرهناة يحرم علينا اجتماعة)وشوفى انتى بقى
بطلى العبط اللى انتى فيه ده وتسألى على واحد مش معبرك أصلا انا عارف ان كلام ده مش هيعجبك بس فيه المفيد انا لو بحب حد وبرن عليه ومردش عليا انا مش هكلمه تانى لازم يكون عندك شخصيه ماتكونيش ضعيفه لأنه لو رجعلك ولقاقى بتحبيه بالطريقه دى هتكون أخرتك امو اى طلب هيطلبو هيتنفذ على طول
ولو قالك لامو آخذه أبوسك أحضنك ….الخ الخ الخ
هتوافقى لأنك بتحبيه فـ نصيحه منى متحبيش حد بالطريقه دى لان اللى بيحب اوى بينجرح اوى واٍسألينى انا عن الموضوع ده وشكرا ليكى
لو هو كان بيحبك مكنش حيسببك بس انتى الى اتعلقتى به وعيز اقول حاجه ((الحب بياوى مش بيضعف )) وانتى لسه صغيره على الحجاد ده
دة روشته من النجم واعيلى ربنا يهدينى (انتى تنفضيلو خالص ولما يتصل تنفضيله خالص وبعد فترة لو هو مصمم انه يكلمك اوليلو رسمى تخطبنى حساتى ولو 1فى الميه انه مترد عديلو وهتنسى لان الحب الا ولانى بيتنسى بس مع الو قت
انتوا بتقولوا انوا فكرنا بالساهل انتا فاكر اني هقول انسي اصحي تاني يوم ابقي نسسسيت كلالالالالالالالالالالالالالام مش منطقي خالص بس حاولي واحدة واحدة هو مش صعب انك تنسية بس المهم ازاي انك تنسية ؟؟؟؟؟؟
هو عمره ماحبك هو كان بيتسلي بيكي وعلقك بيه وخدك تجربه علشان ينسي الحب القديم ولو هو فعلا بيحبك كان جه اتقدملك ومسافريش وسابك متعلقه بيه
حالولي تنسي وربنا هيوفقك ان شاء الله وهيكرمك بالاحسن منه
انا نفس اللي انت مريتي بيه وحستيه بس احنا لسه متفرقين من 10 ايام بس انا عندي 18 سنه ومش عارفه ازاكر خالص ومش عارفه افكر الل فيه وبسمع صوته في كل مكان بروحه وبشوفه كمان مش بيفارقني خالص خلي بالك من نفسك وربنا معانا ويصبرنا علي الايام اللي احنا عبشنها
ابعدى عنه هو لو بيحبك كان اتقدملك وبعدين انتى لسه صغيره وهتحبى كتيرررررررررررررررررر
المشكلـه فى أيدك ي بنت النآس بس ده مش حـب طلمآ هوٍ مش عايزٍك تبقى مستنى أيه تآنى افتكـر أن كرٍمتـك أحسن وبعدين الانسآن ده مش أول ولا أخر أنسآن فى نآس كتيره أحسن منوٍ على الاقـل بيحبـو بجد مش يقولو لاأى حد بحبـك وبعدين يقولو أنآ مقدرٍش أجآى أتقدم أومآل بتتكلم ليه أنآ معآكى أنك حبتى بس تحمدى ربنآ على كده وأنك طلعتى من التجربـه دى على خير وأعتبرى الانسآن ده كارت شحن استخدمتى وخلاص مابقاش لى لازمه تآنى وٍأن شآء الله ربنآ هيعودك ب أنسآن أحسن منو 1000 مره وربنآ يوفقك ويحميكى فى حيآتك أخوأكــى
بصي يا حبيبتي انتي المفروض تنسي الموضوع ده خالص لأنه هو كان بيتسلي وبس وكفاية اوي انه كان لسة بيفكر في حبه القديم بالرغم من انك بتحبيه وهو كان عارف حبك ده ولما انتي قلتيلو يتقدملك قبل مايسافر وقالك فيما معناه انه مش هينفع ده يثبتلك انه مش بيحبك وانتي بتقولي ان حبيبته القديمة بتتصل بيه ومن ساعتها ومعاملته معاكي متغيرة خلاص يا قمر اللي ينسانا ننساه واللي يبيعنا نبيعه وندوس علي قلبنا ونبعد وحاولي تقربي من ربنا اكتر شوية علشان يكرمك ويرزقك بواحد احسن منه .واحد يقدرك ويعرف قيمتك .واحد يحبك ويحافظ عليكي وربنا معاكي واسفة اني طولت ويارب اكون افدتك يا قمر باااااااي
على فكره انا كمان حبيت ولحد بجنون وكنت بموت لما مبسمعش صوته ولما كنا بنزعل مع بعض كنت بعمل المستحيل علشان اصالحه وهو كمان كان راسم عليا دور الحب والاخلاص وفجاه عرفتته على حقيقته وعرفت انو كان بيتسلى زى الاستاذ اللى بتحبيه بس انا مرضتش ومالقبل على نفسى انى اقبل اكون لعبه مع حبى الى كنت بحبهوله والحب مش هو اللى هيرجعلك كرامتك لو فرضتى فيها ولا هو اللى هيحيكى ابدا انسى واحفظى كرامتك وهو قالهالك انامش عاوزك يارب تكونى استفادى وربنا يهديكى
ده ماكنش حب لانه لو كان فعلا بيحبك كان رجعلك وزى ماانا فهمت انه بيتصل علشان يطمن عليكى ده معناه انه بيحبك ومشتاق انه يسمع صوتك فبيكلمك بس من رائى انك المفرود ماتحبيش حد فى يوم جرحك لانك لن تستطيعى ان تنسى الجرح الذى سببه لكى
ملحوظة:من اختك اوعى تردى على تليفونة وانسيه وصدقى اولا انك فى يوم من الايام سوف تجدى من يقدر ويحبك ويحترمك.
متشكرة ليك وبجد واللهي انا غيرت شريحتي ومش حيعرف يوصلني لان بجد كرمتي فوق كل شئ بس ادعولي دمعتي متنزلش لو قبلتة صدفة ومتشكرا جدااااااااااااا ليكم ميرسي
واحد مش عاوزك و كان بيتسلى بيكي … تقبليها على نفسك؟
صدقيني الحل انك تصدقي ان الموضوع وهمي اكتر منة حقيقة و لو ماصدقتيش هعذرك لان الحاجات دي على ماتتفهم بيكون العمر اتسرق
نصيحة من اخ كبير مفيش حاجة اغلى منك و من مستقبلك
الايام غالية و خدي بالك اللي بيروح مابيرجعش
دوري على سعادتك من غير ماحد يديهالك و الا هتعيشي تعيسة
و هقولهالك تاني …خدي بالك من نفسك
يا ريت اقدر انا بحبة ودة مش مرهقة دة حب بجد وصداق مش عارفة اعمل اية علشان انساة
ربنا يكون فى عونك اصبرى
تصدقي اني كنت بفتكر نفسي لوحدى اللي حصل معايا كدا لدرجة اني لمه شفت عنوان موضوعك افتكرو انو موضوعي انا هههههه تعرفي انا اللي كنت بحبه دا قالي انا مش بتاع جواز وراح خطب واحده ولا بتعبرو ولا بتحبو صدقني مع الايام هاتنسي انا بقالي سنتين اهو الحمد لله نسيت وبقيت عادىمابفتكرهوش غير لمه بيتصل كل فتره يسال عليا وبديلو بالجزمه وبخلص ذنبي منه بكره انتي هاتبقي كدا
بصى هو عمره محبك ولاهيحبك لانه كان واخدك تجربه علشان ينسى حبه القديم
ولما رجعت نسيكى وافتكرها ونتى خساره فيه
وهو لوبيحبك زى ماانتى بتحبيه كان جده واتقدم حتى من غير اى حاجه مكلفه دلوقتى والحب مش هو اللى هيحيكى لازم يبقى عندك شخصيه وهو رنبا يسامحه
انا مش هقولك زى ما بيقولوا انك فى فترة مراهقة وانك لازم تنسية وكدة هو انتى ايوة فى سن مراهقة بس المرحلة دى لازم كل الناس تهتم بالى بيمروا بيها لان كل الدكترة النفسيين بيقولوا دى من اهم المراحل لازم البيت والاصدقاء والاسرة يهتموا بيها المهم بردة مش هقولك متنسيهوش لانة مينفعش متنسيهوش لانى لو قلتلك كدة بقى بدرك مش بديكى نصيحة بس مينفعش بل مستحيل انك تنسية بن يوم وليلة لان الحب الى الى بيعض سنة مبيتنساش اقل من سنتين او تلاتة لان احنا مفيش زرار فينا لما نعوذ ننسى ندوس علية بس زى ما انتى بتحبى بجنون لازم تعرفى ان ليكى كرامة المفروض انك تعليها علية وانا بصراحة مش معى الى بيقولوا مفيش كرامة بين الى بيحبوا بالعكس لما يكون عندك كرامة تعلى فى عينة اكتر انا مش عرفة ازاى بتكلمىة وهو بيحب وبيكلم وحدة غيرك انتى المفروض تقطعى معاه خالص ولما يكلمك تقوليلة يسيبك فى حالك لانة اختار حياتة مع التانية واتهرب منك ودةاصلا شخص انانى جدا يعنى هى معاه وبيكلمك وهو ولا بيحبك ولا بيحبها لانةلو بيحبها مكنش كلمك ولو بيحبك مكنش كلمها لازم تحولى انك تنسية على الاقل تبينلة هو كدة انك نسياه حتى لو دة مش الى جواكى وقربى من ربنا وصلى وادعى انك تنيسة ويعالم يمكن يكون من نصيبك فى يوم من الايام وربنا يسعدك ويحققلك الى بتتمنية على فكرة انا عندى 18 سنة وانا كمان بمر بتجربة هى مختلفة شوية عن تجربتك بس اصعب بكتير لانة حب مستحيل لانة خاطب ووهمنى بحبة وهو خاطب وحبيتة وبعدها عرفت انة خاطب بس معرفتش منة تخيلى حلتى انا هتبقى ازاى انا طبعا مش عرفة انسى بس مبينالة انى نسية حتى هو فقد الامل فيا انى ارجع تانى واهو بقالى سنتين عيشة ومش عيشة بس كان لازم ابعد ومعرفش انسى انتى احسا منى لان ممكن يرجعلك فى يوم من الايام ويتجوزك بس لو يستهلك ربنا معاكى ويسعدك
كلنا ياحبيبتى مرينا بنفس القصة دى بس احنا كنا غلط والله انتى لسة فى مرحلة مراهقة وكل دة هتعرفى انة غلط لما تكبرى وتعرفى قيمة انك تحبى واحد مش بيحيك وهتعرفى بجد ان الحب الحقيقى بيكون قدام الناس كلها يعنى خطوبة وجواز ووقتها هتقولى اية اللى انا كنت بعملة وانا صغيرة دة وتندمى انة حصل ابعدى عن اللى انتى بتحبية وقربى من ربنا على قد ماتقدرى وادعى يعملك الخير واالله العظيم ربنا مش بيجيب اى حاجة وحشة ارمى حمولك على ربنا وهتكسبى
ربنا يوفقك