حلمت اننا احنا الحريم بس فعايلتنا مسحورات كلنا وانا اللي اكتشفت السحر وان السحر كان عن طريق الاكل حلمت ان خدامتنا تقول كلي هذي الدجاجه وانا لمستها ولما شفت مكان اللمسه كان اسود زي سواد الفحم بعدين عرفت اننا مسحورين جمعت امي واخواتي وبديت اقرا قرآن كانت الحروف بالغصب تطلع وكانت عروق رقبتي تبين من كثر ما انا احاول اطلع الكلمه وفي الحلم كنت امد الكلمات وكان ترتيلي يقشعر وصوتي جميل ومرتل بعدين شفت عالباب اظلال كثيره رؤوس وفي جنيه مبين عليها طيبه كلمتني تقول لاتحاولي لان في بيتكم ١٨٠ جني وتضحك قلتلها طيب خبريني من سوا السحر قالت ما اقدر ومشت كانت واضحه شوي بس الظلال كانت موجوده وتخوف بعدين رحت مشيت وشفت تحت المغسله لبان متلزق بشكل غريب وتحته السحر وفي كلينيكسات كثيره نظيفات وارفع واحد واحد وصلت لواحد فيه بقع رصاصيه وشكله غير لما رفعته اختي شهقت بصوت عالي واغمى عليها وانا ابتسمت وفكيت السحر ورتلت اية الكرسي ترتيل جميل بس الجن لازالو موجودين وطلعت خدامتنا هي مسويه السحر، اسفه لو طولت بس ابغا تفسير
تمسكى بجناب الله واية الكرسى وابحثى عن من يعالجكم
اختي العزيزة،مادام القران الكريم معك فلا تخافي من شي علي وجه الارض اي بيت تقراء فيه سورة البقرة وسورة ال عمران لا يبقى فيه سحر الا وانفك بقدرة الله تعالى وهناك ايات اخرى كثيرة ضد السحر في سورة يونس وغيرها دايما حصني نفسك بالقران وخاصة اية الكرسي بعد طلوع الشمس وبعد العشاء ،وحافظي على الصلوات والذكر كثيرا ولا تخافي من شي من هذا القبيل اسال الله لك الحفظ والتوفيق والسلام،