حلمت انه امي تركت عندي طفل “ذكر” صغير بالشهور الاولى عشان اهتم فيه في بيتنا على أساس اني متزوجة..
بعدها طلعت مع صديقاتي ورحنا على شقة أبوابها خشبية ودخلنا على غرفة وصرنا نقول لبعض “هاي الغرفة حلوة” وصرنا نتذكر ايام الجامعة وصداقتنا الحلوة..وفي الحلم كنت حامل تقريبا في الشهور الاخيرة ولابسة عباية سوداء طويلة..
ووحدة من صديقاتي قالتلي “وين الولد؟ ليش تركتيه بالبيت لوحده”
انا قلتلها عادي مو مشكلة ما رح اطول..وبعدها ظهر الولد في الحلم كان يحرك ايديه ورجليه ويتبسم”
انا عمري 24 سنة ، عزباء على قدر من الجمال ،مهندسة وابحث عن عمل..
أفكر كثيرا في موضوع البحث عن عمل لاني احس بالفراغ الكبير..
أيضا احس بالضيق من موضوع الزواج لاني اسمع من الكثير اني كبرت وصار لازم اتزوج لكن للاسف كل ما يجي حدا يخطبني الموضوع ما يزبط بمجرد ما يشوفني “صارت معي مرتين”، و من شهر تقريبا اجت عندنا موظفة مع امي بالشغل عشان تشوفني وتخطبني لاخوها وخلال الجلسة حسيت انها حبتني وكنا مبسوطين وامي وخواتي قالولي انه احتمال في نصيب ومنبعدها كنا ننتظر اتصالهم عشان يحددو موعد عشان يجي اخوها ويشوفني “النظرة الشرعية” بس ما ردولنا جواب للان….وانا مستغربة لانه الكل يقوللي اني حلوة و وجهي بريء وغير مستواي التعليمي..
الحمد لله محافظة على صلاتي وكل يوم قبل ما انام اتوضا واقرا الفاتحة والاخلاص والمعوضات واية الكرسي..
بتمنى تفيدوني..وجزاكم الله خيرا..
تفسيرحلمك خيرنشاءالله هوالزواج قريبا من الشاب اللي جاءت اخته لعندكم اومن شخص اخر وترزقي بولدذكر وترزقين السعادةوالخيروراحةالبال في حياتك والله اعلم