انا مخطوبة من حوالى سنة واربع شهور خطيبى هو مقيم فى الخارج إنسان كويس جدا ومهذب وكل شىء و إحنا نعرف اهله من زمان بس بإختصار فى تصرفات غريبة لاحظتها من اللحظات الأولى مش لاقيه ليها اى تفسير وهى بإختصار انه كريم مع الغرباء ومع اهلى لكن بخيل معايا و واليكم بعض المواقف دى لعل وعسى اكون انا غلطانة فى حكمى أو اجد تفسير لديكم
أولا فى إختيار الشبكة سالنى انتى عاوزة شبكة ايه قلت ما يفرقش معايا ولا انا ولا اهلى الكلام ده اللى انت عاوزة و اللى فى حدود إمكانياتك رد قالى لا انا هجيبلك احسن حاجة ودى قيمتى وقيمتك والكلام المعروف ده –صمم انه يجيب الشبكة من البلد الأجنبى المقيم به ثم بعد ذلك قرر من دبى عن طريق خالته ورفض تماما انى انا اللى اختارها من مصر على زوقى بحجة انه لا يثق فى السوق المصرى
لم اهتم و قامت خالته بإختيار خاتم الشبكة على زوقها وكان بسيط وصغير جدا ولم اهتم و لا انا ولا اهلى تبقى الدبل اتفقنا على احضارها من مصر وقد وافق مضطرا لأسباب تخصة ….المهم وسالنى كم يبلغ ثمن الذهب فقلت كذا صعودا وا نزولا حسب سعر الذهب وذهبنا لشراء الدبل و بعد الوزن اتضح ان هناك ارتفاع خفيف فى سعر الذهب وان المبلغ سيزيد حوالى مائة دولار —-غضب ورفض دفع المبلغ و اصر على البحث عن دبلة اخرى و للاسف كان الوقت ديق و شهر رمضان والمحلات فاضل عيلها 10 دقائق وتقفل و الخطوبة كانت تانى يوم الساعه 8 صباحا وقت انا اتكسفت و ووقفت على جنب مش عارفة اعمل ايه كانى متهمة ومتآمرة مع الصائغ—لولا تدخل حماتى و اختها اللى صاحوا به قائلين (كسفتنا) واخرجت خالته مبلغ 100 دولار من حقيبتها لتدفع هى الفرق لولا كده راح اتكسف ورفض طبعا واسرع للصرافة لفك مبلغ المائة دولار ودفع ثمن الدبل .مائة دولار مبلغ كبير لنا فى مصر لكن لشخص مقيم فى بلد اجنبى؟؟
فى اليوم التانى و اثناء الخطوبة وحسب المتبع سال – كام قيمة الشبكة علشان يتكتب فى الورق …. زعل و ارتبك هو و اهلة و بقوا مش عارف يرد على اساس ان المبلغ دفع بالدينار الإماراتى – كما زكرت سابقا ان خالته هى التى احضرت الشبكة من دبى المهم حصلت دربكة و حسبوها قدام الناس طلعت حوالى 250 دولار امريكى – وخطيبى يحصل على راتب حوالى 1000 دولار إذا حسبنا الضرايب وكل ده نفترض الصافى 500 دولار وده اضعف الإيمان زى ما بيقولوا – فى الأسبوع و هو اغلى قيمة من الدولار الأمريكى الموقف كان سخيف قدام الناس ومحرج ورغم كده ما اتكلمتش ولا انا ولا حد من اهلى لكن فوجئت انه هو المعترض و ازاىيسالوا سؤال زى ده — طب انا زنبى ايه ده قانون البلد و الأوقاف وعقدت اشرح قوانين مصر كلها.بعد حوالى 4 شهور لبست فيهم الشبكة 3 مرات بالعدد طلع فى عيب فى الخاتم و لونها اتغير إلى الأصفر بدل لون البلاتين وكلمته بادب وانا محرجة جدا و كلمته خوفا على شقى عمره وفلوسه اللى اندفعت مايكونش انضحك عليه وفعلا اخد الخاتم الأولانى و بدله بواحد تانى معرفش قيمته برده ومارضيش يقول ولا زال موجود عنده حتى الآن لأنه لم يجد من يستامنه عليه حتى يرسله لى — يعنى الشبكة الجديدة عنده و معرفش قيمتها شفتها على الصور..
بعد كده المواقف تكررت نخرج نتغدى بره يعترض علشان المنيمم شارج 50 جنيه مصرى – سالنى عن فستان الفرح قلت اللى تشوفه قالى اختارى بعد ما اخترت رجع قالى انه مش مستعد يدفع مبلغ كبير فى فستان الفرح المبلغ ده 1000 دولار وفى نفس الحوار بيقولى انه عاوز يعمل وصيفات حسب عادات بره و ياجر لبس ليهم بحوالى 2000 دولار- نزلت لغاية 500 دولار لفستان الفرح برده شايف انه غالى ..ما اتكلمتش قلت حاضر لما يجى وقته ها اجر او اى شىء
من ساعة الخطوبة جاء مرة واحدة فقط يعنى مرة للخطوبة ومرة تانية بعد 6 شهور – – يجب فيهم هدايا لأهلى كلهم غالية جدا ماركات عالمية بما فيهم زوجة اخى وزوج اختى وخالتى و زوجها إلا انا العروسة جايبلى حذاء وتاير طلع كبير رجع بيه واعطاه لأخته الزيارة اللى بعدها نفس الحكاية هدايا غالية جدا لأهلى وانا حذاء اكبر منى و شنطة من نوع واضح انه رخيص باظوا من أول لبسه ملهمش دعوة بالماركات وكان عيد ما حولش يجيبلى لبس عيد ولا غيرة
نخرج مع اهلى يصمم يدفع الفاتورة لو كانت 1000 جنيه يخرج معاية الوضع يختلف تماما و تكون الفاتورة واصلة المية بالعافية وغالبا اقل..ولتالت مرة العيد التالت ما فكرش سالنى عن لبس العيد وعاوز يشترى موبايل لوالدتى من اغلى الأنواع —
سالنى مش هاتشترى لبس للعيد قلت لا سالنى ليه – تعمدت قلت مش معايا فلوس السنة دى (لمجرد معرفة رد فعله) مش هاشترى بعد اسبوع من الكلام بيقولى ابعتلك فلوس اشتريلك بلوزة للعيد؟
فى بس مرتين فى عيد ميلادى لأنه عدى على اثناء الخطوبة عيدين قدملى هدية قيمة مفيش غيرهم
هو بعد الخطوبة بشهر حصلت ظروف واضطر يسب شغلة و مش لاقى شغل حتى الان بس موضوع الشبكة و فستان الفرح كل ده كان قبل موضوع الشغل انا مش عارفة هو إنسان كويس جدا – بس انا محتارة هل هو بخيل و لا الصفات دى عادى ولا بخيل معايا انا فقط – إضافة إلى انه حتى الان بيصرف فى حاجات تانية كتيرة و على اصدقائة من عزائم و غيرة وعندما اقول له بلاش مصارف يوقلى ما تخاقيش انا معايا فلوس ……..
الآن لم آراه من 8 اشهر ولم يحاول النزول حتى الآن لرؤيتى رغم مرورى بظرف صحية صعبة وعندما طلبت منه المجىء لحضور احتفالات راس السنة اجابنى ان ابيه سيقوم بعمل عملية يوم 15 يناير – طب ما دخل العمليه اللى يوم 15 يناير و راس السنة و الكريسماس يوم 25 ديسمبر إلى 30 ديسمبر ..؟ والعملية عبارة عن مياه بيضاء فى العين ….يعنى بسيطة
انا مش صغيرة انا عمرى 33 سنة هو 41 سنة فى تقارب فكرى كبيرجدا بيننا و نحن الأثنين مثقفين ومتعلمين – لست بفتاة صغيرة لا تعقل الأمور لكن هذه التصرفات اصابتنى بالحيرة واحيانا تجرحنى انا لا اريد شيئا منه فقط مجاملة لست بحاجة لنقود لملابس العيد و فستان الفرح اهلى مستعدين هما يتكفلوا بيه – بس الفكرة انى عاوزة اعرف هو بخيل ولا انا اللى مش فاهماه- ومش عارفة هل تصلح المواجهة فى موضوع مثل هذا لانه موضوع حساس
هو إنسان بسيط برده احيانا بشعر انه لايحسن التصرف بيرتبك ….هذا للإفادة. ولكن هل هو كريم مع الآخرين وبخيل مع اهل بيته ومع نفسه ؟؟؟
اختي الفاضلة الحرص الشديد من خطيبك يجعله في نظرك بخيلا وقد يسبب لك هذا الشعور بالككثيرمن المشاكل والعقبات في بداية حياتكم الزوجية لازم يكون فيه حوار وتفاهم على معالجة تلك الامور حتى لاتقف حجر عثرة في طريق سعادتكم الزوجية دام انو الشاب على دين وخلق حميد وتربية فاضلة فنعم الاختيار وربنا يوفقكم ويتمم لكم بالخير ويسعدكمافي القادم من حياتكم ارجوكي لاتنظري الى الكماليالت او البرستيج اومحاكات الاخرين وفكري في اسعاد خطيبك والرضا به ولا تلتفتي الى الاشياء الاخرى دام انكما تحبوا بعضكم وتري انه العريس المناسب لك وتحسي معه بالامان والراحة والسعادة فالحاجات التانية ماهي الا كماليات اخرى لاتقدم ولاتوخر في شي ولاتنسي الغلاء الفاحش في الزمن ده وتكاليف الحياة وغلاء الاسعار في كل حاجة كوني واعية ومتدبرة لكل هذا واحرصي على اتمام الزواج منه حتى تسعدي في حياتكم الزوجية وتنعم بالاستقرار مع الشخص اللي اختريته واتمنى لك دوام التوفيق والسعادة وراحة البال معه في حياتكم القادمة
أولا ربنا يتمملك على خير
ومن كلامك هوا مش بخيل هوا ممكن حريص وحاسس انك أكتر واحدة هتقدري ظروفه لما يجيب حاجة رخيصة
وممكن يكون حاسس انك بنرضي بأي حاجة عشان كدا مش بيدق خليكي صريحة معاه
في رجالة بتفتكر انه لما يفاصل أدام خطيبته يبان انه ابن سوق وفاهم زوجي عمل كدا مرة واحنا مكتوب كتابنا وخرجنا يشتريلي عباية وقعد يفاصل مع الباع وأنا اتكسفت وخرجت برا المحل وبعد الزواج لما قلتله قالي أنا كنت فاكر انك كدا تقدريني أكتر وتقولي اني ميضحكش عليا وبردو مكنش بيجيب هدايا قيمة لكن بعد الزواج بقينا لما نخرج سوا يجيبلي ماركات وأنا اللي بنقي فمتخافيش ان شاء الله تتهنوا بعد ما تتجوزوا ويطلع كريم جدا
وعامة بما انه دلوقتي ساب الشغل حاولي تطنشي لحد لما يشتغل تاني وركزي في تجهيز الشقة بتاعتكوا وبس