اولا بدايه مشكلتى كانت قبل الزواج ومن قبل الخطوبه كمان كنت احب فتاه حب لا يوصف وهذه الفتاه كانت تحبنى كثيرا وكنا متفقين على الزواج المشكله بدأت عندما طلبت يدها من والدها لكنه رفض لسسب انه من عائله تقاليدهم وعادتهم لا ياخذون ازواج من خارج العائله وحصلت الكارثه عندما اتصل بى اخاها وهددنى بانه سيقتلنى ان لم ابعد عنها وانى مستحيل ان اتزوجها واتصلت امها بأمى وقالت لها ابنى لو مبعدش عن بنتى اخوها سيقتله وعندما رجعت الى البيت لقيت امى منهاره من العياط وعندما رايتها دمعت عيناى قالت لى اشهد يا الله اننى لن اسامحك ان لم تترك هذه الفتاه قلت يا امى انها روحى وحياتى قالت يا اهبل هيقتلوك افهم بقى وكررت هذه الكلمات لن اسامحك وانا غضبانه عليك انى لم تتركها قالت اوعدى ان تتركها وانى اعلم ان غضب الام من غضب الرب قلت لنفسى يارب صبرى على فرافقها ووعدت امى انى ساتركها لرضاها وقلبى يتقطع من الالم والله اعلم بى وقالت لى امى بعد اسابيع من المشكله لازم تتزوج لارتاح يا ولدى قولت لها اختارى لى اى عروس فقالت لى ايه رايك فى صديقت اختك فقلت لها اللى تشوفيه يا املى فذهبت هى واختى ليتكلموا مع اهلها فوافقوا على قراءه الفاتحه علما بأن صديقت اختى تعلم قصه الحب وتعلم حبيبتى لانها كانت معها فى المدرسه المهم اتخطبت وتزوجت وكانت الكارثه لاننى لم احبها وعاملتها بما يرضى الله ورسوله ب سكانت فى مشاكل جنسيه كثيره بيننا ووصلت بينا المشاكل انها كانت تحب السيطره على وانا راجل صعيدى لا احب ذلك والله كنت بعاملها بما يرضى الله وكل ما اكلمها او اقرب منها تبعد عنى واقولها ليه كده تقولى اللى بيحب فى الاول عمره مايحب تانى اقولها ده كان زمان تقولى لا انت لسه بتحبها وانا حاسه بيك اقولها طيب حبيبى فيكى تقولى ما ينفعش اقولها طيب عاملينى زى ما بعاملك تقولى انا ما عملتلكش حاجه وحشه اقولها انا محتاج حنان واحساس دافئ وانا بحب الرومانسيه وياريت ننسى الماضى ونعيش حيانتا وكلمتها اكتر من مليون مره بس مفيش فايده علما اننى عندى ولد وبنت وخايف عليهم جدا وهو ده سبب رتيسى للبقاء
بسم الله الرحمن الرحيم اولا الست بتحث بعدم الحب بطريقه غير معقوله بس انت بتقول انك رومانسي والست بتحب الرومانسيه جدا وبتقول مراتك بتقول الي بيحب مره عمره ميحب تاني الكلام ده غلط الي بيحب مره ممكن يحب كذه مره مفيش مشكله ليه نكون انانيين في الوقت اللي حياتك بتنهار فيه ممكن تكون حببتك اجوزت وعايشه سعيده مع جوزها وانتو اللي معذبين نفسكو وخلاص ليه حاولو تبعدو عن بعض فتره تسافر او مراتك تزور اهلها زياره طويله شويه سعتها بس هتعرف ان الحياه من غيرها جحيم وهي كمان هتشتقلك قوي هو ده الحب موده ورحمه واولاد
انتبه جيدا فالزوجه عندها جهاز رادار رباني ممكن تكشف ان كنت تحبها بصدق او لا اي انك لن تستطيع خداعها بكلمات الحب ان لم تخرج من مشاعر صادقه وخاصه ان مهتك صعبه لوجود حب قديم في حياتك والظاهر ان زوجتك مصدقه جدا لقول وما الحب الا للحبيب الاول .فان كنت بحاجه الي حب ورومانسيه فانه زوجتك لن تعطيك الحب والرومانسيه الا لو شعرت انك تحبها من صميم قلبك لذا عليك ان تحب زوجتك فعليا حاول ان تغير معاملتك لها فاولا يجب نسيان الحب القديم فعليا واعطي اهتمام اكثر لزوجتك ابتسم واضحك في وجهها احضنها كثيرا وضمها الي صدرك طويلا لتشعر يصدق مشاعرك مع قول كلام الحب والغزل/قدم لها الورود والهدايا بين فتره واخري دع زوجتك تنظر الي عينك وتري فيهما الحب والاعجاب فعلا فوقتها ستعطيك زوجتك الحب والرومانسيه التي تبحث عنهما
اولا احمدالله انك ماتزوجت الفتاة دي نهايا واطعت امك وسمعت كلامهاوالله عزوجل راضي عليك برضاامك عليك ثانيا-انسى البنت دي نهاياولعادتفكرفيها اوتذكر ماحدث لك معها سوا امام زوجتك اوالاخرين ثالثا-المراةمن طبعهاالغيرة حاول تتقرب من زوجتك وتغدق عليهاالمزيدمن مشاعرالحب والعواطف الرومانسية فكل انثى تريد المزيدمن هذا وسافرمعهابلد اخر لتجديدالعهدبالزواج ولراحةالنفس والاستجمام وخليه شهرعسل جديد رابعا- الاطراءوالثناءمطلوب بين الزوجين خليك شاعري وعاطفي معها وتغزل في مراتك ام اولادك ولاتبخل عليهابكل كلمات اووصائف المدح والاطراء فالنساء يعشقن الغزل والاطراءمن الرجل وصدقنى سوف يزول كل مابينكمامن خلافات اومشاكل وتعيشا في سعادةابدية وراحةواستقرار طوال حياتكما
المشكله مشكلتك انت مش مشكلتها انت مش شايفها شايف حبك الاول وخلاص ايه عرفك انك لو كنت اتجوزتها كنت هتكون سعيد ممكن كان اهلها نكدوا عليك واخوها البلطجي طلع عينك شوف مراتك بصلها بنظره مختلفه اتعرف عليها من الاول وجديد على فكره هي بتحبك جدا بس تعبت منك وتعبت انك مش شايفها فبتعمل كده عشان تحسسك انها موجوده نصحتي ليك ادخل عليها وقولها ممكن نتعرف انا معجب بيكي وعايز اتعرف عليكي وكلموا بعض تليفونات كانك رجعت لايام المراهقه تاني
مراتك بتغير والست بتحس ان جوزها بيحبها ولا لأ وانت اعترفت انك ماحبيتهاش فطبيعي انها تفضل قلقانه حاول انك تحبها يمكن ده حل مشكلتك هاتلها ورد واقولها بحبك اعتقد ان معاملتها هتتغير