بسم الله الرحمن الرحيم
بدايه معرفتي بزوجتى هى عندما اتى اخوها لخطبه اختى وقد تعرفت بها من وقتها فصارحت اختى وامى بحبى لها وقد استشعرت بانجذابها نحوي مما شجعنى على التقدم لها وفى يوم لم نكن مخطوبين رسميا فوجئت انها اتت لزيارتنا وحدها وهى تنوى ان تبات معنا وقالت لى انها قالت لامها انها رايحه رحله بالمنسبه ابوها وامها منفصلين المهم اعجبتنى واعجبنى طريقه تفكيرها لكن تكبرنى بست سنوات انا لم ابالى وتمت خطبتنا ولكن اثناء الخطوبه تطورت العلاقه بنا جنسيا ولكنى قلت فى بالى انه بدافع الحب
وكثرت المقابلت الجنسيه بيننا اثناء الخطوبه مرات فى بيتها ومره فى منزل عمتها المهم تزوجنا وبعد الزواج مباشرا فوجئت بانها انقلبت على اهلى بعد ان كانوا سمن على عسل وكانت تجيد ابداء اسباب للخلاف معهم حتى انه في يوم لم يمر اسبوع على زواجى وقد سبت وشتمت امى ولكنى عديت الموضوع ومرت سنه ورزقنى الله ببنتى الاولى وكان دائما المشكله بينى وبينها اهلى سبب فيها مع العلم اهلى لم يدخلو بيتى من اول اسبوع جواز ومرت سنه اخرى ورزقنى الله بنتى الثانيه لم تعد العلاقه الجنسيه بيننا كما هى اولا بسبب الاولاد وبسبب النكد بتعها وفى سبب تانى انى ابتديت الجاء للعاده السريه التى تعودت عليها قبل الزواج فقلت اللقات الجنسيه بيننا كما انى ابتديت الاحظ انها بتبعد عنى فى جلساتنا العاديه امام التلفزيون مثلا وقد فوجئت انها تكلم شخص اخر تلفونيا عرفت ذلك بعد ان قررت اسجل مكلمات تلفونتها وفوجت انها تحكى له عن كل صغيره وكبيره
حتى علاقتنا الجنسيه مع بعض بيحص او مبيحصلش برده بتقوله
لدرجه انه طلعتنى قدامه معاق جنسيا وكتير وكتير المكالمات بينهم قد تصل بالساعات فى اليوم الواحد لم اتحمل فواجهتا قالت لى انتى السبب بكلمك مبتسمعليش وان والله رغم ارهاق العمل بحاول اقعد معاها واسمع لها وتقريبا كل اسبوع بخرجها وممكن ببناكل بره
المهم سامحتها ولالن بعد ست شهور من هذه المشكله تحدث خلافات اخرى
بسبب عدم سماع الكلام المتواصل واخير راحت عند امها وانا عايزه اتطلق
مش عارف اعمل ايه معاها وانا عندى طفلتين صغار يارتهم كانوا صبيان
من نص ساعه انا كنت شايل معاها فلوس شغل المفروض شيلهم فى البيت اتصلت بيها بسئلها عليهم قالت لى اصل كنت حطاهم فى قميص ونسيت واخدتوا معايا لما مشيت قلت طيب هاجى اخدهم بكره قالتلى انها صرفت منهم مبلغ مع العلم انى لما مشيت عطيتها فلوس تكفى الاولاد عند امها
حتى الامانه مصانتهاش انا قاعد دلوقتى افكر اطلقها ولا لا مع العلم ان دي اخر طلقه
اتمنى ان تكون هذه عبره لكل شاب مقبل على الزواج ان يحسن الاختيار
وينظر الى اهل زوجته قبل ان ينظر الى زوجته
وان ينظر الى نسبه التدين والالتزام عند الزوجه
حتى لايقع ضحيه هو واولاده نتيجه عدم الاختيار الصحيح
اخي العزيز المراة دي ماتستحق تكن زوجة محترمة وام لاولادك لانها خاينة وغيرموتمنة على بيتك وحياتك طلقها لاردها الله ولابارك فيها وخد اولادك خلي امك تربيهم وتزوج بغيرها وربنايكرمك بالزوجة الصالحة اللي تقدرك وتسعدك
استخير قبل كل شي
وحده زي دي محدش يقناها الا الي زيها لازم فكرت الف مرة قبل الزواج بها لانو الي تفرط بنفسها قبل حتفرط بعد الزواج وخد بناتك منها حتى لو تخطفهم وطلقها بلعشرة ومتجبش سرتها لحد علشان بناتك ميتعيروش بسيرة امهم
انت غلط و الله غفور رحيم
عاوز الشباب ياخدوا منك عبرة .. اوك كتر خيرك
لاكن تطلق و تسيب بناتك تربيهم الست دى لأ لأ لأ
خلى تمن الطلاق انها تسيبلك بناتك و لو استدعى الامر استخدم التسجيلات اللى معاك و ارفع قضية عليها لأخذ الحضانة
انت طبعا لازم تطلقها، وبعد كده فى كل فرصة خليها تشوفك ناجح وقوى الشخصية ومتزوج من اللى أحسن منها، ورجع علاقتك مع أهلك عشان ده أكبر خطأ عملته، واستعد عشان مش حتسيبك فى حالك، حتلفق لك قضايا وتبهدلك عشان هى مش أصيلة، وستأخذها العزة بالإثم، أما بالنسبة لبناتك فإوعى تسيبهم لها إفضحها فى المحكمة وجيب التسجيلات لها مع الخائن كدليل على سوء أخلاقها، وأخيرا قوى علاقتك بربنا وقل بعد الطلاق منها الذكر “الإسلامى اللهم أجرنى فى مصيبتى واخلف لى خير منها” .
استخير الله
رفقا بلقوارير
شوف بناتك وربيهم ومراتك دى محفظتشى عليك وانت سليم مش هتاحفظ عليك وانت فيك حاجة تانية خد بالك من نفسك ومن عيالك دول اللىربنا عوضك بيهم عن مراتك ربنا معاك ويهديها
بسم الله الرحمن الرحيم :
♥ كلمتين و بس : استرجل .
*** و الله أعلم ***
انا مش فاهمة بجد الدنيا بقي فيها ايه ؟ يعنى انتوا الاتنين مخلتوش حاجة الا وعملتوها كان طبيعى ان كل دة يحصل لانكم اغضبتوا ربنا في الخطوبه وكان لازم يخلص منكم في الجواز من الاول انت وثقت في واحدة زانيه واتجوزتها وامنتلها وكانت النتيجة انها عرفت غيرك وخانتك وخانت الامانة وبهدلت اهلك باقي ايه تانى يحصل فين كرامتك ؟؟في ايه تانى يخليك تستمر معاها , واحدة بالشكل دة تفتكر هتربي اولادك ازاى ؟ وهتعلمهم ايه؟ يااستاااااااذ فاقد الشيئ لايعطيه
خليك راجل وطلقها مستنيها تعمل اية بعد ما بتكلم واحد فى التليفون مستنيها لما تشوفها نايمة معاها
يا أخي مش عارفه اقولك اه ،انت كل تصرفاتك غلط في غلط وجاي بتسأل اطلقها ولا لاه ،الي انت فيه ده من عقاب ربنا عليك وكمان بعد م سمعت خيانتها ليك في التليفون ومستمتع بكلامها بالساعات عاوز تعيش معاها تاني مش فاضل غير انك تلاقي واحد معاها في السرير تقعد تستناهم وبعد كده تعاتبها ومش عارف تعمل اه،انا اسفه اني بقول الكلام ده ،انت تطلقها وتأخذ بناتك وتربيهم بما يرضي الله عشان مايطلعوش زي امهم وراضي امك عشان ربنا يباركلك
انا بستغرب علي الستات اللى بتكون متجوزززة وبتكلم غير جوزهااا لية كددددة يعني لية حرام عليها والله يعني ربنا كرمها ورزقها براجل بيحبها وبنات وغير دة كل انك اصغر منها زازاى الراجل تأمنلهاا بعد كددددة وهيا بتكلم واحد تاني
الله يهديها ليها ولي بيتهااا ولي بنتهااا ولو مش مرتاح خليها في بيت ابوها وخليك كويس مع بناتك واسال عليهم ومش تتخلي عنهم حتى لو حصل الطلاق اسال عليهم ديما خرجهم ديما كون معاهم علطول وربنا يصلح حالك
شكرا للعبرة ..ان ابغض الحلال عند الله الطلاق هادي مش نهاية العالم الله يرزقك بزوجة صالحة ان شاء الله
تعرف يا صاحب المشكله انا اول مره اضحك دحك هستيري وانا باقرا مضشكله والى خلانى ادحك اكتر لما قلتى دى نصيحه للشباب انو يحسن الاختيار وينظر الى اهل زوجتو قبل ما ينظر للزوجه وان ينظر الى نسبة التدين والالتزام – هو انت سبت حاجه الا لما عملتها فى الخطوبه زنا وزنيت بوس وبوست احضان وحضنت وجاى تنصح الشباب هههههههههههههههههه طيب انت بتنصحهم يبوسو ولا ميبوسوش واختيار ايه الى انت بتقول عليه يابو الاختيار دانت من اول اسبوع بعت اهلك والى جابوك علشانها انا هقولك على حاجه يابو الفوارس يالى بتقدم نصايح ويارب ميتحذف من رسالتى ولا حرف __ تعرف البنت لما بتتجوز بتعمل ايه اول شهر بالنسبه للعريس بيكون شهر عسل طيب اول شهر للعروسه بيكون شهر اختبار للعريس ومفيهوش ريحة العسل طب ايه الدليل اول ليله بيكون العريس متلهف على العروسه حاسس انو ابو زيد الهلالى سلامه العروسه بتبتدى تتدلع عليه فى الصبحيه بتصحى العروسه من قبل الفجر تمسح البيت وتوضب غرفه النوم وتخلى البيت جنه العريس يصحى الضهر يتمطع وفارد طولو قال يعنى الواد فتح عكا ومفكر نفسو صلاح الدين العروسه بتاخد ام العريس بين احضانها وهات يابوس طبعا العريس مش فى دماغ امو يمر اسبوع على كده تانى اسبوع بئى الى هو بعد السابع العروسه تبتدى تصحى من النوم بعد انهار ميطلع بساعه يصحى العريس يروح شغلو يرجع بالليل يدخلو اوضه النوم تيجى بئى العروسه تقولو على فكره انا زعلانه من ماما يقولها ليه تقولو معرفش مكشره فى وشى ليه مع انى والله معملتلها حاجه عايزه تشوف رد فعلو ايه ماهو شهر اسود على امو اختبار صعب وبتقولو الحكايه دى امتى قبل النوم بخمس دقايق مثلا طب فى الحاله دى هيزعل من مين من الى هتنام معو بعد خمس دقايق ولا من امو طبعا امو بعدها بيوم العروسه تختلق مشكله مع الام وبيتعمل نفسها زعلانه من هنا بئى بتبتدى الحكايه مين الراجل الى هيعرف يدبر الامور صح الصح وميخليش حد يزعل من التانى هو ده الى هيعيش اسعد مخلوق فى الدنيا كلها لاكن الى يفضل واحده على التانيه يا نهارو اسود انت بئى يا شطور من اول اسبوع سقطت فى الاختبار وانفصلت عن اهلك وعرفت ازاى تمشيك على العجين متلخبطوش ____ لا والاغرب من كل ده حاجه مهمه اوى اوى اوى انك عرفت انها بتكلم واحد تانى والمصيبه ابتديت تسجل لها مكالمات دانت بتقول مكالمات يعنى مش من اول مكالمه دانت كنت مبسوط بصوتها بئى يانهار اسود وفين يا جدع الرجوله والشهامه الى تخليك مستنى لما تسمع زوجتك وهيه بتحكى عن كل اسراركو هو انت كنت فاكرها بتغنى رباعيه الخيام او قارئة الفنجان دى بتكلم واحد غيرك يا جدع والمشكل ان المكالمات كانت بتوصل للساعات ياناس حد يحوشنى والنبى عن الواد ده ساعات ايه يا جدع انت ياعم متحذفش ولا حرف الواد ده هيجنن امى يا جدع روح اطلب منها الطلاق ماهو اكيد العصمه فى ايدها دى طالق بالخمسميه مش بالتلاته ده لو عندك كرامه اصلا بس تعرف انا اشك ان انت هتطلقها وادى دقنى لو طلقتها يا راجل روح وانت طالق بالتلاته
سلام عليكم ورحمة الله أخي ، حقا آسفة عن هذا الذي يمر معك ..
أولا :بدي اسألك سؤال هو انتو لما تزوجتو استغفرتوا الله على العلاقة الحرام الي كنت تساووها .؟. حتى تبدأوا حياة في طاعة الله فيها تسخير … استغفر أخي وتب إلى الله وسيكون لك نعم الوكيل .
ثانيا اخي اختيارك كان سيء بدليل العلاقة الي كانت بينكم قبل الزواج ، وبدليل اتصالاتها عن حياتكم الشخصية مع حد غريب ..وآديك هلا تدفع ثمنه ها الخطأ
لذلك انت قيم الوضع بينك وبينها الآن ، يعني شوف مشاعرك أولا ، يعني إذا لساتك حاببها وبدك ظل معاها ، وحتى مشان الأولاد ، فإذا كنت لسا باقي عليها ، وذا طبعا أدا حسيت انها تغيرت وكمان بتحاول تصلح حالها وتستغفر على أخطاءها ، فردها أخي وراضيها وبتدو حياة جديد وحاول تقوي عزيمتك وتتغلب على عاداتك لان ضروري لإتمام حياتكم ، لأن ابغض الحلال عند الله الطلاق .
وان حاسس حالك ما تقدر تكمل معها نظرا لتعاملها ، وطباعها ، وما شايف أي محاولة منها لتحسين حياتكم ، فهنا خلص انفصلوا أحسن وربنا يعوض كل واحد فيكم بالأحسن ، اما عن بناتك أخي ربنا يحفظهم ، انفق عليهم وراعيهم ولو من بعيد .
باتمنالك التوفيق ، في رعاية الله
سلام عليكم ورحمة الله أخي ، حقا آسفة عن هذا الذي يمر معك ..
أولا :بدي اسألك سؤال هو انتو لما تزوجتو استغفرتوا الله على العلاقة الحرام الي كنت تساووها .؟. حتى تبدأوا حياة في طاعة الله فيها تسخير من جديد … استغفر أخي وتب إلى الله وسيكون لك نعم الوكيل .
ثانيا اخي اختيارك كان سيء بدليل العلاقة الي كانت بينكم قبل الزواج ، وبدليل اتصالاتها عن حياتكم الشخصية مع حد غريب ..وآديك هلا تدفع ثمن ها الخطأ
لذلك انت قيم الوضع بينك وبينها الآن ، يعني شوف مشاعرك أولا ، يعني إذا لساتك حاببها وبدك ظل معاها ، وحتى مشان الأولاد ، فإذا كنت لسا باقي عليها ، وذا طبعا حسيت انها تغيرت وكمان بتحاول تصلح حالها وتستغفر على أخطاءها ، فردها أخي وراضيها وبتدو حياة جديد وحاول تقوي عزيمتك وتتغلب على عاداتك لان ضروري لإتمام حياة سعيدة ان شاء الله ، لأن ابغض الحلال عند الله الطلاق .
وان حاسس حالك ما تقدر تكمل معها نظرا لتعاملها ، وطباعها ، وما شايف أي محاولة منها لتحسين حياتكم ، فهنا خلص انفصلوا أحسن وربنا يعوض كل واحد فيكم بالأحسن ، اما عن بناتك أخي ربنا يحفظهم ، انفق عليهم وراعيهم ولو من بعيد .
باتمنالك التوفيق ، في رعاية الله