مشاكل ليلة الدخله

توعية البنات عن ليلة الدخله في الزواج

السلام عليكم..اود ان اقترح عليكم مشكله هي ليست مشكلتي لوحدي بل مشكله مجتمعاتنا.لي قريبه سوف تتزوج قريبا وعندما تحدثت معها عن ليلة الدخله في الزواج قالت لي انا لا اتحدث في الواضيع ديه.لم اكن اتحدث معها كموضوع فضول او تسليه كنت بتكلم معاها عشان نفسي تستمتع باول يوم ليها ومتتفزعش او تتفاجئ في اول يوم ولما عرضت الموضوع ده علي امهاتنا.مامتها اتفجئت وقالتلي انتي بقيتي جريئه اوي وان محدش كان يعرف حاجه عن الوضوع ده وعدت وخلفنا كمان ولما حاولت افهمها ان كلامي ده لازم تعرفه كل بنت حتي قبل الزواج عشان اللي بتتعرضله البنات في الاتوبيسات والزنقات في وسط الرجاله ولما نحكلهم ان حصل حاجه يقولوا ده عيب اللي عمله الراجل ابعدي عن اي راجل وخلاص.واللي خلاني اذكر الموضوع ده ان بنت اتجوزت وكان زوجها مريض جنسيا وعاملها بابشع الطرق ولعدم معرفه البنت بمعني الزواج والجماع الحقيقي لم تتحدث البنت لامها وتفاجئوا انها مازالت عذراء بعد اشهر من الزواج.هذا ماشجعني للتحدث مع قريبتي وطلبت من امي ان تقوم بتوضيح الامر في حدود الدين والادب طبعا وبما يسمح به خجلنا كفتيات ولكن مامتها رفضت بشده وحسستني اني هعمل جريمه في بنتها بس بنتها الاصغر طلبت مني ان افهمها الامر فحاولت ان اشرح لها ما اعرفه فبدات بتركيب جسم المراه بحكم دراستي في كليه علميه والذي تفاجئت ان امهاتنا تجهله جهل تام…هل المراه هي بوتقه للحمل وخلاص ام انسانه لها مشاعر ولها الحق ان تكون سعيده وان تسعد شريك عمرها ؟لذلك اريد ان اعرف هل ما فعلته صحيح؟ام خرجت علي تقاليدنا وعن مبادئ الخجل؟

مشاكل وحلول ذات صلة

اضيف بتاريخ: Tuesday, April 5th, 2011 في 04:47

كلمات مشاكل وحلول: , , , , , , ,

23 رد to “توعية البنات عن ليلة الدخله في الزواج”

  1. ابواميرة
    22/04/2020 at 21:00

    اتفق مع -حلال المشاكل – وساحرالنساء – في كل ماذكروه لك فهو عين الصواب والراي الصحيح أتمنى انك تنقل لصاحبتك كلهذة الردود وتخليها تقراهم وتتعلم منهم اللي فيه الخير وصلاح حالها وربنا يؤفقكم ويسترعليكم ويسعدكم في هذي الحياة

  2. حلال المشاكل
    10/12/2014 at 07:34

    ليلةالدخلة هي ليلةالعمر لكل فتاةليلة زواجهامن الشاب اللي اختارهاشريكةحياته ولابدلكل البنات المقبلات على الزواج معرفت ماهي ليلةالدخلةوايه بيحصل فيها بين الاثنين وعلى كل الاباءوالامهات تعليم بناتهم واطلاعهم على اسرار وخفايا تلك الليلة وماذايجب ان تفعله البنت ف تلك الليلة دون خجل اواستحياء بدلا من تكن زي البهيمةماتعرفش حاجةويحصل لهاصدمةورعب رهيب من تصرفات الزوج معها لعدم اكتسابهاالمعرفةالكاقية عن هذي الليلة ومايحصل فيها ايضاالبنت يجب ان تكن ملمةبخفايا ليلةالدخلةوماذايجب عليها القيام به تجاه زوجها حتى تزيل الرهبةوالخوف عنها وتنعم بالسعادةوراحةالبال مع زوجها تقرا كتب عن هذةالليلةوتثقف نفسها وتطلع على اسرار تلك الليلة وتستفيدمنهافي حياتها الزوجية وتترك عنهاالخرافات والدجل والاكاذيب التي يروجوهاالاخرين عن ليلةالدخلة وانه العريس لازم يفض غشاءبكارةالزوجة باي طريقة عشان يثبت لاهله والاخرين رجولته وفحولته بل وصل بهم الجهل والتخلف انوبعضهم يذبح فرخة عندفراش الزوجة ويلطخ الفراش بالدم عشان يوهم الناس انه فض بكارةعروسه تلك الليلةاويضع الاهل كيس ملي بالتوت الاحمر زي البالون الصغير ويضعوه تحت فراش الزوجة ويفرقع الزوج البالون وينثره على جسدالعروسة ظنا منهم انه تم فض بكارتها وكلها خرافات وجهل وظلال ليست من الدين ولا الاعراف بشي بل تحطم الزوجةوتكرهها في الجماع مع الزوج وتخليها تتعقدمن حياتها والارتباط به المفروض عمله في تلك الليلة المباركة حسب ماجااءفي الشرع وحثناعليه رسولناالكريم على فعله ان يبدى العريسان بالدخول للغرفة برجليهمااليمنى ويقولا السلام عليكم ورحمةالله وبركاته تحية اهل الجنة ثم يجلسان لتناول طعام العشاءان لم يكوناتعشوافي الفرح وبعده يطلب الزوج من عروسه تغيير ملابسهما وان اردت الزوجة ان يخرج الزوج من الغرفة عشان تغير هي ملابسها فعليه بالاستجابة لطلبها لانها مكسوفة ومستحية والحياءمن شعب الايمان بعد مايغيرواملابسهما يقومان ويصليان ركعتين لله عزوجل شكروحمدلله على اتمامه زواجهما ويدعوان بان يرزقهما الله الخير وان يجنبهما الشيطان ويجنب الشيطان مارزقهماالله ويقضواليلتهم في كلام رومنسي ومشاعر جياشةوعواطف حارة من مداعبات لطيفةوقبلات حارةواثارة من الطرفين ولايستعجل الزوج الجماع مع عروسه بل عليه اطالة فترة المداعبات معها حتى تطمن له ويذهب عنها الخوف والرهبة وتحس بالامان والسكينة معه وليس شرط ان يفض بكارتها من اول ليلة يوجلها حتى الليلة الثانية اوالثالثة وسوف يجد زوجته هي من تاتي له وتبادر برغبتها في الجماع معه وتمكنه من نفسها حتى يفض بكارتها ويقضي حاجته الجنسية منها بكل حب ومودةواريحية وربي يسعدويهنى كل العرسان ويجمع بينهماعلى الخير

  3. ساحرالنساء
    18/10/2014 at 11:18

    حنافي زمن الانفتاح والتكلونجياالحديثة النت في كل بيت والجوال ووسائل الاتصالات في كل مكان اصبح من السهولة معرفة كل مايدور ويحصل في هالعالم الواسع ماتخافيش على صاحبتك دي هي ممكن تكون عبيطةشوية اوتمثل عليك انهاماتعرفش حاجة لكن صدقينى مافيش بنات اليوم الاوتعرف احسن منى ومنك في امورعديدة دافي بتات وعيال لسه في الابتدائية ويعرفوا الحب ومصاحبين بعض وتجديهم يغازلوابعض كانهم زي الكبار وفي غفلة من الاهل عنهم تتوقعين منهم ايه لمايكبروا ياستار احفظنا واسترعلينا وكل المسلمين في مرة كنت في زيارة لمستشفى وشاهدت بعينى شاب مراهق في 14سنة ومعه بنت اصغرمنه ويقبلون بعض بكل شهوة وجراءة وعندما قربت من الشاب ارتبك وحاول يمشي ولكنني اوقفته وقلته مش حرام عليك تعمل هذا ماتستحي وتخاف الله قبل خوفك من الناس قال ياعم انهاصديقتي واحبها وهي تحبنى ولااجد فرصة للقاهاالا هنا قلت اذا تقدم لااهلها وخطبها منهم حسب الاصول قال لكني مااقدرعلى الزواج منهاالان لاني صغير ولااجدالعمل ولازلت طالب في الثانوية واكيداهلي واهلها لن يوافقواحتى اخلص الجامعة واتوظف وقال اعاهدك الله ياعم انى توبت على يدك واني لن اعود لهذاابدا وادعولي انشاءالله جزاك الله كل الخير وانصرف هل هذا يرضى الله عنا وهل يرضيكم يااباءوامهات مايفعلونه ابناوكم وبناتكم وانتم في غفلة لاهئون عنهم ولاحول ولاقوة الابالله العظيم

  4. ساحرالنساء
    18/10/2014 at 10:55

    انت كلامك صح مليون مرة وتفكيرك سليم وصائب المفروض كل البنات تعرف الاشياءدي في حياتهن قبل الزواج والمسوولية تقع على الاباءوالامهات في المقام الاول لازم يعرفو بناتهم المقبلات على الزواج بامور الحياةالزوجية وطريقة التعامل مع الزوج ويعرفوهن الحلال من الحرام والصح من الغلط ومافيه خجل ولاعيب ان البنت تعرف الحاجات التي تخص حياتها الزوجية بدلا من ان تعرفها من احد غريب اوتقع في المحرمات والمعاصي لاسمح الله اوتلجا للمشاكل والخلافات مع زوجها وتودي للطلاق السريع بينهما على كل الاباءوالامهات ان يتقون الله في بناتهم ويحسنوا لهن التربيةوالرعاية ويصبرونهن بامور دينهن ودنياهن وايش الحلال وايش الحرام وماذ1ايفعلن مع ازواجهن ليلة الدخلة وكيفية التعامل معه في تلك الليلة وكيف تحافظ البنت على حياتهامع زوجها وتصون شرفه واسمه وبيته واولاده وتعرف تحافظ على اسراره الخاصةوتحفظه في غيابه وحضوره وماتسمحش لحد بدخول بيته الاباذنه وعلمه ولاتخرج هي من البيت الاباامره واذن منه وتحترم اهل زوجها وتحسن معاملتهالهم علشان زوجها يحبها اكثر ويسودالحب والالقةوالمودة حياتهما وتحرص على اسعادها وراحته وتهتم به طوال الفترة وتتعلم فن الطباخةان كنت لاتجيدها وتحضر لزوجها كل مايطلبه منها من طعام جاهز وملابس نظيفةوترتيب البيت والاعتناءبنفسها والتزين له كل وقت ولايشم منها الاكل ماهو جميل وحلو ولايشوف منها الاكل مايسعده ويرضيه وتترك عنها القيل والقال والكلام البذي والتعرض للناس في الكلام اوالاساءةلهم وتترك عنها الثرثرة والكلام الكثير فخيرالكلام ماقل ودل والسكوت من ذهب وتحافظ على اخلاقها وادابها واحترامهاله ولكل الناس وتخاف الله قبل كل شي في نفسها وفي زوجها وبيتها وتعطي الله حقوقه من العبادات والطاعات وبكذا تكون نعم الزوجةالصالحة التي يتمناها كل رجل مسلم ويتشرف بها ويفتخر بها امام كل الناس

  5. ملوكه ومنه
    11/09/2014 at 01:25

    المفروض يبقى فيه توعيه فى المثائل دى قبل الزواج علشان محدش يتظلم وانتى عندك حق انا بشتغل فى عيادة نساء وبقابل ناس كتير كده

  6. ابواميرة
    03/02/2013 at 11:42

    شوفي يابنتي الحلال ماحله الله والحرام ماحرمه الله وكلنابنغلط في الحياة ماحدش معصوم من الغلط لكن لابدان نعرف انوالاسلام شرع لنامبادي واسس لابدان نعمل بهاونحترمهامايصحش نتجاوزهااونتجاهلها زي الجنس بس في نطاق محدود مانتعمق فيه ولا نفتح عيون اطفالناالصغار عليه حتى يوصلوالسن البلوغ بعدكذامن حقهم يعرفوا الحاجات دي وسواءعرفوهامن الاهل اوالجامعة وممكن يعرفوهامن النت خلاص العالم اصبح قرية صغيرة من خلال وسايل الاتصالات الحديثةوالمتطورة وكل البنات في سن الزواج لابدان يعرفن طبيعة الحياةالجنسيةمن خلال الام العاقلةالمتعلمة اللي مفروض عليهاتوعية البنت للحاجات دي وتشرح لهاكل ماتجهله البنت من امورجنسيةولاحياءفي هذا وهي بتطبق كل ماسمعته اوفهمته من امهافي حياتهامع الزوج دون وجود مشاكل من الناحية دي والبنت الشاطرةهي اللي تقدرتسعد زوجهابماتعلمته في حياتهامن مواضيع جنسيةاواجتماعيةوغيرها واسال الله ان يوفق كل بناتناللخيروان يرزقهن الازواج الصالحين وان يسعدهن في حياتهن

  7. tota
    24/01/2013 at 12:31

    w ana raye zay banota

  8. munaliza
    19/12/2012 at 22:00

    انا رايي لو مكنتيش كلمتي اختهاالصغيره عن الموضوع دا كان احسن لان يمكن تفضل تفكر في الكلام وبعدين تعمل حاجه غلط لكن انك كنت عايزه تكلمي العروسه دي كان شيئ كويس منك

  9. حنوناا
    05/12/2012 at 14:46

    انا مش متجوزة ومن وجه نظري هاذي الاشياء نحن نعرفها بالفطرة وكمان مفروض اي بنت او شب يثقف نفسه قبل الزواج … وصاحبتك مش غايزة تتكلم عن هاذا الموضوع امكن لانها مستغنيه و عارفه كل حاجه اي انها ثقفت حالها من قبل

  10. محمد مكى
    30/12/2011 at 18:40

    لا بالعكس انتي صح وكلامك صح جدا ولكن مش من المفروض نعلم حد بالعافية انتي حاولتي تنوريها وتعليمها او ديها معلومة هية شافت ان الكلام دا اسفاف و عيب و الكلام دا خلاص
    وكمان الكلام في الموضوع دا بالنسبة لتقليدنا حساس جدا يعني لما اجي اتكلم في مع حد علاقتي مش كويسة او اول مرة لو متكلمتش معاه بالطريقة الصحيحة اللي هيشوفني فيها اني بكلمة بعلم وعايز انغعة . هيفتكر اني ان قليل الادب

  11. ملكة الاحزان؟؟؟؟؟
    24/08/2011 at 18:20

    بسم الله الرحمن الرحيم (السلام عليكم ورحمة الله وبركاته)(بصراحه انتى مش غلطانه خالص عرفه ليه لئنى انا اتافاجئة بلى بيحصل ومقولكيش بقى على حاصل فى بجد يعنى قربتك ده غلطانه المفرود توعى بانتها وتعرفه ولو حاجة بسيطه يعنى تلمح له على بيحصل والى المفرود تعرفها!! تعرفى احن عندنا بقى البنت متعرفش اى حاجه على الجواز الا قبل الفرح بيوم او يومين بكتير يعنى انا بقى دخلة وانا معرفش اى حاجه فى اى حاجه بس وربنا صعب اوى ان البنت تدخل كده على عماه ده كده مامتها بتظلمه والله يعنى ده المثل بيقول اسئل مجرب بس انتى عماتى الى عليك ؟؟؟؟وجزاكى الله عنه خير الجزاء

  12. rodooo
    17/08/2011 at 08:13

    انا شايفه من وجهة نظرى ان انتى عندك حق انتى بتفهميها والمواضيع دى مسيير اى بنت هتعرفها لما تكبر

  13. ميرو
    29/04/2011 at 03:52

    طبعا انتى كلامك صح وقصدك خير وربنايجزيكى خير ان شاء الله

  14. همس
    18/04/2011 at 14:16

    اللي سويتية صح وانتي سويتي اللي علللييييييييك ,,,,,,,,دعواتكم ,,,,,,

  15. كلام المجتمع
    14/04/2011 at 20:35

    ربنا يباركلك ياسارة ويحافظ علي اولادك بجد انتي ام مثاليه وهو ده الصح علشان كل واحد يحافظ علي نفسه

  16. عمر الساعى
    14/04/2011 at 11:01

    انتى عملتى الليى عليكى وانتى تتمنى شىء كلنا بناشد بية هو الثقافة وليست عن الجنس فقط بل فى امور كثيرة جدا

  17. mad
    12/04/2011 at 18:18

    لا بالعكس انتي صح وكلامك صح جدا ولكن مش من المفروض نعلم حد بالعافية انتي حاولتي تنوريها وتعليمها او ديها معلومة هية شافت ان الكلام دا اسفاف و عيب و الكلام دا خلاص
    وكمان الكلام في الموضوع دا بالنسبة لتقليدنا حساس جدا يعني لما اجي اتكلم في مع حد علاقتي مش كويسة او اول مرة لو متكلمتش معاه بالطريقة الصحيحة اللي هيشوفني فيها اني بكلمة بعلم وعايز انغعة . هيفتكر اني ان قليل الادب

  18. الجبل
    11/04/2011 at 11:53

    دى حاجات بالفطره خليها زى ماهيا ما اجمل الطبيعه فى كل شيئ تغور اللى السفاله يسموها حضاره لا الملتزم نافع ولا الصايع نافع .

  19. ساره
    09/04/2011 at 03:58

    بصي يا حبيبتي الغلط مش قريبتك ولا في امها الغلط انه اتعودنا انه موضوع الجنس ده حاجه ممنوع الاقتراب منها وعلشان كده نسبه الطلاق كبيره يمكن الطلاق قبل كان اقل بس النهارده في ايامنا دي وفي عصر التفتح الالكتروني بقت نظره الشباب للجنس بطريقه تانيه ..يعني قديما كان الجنس بس علشان يخلفو النهارده الشباب اكتر وعي بس البنات ممنوع تعرف حاجه بحكم تقاليدنا وكمان تدريس الجنس في المدارس بيكون بطريقه عابره مع العلم انه ده اساس حياتنا ولا حياء لا في الدين ولا في العلم..ولو عرف كل واحد تركيب جسمه هيقدر يحافظ عليه ويستمتع بيه ويعالجه وزي ما قولتي في بنات كتير مش عارفه تركيب جسمها او جهازها التناسلي تحديدا ولا تعرف تعتنى بيه ولا تعرف تعالجه ولا تعرف تستمع بيه لما تتجوز وده بسبب القيود والتكتم وحاجز الصمت حول الامور الجنسيه انا عندي بنات لسه صغيرين والاولاد لو سالو اي سؤال بجاوبهم علمتهم يسالوني اي سؤال يخطر على بالهم دلوقتي عندي بنتي الكبيره ربنا يستر عليها ويحميها لسه هتدخل في سن المراهقه مش هتصدقيني لو قلتلك انها بتكلمني باي حاجه واي موضوع واي تغير حساس في جسمها بتيجي تسالني وبجاوبها تصوري تسيب المدرسه وصديقاتها وتيجي تسالني ..ليه لاني عودتها من صغرها على الصراحه وعلى طول بفكرها اني مامتها اللي اكتر حد بيخاف بيخاف عليها واكتر حد بيحبها واقولها اي سؤال تيجي وتساليني وانا كمان بعرفها كل حاجه قبل ما تحصل بشويه..زي الدوره الشهريه حاليا بقولها انها بتحصل عند البنات في السن ده ولو حصلك ما تخافيش وتعالي قوليلي يعني مش عايزه اقلك هيا صريحه معايا اد ايه ولما تشوف حد بيبوس حد بتدور وشها وتقولي يا ماما ده حرام اقولها ايوا حرام لانهم مش متجوزين بس لو هم متجوزين بيبقى مش حرام وعلشان كده انا ببوس بابا لانه جوزي كده مش هتطلع معقده في المستبقل وهتكون بتحب جوزها ما نعقدش اولادنا ونخوفهم من الجنس ومن جسمهم وبعدها نيجي ونشتكي ونقول فلان بارد وفلانه بارده ودي مريضه ودي معقده واحنا نكون السبب

  20. أميرة القلوب
    07/04/2011 at 22:50

    هي غشيمة ولا بتغشم حالها؟ طبعا هي عارفة كل شئ لانه مفيش حد مايعرفش دي الحاجات وسيبيها باين عليها بتترسم عليكي

  21. اختك اللى خايفة عليكى
    07/04/2011 at 11:28

    والله انتى خلطتى لما اتكلمتى مع واحدة شكلها مش بتاعة تفاهم كان لازم عليكى انك قبل ما تتكلمى مع الشخص اللى قدامك تتدرسى شخصيتة الاول لو كان من النوع اللى بيقبل نصيحة ما تبخليش وبعدين الواضح عليها مش بتحب جوزها لانها مش بتفكر تسعده ازاى وكمان ممكن تكون بتترسم عليكى يعنى ممتها حكيالها كل حاجة وعايزة تبين ان بنتها على وش الجواز ولسة خجولة وممكن تكون البنت عارفة من صحبتها كل حاجة وبرضوا بتترسم عليكى وبتعيش عليكى الدور

  22. الواحد زهق
    06/04/2011 at 13:50

    هو صحيح بس خارج عن التقاليد سبيها علي ربنا والله زي ما بقولك كده وكله بيعدي

  23. Hoss
    06/04/2011 at 12:29

    صح بس إنما الأعمال بالنيات ، مش عايزين نفتح الموضوع ده ع البحري لدرجة إن أي واحد أو واحدة يفتي في الموضوع اللي مش متخصص مايتكلمش علشان بتوص لمصايب ، وممكن لو حد خايف على مصلحة التاني يكلمه بس بصورة عامة مش الأشياء اللي تجيب مشاكل

اترك رداً أو حلاً لهذه المشكلة