متجوزة من 9 سنين اطلقت مرتين وفاضلي الثالثة عندي 3 أطفال جوزي طبع صعب اووي عصبي واناني عشان كده كنت كل مره بفكر اطلق منه واعيش انا وولادي واربيهم لوحدي بصراحه من سنه ونص تقريبا قبل ما نطلق اخر مره اتخانقت معاه خناقه كبيره وطلقني وقتها الطلقة التانيه ماكنتش بشك فيه الأول خالص لكن دلوتي بدات اشك فيه تليفونه قافله باسورد مش بعرف عنه حاجه خالص طلبت اخر مره انه يفتحه رفض وكل ما أتكلم معاه يقولى انتى مريضة بالشك دايما اعد ماسك تليفونه اول ما يصحى من النوم يمسكه مش عارفه طبعا بيراسل مين حتى أيام الاجازة يعد اوقات طويلة سهران ودايما اتابعه على الفيس بوك والاقي انه اون لاين لوقت طويل كل ده ومش عاوزني اشك فيه ولا اساله ولو خدت تلفونه عشان اتصل منه يفضل واقف لحد ما اخلص وياخده مني تاني انا تعبت لاني نفسي اعرف اعمل ايه وارتاح من الانا فيه لاني مستحمله كل حاجه معاه خايفه الاقي عمري في الاخر ضاع على حد مايستهلش ارجوكم انا فعلا كده مريضة بالشك ولا انا ظلماه …
اختى الفاضلة لا تنزعجي نفسك بالشك انسى الأمر خالص بس غيري من نفسك ومعاملتك لزوجك وحافظي على هدوئك وانظري لحالك واجعله زوجك يحس بالتغيير في كل شيء في نفسك معاملة طيبة وحنان واهتمام بنفسك وجمالك دعيه لا ينظر لغيرك ولا يلتفت إلا لك كل يوم اخترعي شكل لك يكون مبهرا لزوجك صدقيني لن ينظر لغيرك
ربنا يحفظك ويحفظ بيتك وعيلتك
اختي تصرفات زوجك توحي بالشك والريبة ارى من الافضل انك تجلسي معه وتصارحيه بكل ماتعانين منه بكل هدوء وشفافية ودون زعيق اوصراخ اواهانات اوتجريح فان رفض ان يصارحك بشي فمن الاحسن ان تشركي احد من اهلك اوهله في الموضوع حتى يجدون لكما حل وترجعوا تعيشوا بسلام وطمانينة وراحة بال واستقرار في حياتكم الزوجية وانت اعطي زوجك الثقة وبلاش من الشكوك والظنون به وربي يسترعليكم ويوفقكم ويبعدكم عن المشاكل والخلافات في حياتكم الزوجية