السلام عليكم
ياريت محدش ينتقدنى لانى تعبانة اوى ونفسى ارتاح
من وانا عندى 18 سنة اتعرفت على شاب كان زميل واحدة صاحبتى وكنا فى الاول اصحاب وبعدين حبينا بعض وانا حبيتة اوى وفضلنا مع بعض 7 سنين كان هو كل حياتى اعتبرتة كل الناس وكل حاجة كنتة بحكيهالة وطلبت منه انة يتقدملى كتير بس كان بيقول ان الظروف متسمحش واتقدمتلى ناس كتيرة وكنت برفض عشانة وجة مرة اتقدملى واحد واهلى كانو مصرين علية وقولتلة اتقدملى وهو اتخلى عنى وسبتة وبعد 3 شهور رجعنا تانى وقالى ان كان غصب عنة والفترة اللى متكلمناش فيها كان بيكلم بنت لكنهم اصدقاء وفى يوم كان عندها مشكلة وراح عندها البيت عشان يحلها على كلامة اهلها لقيوه عندها وعملولو مشاكل وقالولو لازم تتجوزها يااما نتهمك بتهمة سرقة واهو اضطر انة يوافق وقرا فاتحة انا لما قالى نفسيتى تعبت وكنت هموت من الصدمة وسبتة واول واحد اتقدملى وافقت علية بس مش قادرة احبة وهو رجعلى تانى وحلفلى انه غصب عنه وانه ما يقدرش يعيش من غيرى قولتلة انا دلوقت مخطوبة قالى هحللك كل مشاكل ونرجع وفعلا صدقتة لانى لسة بحبة ومش قادرة احب خطيبى وعشان يتقدملى يبقى لازم افسخ خطوبتى وخطيبى انسان كويس بس انا مش عارفة احبة وتعبت قوى خايفة افسخ خطوبتي يكون بيلعب بيا وميجيش وخايفة اكمل مع خطيبى وانا مش بحبة وبكدة هظلمو اوى ياريت تسعدونى
مشاكل الحب والزواج
خايفة افسخ خطوبتي يكون بيلعب بي
اضيف بتاريخ: Monday, October 10th, 2016 في 15:55
كلمات مشاكل وحلول: بنت, شاب, مخطوبة
اكيد طبعا بيضحك عليكي ده انسان مستهتر واللي عاوز حد يعمل المستحيل علشان يوصل ليه نصيحه ليكي طلعيه من حياتك نهائيا وحاولي تتقربي من خطيبك لأن الحب ليس كلام ووعود فقط ولكنه مسؤليه وشهامه ورجوله في تنفيذها وليس الكذب والهروب والخذلان أنصحك بأن تبتعدي عنه نهائيا فهو انسان مستهتر لا يستاهلك أو يستاهل هذا الشعور الرقيق. .. ربنا يوفقك مع خطيبك الحالى أن شاء الله
من الحكاية كدة لازم تفسخي الخطوبة فالخطيب المسكين هينظلم
اما الحبيب روحي له وقولي له مصدقاك يا حبيبى لانكم مناسبين لبعض تماما وهو معروف هيعمل ايه بعد كده
نفس اللى عمله قبل كده
للاسف ضيعت عمرك علشان واحد سافل وحقير مايستاهل انك تفكري فيه خالص ازاي تصدقيه بعدكل اللي عمله فيك وبعدما عرفت حقيقته خلاص مافيش عندك تفكير ولامخ ولاكرامة وانت الان مخطوبة لشاب محترم وكويس واهلك موافقين عليه من الواجب انك تحافظ عليه وتقدري هذاالارتباط وماتفكري في الخيانة ابدا اياك والرجوع لهذالشاب المخادع الخاين واقطع علاقتك به نهاية وللابد وصدقينى الحب الحقيقي والصادق مايجي الابعد الزواج والشاب ده عمره مايتقدم لك او يقدرك زيما قلت يلعب بمشاعرك وعواطفك انت بكدا تظلمي روحك واهلك لو تركت خطيبك ومشيت وراء الكداب الخاين اللي بيتسلي بك ربنا يهديكي ويصلح حالكي ويسترعليكي