انا مشكلتي حاسة انو ما الها حل.
انا اتعرفت على شب و صرلنا 3 سنين مع بعض، هو غيرني و انا غيرتو، صرنا كل شي لبعض اخ و اخت حبيب و حبيبة و عيلة و قرايب.
هو فاتح امو و ابو اكتر من مره و اهلو رافضين لأسباب غير مقنعة، منها انو انا بنت مو منيحة او انا بعد عمر رح اتركو او انا وياه مو من نفس البلد، و اهلو رافضين اصلاً يتعرفو عليي.
انا عرفتو على كل اهلي، ماما و بابا و اخواني و رفقاتي.
فاتح أهلو بالموضوع اكتر من مره، مره من المرات خيرو بيني و بينهوم، ولما ما كان بدو يختار طلعو من البيت و هلا هو ساكن لحالو بس رجع أتصالح مع اهلو، و بعدين وقت فاتحون مره تانية حلف ابوه يمين انو يتبرا منو ليوم الدين اذا بدو يأخذني.
و انا اتقدملي شباب كتير و انا اصلاً ما كان بدّي اعرف اسميهوم او اي شي عنهوم و ارفض دغري مشانو، انا ما بدّي اي حدا غيرو و هو مابدو اتي وحدة غيري.
شو الحل؟؟؟؟
مشاكل الحب والزواج
ابو حبيبي حلف يتبرى منه اذا تزوجني
اضيف بتاريخ: Sunday, October 15th, 2017 في 11:35
كلمات مشاكل وحلول: الحب, الزواج, بنت, حب, زواج, شاب
يابنتي ربنا يهديك كيف ترضين على نفسك ان تتزوج منه واهله غير راضين عن زواجه منك لا الشرع ولا الاعراف ولا العادات تقبل بهذا كوني عاقلة وراضية بما قدره الله عليكما انت والشاب واتركيه حتى لايخسر اهله ويحصل بينهما قطيعة او خلافات لاتنتهي ابدا والزواج قسمة ونصيب يابنت الناس الف من يتمناكي واستحالة تلاقي السعادة معه اذا كانوا اهله غيرراضين بهذا الزواج ويكون مصيره الفشل والتعاسة تكلم مع الشاب وانهي علاقتك به وتمنى له الخير والسعادة في حياته واهتمي بنفسك وبرضا اهلك وربنا بيكرمك بابن الحلال اللي يستاهلك ويصونك ويسعدك طوال حياتك